எம்.எல்.ஏ.,க்கள் ஆதரவு எனக்கே - அஜித் பவார்; மக்கள் என்னுடன் உள்ளனர் - சரத் பவார்

Alok Deshpande 

சிவசேனா கட்சியைக் கைப்பற்ற உத்தவ் தாக்கரே மற்றும் ஏக்நாத் ஷிண்டே இடையேயான அதிகாரப் போட்டியின் தொடர்ச்சியாக இப்போது பார்க்கப்படுவது, அஜித் பவாருக்குப் பிறகு தேசியவாத காங்கிரஸ் கட்சியை (NCP) கட்டுப்படுத்த பவார் குடும்பம் முயலும் நிலையில், அக்கட்சியின் தலைவர் சரத் பவாரின் அண்ணன் மகன் அஜித் பவார், ஞாயிற்றுக்கிழமை மீண்டும் கிளர்ச்சி செய்து மகாராஷ்டிர துணை முதல்வராக பதவியேற்றார்.

மேலும் 8 தேசியவாத காங்கிரஸ் கட்சி எம்.எல்.ஏ.,க்களும் அமைச்சர்களாக பதவியேற்றனர்.

இதையும் படியுங்கள்: அஜித் கிளர்ச்சி பேரிடி: நிதானம் இழக்காத சரத் பவார்

எவ்வாறாயினும், NCP தலைவர் சரத் பவார், சட்டப் பாதையில் செல்வதை விட, மக்கள் நீதிமன்றத்திற்கு போரை எடுத்துச் செல்ல முனைகிறார்.

53 எம்.எல்.ஏ.க்களில் அனைத்து எம்.எல்.ஏ.க்களின் ஆதரவும் தனக்கு இருப்பதாக அஜித் பவார் கூறிய நிலையில், ஞாயிற்றுக்கிழமை பிற்பகல் ராஜ்பவனில் அவர் பதவியேற்றபோது 16 அல்லது 17 எம்.எல்.ஏ.,க்கள் மட்டுமே உடன் இருந்தனர்.

அதிரடி நடவடிக்கையில் இறங்கிய என்.சி.பி தலைவர் சரத் பவார் தனது நம்பிக்கைக்குரிய உதவியாளரான ஜிதேந்திரா அவாத்தை மாநில சட்டசபையின் புதிய எதிர்க்கட்சித் தலைவராக நியமித்தார். ஜிதேந்திரா அவாத் இப்போது சபையில் NCP கட்சியின் தலைமைக் கொறடாவாகவும் உள்ளார்.

அஜித் பவாருக்கு நெருக்கமான வட்டாரங்கள் கூறுகையில், மூன்றில் இரண்டு பங்கு NCP சட்டமன்ற உறுப்பினர்கள் அவருக்கு ஆதரவளிக்கும் கடிதத்தில் கையெழுத்திட்டுள்ளதாகவும், அந்த எண்ணிக்கை “36க்கு மேல்” என்றும் கூறியுள்ளனர்.

அப்படி எதுவும் இல்லை என்று ஜிதேந்திரா அவாத் பதிலளித்தார். “என்.சி.பி கட்சியின் ஒரே தலைவர் சரத் பவார் மட்டுமே. ஒவ்வொரு எம்.எல்.ஏ.வையும் அவர் அழைக்கட்டும்; பிறகு பேசுவோம்." என்று ஜிதேந்திரா அவாத் கூறினார்.

என்.சி.பி – சிவசேனா - காங்கிரஸ் கூட்டணியின் மகா விகாஸ் அகாதி (எம்.வி.ஏ) கூட்டணி அரசாங்கம் கவிழ்ந்ததற்கு, ஏக்நாத் ஷிண்டே மற்றும் பிற எம்.எல்.ஏ.,க்களால் அஜித் பவார் தான் காரணம் என்று குற்றம் சாட்டப்பட்டார், ஆனால் இப்போது இரு தரப்பும் "கைகுலுக்கிக் கொண்டிருக்கின்றன" என்றும் ஜிதேந்திரா அவாத் கூறினார். இதை ஒரு தேர்தல் பிரச்சினையாக மாற்ற என்.பி.சி கட்சி அனைத்தையும் செய்யும் என்று சுட்டிக்காட்டிய ஜிதேந்திரா அவாத், “சாமானிய மக்களுக்கு இது புரியவில்லை என்று நீங்கள் நினைக்கிறீர்களா?” என்று கேட்டார்.

எவ்வாறாயினும், ஞாயிற்றுக்கிழமை பிற்பகுதியில் கூட, இரு முகாம்களிலும் உள்ள ஆதாரங்கள் கட்சிக்கு உரிமை கோருவதற்கான சட்டப் போராட்டத்தின் சாத்தியக்கூறுகள் குறித்து மௌனம் காத்தன.

இது குறித்த கேள்விக்கு பதிலளித்த சரத் பவார், மகாராஷ்டிரா மாநில மக்களை நேரடியாக அணுகுவேன் என்று கூறினார். “கடந்த 1980களில் நான் அதைச் செய்தேன், மீண்டும் செய்வேன். இந்த மாநில மக்களையும், இளைஞர்களையும் நான் நம்புகிறேன்,” என்றும் அவர் கூறினார்.

எவ்வாறாயினும், எதிர்வரும் காலங்களில் இரு தரப்பினருக்கும் இடையில் மோதல் தவிர்க்க முடியாதது என கட்சி வட்டாரங்கள் சுட்டிக்காட்டியுள்ளன. “ஒவ்வொரு தரப்பும் தங்களை உண்மையான NCP என்று கூறிக்கொள்ளப் போகிறது என்றால், மோதல் வெளிப்படையாக வெளிப்படும். தலைவர்களின் முதிர்ச்சியைப் பொருட்படுத்தாமல், கட்சித் தொண்டர்கள் (எந்தவொரு தெளிவின்மையையும்) ஏற்றுக்கொள்ள மாட்டார்கள், ”என்று கட்சியின் தலைவர் ஒருவர் கூறினார்.

அஜித் பவார் தரப்புக்கு, எம்.வி.ஏ விவகாரம் தூள்தூளாகி விட்டது, அதே சமயம் முதல்வர் ஏக்நாத் ஷிண்டே எம்.வி.ஏ.வை ஏற்கனவே மூழ்கிவிட்ட கப்பல் என்று குறிப்பிட்டார்.

அடுத்த தேர்தலில் பா.ஜ.க மற்றும் ஏக்நாத் ஷிண்டேயின் சிவசேனாவுடன் இணைந்து என்.சி.பி போட்டியிடும் என்று அஜித் பவார் தெளிவுபடுத்தினார்.

இதற்கிடையில், காங்கிரஸ் தலைவர் நானா படோலே, NCP கட்சிக்குள் இருக்கும் ஒரு குழு பா.ஜ.க.,வுடன் கைகோர்ப்பதால் MVA க்கு எந்தத் தீங்கும் இல்லை என்று கூறினார்.

“அதிகாரத்துக்காக யார் யாருடன் கைகோர்க்கிறார்கள் என்பது அனைவருக்கும் புரியும். வரும் தேர்தலில் காங்கிரஸ் வெற்றி பெறும்,'' என்றும் அவர் கூறினார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil