மீன் குழம்பை மிஞ்சும் ருசி... வெண்டை சேர்த்து செய்து பாருங்க!

மீன்குழம்பு சுவையில் எப்படி சுவையாக வெண்டைக்காய் புளிக்குழம்பு செய்வது என்று பார்ப்போம். இது மதிய உணவுக்கு சுவையான ஒரு காம்பினேஷன் ஆகும்.

மீன்குழம்பு சுவையில் எப்படி சுவையாக வெண்டைக்காய் புளிக்குழம்பு செய்வது என்று பார்ப்போம். இது மதிய உணவுக்கு சுவையான ஒரு காம்பினேஷன் ஆகும்.

author-image
WebDesk
New Update
vendaikkai kuzhambu

புளிக்குழம்பு என்றாலே பலருக்கும் பிடித்த ஒரு உணவு. ஆனால், வெண்டைக்காய் சேர்த்து செய்யப்படும் இந்த புளிக்குழம்பு, அதன் சுவையால் மீன் குழம்பையும் மிஞ்சும் அளவுக்கு அற்புதமாக இருக்கும். இதை எப்படி செய்வது என்று காத்துவாக்குல சமையல் இன்ஸ்டா பக்கத்தில் கூறியிருப்பது பற்றி பார்க்கலாம். இந்த குழம்பு செய்யும்போதே வீடே மணக்கும் அளவிற்கு இருக்கும். மதிய நேரம் சாதம் போட்டு ஒரு பொறியலோடு சேர்த்து சாப்பிடும்போது சுவையாக இருக்கும்.

தேவையான பொருட்கள்: 

Advertisment

வெண்டைக்காய்  
எண்ணெய் 
வெந்தயம்
சோம்பு
சின்ன வெங்காயம்
பூண்டு பல்
பச்சை மிளகாய்
கறிவேப்பிலை
பழுத்த தக்காளி 
உப்பு
தனி மிளகாய் தூள்
குழம்பு மசாலா
புளி 
துருவிய தேங்காய்
சீரகம்

செய்முறை: 

முதலில், ஒரு கடாயில் சிறிது எண்ணெய் ஊற்றி, வெண்டைக்காயை நன்கு வதக்கி தனியே எடுத்து வைக்கவும். அதே கடாயில் மேலும் எண்ணெய் ஊற்றி, காய்ந்ததும் வெந்தயம் மற்றும் சோம்பு சேர்த்து தாளிக்கவும். பின்னர் சின்ன வெங்காயம், பூண்டு பற்கள், பச்சை மிளகாய், கருவேப்பிலை சேர்த்து பொன்னிறமாக வதக்கவும்.

அதனுடன் இரண்டு பழுத்த தக்காளியை சேர்த்து நன்கு மசிய வதக்கவும். தக்காளி வதங்கியதும், உப்பு, தனி மிளகாய் தூள், குழம்பு மசாலா சேர்த்து, எண்ணெய் பிரிந்து வரும் வரை நன்கு வதக்கவும். ஒரு எலுமிச்சை அளவு புளியை வெந்நீரில் ஊறவைத்து, கெட்டியாகக் கரைத்து, மசாலாவுடன் சேர்த்துக் கலக்கவும். ஒரு மிக்ஸர் ஜாரில், துருவிய தேங்காய், இரண்டு பல் பூண்டு, சீரகம், மீதமுள்ள சோம்பு (1/2 டீஸ்பூன்), மற்றும் ஒரு பழுத்த தக்காளி சேர்த்து நைஸாக அரைத்துக் கொள்ளவும்.

Advertisment
Advertisements

இந்த விழுதை சிறிதளவு தண்ணீர் சேர்த்து குழம்புடன் கலந்து கொதிக்க விடவும். குழம்பு ஒரு கொதி வந்ததும், வதக்கி வைத்த வெண்டைக்காயைச் சேர்த்து நன்கு கலந்து, ஐந்து நிமிடம் மூடி போட்டு வேக விடவும். ஐந்து நிமிடங்களுக்குப் பிறகு, அடுப்பை அணைத்து விடவும். சுவையான வெண்டைக்காய் புளிக்குழம்பு தயார்! இதை சூடான சாதத்துடன் பரிமாறலாம்.

Cooking Tips

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us: