கோடை வெயிலில் இருந்து தப்பிக்க; உடலை கூலாக வைக்க இந்த டிரிங்க்: வெங்கடேஷ் பட் ஸ்டைலில் இப்படி ரெடி பண்ணுங்க!

கோடை விடுமுறை தொடங்கிவிட்டதால், குழந்தைகளுக்கு விதவிதமான சிற்றுண்டிகளை செய்து கொடுப்பது இனி அன்றாட கடமையாகிவிடும். கடைகளில் கிடைக்கும் ஆரோக்கியமற்ற நொறுக்குத்தீனிகளைத் தவிர்த்து, வீட்டிலேயே சத்தான மற்றும் சுவையான ஸ்நாக்ஸ்களைத் தயாரிப்பது சிறந்தது. கேக், முறுக்கு, ஜூஸ், பர்பி என பல விருப்பங்கள் இருந்தாலும், குழந்தைகளுக்குப் பிடித்தமான ஒன்றைச் செய்வதுதான் உண்மையான சவால்.

இந்த கோடை வெப்பத்தை சமாளிக்க செஃப் வெங்கடேஷ் பட் ஒரு அருமையான பானகத்தை எப்படி செய்வது என்று தனது யூடியூப் பக்கத்தில் விளக்கியுள்ளார். இந்த பானத்தை தினமும் குடிப்பதன் மூலம் உடல் சூட்டை தணிக்க முடியும்.  

தேவையான பொருட்கள்: 
சர்க்கரை
இஞ்சி சாறு
எலுமிச்சை சாறு
குங்குமப்பூ
ஏலக்காய் பொடி
உப்பு
நாட்டு சர்க்கரை
ஐஸ் கட்டி 
ஜாதிக்காய்ப் பொடி

செய்முறை

முதலில், ஒரு மிக்ஸி ஜாரில் ஏலக்காய் மற்றும் சர்க்கரையை சேர்த்து நன்றாக அரைத்துக்கொள்ளவும். பின்னர், இந்த கலவையை ஒரு கிண்ணத்தில் போட்டு, அதனுடன் இஞ்சி சாறு மற்றும் எலுமிச்சை சாறு ஆகியவற்றை ஊற்றி நன்கு கலக்கவும். அடுத்து, ஜாதிக்காய்ப் பொடி, குங்குமப்பூ, ஒரு சிட்டிகை உப்பு மற்றும் சிறிது நாட்டு சர்க்கரை ஆகியவற்றைச் சேர்க்கவும். 

அனைத்து பொருட்களையும் தேவைக்கேற்ப குறைவாக சேர்ப்பது சுவையை மேம்படுத்தும். இறுதியாக, தேவையான அளவு தண்ணீர் மற்றும் ஐஸ் கட்டிகளைச் சேர்த்து நன்றாக கலக்கினால், சுவையான மற்றும் குளிர்ச்சியான பானகம் தயார்.

இந்த பானகம் கோடை வெயிலுக்கு இதமளிப்பது மட்டுமல்லாமல், இஞ்சி மற்றும் எலுமிச்சை சாறு இருப்பதால் செரிமானத்திற்கும் நல்லது. ஜாதிக்காய் மற்றும் ஏலக்காய் போன்ற நறுமணப் பொருட்கள் பானத்திற்கு ஒரு தனித்துவமான சுவையையும், குங்குமப்பூ ஒரு அழகான நிறத்தையும் அளிக்கிறது.

நாட்டு சர்க்கரை சேர்ப்பது கூடுதல் இனிப்பையும் ஆரோக்கியத்தையும் தரும். எனவே, இந்த கோடை விடுமுறையில் உங்கள் குழந்தைகளுக்கு இந்த ஆரோக்கியமான மற்றும் சுவையான பானகத்தை செய்து கொடுத்து மகிழுங்கள். தினமும் ஒரு கிளாஸ் இந்த பானகத்தை அருந்துவது அவர்களின் உடல் சூட்டை தணித்து, புத்துணர்ச்சியுடன் இருக்க உதவும்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.