யு.ஏ.இ அதிபர் ஹோட்டலில் நுழைந்த பைடன் வாகன அணிவகுப்பு கார்: ரெகுலர் கஸ்டமரை இறக்கி விட வந்ததால் பரபரப்பு

India | Delhi: தலைநகர் டெல்லியில் ஜி20 மாநாடு நடைபெற்று வருகிறது. இதில் உலக நாடுகளின் தலைவர்கள் பங்கேற்றுள்ளனர். இந்நிலையில், அமெரிக்க அதிபர் ஜோ பைடனின் வாகன அணிவகுப்பில் பங்கேற்க ஒதுக்கப்பட்ட தனியார் வாகனம் ஒன்று, நேற்று சனிக்கிழமை அதிகாலை ஐக்கிய அரபு எமிரேட்ஸ் அதிபர் மொஹமட் பின் சயீத் அல் நஹ்யான் தங்கியிருந்த  தாஜ் மான்சிங் நட்சத்திர ஹோட்டலுக்குள் நுழைந்தது. இதனால், ஹோட்டலில் இருந்த பாதுகாப்பு அலாரம் சத்தம் எழுப்பியது. இதனையடுத்து, அங்கு பரபரப்பு தொற்றிக் கொள்ளவே, அங்கிருந்த பாதுகாப்பு பணியாளர்கள் பைடனின் வாகன அணிவகுப்புக்கு செல்ல வேண்டிய எர்டிகா காரை நிறுத்தினர். 

இதுகுறித்து காரை ஓட்டி வந்த ஓட்டுநரிடம் பாதுகாப்புப் பணியாளர்கள் விசாரிக்கையில், அமெரிக்க அதிபர் ஜோ பைடன் தங்கியிருக்கும் ஐ.டி.சி மவுரியா ஹோட்டலுக்கு பணிக்கு வருவதற்கு முன், தனது வழக்கமான வாடிக்கையாளர்களில் ஒருவரை தாஜ் மான்சிங் ஹோட்டலில்  இறக்கிவிட வந்ததாக அந்த  ஓட்டுநர் தெரிவித்திருக்கிறார். 

இதுதொடர்பாக பாதுகாப்பு ஏஜென்சியின் அதிகாரி ஒருவர் கூறுகையில், வெளியுறவுத் துறை அமைச்சகம் (எம்.இ.ஏ) பைடனின் வாகன அணிவகுப்புக்காக பல தனியார் வாகனங்களை வாடகைக்கு எடுத்துள்ளது. அதில் அமெரிக்காவுக்கு என 60 வாகனங்களை ஒதுக்கியுள்ளது. அதில் ஒரு கார் தான் ஹரியானா பதிவு எண் கொண்ட  எர்டிகா கார். அதன் ஓட்டுநர் பைடனின் வாகன அணிவகுப்பில் உள்ளார். அவரது காரில் பைடனின் வாகன அணிவகுப்புடன் அதன் தொடர்பைக் குறிக்கும் பல ஸ்டிக்கர்கள் இருந்தன. 

மேலும் அந்த கார் அமெரிக்க அதிபர் தங்கியிருந்த ஐ.டி.சி மவுரியாவில் இருக்கும் என்று எதிர்பார்க்கப்பட்டது. ஆனால் சனிக்கிழமை காலை, தொழிலதிபரான அவரது வழக்கமான வாடிக்கையாளர் காலை 8 மணியளவில் அவருக்கு அழைப்பு கொடுத்துள்ளார். மேலும் அவரை தாஜ் மான்சிங் ஹோட்டலில் இறக்கிவிடுமாறும் கூறியிருக்கிறார்.  பைடனின் வாகன அணிவகுப்பு காலை 9-9.30 மணியளவில் தொடங்க திட்டமிடப்பட்டது. எனவே அவர் தனது வழக்கமான வழக்கமான வாடிக்கையாளரை இறக்கிவிட முடிவு செய்தார். 

அந்த வழக்கமான வாடிக்கையாளர் டெல்லி லோதி எஸ்டேட்டில் இருந்து  அழைத்து வரப்பட்டார், மேலும் அவர் கார் மீது ஐடிசி மவுரியா ஹோட்டல் மற்றும் பைடனின் வாகன அணிவகுப்பு  ஸ்டிக்கர்களைப் பார்த்த பிறகு பாதுகாப்புப் பணியாளர்களால் அவரைத் தடுத்து நிறுத்தினர்.

ஆங்கிலத்தில் படிக்க:- Alarm as cabbie takes time-out from Biden motorcade duty to drop off customer — at UAE President hotel

ஹோட்டலில் உள்ள பாதுகாப்புப் பணியாளர்கள் காரின் விவரங்களை ஐடிசி மவுரியாவில் உள்ள அவர்களது சக ஊழியர்களுடன் சரிபார்த்தனர். அவர் பைடனின் வாகன அணிவகுப்புக்கு செல்ல வேண்டியவர் என்பதை உறுதிப்படுத்தினார். ஓட்டுனர் மற்றும் தொழிலதிபர் ஆகியோரிடம் உளவுத்துறை அதிகாரிகளால் விசாரணை நடத்தப்பட்டது. மேலும் அவர் நெறிமுறை பற்றி அறிந்திருக்கவில்லை என்றும், பாதுகாப்பு பணியின் போது வெளியே செல்வது தவறு என்றும் கூறினார்," என்று அந்த அதிகாரி கூறினார்.

இந்த சம்பவம் குறித்து வெளியுறவுத் துறை அமைச்சகத்தின் நெறிமுறைத் தலைவருக்குத் தெரிவிக்கப்பட்டதாகவும், அதன் விளைவாக, இந்த கார் பைடனின் வாகன அணிவகுப்பில் இருந்து அகற்றப்பட்டதாகவும் மூத்த பாதுகாப்பு அதிகாரி ஒருவர் தெரிவித்தார். பாதுகாப்பு அதிகாரிகள் காரில் இருந்த அனைத்து ஸ்டிக்கர்களையும் அகற்றியுள்ளனர். விசாரணைக்குப் பிறகு டிரைவர் மற்றும் அவரது வாடிக்கையாளர் இருவரும் விடுவிக்கப்பட்டனர் மற்றும் அவர்கள் மீது எந்த சட்ட நடவடிக்கையும் எடுக்கப்படவில்லை.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“