இனி தூக்கம் வர கஷ்டப்பட வேண்டாம்... இரவில் 2 கிவி போதும்; 4 வாரத்தில் உடலில் நடக்கும் அதிசயத்தை பாருங்கள்

தினமும் படுக்கைக்கு முன் இரண்டு கிவிப் பழங்களை 4 வாரங்களுக்கு சாப்பிட்டால் என்ன நடக்கும் என்று எப்போதாவது யோசித்திருக்கிறீர்களா? 2023 ஆம் ஆண்டு அயர்லாந்தின் அட்லாண்டிக் தொழில்நுட்ப பல்கலைக்கழகம் டொனேகலில் நடத்தப்பட்ட ஒரு ஆய்வில், விளையாட்டு வீரர்கள் (ஓட்டப்பந்தய வீரர்கள் மற்றும் படகோட்டிகள், 26 வயது) நான்கு வாரங்களுக்கு படுக்கைக்கு ஒரு மணி நேரத்திற்கு முன்பு இரண்டு கிவிப் பழங்களை உட்கொள்வதனால் ஏற்படும் மாற்றங்களை பார்ப்போம்.

இந்த ஆய்வில் தூக்கத்தின் தரம் குறிப்பிடத்தக்க அளவில் மேம்பட்டது கண்டறியப்பட்டது, அவற்றுள் சில முக்கியமானவற்றை பார்ப்போம்.

1. முதலில் விழித்திருக்கும் நேரம் 47 சதவீதம் குறைந்தது
2. இரவு நேர விழிப்புகள் 27 சதவீதம் குறைந்தது
3. மொத்த தூக்கம் 1 மணி நேரம் அதிகரித்தது
4. காலையில் அதிக விழிப்புணர்வு மற்றும் சோர்வு குறைந்தது
5. தூக்கத்தின் திறன் 86 சதவீதத்தில் இருந்து 93 சதவீதமாக அதிகரித்தது.

கிவி ஏன் தூக்கத்தை மேம்படுத்தும் என்று ஆராய்ந்தது குறித்து ஊட்டச்சத்து நிபுணர் கரிமா கோயல், கிவியை "அற்புதமான தூக்கப் பழம்" என்று கூறுகிறார். ஏனெனில் இதில் தூக்கத்தை ஒழுங்குபடுத்துவதில் பங்கு வகிக்கும் பல ஊட்டச்சத்துக்கள் உள்ளன.

அதிக செரோடோனின் உள்ளடக்கம்:

செரோடோனின் அதிகம் உள்ள சில பழங்களில் கிவியும் ஒன்று. செரோடோனின் என்பது மனநிலை, தளர்வு மற்றும் தூக்க சுழற்சிகளை ஒழுங்குபடுத்தும் ஒரு நரம்பியக்கடத்தி ஆகும். "செரோடோனின் மெலடோனினுக்கு முன்னோடியாகும், இது தூக்கத்தைத் தூண்டும் ஹார்மோன் ஆகும். குறைந்த செரோடோனின் அளவு தூக்கமின்மை, தூங்குவதில் சிரமம் மற்றும் மோசமான தூக்கத்தின் தரத்துடன் தொடர்புடையது" என்று கோயல் கூறினார்.

கிவி இயற்கையாகவே செரோடோனின் அளவை அதிகரிப்பதன் மூலம் உடலின் உள் கடிகாரத்தை ஒழுங்குபடுத்த உதவலாம்.

இந்த செய்தியை ஆங்கிலத்தில் படிக்க க்ளிக் செய்யவும்.

ஆன்டிஆக்சிடன்ட் பண்புகள்

கிவியில் ஆன்டிஆக்சிடன்ட்கள், குறிப்பாக வைட்டமின் சி மற்றும் பாலிஃபீனால்கள் நிறைந்துள்ளன. இவை ஆக்சிஜனேற்ற அழுத்தம் மற்றும் வீக்கத்தை எதிர்த்துப் போராட உதவுகின்றன. "ஆக்சிஜனேற்ற அழுத்தம் தூக்க முறைகளை எதிர்மறையாக பாதிக்கும் என்றும், இதனால் தூக்கம் தடைபடுவது மற்றும் தூக்கமின்மை ஏற்படும் என்றும் ஆய்வுகள் காட்டுகின்றன. கிவியில் உள்ள அதிக ஆன்டிஆக்சிடன்ட் உள்ளடக்கம் ஒட்டுமொத்த தூக்கத்தின் தரத்தை மேம்படுத்தலாம்" என்று கோயல் கூறினார்.  

ஃபோலேட் மற்றும் தூக்க ஒழுங்குமுறை

கிவி ஃபோலேட்டின் நல்ல மூலமாகும், இது மூளை செயல்பாடு மற்றும் நரம்பியக்கடத்தி செயல்பாட்டில் பங்கு வகிக்கும் ஒரு வைட்டமின் பி ஆகும். "ஃபோலேட் குறைபாடு தூக்கமின்மை, கால் வலிப்பு நோய் மற்றும் தூக்கத்தை பராமரிப்பதில் சிரமம் ஆகியவற்றுடன் தொடர்புடையது. கிவி போன்ற ஃபோலேட் நிறைந்த உணவுகளை உட்கொள்வது தூக்கக் கலக்கங்களைத் தடுக்க உதவும்" என்று கோயல் கூறினார். 

கிவி சத்தான, குறைந்த கலோரி கொண்ட பழமாகும், இது தூக்கத்தை மேம்படுத்தும் சாத்தியக்கூறுகளைக் கொண்டுள்ளது. "இருப்பினும், இது தூக்கப் பிரச்சினைகளுக்கு ஒரு தனித்த தீர்வாகக் கருதப்படக்கூடாது. உங்களுக்கு தூங்குவதில் சிரமம் இருந்தால், உங்கள் இரவு நேர வழக்கத்தில் கிவியை சேர்த்துக்கொள்வது முயற்சி செய்து பார்க்கத்தக்கது" என்று கோயல் கூறினார். 

ஆனால் முறையான தூக்க பழக்கம் முக்கியம்

1. ஒழுக்கமான தூக்க அட்டவணையை பராமரித்தல்
2. படுக்கைக்கு முன் திரை நேரத்தை குறைத்தல்
3. இரவில் காஃபின் மற்றும் கனமான உணவுகளைத் தவிர்ப்பது
4. நிதானமான தூக்க நேர வழக்கத்தை உருவாக்குதல்

தூங்குவதில் சிரமம் உள்ளவர்களுக்கு, சீரான உணவில் கிவியை சேர்ப்பது பாதுகாப்பானதாகவும் சத்தானதாகவும் இருக்கலாம், ஆனால் நாள்பட்ட தூக்கமின்மை அல்லது தூக்கக் கோளாறுகள் உள்ளவர்கள் ஒரு விரிவான அணுகுமுறைக்கு சுகாதார நிபுணரை அணுக வேண்டும்.