பெங்களூரு கஃபே குண்டுவெடிப்பு: சி.சி டி.வி-யில் சந்தேக நபரின் அடையாளம்; பஸ்ஸில் பயணம்

பெங்களூரு ஒயிட்ஃபீல்ட் பகுதியில் உள்ள பிரபர ராமேஸ்வரம் கஃபே-ல் மார்ச் 1-ம் தேதி ஐ.இ.டி வெடிகுண்டு வெடித்ததில் 9 பேர் காயமடைந்தனர். குண்டு வைத்ததாக சந்தேகப்படும் நபரின் அடையாளங்கள் சி.சி.டி.வி கேமரா மூலம் தெரியவந்துள்ளது.  

குண்டுவெடிப்பு சம்பவத்தில் 9 பேர் காயமடைந்தனர். இந்த வழக்கு தற்போது பெங்களூரு காவல்துறையிடம் இருந்து மாற்றப்பட்டு என்.ஐ.ஏவிடம் ஒப்படைக்ககப்பட்டு விசாரணை மேற்கொள்ளப்பட்டு வருகிறது. சந்தேக நபரின் சி.சி.டி.வி காட்சியை வெளியிட்டு வழக்கில் சந்தேக நபர் குறித்து தகவல் அளித்தால் ரூ.10 லட்சம் பரிசு வழங்கப்படும் என என்.ஐ.ஏ நேற்று (புதன்கிழமை) அறிவித்தது. 

வழக்கில் சந்தேகப்படும் நபர் காலை 10.45 மணியளவில் கஃபே-ல் இருந்து 100 மீட்டர் தொலைவில் அமைந்துள்ள பேருந்து நிறுத்தத்தில் பேருந்தில் இருந்து இறங்கியுள்ளார். 11.34 மணிக்கு கஃபேக்கும் நுழைகிறார். பின் 11.43 மணியளவில் கஃபே-ல் இருந்து வெளியேறி, 1 கிலோ மீட்டருக்கு மேல் நடந்து அங்குள்ள  பேருந்து நிறுத்தத்தில் இருந்து பொது பேருந்தில் ஏறி தப்பிச் சென்றுள்ளார். இது சிசிடிவி கேமராவில் பதிவாகியுள்ளது.

சந்தேக நபரின் சிசிடிவி தடயங்கள் - கஃபே-ல் மதியம் 12.56 மணிக்கு குண்டுவெடிப்புக்கு ஒரு மணி நேரத்திற்கு முன்பு அவர் வந்ததிலிருந்து தப்பிச் செல்லும் வரை பதிவாகியுள்ளது. இது அவரது முக அம்சங்கள் உட்பட சில முக்கிய தடங்களை வழங்கியுள்ளது.

சந்தேக நபர் பல பேருந்துகளில் பயணம் செய்ததாக ஆதாரங்கள் சுட்டிக்காட்டுகின்றன - அவர் கொண்டு வந்த ஐ.இ.டி(IED)-ஐ நிறுவவும், சம்பவ இடத்திலிருந்து தப்பிச் செல்லவும் - மற்றும் தப்பிச் செல்லும் செயல்முறையின் போது சம்பவம் நடந்த இடத்திலிருந்து சில கிலோமீட்டர் தொலைவில் உள்ள ஒரு முஸ்லீம் மத மையம் உட்பட பல இடங்களில் நின்று சென்றுள்ளதாக ஆதாரங்கள் கூறுகின்றன.  

சந்தேக நபர் கஃபே-ல் இருந்த போது அணிந்திருந்த பேஸ்பால் தொப்பி, அவர் அங்கிருந்து வெளியேறி வேறு ஒரு இடத்திற்கு சென்ற போது அங்கு கண்டெடுக்கப்பட்டது. சந்தேக நபர் ஒரு இடத்தில் உடை மாற்றிக் கொண்டதாகவும் அப்போது அங்கு தொப்பியை விட்டுச் சென்றதாகவும் வட்டாரங்கள் தெரிவித்தன.

குண்டுவெடிப்பில் பயன்படுத்தப்பட்ட IED கஃபேயின் ஒரு மூலையில் - கை கழுவும் இடத்திற்கு அருகில் வைக்கப்பட்டது. நட்டு மற்றும் போல்ட்களை எறிகணைகளாகக் கொண்ட சாதனத்தின் தாக்கம், IED வைக்கப்பட்டிருந்த இடத்திற்கு அருகில் ஒரு சுவர் மற்றும் ஒரு மரத்தின் இருப்பு காரணமாக குறைந்துள்ளதாக காவல்துறை வட்டாரங்கள் தெரிவித்தன.

மக்கள் நிரம்பி இருந்த கஃபேயின் வழியாக பக்கவாட்டாக இல்லாமல், சாதனத்தில் உள்ள நட்டு மற்றும் போல்ட்கள் வெடிக்கும் போது மேல்நோக்கி பறந்தது தெரிய வந்தது. 

விசாரணையில் ஐ.இ.டி டிபன் பாக்ஸ் பையில் வைக்கப்பட்டு இருந்ததும்,  பைபர் பொருட்களால் சுற்றப்பட்டதும் தெரியவந்தது. IED ஆனது எளிதில் கிடைக்கக்கூடிய வெடிபொருட்களின் கலவையைக் கொண்டிருந்தது - சல்பர் மற்றும் பொட்டாசியம் நைட்ரேட் கலக்கப்பட்டிருந்தது.  இது அச்சிடப்பட்ட சுற்றுடன் இணைக்கப்பட்ட டிஜிட்டல் டைமர் மூலம் இயக்கப்பட்ட பல்ப் இழைகளால் வெடிக்கப்பட்டது.  

ஆங்கிலத்தில் படிக்க: https://indianexpress.com/article/cities/bangalore/bengaluru-cafe-blast-cctv-trail-gives-leads-on-suspects-identity-stopovers-9199965/

ஐ.இ.டியில் உள்ள டிரீகர் அமைப்பு 2022-ம் ஆண்டு கர்நாடகாவில் இப்போது என்.ஐ.ஏ விசாரணையில் உள்ள இரண்டு இஸ்லாமிய அரசுடன் தொடர்புடைய பயங்கரவாத சம்பவங்களில் காணப்படும் சாதனங்களுடன் நெருங்கிய ஒற்றுமையைக் கொண்டுள்ளது என்று வட்டாரங்கள் தெரிவித்தன. 

சந்தேக நபர்  கஃபேயில் 9 நிமிடம் இருந்த போது போலியான தொலைபேசியைப் பயன்படுத்தியிருக்கலாம் என விசாரணையாளர்கள் கருதுகின்றனர். மேலும் போலீசார் அவர் அங்கிருந்த போது அருகாமையில் பயன்படுத்தி வந்த செல்போன்களை அடையாளம் காண செல்போன் டவர் டம்ப் தரவுகளை போலீசார் ஆய்வு செய்து வருகின்றனர். சந்தேக நபர் அவரது இருப்பை மறைப்பதற்காக உண்மையில் செல்போனை பயன்படுத்தினாரா அல்லது வெறும் பாசாங்கு செய்தாரா என்ற சந்தேகம் எழுந்துள்ளது. 

"ஒரு ஃபோன் பயன்பாட்டில் இருக்கும்போது ஒளி தெரியும், ஆனால் இந்த விஷயத்தில் தொலைபேசியின் திரை காலியாக உள்ளது" என்று ஆதாரங்கள் தெரிவிக்கின்றன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“