டெல்லி முதல்வராகும் அதிஷி; ஆம் ஆத்மி எம்.எல்.ஏ-க்கள் கூட்டத்தில் தேர்வு

செவ்வாயன்று நடந்த சட்டமன்றக் கூட்டத்தில், ஆம் ஆத்மி கட்சி எம்.எல்.ஏ.,க்கள் அதிஷியை தங்கள் தலைவராகத் தேர்ந்தெடுத்தனர், அதாவது அதிஷி டெல்லியின் புதிய முதல்வராக பதவியேற்பார். டெல்லி லெப்டினன்ட் கவர்னரிடம் அரவிந்த் கெஜ்ரிவால் ராஜினாமா செய்வதைத் தொடர்ந்து, செவ்வாய்க்கிழமை மாலை 4:30 மணியளவில் அதிஷி பதவியேற்பார் என்று எதிர்பார்க்கப்படுகிறது.

கல்வி, நிதி, வருவாய், சட்டம் உள்ளிட்ட அதிக எண்ணிக்கையிலான இலாகாக்களை அதிஷி பெற்றுள்ளார். சமீபத்தில், சுதந்திர தினத்தன்று அவருக்குப் பதிலாக மூவர்ணக் கொடியை ஏற்றுவதற்கு அதிஷியை அரவிந்த் கெஜ்ரிவால் பரிந்துரை செய்திருந்தார். துணை நிலை ஆளுநரால் அந்த பரிந்துரை நிராகரிக்கப்பட்டது. "அதிஷி அதிகாரிகளுடன் நல்ல உறவைக் கொண்டுள்ளார், மேலும் வேலையை எப்படிச் செய்வது என்பது அவருக்குத் தெரியும்" என்று கட்சி வட்டாரம் முன்பு கூறியது. முன்னதாக, முன்னாள் துணை முதலமைச்சரும், ஆம் ஆத்மி கட்சியின் இரண்டாம் நிலைத் தலைவருமான மணீஷ் சிசோடியா முதல்வராக பதவியேற்பதற்கான சாத்தியக்கூறுகள் இல்லை என்று அரவிந்த் கெஜ்ரிவால் நிராகரித்திருந்தார்.

ஆம் ஆத்மியின் மூத்த தலைவர் ஒருவர் தி இந்தியன் எக்ஸ்பிரஸ்ஸிடம் கூறியதாவது: அமைச்சர்கள் குழுவில் புதிதாக இருவர் நுழைவார்கள். அரவிந்த் கெஜ்ரிவால் ராஜினாமா செய்ததால், 7 பேர் கொண்ட அமைச்சரவையில் மேலும் ஒரு பதவி காலியாகும் என்பதால், இரண்டு புதிய உறுப்பினர்களை அமைச்சரவையில் சேர்க்க வேண்டிய அவசியம் ஏற்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“