கடந்த 6 மாத காலமாக இந்திய வரலாற்று ஆராய்ச்சி கவுன்சிலின் ஊழியர்கள் ஒவ்வொரு நாள் காலையிலும் தேசிய கீதம் பாடினர்.
மேலும் பாரத மாதா மற்றும் ஜனசங்கத்தின் முன்னாள் தலைவர் தீன்தயாள் உபாத்யாயா ஆகியோரின் படங்களும் செயலாளர் உமேஷ் கடமின் அலுவலகம் மற்றும் ICHR மாநாட்டு அறையை அலங்கரித்தன.
இந்த நிலையில், கீதம் பாடுவது வெள்ளிக்கிழமை நிறுத்தப்பட்டது. மேலும், இரண்டு அறைகளிலிருந்தும் இரண்டு படங்களும் அகற்றப்பட்டன.
இது குறித்து, ICHR தலைவர் ரகுவேந்திர தன்வார், “தேசிய கீதம் பாடப்படாததை உறுதிப்படுத்தினார்.
இது தொடர்பாக மூத்த அதிகாரி ஒருவர் கூறுகையில், “தேசிய கீதம் பாடுவது கடந்த செப்டம்பரில் வாய்மொழி உத்தரவின் அடிப்படையில் தொடங்கப்பட்டு இன்றும், வாய்மொழி உத்தரவின் பேரில் நிறுத்தப்பட்டது.
பாரத மாதா மற்றும் உபாத்யாயாவின் படங்களை அகற்ற எழுத்துப்பூர்வ உத்தரவு எதுவும் இல்லை, ஆனால் அவை இன்று இரண்டு இடங்களிலிருந்தும் அகற்றப்பட்டுள்ளன.
முன்னதாக, இரண்டு அறைகளிலும், பாரத மாதா மற்றும் உபாத்யாயாவின் படங்கள் ஜனாதிபதி திரௌபதி முர்மு மற்றும் பிரதமர் நரேந்திர மோடியின் படங்களுடன் சுவரில் இருந்ததாக வட்டாரங்கள் தெரிவித்தன.
பாரத மாதா மற்றும் உபாத்யாயாவின் படங்களைப் பற்றி கேட்டதற்கு, கதம் என்பவர் தி இந்தியன் எக்ஸ்பிரஸ்ஸிடம் கூறுகையில், “இந்த படங்களை வைக்க எழுத்துப்பூர்வ உத்தரவு எதுவும் இல்லை. மக்கள் வந்து இதுபோன்ற விஷயங்களை வழங்குகிறார்கள், நாங்கள் அவற்றை பொருத்தமான இடத்தில் நிறுவுகிறோம்” என்றார்.
ஐசிஎச்ஆர் நூலகத்திற்கு முன்பாக ஒவ்வொரு நாளும் காலை 10 மணிக்கு ஊழியர்களால் தேசிய கீதம் பாடப்பட்டதாகத் தெரிகிறது. “இது பணியாளர்களால் தானாக முன்வந்து நிகழ்த்தப்பட்டது” என்று கதம் கூறினார்.
கடந்த ஆண்டு ஆகஸ்ட் 11 ஆம் தேதி கதம் ஐசிஎச்ஆரில் சேர்ந்த பிறகு கீதம் பாடத் தொடங்கியது என்று வட்டாரங்கள் தெரிவித்தன.
தலைவர் தன்வாரைத் தொடர்பு கொண்டபோது, “படங்கள் மற்றும் தேசிய கீதத்திற்கு முறையான அனுமதி இல்லை என்பது உண்மைதான்.
ஆனால், படங்களை அகற்றியதில் அல்லது தேசிய கீதத்தை நிறுத்தியதில் எனக்கு எந்த பங்கும் இல்லை. பிப்ரவரி 10 முதல் நான் ICHR அலுவலகத்திற்கு செல்லவில்லை” என்றார்.
தன்வார் மேலும் கூறுகையில், “ஐசிஎச்ஆர் ஒரு பிரிவு அல்லாத அமைப்பு. அதன் புனிதத்தை நாம் பேண வேண்டும்” என்றார்.
கதம் சமீபத்தில் டெல்லியின் ஜவஹர்லால் நேரு பல்கலைக்கழகத்தில் பேராசிரியராக (தலைவர் இடைக்கால இந்திய வரலாறு) மாணவர் நலன் பீடாதிபதியாகவும் இருந்துள்ளார்.
குருக்ஷேத்ராவின் குருக்ஷேத்ரா பல்கலைக்கழகத்தின் எமரிட்டஸ் பேராசிரியர் தன்வார், கடந்த ஆண்டு ஜனவரி மாதம் ICHR இன் தலைவராக பரிந்துரைக்கப்பட்டார்.
அவரது சமீபத்திய படைப்பான “The Story of India’s Partition” 2021 இல் இந்திய அரசால் ஆங்கிலம் மற்றும் இந்தியில் வெளியிடப்பட்டது.
மார்ச் 1972 இல் நிறுவப்பட்ட, ICHR இன் முதன்மை நோக்கம், அதன் பணி அறிக்கையின்படி, வரலாற்றின் புறநிலை மற்றும் அறிவியல் எழுத்தை வளர்ப்பதே ஆகும்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil/
