மக்களவை பாதுகாப்பு மீறல்: நன்கு திட்டமிடல், வெவ்வேறு ரயில்களில் பயணம்- ஃபேஸ்புக்கில் சந்திப்பு!

lok-sabha  | அவர்கள் நாட்டின் பல்வேறு பகுதிகளைச் சேர்ந்தவர்களாக இருந்தபோது, புதன்கிழமை நாடாளுமன்ற பாதுகாப்பு மீறலுக்காக கைது செய்யப்பட்ட நால்வரும் சுமார் ஒன்றரை ஆண்டுகளுக்கு முன்பு பேஸ்புக்கில் சந்தித்தனர்.

மேலும், பகத் சிங்கின் பெயரிடப்பட்ட குழுவின் ஒரு பகுதியாக இருந்ததாக டெல்லி போலீஸ் வட்டாரங்கள் தெரிவிக்கின்றன.

தலைமறைவாக உள்ள ஐந்தாவது குற்றவாளியான லலித் ஜா, சம்பவத்தின் போது இன்ஸ்டாகிராமில் நேரலையில் இருந்துள்ளார். கைது செய்யப்பட்டவர்களில் நீலம் ஆசாத் மற்றும் அமோல் ஷிண்டே ஆகிய இருவர் பாராளுமன்றத்திற்கு வெளியே நடந்த போராட்டத்தின் வீடியோ கிளிப்பை வெளியிட்டுள்ளனர்.

லோக்சபா அறைக்குள் குதித்த மனோரஞ்சன், சாகர் ஷர்மாவுடன் ஆசாத் மற்றும் ஷிண்டே ஆகியோர் மூன்று நாட்களுக்கு முன்பு தனித்தனியாக வெவ்வேறு ரயில்களில் டெல்லிக்கு வந்ததாக போலீஸ் வட்டாரங்கள் தெரிவிக்கின்றன.

மேலும், "அவர்கள் ஜாவை சந்தித்தனர், அவர் அவர்களை குர்கானில் உள்ள அவரது நண்பர் விக்கியின் வீட்டிற்கு அழைத்துச் சென்றார்" என்று போலீஸ் வட்டாரங்கள் கூறுகின்றன.

போலீஸ் வட்டாரங்களின்படி, குற்றம் சாட்டப்பட்டவர் ஜனவரி மாதத்தில் பாதுகாப்பு மீறலைத் திட்டமிடத் தொடங்கினார், மேலும் மனோரஞ்சன் மழைக்கால கூட்டத்தொடரின் போது நாடாளுமன்ற வளாகத்திற்குச் சென்றபோது ஒரு ஒத்திகை கூட நடத்தினார்.

விசாரணையின் போது, தற்போதைய அரசாங்கத்தின் செயல்பாடுகளில் தாங்கள் மகிழ்ச்சியடையவில்லை என்றும், மணிப்பூர், விவசாயிகளின் போராட்டம் மற்றும் பணவீக்கம் தொடர்பான செய்தியை நாட்டுக்கு அனுப்ப விரும்புவதாகவும் அவர்கள் கூறியுள்ளனர்.

தொடர்ந்து, ஷாஹீத் பகத் சிங்கைப் போலவே தாங்களும் ஒரு செய்தியை அனுப்ப விரும்புவதாகக் கூறி, நாடாளுமன்றத்திற்குச் செல்ல முடிவு செய்துள்ளனர்.

"சில நாட்களுக்கு முன்பு, மனோரஞ்சன் தனது உள்ளூர் எம்.பி.யான நாடாளுமன்ற உறுப்பினர் பிரதாப் சிம்ஹாவின் தனிப்பட்ட ஊழியர்களை ஒருங்கிணைத்து, டிசம்பர் 14 ஆம் தேதிக்கான பார்வையாளர் அனுமதிச் சீட்டை பெற்றுள்ளார்.

ஊழியர்கள் செவ்வாய்கிழமை அவரை அழைத்து, பாஸ் எடுக்க கூறியுள்ளனர். அவர் அதற்குப் பதிலாக டிசம்பர் 13ஆம் தேதிக்கு எடுத்துள்ளார்.

தொடர்ந்து, அவர்கள் இன்று காலை விக்கியின் வீட்டில் இருந்து ரேடியோ டாக்சியில் புறப்பட்டு நாடாளுமன்றத்தை அடைந்துள்ளனர்.

பாராளுமன்றத்தை அடைந்ததும், மனோரஞ்சனும் சர்மாவும் உள்ளே சென்றனர், ஜா, ஆசாத் மற்றும் ஷிண்டே ஆகியோர் வெளியே காத்திருந்தனர் என்று வட்டாரங்கள் தெரிவித்தன.

"கைது செய்யப்பட்ட நான்கு பேரும் பாராளுமன்ற தெரு காவல் நிலையத்திற்கு அழைத்துச் செல்லப்பட்டுள்ளனர், அங்கு அவர்கள் புலனாய்வு அமைப்புகளின் அதிகாரிகள் மற்றும் டெல்லி காவல்துறையினரால் விசாரிக்கப்பட்டனர். அவர்களுக்கு எதிராக எஃப்.ஐ.ஆர் பதிவு செய்வதற்கு முன் சட்ட ஆலோசனை கேட்கப்பட்டுள்ளது” என்று வட்டாரங்கள் தெரிவித்தன.

ஆங்கிலத்தில் வாசிக்க : Accused met on Facebook, plan hatched in Jan, one did a recce in monsoon session: Police

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“