'சாதிக்க முடியாததை உறுதியளிப்பதா?’.. பாதுகாப்பு தளவாட கொள்முதலில் காலதாமதம்: விமானப்படை தளபதி ஏ.பி. சிங் கவலை

இந்திய விமானப்படைத் தளபதி ஏர் சீஃப் மார்ஷல் சிங், முக்கிய ராணுவத் தளவாடங்களை வாங்குவதில் ஏற்படும் தாமதங்கள் குறித்து கவலை தெரிவித்தார். எந்தவொரு திட்டமும் குறித்த நேரத்தில் முடிக்கப்படவில்லை என்றும் அவர் குறிப்பிட்டார். சி.ஐ.ஐ. வணிக உச்சிமாநாட்டில் பேசிய அவர், நாம் செய்ய முடியாததை ஏன் வாக்குறுதி அளிக்க வேண்டும்? என்றார். ஒப்பந்தம் கையெழுத்திடும் போதே நேரத்தில் நடக்காது என்பது தெரிந்திருந்தாலும், பின்பு பார்த்துக்கொள்வோம் என்ற எண்ணத்தில் கையெழுத்திடுகிறோம். அதனால் முழு செயல்முறை பாதிக்கப்படுகிறது எனக் குறிப்பிட்டார்.

2021-ல் ஒப்பந்தம் செய்யப்பட்ட 83 தெஜஸ் Mk 1A லைட் காம்பட் ஏர்கிராப்ட் விமானங்கள் ஹிந்துஸ்தான் ஏரோநாடிக்ஸ் லிமிடெட்டிலிருந்து (HAL) பெறுவதில் ஏற்பட்ட தாமதங்களாக இருக்கலாம். இந்திய விமானப்படை 70 HTT-40 அடிப்படை பயிற்சி விமானங்கள் வாங்க HAL உடன் மற்றொரு ஒப்பந்தம் செய்துள்ளது. அவை இந்த ஆண்டு செப்டம்பரில் முதல் தடவையாக இறக்குமதி செய்யப்படவுள்ளன.

வான் பாதுகாப்பு படையின் முக்கியத்துவம் குறித்தும் பேசிய சிங், எந்தவொரு செயல்பாடும் வான்படை உதவியின்றி நடத்த இயலாது என்றும், ஆபரேஷன் சிந்தூர் அதற்கான சான்றாகும் என்றும் குறிப்பிட்டார். விமானப்படை சக்தியைப் பொறுத்தவரை, நம் கவனம் திறன் மற்றும் இருப்பு உறுதி செய்வதே ஆகும்.

இந்தியாவில் உற்பத்தி செய்வது பற்றி மட்டும் பேச முடியாது, இந்தியாவில் வடிவமைத்து மேம்படுத்தத் தொடங்க வேண்டும் என்றும் சிங் கூறினார். மேக் இன் இந்தியா திட்டத்தைப் பொறுத்தவரை இந்திய விமானப்படை அதிகபட்ச முயற்சியை மேற்கொண்டு வருகிறது என்றார்.

முன்னதாக, இந்திய விமானப்படை வெளிநாடுகளை அதிகம் சார்ந்திருந்தது என்றும், ஆனால் தற்போதைய சூழ்நிலை தற்சார்பு மட்டுமே ஒரே தீர்வு என்பதை அவர்களுக்கு உணர்த்தியுள்ளது என்றும் அவர் கூறினார். "இப்போது எதிர்காலத்திற்குத் தயாராக இருக்க வேண்டும். அதுதான் கவலை" என்று சிங் கூறினார். மேலும் அடுத்த 10 ஆண்டுகளில் இந்தியத் தொழில் துறையிலிருந்தும் பாதுகாப்பு ஆராய்ச்சி மற்றும் மேம்பாட்டு அமைப்பிலிருந்தும் அதிக உற்பத்தி இருக்கலாம் என்றாலும், இன்று தேவைப்படுவது இன்றே தேவை என்றார்.

இந்தியாவில் வடிவமைத்தல் எதிர்காலத்தில் தொடர்ந்து பலன்களைத் தரலாம் என்றாலும், தற்போது தேவையானவற்றை அடைய சில விரைவான 'மேக் இன் இந்தியா' திட்டங்கள் இருக்க வேண்டும் என்று அவர் கூறினார்.