பீகாரில் 37 குழந்தைகள் உட்பட 43 பேர் மரணம்; புனித நீராடலின் போது நிகழ்ந்த சோகம்

பீகாரில் நடந்த ‘ஜிவித்புத்ரிகா’ திருவிழாவின் போது ஆறுகள் மற்றும் குளங்களில் புனித நீராடும்போது வெவ்வேறு சம்பவங்களில் 37 குழந்தைகள் உட்பட 43 பேர் நீரில் மூழ்கி உயிரிழந்தனர் மற்றும் மூன்று பேர் காணாமல் போயுள்ளனர் என்று மாநில அரசு வியாழக்கிழமை தெரிவித்துள்ளது.

ஆங்கிலத்தில் படிக்க: 43 die, 3 missing while taking holy dip during ‘Jivitputrika’ festival in 15 Bihar districts

புதன்கிழமை நடைபெற்ற திருவிழாவின் போது மாநிலத்தின் 15 மாவட்டங்களில் இந்த சம்பவங்கள் நடந்தன.

'ஜிவித்புத்ரிகா' திருவிழாவின் போது, பெண்கள் தங்கள் குழந்தைகளின் நலனுக்காக விரதம் இருப்பார்கள், பின்னர் இருவரும் புனித நீராடுகிறார்கள்.

“இதுவரை மொத்தம் 43 உடல்கள் மீட்கப்பட்டுள்ளன. மேலும் தேடுதல் பணி நடைபெற்று வருகிறது” என்று பேரிடர் மேலாண்மை துறை வெளியிட்டுள்ள அறிக்கையில் கூறப்பட்டுள்ளது.

உயிரிழந்தவர்களின் உறவினர்களுக்கு 4 லட்சம் ரூபாய் நிவாரணம் வழங்கப்படும் என முதல்வர் நிதிஷ்குமார் அறிவித்துள்ளார்.

நிவாரணம் வழங்குவதற்கான செயல்முறை தொடங்கியுள்ளது மற்றும் இறந்த எட்டு பேரின் குடும்ப உறுப்பினர்கள் ஏற்கனவே அதைப் பெற்றுள்ளனர் என்று அறிக்கையில் தெரிவிக்கப்பட்டுள்ளது.

“கிழக்கு மற்றும் மேற்கு சம்பரான், நாளந்தா, ஔரங்காபாத், கைமூர், பக்சர், சிவான், ரோஹ்தாஸ், சரண், பாட்னா, வைஷாலி, முசாபர்பூர், சமஸ்திபூர், கோபால்கஞ்ச் மற்றும் அர்வால் மாவட்டங்களில் நீரில் மூழ்கும் சம்பவங்கள் பதிவாகியுள்ளன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“