மணிப்பூர் முதல்வர் ஒத்துழைப்பு தருகிறார்; எதிர்க்கட்சிகளின் அரசியல் வெட்கக்கேடானது; மக்களவையில் அமித் ஷா பேச்சு

மத்திய உள்துறை அமைச்சர் அமித் ஷா புதன்கிழமை மக்களவையில் உரையாற்றுகையில், மணிப்பூர் மாநிலத்தில் மே 3 அன்று தொடங்கிய வன்முறை தொடர்பாக முதல்வர் என்.பிரேன் சிங்கை ஆதரித்தார். ஒரு மாநில முதல்வர் ஒத்துழைக்காதபோது தான் அவரை மாற்ற வேண்டும். தற்போதைய முதல்வர் மத்திய அரசுக்கு ஒத்துழைத்துள்ளார் என்று அமித் ஷா கூறினார்.

நாடாளுமன்றத்தில் இன்று காங்கிரஸ் கட்சி கொண்டு நம்பிக்கையில்லா தீர்மானத்தின் மீதான விவாதம் நடைபெற்றது. அப்போது, மணிப்பூர் வன்முறை விவகாரத்தை விதி 267ன் கீழ் விவாதிக்க வேண்டும் என்ற கோரிக்கைக்கு எதிர்ப்பு தெரிவித்து காங்கிரஸ் கட்சி மாநிலங்களவையில் இருந்து புதன்கிழமை வெளிநடப்பு செய்தது. 'எங்களை பேச அனுமதிக்கவில்லை, பிரதமரும் சபைக்கு வரத் தயாராக இல்லை, எங்கள் பேச்சைக் கேட்க அரசு தயாராக இல்லை. அதனால்தான், நாங்கள் சபையில் இருந்து வெளிநடப்பு செய்கிறோம்’ என்று கூறி, மற்ற எதிர்க்கட்சித் தலைவர்களுடன் காங்கிரஸ் உறுப்பினர்கள் அவையில் இருந்து வெளிநடப்பு செய்தனர்.

இதையும் படியுங்கள்: நீங்கள் இந்தியா அல்ல: எதிர்க்கட்சிகளை வெளுத்து வாங்கிய ஸ்மிருதி இரானி

முன்னதாக மக்களவையில் இன்று நடைபெற்ற நம்பிக்கையில்லா தீர்மான விவாதத்தின் போது பிரதமர் மோடியை கடுமையாக தாக்கிய ராகுல் காந்தி, “மணிப்பூர் முதல் நூஹ் வரை நீங்கள் முழு நாட்டையும் எரித்துவிட்டீர்கள். பா.ஜ.க.,வின் அரசியல் மணிப்பூரில் இந்தியாவை கொலை செய்துள்ளது. பா.ஜ.க தேச விரோதமானது" என்று கூறினார்.

இதற்கு பதிலடி கொடுத்த மத்திய அமைச்சர் ஸ்மிருதி இரானி, மணிப்பூர் விவகாரத்தில் விவாதம் நடத்த வேண்டும் என்று நாங்கள் விரும்பினோம், எதிர்க்கட்சிகள்தான் விவாதத்தில் கலந்து கொள்ளாமல் ஓடிவிட்டன என்று கூறினார்.

காங்கிரஸ் எம்.பி கௌரவ் கோகோய் செவ்வாயன்று நம்பிக்கையில்லா விவாதத்தை தொடங்கி வைத்தார், மணிப்பூர் விவகாரம் எதிர்க்கட்சிகள் இந்த தீர்மானத்தை கொண்டு வந்துள்ளன. வியாழன் (ஆகஸ்ட் 10) வரை விவாதம் தொடரும் என்று எதிர்பார்க்கப்படுகிறது, அப்போது பிரதமர் நரேந்திர மோடி பதில் அளிப்பார் என்று எதிர்பார்க்கப்படுகிறது.

இந்தநிலையில், மத்திய உள்துறை அமைச்சர் அமித் ஷா புதன்கிழமை மக்களவையில் மத்திய அரசுக்கு எதிராக எதிர்க்கட்சிகள் கொண்டு வந்த நம்பிக்கையில்லா தீர்மானத்தின் மீது உரையாற்றுகையில், எதிர்க்கட்சிகளை ‘வெள்ளையனே வெளியேறு’ முழக்கம் மூலம் பதிலடி கொடுத்தார். “இன்று, பிரதமர் மோடி ஊழல் வெளியேறு இந்தியா, வம்சம் வெளியேறு இந்தியா மற்றும் சமாதானம் வெளியேறு இந்தியா என்ற முழக்கத்தை வழங்கியுள்ளார் என்று கூறினார்.

இந்த நம்பிக்கையில்லா தீர்மானம், அரசாங்கத்தின் மீது மக்களுக்கோ அல்லது சபைக்கோ அவநம்பிக்கை இல்லாத ஒன்றாகும். நாட்டின் முன்னேற்றத்திற்காக, “17 மணி நேர வேலையை அர்ப்பணித்து”, “கடந்த ஒன்பது ஆண்டுகளில் 50க்கும் மேற்பட்ட முக்கிய முடிவுகளை எடுத்ததற்காக” பிரதமரை பாராட்டுகிறேன். மக்கள் மத்தியில் குழப்பத்தை ஏற்படுத்தவே இந்த நம்பிக்கையில்லா தீர்மானம் கொண்டுவரப்பட்டுள்ளது. மோடி அரசின் மீது மக்களும் நாடாளுமன்றமும் முழு நம்பிக்கை வைத்துள்ளனர். நரேந்திர மோடி ஊழல், வம்ச அரசியல் மற்றும் சமாதானத்தை அகற்றிவிட்டு, செயல்திறன் அரசியலுக்கு முக்கியத்துவம் கொடுத்துள்ளார். பிரதமர் மோடிக்கு இரண்டு முறை மக்கள் வாக்களித்துள்ளனர். அவர் இந்தியாவின் வெற்றிகரமான பிரதமர் என்று அமித் ஷா கூறினார்.

காங்கிரஸ் கட்சி வாக்குறுதிகளை 'வார்த்தைகளாக மட்டுமே' காப்பாற்றுகிறது. நீங்கள் வார்த்தைகளை மட்டுமே கடைப்பிடித்தீர்கள், நாங்கள் செயல்பட்டோம். தேசிய ஜனநாயகக் கூட்டணி (என்.டி.ஏ) எம்.பி.க்கள் சபையில் பிரதமர் நரேந்திர மோடியைப் பாராட்டினர். சுதந்திரம் அடைந்ததில் இருந்து, மக்கள் நம்பிக்கை கொண்ட அரசு என்றால், அது நரேந்திர மோடி தலைமையிலான அரசுதான் என்று அமித் ஷா கூறினார்.

நம்பிக்கையில்லா தீர்மானம், 'அரசியல் உள்நோக்கம் கொண்ட நடவடிக்கை.' எதிர்க்கட்சிகளுக்கு பிரதமர் மோடி மீது நம்பிக்கை இல்லாமல் இருக்கலாம், ஆனால் இந்திய மக்களுக்கு நம்பிக்கை உள்ளது என்று அமித் ஷா கூறினார்.

நம் நாட்டின் விவசாயிகள் முடிவு செய்ய வேண்டும், ஒரு பக்கம், 70,000 கோடி கடனை 'லாலிபாப்' வழங்கிய UPA அரசும், மறுபுறம் 2 ரூபாயை வழங்கிய அரசும் உள்ளது. ஒரு லட்சத்து 40 ஆயிரம் கோடி ரூபாய் கண்ணியத்துடன் அவர்களின் கணக்குகளுக்கு நேரடியாகச் செலுத்தப்பட்டது. இது 'ரெவ்டி' அல்ல என்பதை நான் தெளிவுபடுத்த விரும்புகிறேன் என்று அமித் ஷா கூறினார்.

மோடி அரசாங்கத்தின் கீழ், இணையத்தில் இந்தியா 231 சதவீத வளர்ச்சியை பதிவு செய்துள்ளது. உலகில் இதுதான் அதிகபட்சம் என்று அமித் ஷா கூறினார்.

காங்கிரஸ் தலைவர் ராகுல் காந்தி மற்றும் அவரது அரசியல் ஈடுபாடு குறித்து கிண்டல் செய்த அமித் ஷா, 'இந்த சபையில் நம்மிடம் ஒரு தலைவர் இருக்கிறார், அவர் 13 முறை அரசியலில் இறங்கினார். எனினும், ஒவ்வொரு முறையும் அவர் தோல்வியடைந்துள்ளார். புந்தேல்கண்ட் பகுதியைச் சேர்ந்த கலாவதி என்ற ஏழைப் பெண்ணைச் சந்திக்கச் சென்ற ஒரு சம்பவத்தை நான் பார்த்தேன். ஆனால் நீங்கள் அவருக்கு என்ன செய்தீர்கள்? அவருக்கு வீடு, ரேஷன், மின்சாரம் ஆகியவை மோடி அரசால் வழங்கப்பட்டது என்று கூறினார்.

விவசாயிகளுக்கு குறைந்தபட்ச ஆதரவு விலையில் (MSP) அதிகபட்ச அரிசியை கொள்முதல் செய்த அரசு என்றால் அது நரேந்திர மோடி அரசுதான் என்று அமித் ஷா கூறினார்.

நரேந்திர மோடி தலைமையிலான தேசிய ஜனநாயக கூட்டணி அரசு, காஷ்மீரை தீவிரவாதத்தில் இருந்து முழுமையாக விடுவிக்க தொடர்ந்து பாடுபட்டு வருகிறது. நாங்கள் நாட்டில் PFI ஐ தடைசெய்தோம், மேலும் நாட்டில் 90 இடங்களில் சோதனை நடத்தினோம். லண்டன், ஒட்டாவா மற்றும் சான்பிரான்சிஸ்கோவில் நமது மிஷன்கள் மீதான தாக்குதல்கள் தொடர்பான வழக்குகள் NIAவிடம் ஒப்படைக்கப்பட்டன. 26/11 தஹாவூர் ஹுசைன் ராணாவும் விரைவில் இந்தியாவில் நீதித்துறையை எதிர்கொள்வார் என்று அமித் ஷா கூறினார்.

மணிப்பூர் சம்பவம் வெட்கக்கேடானது என்றாலும், அதன் மீதான அரசியல் அதைவிட வெட்கக்கேடானது. கடந்த அரசாங்கங்கள் வடக்கு கிழக்கிற்கு எதனையும் செய்யவில்லை. வடகிழக்கை பிரதான நீரோட்டத்திற்கு கொண்டு வருவதற்கு பிரதமர் மோடி உழைத்துள்ளார். எதிர்க்கட்சிகள் வடகிழக்கிற்கு எதுவும் செய்யவில்லை. பிரதமர் நரேந்திர மோடி "அந்த பிராந்தியத்தில் அனைத்து வகையிலும் வளர்ச்சியை" கொண்டு வந்தார். மணிப்பூரில் நடந்த வன்முறை சம்பவங்களால் நாங்கள் வேதனை அடைந்துள்ளோம். கடந்த ஒன்பது ஆண்டுகளில் பிரதமர் மோடி வடகிழக்கு மாநிலங்களுக்கு 50 முறைக்கு மேல் சென்றுள்ளார். வடகிழக்கு நமது நாட்டின் ஒரு பகுதி என்பதையே இது காட்டுகிறது. வடகிழக்கு பகுதிக்கு அவர்கள் எதுவும் செய்யாதபோது அவர்கள் எங்களைக் கேள்வி கேட்கிறார்கள் என்று அமித் ஷா கூறினார்.

வடகிழக்கு மாநிலத்தில் நிலவும் பதற்றத்திற்கு மணிப்பூர் உயர் நீதிமன்ற உத்தரவு தான் காரணம். ஏப்ரல் மாதத்தில் உயர் நீதிமன்றத்தின் உத்தரவு தீக்கு எண்ணெய் சேர்த்தது என மத்திய உள்துறை அமைச்சர் அமித் ஷா குற்றம்சாட்டியுள்ளார்.

மணிப்பூர் ஐகோர்ட் உத்தரவில், மெய்தி சமூகத்தை பட்டியல் பழங்குடியினர் (எஸ்.டி) பட்டியலில் சேர்ப்பது குறித்து பரிசீலிக்குமாறு மாநில அரசுக்கு உத்தரவிட்டது.

மத்திய உள்துறை அமைச்சர் அமித் ஷா புதன்கிழமை கூறுகையில், மணிப்பூர் பற்றி விவாதிக்க அரசாங்கம் விரும்பவில்லை என்று ஒரு மாயை பரப்பப்பட்டது. முதல் நாளிலிருந்தே நாங்கள் விவாதத்திற்கு தயாராக இருந்தோம், எதிர்க்கட்சிகள் சலசலப்பை விரும்பின, விவாதத்தை அல்ல, என்று அமித் ஷா கூறினார்.

மணிப்பூர் முதல்வரின் பதவி நீக்கம் குறித்த கேள்விக்கு, மத்திய உள்துறை அமைச்சர் அமித் ஷா, மக்களவையில் பேசுகையில், 'ஒரு மாநில முதல்வர் ஒத்துழைக்காத போது தான் அவரை மாற்ற வேண்டும். இந்த முதல்வர் மத்திய அரசுக்கு ஒத்துழைத்துள்ளார், என்று கூறினார்.

மத்திய உள்துறை அமைச்சர் அமித் ஷா புதன்கிழமை மெய்தி மற்றும் குக்கி ஆகிய இரு சமூகத்தினரும் வன்முறையில் ஈடுபட வேண்டாம் என்று வேண்டுகோள் விடுத்தார், மேலும் சுமார் 152 பேர் உயிரிழந்த பதட்டங்களை பேச்சுவார்த்தை மூலம் மட்டுமே தீர்க்க முடியும் என்றும் கூறினார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil