மராட்டிய மாநிலம் மும்பை செம்பூரில் உள்ள ஆச்சார்யா & மராத்தே கல்லூரி மாணவர்கள் ஸ்போர்ட்ஸ் ஜீன்ஸ் மற்றும் டி-ஷர்ட் அணிந்து கல்லூரிக்குள் நுழைய அனுமதி மறுக்கப்பட்டது.
கடந்த ஆண்டு வெளியிட்ட ஹிஜாப் மற்றும் பிற மத அடையாளங்களை தடை செய்யும் நிறுவனத்தின் ஆடைக் குறியீட்டை எதிர்த்து கல்லூரி மாணவர்கள் தாக்கல் செய்த மனுவை மும்பை உயர் நீதிமன்றம் தள்ளுபடி செய்த சில நாட்களுக்குப் பிறகு, ஜீன்ஸ் மற்றும் டி-சர்ட்டை தடை செய்யும் புதிய ஆடைக் குறியீட்டை கல்லூரி வெளியிட்டுள்ளது.
ஜூன் 27 தேதியிட்ட "ஆடைக் கட்டுப்பாடு மற்றும் பிற விதிகள்" என்ற தலைப்பில் கல்லூரியின் அறிவிப்பின்படி, கிழிந்த ஜீன்ஸ், டி-சர்ட்கள், வெளிப்படும் ஆடைகள் மற்றும் ஜெர்சிகள் அனுமதிக்கப்படாது எனக் கூறப்பட்டுள்ளது.
கல்லூரி முதல்வர் டாக்டர் வித்யாகௌரி லெலே கையெழுத்திட்ட நோட்டீசில், “மாணவர்கள் வளாகத்தில் இருக்கும்போது முறையான மற்றும் கண்ணியமான ஆடைகளை அணிய வேண்டும்.
அவர்கள் அரை சட்டை அல்லது முழு-சட்டை மற்றும் கால்சட்டை அணியலாம். பெண்கள் இந்திய அல்லது மேற்கத்திய ஆடைகளை அணியலாம். மதம் அல்லது கலாச்சார வேறுபாட்டைக் காட்டும் எந்த உடையையும் மாணவர்கள் அணியக் கூடாது.
ஹிஜாப், புர்கா, ஸ்டோல், தொப்பி, பேட்ஜ் போன்றவை தரை தளத்தில் உள்ள பொதுவான அறைகளுக்குச் சென்று அகற்றப்பட வேண்டும்” எனத் தெரிவிக்கப்பட்டு இருந்தது.
கல்லூரி முதல்வர் டாக்டர் லெலே கூறுகையில், ''மாணவர்கள் கண்ணியமான ஆடைகளை அணிய வேண்டும் என விரும்புகிறோம். நாங்கள் எந்த சீருடையையும் கொண்டு வரவில்லை, ஆனால் முறையான இந்திய அல்லது மேற்கத்திய ஆடைகளை அணியுமாறு கேட்டுக் கொண்டுள்ளோம். எல்லாவற்றிற்கும் மேலாக, அவர்கள் பணியமர்த்தப்பட்டவுடன் அவற்றை அணிவார்கள் என்று எதிர்பார்க்கப்படுகிறது.
மாணவர் சேர்க்கையின் போது ஆடைக் குறியீடு மாணவர்களுக்குத் தெரிவிக்கப்பட்டதாகவும், இப்போது அவர்கள் ஏன் அதைப் பற்றி கவலைப்பட வேண்டும் என்று தன்னால் புரிந்துகொள்ள முடியவில்லை என்றும் டாக்டர் லெலே கூறினார்.
கடந்த கல்வி அமர்வில், கல்லூரி ஜூனியர் கல்லூரிப் பிரிவைச் சேர்ந்த மாணவர்களுக்கு சீருடைகளை அறிமுகப்படுத்தியது, இது மற்ற மத அடையாளங்களில் ஹிஜாப்பை தடை செய்தது. வாசலில் நுழைந்தவுடன் கல்லூரியில் ஒரு குறிப்பிட்ட இடத்தில் ஹிஜாப் அல்லது நிகாபை அகற்றுமாறு மாணவர்கள் கேட்கப்பட்டனர்.
இந்த தடையை எதிர்த்து 9 மாணவர்கள் மும்பை உயர்நீதிமன்றத்தில் வழக்கு தொடர்ந்தனர். ஆனால் அவர்களின் கோரிக்கை கடந்த மாதம் உயர் நீதிமன்றத்தால் தள்ளுபடி செய்யப்பட்டது.
மே மாதத்தில், செம்பூர் கல்லூரி அதன் பட்டப்படிப்புக் கல்லூரிப் பிரிவைச் சேர்ந்த மாணவர்களுக்கான ஆடைக் குறியீட்டை வழங்குவதற்கான நடவடிக்கைகள் இருந்தன. அதில், பர்கா, நிகாப், ஹிஜாப் அல்லது பேட்ஜ்கள், தொப்பிகள் போன்ற எந்த மத அடையாளங்களும் இருக்க கூடாது எனத் தெரிவிக்கப்பட்டது குறிப்பிடத்தக்கது.
ஆங்கிலத்தில் வாசிக்க : After hijab, now Mumbai college bans jeans, T-shirt
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“