மருத்துவர்கள் தினத்தன்று மகத்தான சேவையை துவங்கி வைத்த ஜெகன்! மக்கள் மகிழ்ச்சி

Andhra CM Jagan Mohan Reddy inaugurated new ambulance services : கொரோனா தொற்று நாளுக்கு நாள் அதிகரித்து வருகின்ற நிலையில் ஆந்திர மாநிலத்தில் அதிரடியான சேவை ஒன்றை துவங்கி வைத்துள்ளார் அம்மாநில முதல்வர் ஜெகன்மோகன் ரெட்டி.  ஆந்திரமாநிலம் விஜயவாடா பென்ஸ் கூட் ரோட்டில் 1088 ஆம்புலன்ஸ்களுக்கான சேவையை கொடியசைத்து துவங்கி வைத்தார்.

மேலும் படிக்க : என்கவுண்டர்கள் கொண்டாடப்படும் வரை சாத்தான்குளம் போன்ற சம்பவங்கள் நிகழும்- திலகவதி ஐ.பி.எஸ்

இதற்காக ரூ. 201 கோடி நிதி செலவிடப்பட்டது. ஆரம்பத்தில் ஆந்திராவில் 1,19,545 பேருக்கு ஒரு ஆம்புலன்ஸ் என்ற அளவில் இருந்த நிலையில் தற்போது, 74,609 பேருக்கு ஒரு ஆம்புலன்ஸ் என்ற நிலையை எட்டியுள்ளது. இந்த ஆம்புலன்ஸ்களில் 26 வாகனங்கள் குழந்தைகளுக்காகவே பிரத்யேகமாக வடிவமைக்கப்பட்டுள்ளது என்பது குறிப்பிடத்தக்கது.

Best wishes to the medical fraternity on #DoctorsDay. Honored to inaugurate a Cancer Care Center at Guntur & flag off a fleet of 1088 brand new 104, 108 healthcare service vehicles, today. AP Govt is committed to providing quality healthcare in the remotest regions of AP. pic.twitter.com/4vl0WJ7kDq

— YS Jagan Mohan Reddy (@ysjagan) July 1, 2020

நகர்புறங்களில் இருக்கும் நபர்கள் 108 எண்ணிற்கு அழைத்து அவசரவாகன சேவையை பெற்றுக் கொள்ளலாம். கிராமப்புறங்களில் வசிக்கும் நபர்கள் 104 எண்ணிற்கு அழைத்து ஆம்புலன்ஸ் சேவைகளை பெற்றுக் கொள்ளலாம்.

ఏపీ చరిత్రలో ఈ రోజు ఒక సువర్ణఅధ్యాయంగా నిలుస్తుంది. ఒకేసారి 1088 సంఖ్యలో అధునాతన 104, 108 సర్వీసు వాహనాలను, గుంటూరు జీజీహెచ్ లో క్యాన్సర్ కేర్ సెంటర్ ను ప్రారంభించడం గొప్ప ఆనందాన్నిస్తోంది. ప్రతి ప్రాణానికి విలువనిచ్చే ప్రభుత్వం మనదని మొత్తం దేశం చూసేలా చాటిచెప్పాం#DoctorsDay pic.twitter.com/D8wATBP6wm

— YS Jagan Mohan Reddy (@ysjagan) July 1, 2020

தேசிய மருத்துவர்கள் தினத்தில் இந்த நிகழ்வினை நடத்திய ஆந்திர மாநில முதல்வர் குண்டூர் ஜி.ஜி.ஹெச். மருத்துவமனையில் புற்று நோய் சிகிச்சைக்கான பிரிவினை காணொலி காட்சி மூலம் துவங்கி வைத்தார். ஆம்புலன்ஸ் சேவைகள் அதிகரித்துள்ளதால் விலைமதிப்பில்லா உயிர்களை காப்பாற்ற இயலும் என்று கூறினார். மேலும் 108 மற்றும் 104 ஆம்புலன்ஸ் வாகனங்கள் ஓட்டும் நபர்களின் சம்பளத்தை ரூ. 18 ஆயிரத்தில் இருந்து ரூ. 28 ஆயிரத்திற்கு உயர்த்தி அறிவித்துள்ளார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil