scorecardresearch

தலாய் லாமாவுக்கு பாரத ரத்னா வழங்க கோரிக்கை

திபெத்திய மதத் தலைவர் தலாய் லாமாவுக்கு பாரத ரத்னா விருது வழங்க திபெத்துக்கான இந்திய நாடாளுன்ற குழு வலியுறுத்திள்ளது.

தலாய் லாமாவுக்கு பாரத ரத்னா வழங்க கோரிக்கை
தலாய் லாமா

திபெத்திய மதத் தலைவர் தலாய் லாமாவுக்கு பாரத ரத்னா விருது வழங்க திபெத்துக்கான இந்திய நாடாளுன்ற குழு வலியுறுத்திள்ளது. பாஜக உள்ளிட்ட 20க்கும் மேற்பட்ட எம்.பி.க்களைக் கொண்ட இந்த மன்றம், உள்ளூர் அதிகாரிகளுடன் கலந்தாலோசித்து, நாட்டின் பல்வேறு பகுதிகளில் வசிக்கும் திபெத்தியர்களின் பிரச்சினைகளைத் தீர்க்க சிறப்பு கவனம் செலுத்துமாறு அனைத்து எம்.பி.க்களையும் வலியுறுத்த முடிவு செய்துள்ளது.

இதற்கு சீனா எதிர்ப்பு தெரிவித்துள்ளது. இதற்கு பதிலளித்த மன்றத்தின் ஒருங்கிணைப்பாளர் பிஜூ ஜனதா தளம் கட்சியை சேர்ந்த சுஜித் குமார் (Sujeet Kumar), ”நாங்கள் தலாய் லாமாவின் பங்களிப்புக்கு அவருக்கு பாரத ரத்னா விருது வழங்க கோரியுள்ளோம். திபெத் மக்களின் பாதுகாப்புக்கும் குரல் கொடுத்துள்ளோம். இந்த விஷயத்தில் நாங்கள் என்ன செய்ய வேண்டும் என்று சீனா தெரிவிக்க வேண்டிய அவசியம் இல்லை” என்றார்.

இது தொடர்பாக தி இந்தியன் எக்ஸ்பிரஸிடம் பேசிய அவர், ”திபெத்தை சுதந்திர நாடாகக் கோரும் தீர்மானத்தை நாங்கள் நிறைவேற்றினால், அது சற்று அதிகமாக இருந்திருக்கும், ஆனால் நாங்கள் இங்கு வசிக்கும் திபெத்தியர்களின் பிரச்சினைகளுக்கு தீர்வு காண வேண்டும் என்று கேட்டுக்கொள்கிறோம். திபெத்தின் பாதுகாப்பை நாங்கள் கேட்கிறோம், ஏனெனில் இது இந்தியாவிற்கு முக்கியமானது” என்றார்.

இந்தக் கூட்டத்தில், மூத்த பாஜக தலைவரும், பீகார் முன்னாள் துணை முதல்வருமான சுஷில் குமார் மோடி, அமெரிக்க திபெத்திய கொள்கை மற்றும் ஆதரவுச் சட்டத்தின் அடிப்படையில் ஒரு மசோதாவை முன்மொழிந்தார். நாடாளுமன்ற கூட்டுக் கூட்டத்தில் உரையாற்ற தலாய் லாமாவை அழைக்க வேண்டும் என்றும் அவர் பரிந்துரைத்தார். லோக்சபா சபாநாயகர் ஓம் பிர்லா மற்றும் ராஜ்யசபா தலைவர் ஜகதீப் தன்கர் ஆகியோரிடம் தலாய் லாமாவை மத்திய ஹாலில் எம்.பி.க்களிடம் பேச அழைக்குமாறும் மன்றத்தில் தீர்மானிக்கப்பட்டது.

அருணாச்சலப் பிரதேசத்தைச் சேர்ந்த மற்றொரு பாஜக எம்.பி.யான தபீர் காவ், “திபெத்துக்கு ஆதரவாக மன்ற உறுப்பினர்களால் ஒரு பெரிய பேரணி நடத்தப்படும், இது திபெத் பிரச்சினையில் விழிப்புணர்வையும் கவனத்தையும் ஏற்படுத்தும்” என்று முன்மொழிந்தார்.

கூட்டத்தில் கலந்து கொண்ட மற்ற பாஜக எம்பிக்களில் ராஜேந்திர அகர்வால், அசோக் பாஜ்பாய், லெஹர் சிங் சிரோயா மற்றும் வினய் டினு டெண்டுல்கர் ஆகியோர் இருந்தனர்.

சிக்கிம் ஜனநாயக முன்னணியின் ராஜ்யசபா எம்.பி., ஹிஷே லச்சுங்பா, தலாய்லாமாவுக்கு பாரத ரத்னா வழங்கக் கோரிக்கை விடுத்தார். மேலும் சீன அரசுக்கும் தலாய் லாமாவும் இடையே பேச்சுவார்த்தை நடத்தவும் கோரிக்கை விடுக்கப்பட்டுள்ளது.

மேலும், திபெத்திய பௌத்த மதத் தலைவர்களைத் தேர்ந்தெடுக்கவும், கல்வி கற்பிக்கவும், போற்றவும், திபெத்திய பௌத்த லாமாக்களின் வாரிசு அல்லது அடையாளம் காணப்படுகிற திபெத்திய பௌத்த மதத் தலைவர்களைத் தேர்ந்தெடுக்கவும், கல்வி கற்பிக்கவும், போற்றவும் சீன அரசாங்கத்தின் எந்த நடவடிக்கையையும் எதிர்க்க சர்வதேச இராஜதந்திர கூட்டணிகளை நிறுவ வேண்டும் என்று சிறப்பு ஒருங்கிணைப்பாளர் மசோதா கூறுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest India news download Indian Express Tamil App.

Web Title: All party mp group to seek bharat ratna for dalai lama

Best of Express