ஏர் இந்தியா கேபின் குழு ஸ்டிரைக் வாபஸ்; ஊழியர்களுக்கு மீண்டும் பணி வழங்க விமான நிறுவனம் ஒப்புதல்

கேபின் குழு பணியாளர்கள் பற்றாக்குறையால் விமானங்களை இயக்குவதில் ஏற்பட்ட சிக்கல் வியாழக்கிழமை வரை தொடர்ந்ததால், ஏர் இந்தியா எக்ஸ்பிரஸ் 25 பணியாளர்களுக்கு வழங்கப்பட்ட பணிநீக்கம் கடிதங்களை திரும்பப் பெற ஒப்புக்கொண்டது. இதற்கிடையில், எதிர்ப்பு தெரிவித்த பணியாளர்கள், தங்கள் பிரச்சினைகளை ஆராய விமான நிர்வாகம் ஒப்புக்கொண்டதால், தங்கள் வேலைநிறுத்தத்தை முடித்துக்கொண்டனர்.

ஆங்கிலத்தில் படிக்க: Air India Express cabin crew ends strike, airline agrees to reinstate staff

புது தில்லியில் உள்ள மத்திய தலைமை தொழிலாளர் ஆணையர் அலுவலகத்தில் கேபின் குழு பிரதிநிதிகள் மற்றும் விமான நிறுவனப் பிரதிநிதிகளுக்கு இடையே நடந்த சமரசக் கூட்டத்திற்குப் பிறகு இந்த முடிவுகள் வந்துள்ளன.

டாடா குழுமத்திற்கு சொந்தமான விமான நிறுவனம், நெருக்கடிக்கு மத்தியில் செவ்வாய்க்கிழமை இரவு முதல் 170 விமானங்களை ரத்து செய்துள்ளதாக பி.டி.ஐ தெரிவித்துள்ளது.

புதன்கிழமை (மே 8) நூற்றுக்கும் மேற்பட்ட மூத்த கேபின் பணியாளர்களால் மொத்த மருத்துவ விடுப்பு எடுக்கப்பட்டதைத் தொடர்ந்து சுமார் 25 மூத்த கேபின் குழு பணியாளர்கள் விமான நிறுவனத்தால் பணிநீக்கம் செய்யப்பட்டனர். வியாழன் அன்று மாலை 4 மணி வரை எதிர்ப்பு தெரிவித்த மற்ற கேபின் குழு பணியாளர்கள் பணியைத் தொடர விமான நிறுவனம் காலக்கெடு விதித்தது.

வேலைநிறுத்த போராட்டத்தில் ஈடுபட்டிருந்த கேபின் குழுவினர் விமான நிறுவனத்திற்கு அவமானம், நற்பெயருக்கு சேதம் மற்றும் பண இழப்பை ஏற்படுத்தியதாக கடுமையான வார்த்தைகள் பணிநீக்க கடிதங்களில் இடம்பெற்றிருந்ததாக குற்றம் சாட்டப்பட்டது. அதிக எண்ணிக்கையிலான கேபின் குழுவினரின் திடீர் மருத்துவ விடுப்பு, நியாயமான காரணமின்றி வேலையில் இருந்து முன்கூட்டியே மற்றும் ஒருங்கிணைக்கப்பட்ட புறக்கணிப்பை சுட்டிக்காட்டுகிறது என்று கடிதத்தில் கூறப்பட்டுள்ளது.

இதற்கிடையில், விமானங்கள் ரத்து செய்யப்பட்டது குறித்து சிவில் விமான போக்குவரத்து அமைச்சகம் அறிக்கை கோரியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“