![hardeep singh nijjar and gurpant singh pannun](https://img-cdn.thepublive.com/fit-in/1280x960/filters:format(webp)/indian-express-tamil/media/media_files/fRENFiZaC6Wk9MjONxxs.jpg)
ஹர்தீப் சிங் நிஜ்ஜார் மற்றும் குர்பத்வந்த் சிங் பன்னுன் (கோப்பு படம்)
காலிஸ்தான் பிரிவினைவாதி குர்பத்வந்த் சிங் பன்னுன் படுகொலை சதித்திட்டத்தில் "இந்திய தொடர்புகள்" குறித்து "சட்டரீதியாக முன்வைக்கக்கூடிய" தகவல்களை இந்தியாவுடன் அமெரிக்கா பகிர்ந்துள்ளது, ஆனால் பிரிவினைவாதி ஹர்தீப் சிங் நிஜ்ஜார் கொலையுடன் தொடர்புடைய "குற்றச்சாட்டுகளை" மட்டுமே கனடா பகிர்ந்துள்ளது, என கனடாவுக்கான இந்திய தூதர் சஞ்சய் குமார் வர்மா கூறியுள்ளார்.
ஆங்கிலத்தில் படிக்க:
அமெரிக்காவால் குறிப்பிடப்படும் இந்திய தொடர்புகள் "இந்திய அரசாங்கத்தின் தொடர்புகள்" அல்ல, ஆனால் இந்தியாவில் உள்ள "மக்களுடன்" தொடர்புபடுத்தப்பட்டுள்ளன என்றும் சஞ்சய் குமார் வர்மா கூறினார்.
இந்த இரு நாடுகளிலும் காலிஸ்தான் பிரிவினைவாதிகளுக்கு எதிரான படுகொலை சதித்திட்டங்கள் தொடர்பாக, அமெரிக்காவும் கனடாவும் இந்தியாவுடன் பகிர்ந்து கொண்டதை, ஒரு மூத்த இந்திய அதிகாரி வேறுபடுத்திக் காட்டுவது இதுவே முதல் முறை.
கடந்த வாரம் இங்கிலாந்து நாளிதழான பைனான்சியல் டைம்ஸில், அமெரிக்க மண்ணில் குர்பத்வந்த் சிங் பன்னூனை படுகொலை செய்வதற்கான சதித்திட்டத்தை அமெரிக்கா கண்டறிந்ததாகவும், சதித்திட்டத்தில் இந்தியா ஈடுபட்டுள்ளது என்ற கவலையின் காரணமாக இந்தியாவுக்கு எச்சரிக்கை விடுத்ததாகவும் ஒரு செய்தி வெளியான சில மணிநேரங்களுக்குள், இந்தியா அத்தகைய தகவல்களை "தீவிரமாக" எடுத்துக் கொண்டதாகக் கூறியது. மேலும் இவை சம்பந்தப்பட்ட துறைகளால் "ஏற்கனவே ஆய்வு செய்யப்பட்டு வருகின்றன", என்றும் தெரிவிக்கப்பட்டது.
அமெரிக்காவுக்கான இந்தியாவின் பதில் நடவடிக்கை, ஹர்தீப் சிங் நிஜ்ஜார் கொலையில் இந்திய அரசாங்க ஏஜெண்டுகளின் சாத்தியமான தொடர்பு பற்றி கனடா பிரதம மந்திரி ஜஸ்டின் ட்ரூடோவின் "நம்பகமான குற்றச்சாட்டுகளுக்கு" பதிலளித்த விதத்தில் இருந்து மிகவும் வித்தியாசமானது.
கனடா தொலைக்காட்சி சேனலான CTVக்கு அளித்த பேட்டியில், இந்திய தூதர் சஞ்சய் குமார் வர்மா, அமெரிக்கா வழங்கிய தகவல்கள் குறித்து கேட்கப்பட்ட கேள்விக்கு, “அந்த தகவல்கள் அமெரிக்காவில் உள்ள குண்டர்கள், போதைப்பொருள் கடத்தல்காரர்கள், பயங்கரவாதிகள் மற்றும் துப்பாக்கி விற்பவர்களுக்கு இடையேயான தொடர்பு, மேலும் சில இந்திய தொடர்புகள் இருப்பதாக நம்பப்படுகிறது, இங்கு நான் இந்திய தொடர்புகள் என்று கூறும்போது, நான் இந்திய அரசாங்கத்தின் தொடர்புகளைக் குறிப்பிடவில்லை, 1.4 பில்லியன் மக்கள் உள்ளனர், எனவே சில இந்திய தொடர்புகள் உள்ளன, அவர்கள் விசாரிக்கத் தயாராக உள்ளனர். ஏனெனில் சட்டப்பூர்வமாக வழங்கக்கூடிய தகவல்கள் எங்களிடம் உள்ளன,” என்று கூறினார்.
![](https://img-cdn.thepublive.com/filters:format(webp)/indian-express-tamil/media/post_attachments/2d174135-c8a.jpg)
சஞ்சய் குமார் வர்மா, கனடாவுக்கான இந்திய தூதர்
"ஒன்று என்னவென்றால், எனக்கு தெரிந்த மற்றும் புரிந்து கொண்ட வரையில், அமெரிக்க வழக்கின் விசாரணையால், இந்தியா-அமெரிக்க உறவுகளில் எந்த சிக்கலையும் நான் காணவில்லை, உறவு மிகவும் மேம்பட்ட கட்டத்தில் உள்ளது. எனவே, இந்தியாவிற்குள்ளேயே சிறந்த தகவல்கள் பகிரப்படும் என்று நான் கருதுகிறேன்,” என்று சஞ்சய் குமார் வர்மா மற்றொரு கேள்விக்கு பதிலளித்தார்.
இதற்கு நேர்மாறாக, ஜஸ்டின் ட்ரூடோ முன்வைத்த "குற்றச்சாட்டுகள்" குறித்து இந்திய மற்றும் கனடா அதிகாரிகளுக்கு இடையிலான உரையாடல்களைப் பற்றி கூறிய இந்தியத் தூதர் சஞ்சய் குமார் வர்மா, "உரையாடல்கள் நடந்தன. ஆனால், நாங்கள் செய்ய விரும்பிய விசாரணையை மேற்கொள்ள அனுமதி பெற, எங்கள் சட்ட அதிகாரிகளிடம் திரும்பிச் செல்ல, குறிப்பிட்ட மற்றும் பொருத்தமான தகவல்கள் எங்களுக்குத் தேவைப்பட்டது. எனவே, அந்த வகையான தகவல்கள் இல்லாத காலம் வரை, சட்டத்தின் ஆட்சி உள்ள நாட்டில், விசாரணைகளை முன்னெடுத்துச் செல்ல முடியாது,” என்று கூறினார்.
மேலும், "எனவே, நாங்கள் கவனிக்க வேண்டிய குறிப்பிட்ட அல்லது பொருத்தமான தகவல்கள் எதுவும் இல்லை என்ற எனது நிலைப்பாட்டை மீண்டும் மீண்டும் கூறுகிறேன்," என்று சஞ்சய் குமார் வர்மா அழுத்தமாகக் கூறினார்.
ஹர்தீப் சிங் நிஜ்ஜாரின் கொலையில் இந்தியாவுக்கு எந்தப் பங்கும் இல்லை என்றால் ஏன் ஒத்துழைக்கவில்லை என்று கேட்டதற்கு, “இதில் இரண்டு விஷயங்கள் உள்ளன. ஒன்று விசாரணை முடிவடையாமல், இந்தியா குற்றவாளி என அறிவிக்கப்பட்டது. இது சட்டத்தின் ஆட்சியா?" என்று அவர் கேள்வி எழுப்பினார்.
கனடா தரப்பில் ஒரு குற்றச்சாட்டை மட்டும் எழுப்பியபோது, இந்தியா எப்படி குற்றவாளி எனத் தீர்ப்பளிக்கப்பட்டது என்பது குறித்து கேட்டப்போது, “ஏனெனில் இந்தியா ஒத்துழைக்குமாறு கேட்டுக் கொள்ளப்பட்டது. நீங்கள் வழக்கமான குற்றவியல் சொற்களைப் பார்த்தால், யாராவது நம்மிடம் ஒத்துழைக்கச் சொன்னால், நீங்கள் ஏற்கனவே தண்டிக்கப்பட்டுவிட்டீர்கள் என்று அர்த்தம், நீங்கள் நன்றாக ஒத்துழைக்க வேண்டும். எனவே நாங்கள் அதை மிகவும் வித்தியாசமான விளக்கத்தில் எடுத்துக் கொண்டோம். ஆனால் குறிப்பிட்ட மற்றும் பொருத்தமான ஏதாவது இருந்தால், எங்களுடன் தொடர்பு கொண்டால், நாங்கள் அதை கவனிப்போம் என்று நாங்கள் எப்போதும் கூறுகிறோம். அதுவும் முதல் நாளிலிருந்தே சொல்லப்பட்டு வந்தது. எனவே, ஒத்துழைத்தல் என்ற வார்த்தையை நாங்கள் பயன்படுத்தவில்லை என்று நாங்கள் ஒருபோதும் கூறவில்லை, ஏனென்றால் அது அவமானகரமானது என்று நாங்கள் உணர்கிறோம். ஆனால் எங்களுக்கு குறிப்பிட்ட மற்றும் பொருத்தமான தகவல்களைக் கொடுங்கள் என்று நாங்கள் எப்போதும் கூறியுள்ளோம், நாங்கள் அதைப் பார்ப்போம்,” என்று சஞ்சய் குமார் வர்மா கூறினார்.
ஹர்தீப் சிங் நிஜ்ஜார் கொலையில் இந்திய அரசாங்கத்திற்கு தொடர்பு இருப்பதாக ஜஸ்டின் ட்ரூடோவின் குற்றச்சாட்டுக்கு முன்னதாக, கனடாவின் தேசிய பாதுகாப்பு மற்றும் உளவுத்துறை ஆலோசகர் ஜோடி தாமஸ் இந்தியாவிற்கு இரண்டு பயணங்களை மேற்கொண்டதாக தி இந்தியன் எக்ஸ்பிரஸ் முதலில் செய்தி வெளியிட்டது.
ஜோடி தாமஸ் ஆகஸ்ட் மாதம் வந்து இந்திய தேசிய பாதுகாப்பு ஆலோசகர் (NSA) அஜித் தோவலை சந்தித்தார். இந்த கூட்டத்தில் உளவுத்துறையின் உயர்மட்ட அதிகாரிகளும் கலந்து கொண்டனர். செப்டம்பரில் புதுதில்லியில் நடந்த ஜி20 உச்சிமாநாட்டிற்கு ஜஸ்டின் ட்ரூடோவுடன் ஜோடி தாமஸூம் வந்திருந்தார், மேலும் அஜித் தோவலுடன் இருதரப்பு சந்திப்பை நடத்தினார்.
பிரதமர் நரேந்திர மோடியுடனான தனது சந்திப்பின் போது, ஜஸ்டின் ட்ரூடோ கொலையில் இந்தியாவின் சாத்தியமான தொடர்பு குறித்த பிரச்சினையை எழுப்பினார், அது நிராகரிக்கப்பட்டது. இந்தியா குற்றச்சாட்டுகளை "அபத்தமானது மற்றும் உந்துதல்" என்று குறிப்பிட்டது.
கனடா குடிமகனான ஹர்தீப் சிங் நிஜ்ஜார் கொல்லப்பட்டதில் இந்திய அரசாங்கமும் ஒரு பகுதியா என்ற கேள்விக்கு, “நிச்சயமாக இல்லை. தீர்மானமாக இல்லை. மேலும் இது ஒரு உத்வேகமான மற்றும் அபத்தமான குற்றச்சாட்டு என்று எல்லா நேரத்திலும் நாங்கள் கூறியுள்ளோம். மேலும் இது இன்னும் ஒரு குற்றச்சாட்டு. நாங்கள் அதை நம்பகமான குற்றச்சாட்டு என்று அழைத்தாலும், அது வார்த்தையின் தேர்வு, ஆனால் அது ஒரு குற்றச்சாட்டு. எனவே, கனடா மண்ணில் கனடா குடிமகன் ஒருவரை சுட்டுக் கொன்றதில் எப்பொழுதும் அழைக்கப்படுவது போல், எந்த அரசாங்கத்தின் தொடர்பும் இல்லை என்பதை இந்திய அரசாங்கத்தின் தரப்பில் இருந்து உங்களுக்கும் உங்கள் பார்வையாளர்களுக்கும் நான் உறுதியளிக்கிறேன்,” என்று சஞ்சய் குமார் வர்மா கூறினார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.