காலனிகால ஐ.சி.பி அகற்றம்; புதிய சட்டம் இன்று முதல் அமல்: 5 முக்கிய அம்சங்கள்!

இந்திய தண்டனைச் சட்டம் உட்பட பிரிட்டிஷ் காலத்துச் சட்டங்களின் முழு தொகுப்பையும் மாற்றியமைக்கும் மூன்று புதிய குற்றவியல் சட்டங்கள் இன்று (ஜூலை 1, 2024) முதல் அமலுக்கு வந்துள்ளது.

1. பாரதிய நியாய சன்ஹிதா, பாரதிய நாகரிக் சுரக்ஷா சன்ஹிதா மற்றும் பாரதிய சாக்ஷ்ய ஆதினியம் ஆகியவை இந்திய தண்டனைச் சட்டம், குற்றவியல் நடைமுறைச் சட்டம் மற்றும் இந்திய சாட்சியச் சட்டம் ஆகியவற்றுக்குப் பதிலாக இருக்கும்.
2. விரைவான நீதியை உறுதி செய்வதற்கும், நிகழும் குற்றங்களின் புதிய வடிவங்களுக்கும் சட்டங்கள் மாற்றப்பட்டுள்ளன என்று அரசாங்கம் கூறியுள்ளது. இதில், விசாரணை முடிந்து 45 நாட்களுக்குள் தீர்ப்புகள் வரும்.
3. அதிகார வரம்பைப் பொருட்படுத்தாமல், எந்தவொரு காவல் நிலையத்திலும் ஜீரோ எஃப்ஐஆர் பதிவு செய்ய புதிய சட்டங்கள் அனுமதிக்கும்; போலீஸ் புகார்களை ஆன்லைனில் பதிவு செய்யவும், சம்மன்களை மின்னணு முறையில் அனுப்பவும் இது அனுமதிக்கும்.
4. அனைத்து கொடூரமான குற்றங்களுக்கும் குற்றக் காட்சிகளை வீடியோகிராஃபி கட்டாயமாக்குகிறார்கள். சம்மன்களை மின்னணு முறையில் வழங்கலாம், சட்ட செயல்முறைகளை விரைவுபடுத்தலாம்.
5. ஜூலை 1 முதல் புதிய குற்றவியல் சட்டத்தை அமல்படுத்த காங்கிரஸ் உள்ளிட்ட எதிர்க்கட்சிகள் எதிர்ப்பு தெரிவித்துள்ளன. அவற்றை அமல்படுத்துவதற்கு முன் கூடுதல் ஆலோசனை தேவை என்று தெரிவித்துள்ளன.

"இந்தச் சட்டங்கள் நமது சமூகத்திற்கு ஒரு முக்கியமான தருணத்தைக் குறிக்கின்றன, ஏனெனில் குற்றவியல் சட்டத்தைப் போல நமது சமூகத்தின் அன்றாட நடத்தையை எந்தச் சட்டமும் பாதிக்காது" என்று இந்திய தலைமை நீதிபதி டி.ஒய்.சந்திரசூட் கூறியுள்ளார். இதற்கிடையில், “அவசரமாக நிறைவேற்றப்பட்ட” சட்டங்களை அமல்படுத்துவதை ஒத்திவைக்குமாறு பிரதமர் நரேந்திர மோடியை மேற்கு வங்க முதல்வர் மம்தா பானர்ஜி வலியுறுத்தியுள்ளார். பாராளுமன்றம், அவற்றை மீண்டும் மறுபரிசீலனை செய்யலாம் என்று அவர் கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“