ஒரே நாளில் 82.7 லட்சம் டோஸ்; தடுப்பூசி செலுத்துவதில் புதிய சாதனை

82.7 lakh jabbed in one day: New phase of vaccination kicks in with Central procurement: மையப்படுத்தப்பட்ட தடுப்பூசி கொள்முதல், ஒரே நாளில் 82.7 லட்சம் பேருக்கு தடுப்பூசி செலுத்தி சாதனை

கொரோனா தடுப்பூசிகளின் மையப்படுத்தப்பட்ட கொள்முதல் மற்றும் விநியோகத்தை இந்தியா கையில் எடுத்ததன் காரணமாக, ​​திங்கள் கிழமையன்று ஒரே நாளில் 82.70 லட்சம் தடுப்பூசிகள் செலுத்தப்பட்டுள்ளது. ஜனவரி 16 ஆம் தேதி தடுப்பூசி இயக்கம் தொடங்கப்பட்டதிலிருந்து ஒரு நாள் தடுப்பூசி செலுத்தும் அளவுகளில் இது ஒரு சாதனையாகும்.

திங்கள்கிழமை முதல் நடைமுறைக்கு வந்த அரசாங்கத்தின் புதிய தடுப்பூசி கொள்கையின் கீழ், மத்திய அரசு 75 சதவீத தடுப்பூசி பங்குகளை திறந்த சந்தையில் இருந்து வாங்கி மாநிலங்களுக்கு விநியோகிக்கிறது. இதன் காரணமாக 18 வயது அல்லது அதற்கு மேற்பட்ட அனைவருக்கும் அரசு தடுப்பூசி மையங்களில் இலவசமாக தடுப்பூசி வழங்கப்படும் .

மீதமுள்ள 25 சதவீதம் தனியார் மருத்துவமனைகள் மற்றும் தடுப்பூசி மையங்களுக்கானது. அங்கு தடுப்பூசிகளுக்கு கட்டணம் வசூலிப்பதோடு ரூ .150 சேவை கட்டணமாகவும் வசூலிக்கப்படும்.

“தடுப்பூசி எண்ணிக்கையில் இன்று படைத்த சாதனை மகிழ்ச்சியளிக்கிறது. கொரோனாவை எதிர்த்துப் போராடுவதற்கான எங்கள் வலிமையான ஆயுதமாக தடுப்பூசி உள்ளது. பொது மக்களுக்கு தடுப்பூசி கிடைப்பதை உறுதிப்படுத்த கடுமையாக உழைக்கும் அனைத்து முன்னணி வீரர்களுக்கும்  மற்றும் தடுப்பூசி பெற்றவர்களுக்கும் வாழ்த்துக்கள். வெல்டன் இந்தியா” என்று பிரதமர் நரேந்திர மோடி ஒரு ட்வீட்டில் தெரிவித்துள்ளார்.

திங்கள்கிழமையன்று தடுப்பூசி எண்ணிக்கையை அதிகரித்தற்கு இரண்டு முக்கிய காரணங்கள் இருந்தன, புதிய வழிகாட்டுதல்கள் நடைமுறைக்கு வந்தபின் மாநிலங்களுக்கு தடுப்பூசி வழங்கல் அதிகரித்துள்ளது, மற்றும் இலவச தடுப்பூசி தளங்களின் எண்ணிக்கை அதிகரித்துள்ளது என இந்த தடுப்பூசி பணிகளைக் கண்காணிக்கும் உயர் அரசு வட்டாரங்கள் தி இந்தியன் எக்ஸ்பிரஸிடம் கூறியன.

“முதலில், 18 வயதுக்கு மேற்பட்ட எந்தவொரு குடிமகனுக்கும் இலவசமாக தடுப்பூசி போட மாநிலங்களுக்கு 2.95 கோடி டோஸ் கொடுத்தோம். இரண்டாவதாக, மாநிலங்களால் பயன்படுத்தப்பட்ட திறன்கள் மிகப்பெரியவை. 80,000 க்கும் மேற்பட்ட அரசு தடுப்பூசி மையங்கள் இன்று செயல்பட்டு வருகின்றன, ”என்று ஒரு உயர் வட்டாரம் தெரிவித்துள்ளது.

தடுப்பூசி எண்களின் அதிகரிப்பு தடுப்பூசிகள் “கிடைக்கும் கட்டமைப்பிற்குள்” இருக்க வேண்டும் என்று அதிகாரிகள் தெரிவித்தனர்.

சீரம் இன்ஸ்டிடியூட் ஆப் இந்தியா (எஸ்ஐஐ) மற்றும் பாரத் பயோடெக் ஆகியவை தங்கள் உற்பத்தி வசதிகளில் திறனை அதிகரிப்பதன் விளைவாக, தடுப்பூசிகள் கிடைப்பது மே மாதத்தில் சுமார் 7.5 கோடியிலிருந்து ஜூன் இறுதிக்குள் 12 கோடி டோஸைத் தொடும் என்று இந்தியன் எக்ஸ்பிரஸ் ஞாயிற்றுக்கிழமை செய்தி வெளியிட்டிருந்தது. ஜூலை மாதத்தில் சுமார் 13.5 கோடி அளவுகள் கிடைக்கும்.

“மாநிலங்களுக்கான தடுப்பூசி விநியோகம் நெறிப்படுத்தப்பட்டுள்ளன. தடுப்பூசி பெறுபவர்களை ’18 -44 வயதினர் ’மற்றும் ’45 வயது மற்றும் அதற்கு மேற்பட்டவர்கள்’ என வகைப்படுத்துதல் தற்போது இல்லை. நீங்கள் இனி தடுப்பூசி பெற முன்கூட்டியே பதிவு செய்யத் தேவையில்லை என்பது அனைவருக்கும் தெரியும். தடுப்பூசி மையங்களில் நேரடி பதிவை அதிக எண்ணிக்கையிலான மக்கள் பயன்படுத்துகின்றனர், ”என்று ஒரு அதிகாரி கூறினார்.

இருப்பினும், திங்கட்கிழமை வழங்கப்பட்ட தடுப்பூசி அளவுகள் தினசரி இருக்கும் என்று எதிர்பார்க்கப்படுவதில்லை. ஜூலை மாதத்தில் தடுப்பூசி வழங்கல் அதிகரிப்பதன் மூலம், மாநிலங்கள் ஒரு நாளைக்கு சராசரியாக 45 லட்சம் டோஸ்களை வழங்கும் என்று மத்திய அரசு எதிர்பார்க்கிறது என்று வட்டாரங்கள் தெரிவித்தன.

“மாநிலங்கள் இப்போது சராசரியாக ஒரு நாளைக்கு சுமார் 45 லட்சம் தடுப்பூசிகளை வழங்கி வருகின்றன. பின்வரும் நாட்களில் மாநிலங்கள் 60-70 லட்சம் தடுப்பூசிகளை வழங்கக்கூடிய நிலை வரலாம். ஏனென்றால் தடுப்பூசி கிடைப்பதில் சிக்கல் இருப்பதாக தெரியவில்லை” என்று அந்த அதிகாரி கூறினார்.

முதற்கட்ட அதிகாரப்பூர்வ புள்ளிவிவரங்கள் திங்கள்கிழமையன்று நாடு முழுவதும் மொத்தம் 82,70,191 டோஸ் வழங்கப்பட்டதாகக் காட்டுகின்றன.

இந்த அளவுகளில் பாதிக்கும் மேற்பட்டவை மத்திய பிரதேசம் (16.01 லட்சம்), கர்நாடகா (10.86 லட்சம்), உத்தரப்பிரதேசம் (6.90 லட்சம்), குஜராத் (5.05 லட்சம்) மற்றும் பீகார் (4.88 லட்சம்) ஆகிய ஐந்து மாநிலங்களில் வழங்கப்பட்டன.

மேலும் ஹரியானா 4.80 லட்சம் அளவையும், ராஜஸ்தான், 4.35 லட்சத்தையும் வழங்கியது.

அடுத்ததாக மகாராஷ்டிரா (3.80 லட்சம்), தமிழ்நாடு (3.41 லட்சம்), அஸ்ஸாம் (3.39 லட்சம்), மேற்கு வங்கம் (3.21 லட்சம்), ஒடிசா (2.86 லட்சம்), கேரளா (2.62 லட்சம்).

தடுப்பூசிக்கான நிதி, கொள்முதல் மற்றும் தளவாடங்களை நிர்வகிப்பது கடினம் என்று பல மாநிலங்கள் கூறியதைத் தொடர்ந்து மத்திய அரசு தடுப்பூசி வழிகாட்டுதல்களை மாற்றியது.

தடுப்பூசி விநியோகத்தின் 30 நாள் விநியோக முறை முன்கூட்டியே தெரிவுசெய்யப்படுவதால் தடுப்பூசி எண்ணிக்கையில் நிலையான அதிகரிப்பு இருக்கும் என்று மத்திய அரசு எதிர்பார்ப்பதாக வட்டாரங்கள் தெரிவித்தன.

“ஜூலை மாதத்தில் எவ்வளவு தடுப்பூசிகள் கிடைக்கும் என்பது அனைத்து மாநிலங்களுக்கும் தெரியும். ஞாயிற்றுக்கிழமை அவர்களுக்கு முறையான தெரிவுநிலை கிடைத்துள்ளது. அதற்கேற்ப மாநிலங்கள் திட்டமிடும், ”என்று ஒரு வட்டாரம் தெரிவித்துள்ளது. புதிய வழிகாட்டுதல்களின்படி, கிடைக்கக்கூடிய அளவுகளின் எண்ணிக்கையை மத்திய அரசு முன்கூட்டியே தெரிவிக்கும், மேலும் மாநிலங்கள் இந்த தகவல்களை மாவட்ட மற்றும் தடுப்பூசி மையத்தின் மட்டங்களில் பொது களத்தில் வைக்க வேண்டும், மேலும் அதை பரவலாக பரப்ப வேண்டும்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and India news here. You can also read all the India news by following us on Twitter, Facebook and Telegram.

Web Title: 82 7 lakh jabbed in one day new phase of vaccination kicks in with central procurement

Next Story
பிரதமர் ஆலோசனை கூட்டத்தில் பங்கேற்காத முன்னாள் தலைமை செயலாளர்; ஓய்வூதியத்தை நிறுத்த நடவடிக்கை
The moderation of comments is automated and not cleared manually by tamil.indianexpress.com
Best of Express