வெளிநாட்டில் படிக்க விரும்பும் ‘புதிய நோய்’ உருவாகியுள்ளது; துணை ஜனாதிபதி ஜக்தீப் தன்கர்

Hamza Khan

துணை ஜனாதிபதி ஜக்தீப் தன்கர் சனிக்கிழமையன்று, மாணவர்கள் வெளிநாடு சென்று படிக்கும் போக்கை "புதிய நோய்" என்று கூறினார். கல்வியின் வணிகமயமாக்கல் அதன் தரத்தை மோசமாக பாதிக்கிறது என்றும், "கல்வியை வணிக மனப்பான்மையிலிருந்து காப்பாற்ற வேண்டிய அவசியம் உள்ளது" என்றும் ஜக்தீப் தன்கர் கூறினார்.

ஆங்கிலத்தில் படிக்க: ‘A new disease’: Dhankhar on students going abroad to study

ராஜஸ்தானின் சிகாரில் சோபாசாரியா குழும நிறுவனங்களின் வெள்ளி விழா கொண்டாட்டங்களில் உரையாற்றிய ஜக்தீப் தன்கர், “குழந்தைகளே, நான் உங்களிடம் கூறுகிறேன், மற்றொரு புதிய நோய் உள்ளது, வெளிநாடு சென்று படிப்பது. வெளிநாட்டில் படிக்க பெற்றோருக்கு கவுன்சிலிங் கிடைப்பதில்லை. குழந்தைகள் ஆர்வத்துடன் செல்ல விரும்புகின்றனர். குழந்தைகள் ஒரு புதிய கனவைக் காண்கின்றனர், அங்கு சென்றவுடன் சொர்க்கம் கிடைக்கும் என்று உணர்கின்றனர். எந்த நிறுவனத்துக்குப் போகிறார், எந்த நாட்டுக்குப் போகிறார் என்று எந்த மதிப்பீடும் இல்லை, நான் வெளிநாடு செல்ல வேண்டும் என்ற குருட்டுப் பாதைதான் இருக்கிறது. நீங்கள் ஆச்சரியப்படுவீர்கள், 18 முதல் 25 வயதுக்குட்பட்ட சிறுவர் சிறுமிகள் விளம்பரங்களால் பாதிக்கப்படுகிறார்கள். 2024ல் 13 லட்சம் மாணவர்கள் வெளிநாடு சென்றனர். அவர்களின் எதிர்காலம் என்னவாகும் என்று மதிப்பிடப்பட்டு வருகிறது,” என்று ஜக்தீப் தன்கர் கூறினார்.

”இது நாட்டிற்கு சுமையாக இருக்கிறது, அவர்கள் நமது அந்நிய செலாவணியில் 6 பில்லியன் அமெரிக்க டாலர் இழப்பை உருவாக்கியுள்ளனர். இந்த 6 பில்லியன் அமெரிக்க டாலர்கள் இங்குள்ள கல்வி நிறுவனங்களின் உள்கட்டமைப்பை மேம்படுத்துவதற்காக செலவிடப்பட்டால், நமது நிலை என்னவாகியிருக்கும் என்று கற்பனை செய்து பாருங்கள். இதில் அதிக கவனம் செலுத்தப்பட்டு வருகிறது. இது அன்னியச் செலாவணி இழப்பு” என்று ஜக்தீப் தன்கர் கூறினார்.

"இது அந்நிய செலாவணி வடிகால், இது மூளை வடிகால், இது நடக்கக்கூடாது. வெளிநாட்டு நிலைமைகளைப் பற்றி மாணவர்களுக்குத் தெரியப்படுத்துவது நிறுவனங்களின் பொறுப்பாகும். நீங்கள் சேர்க்கை பெறும் கல்வி நிறுவனத்தின் தரவரிசை என்ன, அதன் நிலை என்ன என்பதை அவர்களிடம் சொல்லுங்கள். இதனுடன், திறமையானவர்களை சமுதாயத்திற்கு அளிக்கும் நோக்கத்துடன், அந்தக் கொள்கையின் அடிப்படையில், தூய்மையான மனதுடன், 2 மற்றும் 3 ஆம் கட்ட நகரங்களிலும், கிராமப்புறங்களிலும் நிறுவனங்களை உருவாக்க வேண்டும் என்ற மிகப் பெரிய புரட்சிகரமான நடவடிக்கையை நாம் எடுக்க வேண்டும். இது நாட்டிற்கு ஒரு பெரிய மாற்றமாக இருக்கும்,” என்று ஜக்தீப் தன்கர் கூறினார்.

“தொண்டு வேலையாக ஆரம்பித்தது இப்போது வணிகமாக மாறியதை நான் சுற்றிலும் பார்க்கிறேன். கல்வி வணிகமாக மாறுவது தேசத்தின் எதிர்காலத்திற்கு நல்லதல்ல. கல்வி என்பது வருமான ஆதாரமாக இருக்கவில்லை என்றும், ஆரோக்கியமான சமுதாயத்தை உருவாக்க தியாகம் மற்றும் தொண்டு செய்யும் ஊடகம் என்றும் கூறிய ஜக்தீப் தன்கர், இன்று அது லாபத்திற்காக விற்கப்படும் பொருளாக மாறிவிட்டது, இதனால் அதன் தரம் மோசமாக பாதிக்கப்படுகிறது என்றும் கூறினார்.
“சில சந்தர்ப்பங்களில், இது மிரட்டி பணம் பறிக்கும் வடிவத்தையும் எடுக்கிறது. இது கவலைக்குரிய விஷயம்,'' என்றார்.

"கல்வி நிறுவனங்கள் நிதி ரீதியாக நிலையானதாக இருக்க வேண்டும் என்றாலும், அவற்றை அவ்வப்போது வளர்ப்பது தொழில்துறையின் பொறுப்பாகும். நிறுவனங்களை உருவாக்க மற்றும் புதிய படிப்புகளுக்கு நிதியளிக்க கார்ப்பரேட் நிறுவனங்கள் தங்கள் சி.எஸ்.ஆர் நிதியை தாராளமாக பயன்படுத்த வேண்டும். இது தேசத்தின் முன்னேற்றத்திற்கு உதவும்” என்று ஜக்தீப் தன்கர் கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“