தினமும் தயிர் சாப்பிடுறீங்களா? நீரிழிவு வாய்ப்பு உங்களுக்கு இத்தனை சதவீதம் குறைவு பாஸ்!

தயிர் குறைந்த கிளைசெமிக் குறியீட்டைக் கொண்டுள்ளது மற்றும் தயிர் அதிகமாக உட்கொள்வது டைப் 2 நீரிழிவை குறைக்கும் என்று பல ஆய்வுக் கட்டுரைகளில் கூறப்பட்டுள்ளது என்று திருவனந்தபுரம் ஜோதிதேவ் நீரிழிவு மற்றும் ஆராய்ச்சி மைய மருத்துவர் கீது சலன் கூறினார்.

தயிர் குறைந்த கிளைசெமிக் குறியீட்டைக் கொண்டுள்ளது மற்றும் தயிர் அதிகமாக உட்கொள்வது டைப் 2 நீரிழிவை குறைக்கும் என்று பல ஆய்வுக் கட்டுரைகளில் கூறப்பட்டுள்ளது என்று திருவனந்தபுரம் ஜோதிதேவ் நீரிழிவு மற்றும் ஆராய்ச்சி மைய மருத்துவர் கீது சலன் கூறினார்.

author-image
WebDesk
புதுப்பிக்கப்பட்டது
New Update
தினமும் தயிர் சாப்பிடுறீங்களா? நீரிழிவு வாய்ப்பு உங்களுக்கு இத்தனை சதவீதம் குறைவு பாஸ்!

தயிர் குளிர்ச்சி தரும், கோடைகாலத்தில் மோர் செய்து குடிப்பர். தயிர் சரும பராமரிப்புக்கும் பயன்படுத்துவர். தயிர் பலவித நன்மைகளை கொண்டுள்ளது. அந்தவகையில், நீரிழிவு பாதிப்பையும் குறைப்பதாக நிபுணர்கள் கூறுகின்றனர்.

Advertisment

பாலில் எலுமிச்சை சாறு, வினிகர் போன்ற உண்ணக்கூடிய அமிலப் பொருட்களைச் சேர்த்து தயிர் செய்வதன் மூலமோ அல்லது லாக்டிக் அமில பாக்டீரியா அல்லது லாக்டோபாகிலஸை உருவாக்கும் முன்பு தயாரிக்கப்பட்ட தயிரில் இருந்து பால் புளிக்கவைப்பதன் மூலமோ தயாரிக்கப்படுகிறது.

தயிரில் புரதங்கள், கால்சியம் மற்றும் பிற நுண்ணூட்டச்சத்துக்கள் நிறைந்துள்ளன. ஜீரணிக்கவும் எளிதானது. சுமார் 100 மில்லி தயிர் 3 கிராம் புரதம், 4 கிராம் கார்போஹைட்ரேட் மற்றும் 65 கலோரிகளை தருகிறது. எனவே இது அதிக நிறைவுற்ற மதிப்பைக் கொண்டுள்ளது. கிளைசெமிக் குறியீட்டு எண் 14, நீரிழிவு நோயாளிகளுக்கு தயிர் ஒரு சிறந்த தேர்வாகும். மசாலா தயிர், மோர், ரைதாஸ் மற்றும் ஸ்மூத்திகள் என பல வழிகளில் இதை உணவில் சேர்க்கலாம்.

தயிர் குளுக்கோஸ் வளர்சிதை மாற்றத்தை எவ்வாறு பாதிக்கிறது?

Advertisment
Advertisements

புளித்த பால் பொருட்கள் குறிப்பாக தயிர் குளுக்கோஸ் வளர்சிதை மாற்றத்துடன் தொடர்புடையது. தயிர் குளுக்கோஸ் வளர்சிதை மாற்றத்தை மாற்றக்கூடிய புரோபயாடிக் விளைவுகளைக் கொண்டுள்ளது. பலர் புரோபயாடிக் தயிர் சாப்பிடும் போது, ​​சில ஆராய்ச்சிகள் நீரிழிவு நோயாளிகளுக்கு இரத்த சர்க்கரை அளவை மேம்படுத்துவதில் மிகவும் பயனுள்ளதாக இல்லை என்று கூறுகின்றன. கிரீம் இல்லாமல், கொழுப்பு இல்லாத தயிர் சாப்பிடுவது நல்லது.

ஹார்வர்ட் ஸ்கூல் ஆஃப் பப்ளிக் ஹெல்த் (HSPH) ஆராய்ச்சியாளர்கள் தலைமையிலான ஆய்வில், தயிர் அதிகமாக உட்கொள்வது டைப் 2 நீரிழிவு நோயின் அபாயத்தைக் குறைப்பதாகக் கண்டறியப்பட்டுள்ளது. அதே ஆய்வில், மற்ற பால் வகைகளும் இதேபோன்ற பாதுகாப்பை வழங்குவதாகக் கண்டறியப்படவில்லை.

3 நீண்டகால ஆய்வுகள் 1,00,000க்கும் மேற்பட்டவர்களிடம் மேற்கொள்ளப்பட்டது. இதிலிருந்து சுகாதார தரவுகள் கண்டறியப்பட்டதில், தினசரி தயிர் சாப்பிடுவது டைப் 2 நீரிழிவு நோய் 18 சதவிகிதம் குறைப்பதாக ஆராய்ச்சியாளர்கள் கண்டறிந்தனர்.

தயிர் குறிப்பாக இதய ஆரோக்கியத்திற்கு நல்லது என்று ஆய்வுகள் தெரிவிக்கின்றன. ரத்த அழுத்தம், கொலஸ்ட்ரால் அளவுகளை தயிர் நிர்வகிக்க உதவுகிறது. தொடர்ந்து தயிர் சாப்பிட்டு வர எடை அதிகரிக்க விரும்புவோருக்கு பயன் அளிக்கிறது. தயிர் சாப்பிடுவது உடல் எடை அதிகரிக்க உதவுகிறது என ஆராய்ச்சிகள் கூறுகின்றன.

லாக்டோஸ் இன்டாலரன்ஸ்

லாக்டோஸ் இன்டாலரன்ஸ் உள்ளவர்கள் பால் பொருட்கள் போன்ற லாக்டோஸ் கொண்ட உணவுகளை தவிர்க்கலாம். இருப்பினும், இது அனைத்து பால் பொருட்களுக்கும் ஏற்படும் எனக் கூறமுடியாது. பாலை விட மோர், தயிர் எளிதாக ஜீரணிக்க முடிகிறது. புளித்த பால் பொருட்கள் மற்றும் புரோபயாடிக்குகள் பெருங்குடல் நுண்ணுயிரிகளின் வளர்சிதை மாற்ற செயல்பாடுகளை மேம்படுத்துகிறது. மேலும்,
லாக்டோஸ் இன்டாலரன்ஸ் அறிகுறிகளை போக்கலாம் என்று கூறப்படுகிறது என்று மருத்துவர் கீது சலன் கூறினார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us: