ஆம் ஆத்மி எம்.பி ஸ்வாதி மாலிவாலுக்கு கால், கன்னத்தில் காயங்கள்; எய்ம்ஸ் அறிக்கை

Ankita Upadhyay

ஆம் ஆத்மி கட்சியின் ராஜ்யசபா எம்.பி ஸ்வாதி மாலிவால் மீதான தாக்குதல் சர்ச்சையை மேலும் வலுப்படுத்தும் வகையில், டெல்லியில் உள்ள அகில இந்திய மருத்துவ அறிவியல் கழகத்தின் (எய்ம்ஸ்) மருத்துவ அறிக்கையில் அவருக்கு இடது தொடை மற்றும் வலது கன்னம், அதாவது கண்ணுக்கு கீழே காயங்கள் ஏற்பட்டுள்ளதாக தெரிவிக்கப்பட்டுள்ளது.

ஆங்கிலத்தில் படிக்க: ‘AAP MP Swati Maliwal had bruises on cheek, leg’: AIIMS report

டெல்லி முதல்வர் அரவிந்த் கெஜ்ரிவாலின் தனிப்பட்ட செயலாளர் பிபவ் குமாரால் திங்கள்கிழமை முதல்வரின் அதிகாரப்பூர்வ இல்லத்தில் தாக்கப்பட்டதாக ஸ்வாதி மாலிவால் அளித்த புகாரின் அடிப்படையில் போலீஸார் வழக்குப் பதிவு செய்த சில மணி நேரங்களுக்குப் பிறகு, வியாழக்கிழமை ஸ்வாதி மாலிவாலுக்கு மருத்துவப் பரிசோதனை செய்யப்பட்டது.

தற்போது டெல்லி போலீசார் பிபவ் குமாரை கைது செய்துள்ளனர், விரைவில் திஸ் ஹசாரி நீதிமன்றத்தில் அவரை ஆஜர்படுத்துவார்கள்.

சனிக்கிழமையன்று வெளிவந்த டெல்லி எய்ம்ஸில் உள்ள ஸ்வாதி மாலிவாலின் நோயாளி அறிக்கையின்படி, ஸ்வாதி மாலிவாலுக்கு வெளியில் தெரியும்படியான இரண்டு காயங்கள் இருந்தன.

"ஸ்வாதி மாலிவாலுக்கு தோராயமாக 3×2 செமீ அளவுள்ள இடது காலின் பின் பகுதியில் காயங்கள் இருந்தன, வலது கண்ணுக்குக் கீழே வலது கன்னத்தில் தோராயமாக 2×2 செமீ அளவுள்ள காயம் இருந்தது" என்று அறிக்கை கூறியது.

தன்னை பலமுறை அறைந்ததாகவும், பின்னர் தள்ளப்பட்டதாகவும், அவரது தலை கடினமான பொருளில் மோதியதாகவும் அந்த அறிக்கையில் குறிப்பிடப்பட்டுள்ளது. "அவர் தரையில் விழுந்தார், அதன் பிறகு அவர் மார்பு, வயிறு மற்றும் இடுப்புக்கு மேல் கால்களில் பலமுறை அடிக்கப்பட்டுள்ளது" என்று அறிக்கை கூறியது.

டெல்லி முதல்வர் அரவிந்த் கெஜ்ரிவாலை அவரது இல்லத்தில் சந்திக்கச் சென்றபோது, தான் தாக்கப்பட்டதாக திங்கள்கிழமை காவல் கட்டுப்பாட்டு அறைக்கு அளித்த தகவலில் ஸ்வாதி மாலிவால் குற்றம் சாட்டினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“