திருமணத்திற்குப் புறம்பான உறவு வைத்திருந்த ஜோடிக்கு பொது இடத்தில் சவுக்கடி: மம்தா மீது எதிர்க்கட்சி தாக்கு

மேற்கு வங்கத்தில் ஒரு டிஎம்சி நிர்வாகி, திருமணத்திற்குப் புறம்பான உறவைக் கூறி ஒரு பெண்ணையும் ஆணையும் பகிரங்கமாகத் தாக்கிய வீடியோ கிளிப் ஆன்லைனில் வெளியானதையடுத்து, ஆளும் திரிணாமுல் காங்கிரஸ் கட்சி, ஞாயிற்றுக்கிழமை எதிர்க்கட்சியான பிஜேபி மற்றும் சிபிஎம் ஆகியவற்றால் தாக்குதலுக்கு உள்ளானது.

ஜூன் 28 அன்று உத்தர தினாஜ்பூர் மாவட்டத்தில் உள்ள சோப்ரா பிளாக்கின் லக்கிபூர் கிராம பஞ்சாயத்து பகுதியில் இந்த சம்பவம் நடந்தது. இந்த தாக்குதலின் வீடியோ கிளிப் ஆன்லைனில் வெளியானதையடுத்து கடும் கொந்தளிப்பு ஏற்பட்டது.

ஆணும் பெண்ணும் சபாவிற்குள் இழுத்துச் செல்லப்பட்ட பிறகு இரக்கமில்லாமல் சவுக்கடி கொடுப்பவராக அடையாளம் காணப்பட்ட தாஜிமுல் இஸ்லாம், ஜேசிபி என்று அப்பகுதி மக்கள் அனைவரும் அறிந்த ஒரு திரிணாமுல் காங்கிரஸ் கட்சியின் செயல்பாட்டாளர்.

இந்த வீடியோ சமூக வலைதளங்களில் பரவியதையடுத்து, போலீசார் நடவடிக்கை எடுத்து தாஜிமுல் இஸ்லாமை கைது செய்து இஸ்லாம்பூர் காவல் நிலையத்திற்கு அழைத்து வந்தனர்.

முன்னதாக, இஸ்லாம்பூர் எஸ்பி ஜோபி தாமஸ் கே, ’நாங்கள் தானாக முன்வந்து வழக்கு பதிவு செய்துள்ளோம். குற்றவாளிகளை கைது செய்ய நடவடிக்கை எடுத்து வருகிறோம். சட்டப்படி நடவடிக்கை எடுக்கப்படும்’ என்றார்.

இஸ்லாம்பூர் மாவட்ட காவல்துறை வெளியிட்ட அறிக்கையில், “இஸ்லாம்பூர் பி.டி.யின் கீழ் சோப்ரா PS இல் நடந்த ஒரு சம்பவம் குறித்து தவறான தகவல்களை பரப்ப சில தரப்பிலிருந்து முயற்சிகள் மேற்கொள்ளப்பட்டு வருகின்றன. உண்மை என்னவென்றால், ஒரு பெண்ணை பகிரங்கமாக தாக்கிய ஒருவரை போலீசார் உடனடியாக அடையாளம் கண்டு கைது செய்தனர். தானாக முன்வந்து போலீசார் வழக்குப்பதிவு செய்தனர். பாதிக்கப்பட்டவருக்கு போலீஸ் பாதுகாப்பு அளிக்கப்பட்டுள்ளது. விசாரணை தொடர்கிறது’ என்று கூறியது.

ஜூன் 28 அன்று உள்ளூர் ஆரம்பப் பள்ளி மைதானத்தில் சுமார் 200 பேர் கூடியிருந்த சாலிஷி சபாவில் இது நடந்ததாக வட்டாரங்கள் தெரிவித்தன.

சம்பவம் நடந்து இரண்டு நாட்கள் ஆகியும் இதுவரை போலீசில் புகார் அளிக்காத அளவுக்கு பாதிக்கப்பட்டவர்கள் மிகவும் பீதியடைந்துள்ளனர் என்று வட்டாரங்கள் தெரிவிக்கின்றன.

மம்தா பானர்ஜி தலைமையிலான திரிணாமுல் காங்கிரஸ் கட்சியை எதிர்க்கட்சிகள் தாக்கி, மாநிலத்தில் சட்டம்-ஒழுங்கு சீர்குலைந்து விட்டதாக கூறினர்.

மாநில அமைச்சரும், பாஜக மாநிலத் தலைவருமான சுகந்தா மஜும்தார், X பக்கத்தில், ‘திரிணாமுல் காங்கிரஸ் கட்சியின் கண்காணிப்பின் கீழ் JCB எனப்படும் உள்ளூர் குண்டரின் விசாரணை மற்றும் தண்டனை இது. இது புல்டோசர் நீதி. மம்தா ஆட்சி ஆழ்ந்த கவலைக்குரியது. கங்காரு நீதிமன்ற நடைமுறைகளை நினைவூட்டுகிறது’ என்றார்.

தி இந்தியன் எக்ஸ்பிரஸ்ஸிடம் பேசிய மஜும்தார், “இது வங்காளத்தில் தலிபான் ஆட்சியைப் போன்றது. TMC ஆதரவு குண்டர்களால் அந்த ஆணும் பெண்ணும் இரக்கமின்றி தாக்கப்பட்ட விதம் கொடுமையானது. அந்த வீடியோவில் இருப்பவர் டிஎம்சி எம்எல்ஏ ஒருவரின் கூட்டாளி” என்றார்.

மார்க்சிஸ்ட் கம்யூனிஸ்ட் கட்சியின் எம்.டி சலீமும் இந்த சம்பவத்தை கண்டித்து, திரிணாமுல் காங்கிரஸ் கட்சியை கடுமையாக சாடினார்.

X பக்கத்தில் ஒரு பதிவில், ” கங்காரு நீதிமன்றம் கூட இல்லை! ஜேசிபி என்ற புனைப்பெயர் கொண்ட திரிணாமுல் காங்கிரஸ் குண்டர் வழங்கிய சுருக்கமான விசாரணை மற்றும் தண்டனை. மம்தா அதிகாரப்பூர்வ ஆட்சியின் கீழ் சோப்ராவில் புல்டோசர் நீதி” என்றார்.

இந்த சம்பவம் குறித்து பேசிய திரிணாமுல் காங்கிரஸ் மாவட்டத் தலைவர் கணையாலால் அகர்வால், “ஆணும் பெண்ணும் திருமணத்திற்குப் புறம்பான உறவில் ஈடுபட்டுள்ளனர். அவர்கள் இருவரும் திருமணமானவர்கள். இதனை அப்பகுதி மக்களால் ஏற்றுக்கொள்ள முடியவில்லை. தஜிமுல் செய்ததை நாங்கள் ஆதரிக்கவில்லை. போலீசார் வழக்குப்பதிவு செய்துள்ளனர் என்று கேள்விப்பட்டேன். கட்சி தொண்டர்களின் பங்கு குறித்தும் விசாரணை நடத்துவோம்” என்றார்.

சோப்ராவைச் சேர்ந்த டிஎம்சி எம்எல்ஏ ஹமிதுல் ரஹ்மான், “நீங்கள் வீடியோவில் குறிப்பிடும் குற்றம் சாட்டப்பட்டவர், கட்சி இலாகாக்கள் எதையும் கொண்டிருக்கவில்லை. சோப்ராவில் உள்ள அனைவரும் திரிணாமுல் காங்கிரஸ் தொண்டர்கள். எந்த எதிர்க்கட்சியும் இல்லை. உள்ளூர்வாசிகள் அவர்களுக்கு கொஞ்சம் அதிகமாகவே செய்தார்கள். இதை ஏற்க முடியாது. அவர்களை கண்டித்துள்ளோம், என்றார்.

திரிணாமுல் காங்கிரஸ் கட்சியின் தலைவர் சாந்தனு சென் கூறுகையில், “இது கண்டிக்கத்தக்கது. டிஎம்சியின் உள்ளூர் தலைவர்களும் இந்த சம்பவத்திற்கு கண்டனம் தெரிவித்துள்ளனர். போலீசார் வழக்கு பதிவு செய்து குற்றவாளிகள் விரைவில் கைது செய்யப்படுவார்கள். கங்காரு நீதிமன்றம் போன்றவற்றைப் பற்றி பாஜக பேசும்போது நமக்கு ஆச்சரியமாக இருக்கிறது. உ.பி மற்றும் பீகாரில் கங்காரு நீதிமன்றங்கள் என்ற பெயரில் எத்தனையோ கொடூரமான சம்பவங்களை நாம் பார்த்திருக்கிறோம். போலீசார் தங்கள் வேலையை செய்வார்கள்’ என்றார்.

Read in English: Couple whipped in public by TMC worker, Opp targets Mamata over ‘Taliban-like rule’

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“