பாகிஸ்தான் பத்திரிக்கையாளரின் குற்றச்சாட்டுகள்; கேள்வி எழுப்பும் பா.ஜ.க; மறுக்கும் ஹமீத் அன்சாரி

BJP attacks former Vice President Hamid Ansari over Pak journalist’s claims; he says ‘litany of falsehood’: முன்னாள் குடியரசுத் துணைத் தலைவர் ஹமீத் அன்சாரி தன்னை இந்தியாவுக்கு அழைத்ததாகவும், பாகிஸ்தானின் இன்டர் சர்வீசஸ் இன்டெலிஜென்ஸ் (ஐஎஸ்ஐ) உடனான தனது பயணத்தின் போது தான் சேகரித்த தகவல்களைப் பகிர்ந்து கொண்டதாகவும் பாகிஸ்தான் பத்திரிக்கையாளர் நுஸ்ரத் மிர்சா கூறியது குறித்த “டிவி மற்றும் சமூக ஊடக” அறிக்கைகளை எடுத்துக்கொண்டு, ஹமீத் அன்சாரி மற்றும் காங்கிரஸிடம் இருந்து பா.ஜ.க பதில் கோரியது. ஹமீத் அன்சாரி இந்த அறிக்கைகள் மற்றும் பா.ஜ.க.,வின் குற்றச்சாட்டுகளை "பொய்யின் வழிபாடு" என்று மறுத்தார்.

பாகிஸ்தான் பத்திரிக்கையாளரான நுஸ்ரத் மிர்சா, முன்னாள் துணை குடியரசுத் தலைவர் ஹமீத் அன்சாரி 2005 முதல் 2011 வரை 5 முறை இந்தியா வருமாறு அழைத்ததாக கூறியுள்ளார். “அவரது இந்தியப் பயணத்தின் போது, ​​அவரை (அன்சாரி) சந்தித்துபோது, முக்கியமான மற்றும் ரகசியமான தகவல்கள் பகிரப்பட்டதாக நுஸ்ரத் மிர்சா கூறியுள்ளார். துணை குடியரசுத் தலைவர் பதவி என்பது அரசியல் சாசனப் பதவி என்பதையும், நாட்டின் பாதுகாப்புடன் தொடர்புடைய பல விஷயங்களைப் பகிர்ந்து கொள்ள முடியாது என்பதையும் நாம் மறந்துவிடக் கூடாது” என்று பா.ஜ.க செய்தித் தொடர்பாளர் கௌரவ் பாட்டியா, பாஜக தலைமையகத்தில் நடைபெற்ற செய்தியாளர் கூட்டத்தில் தெரிவித்தார்.

இதையும் படியுங்கள்: ஓப்போ நிறுவனம் ரூ.4,389 கோடி வரி ஏய்ப்பு; வருவாய் புலனாய்வு இயக்குனரகம் கண்டுபிடிப்பு

அப்போது ஆட்சியில் இருந்த காங்கிரஸும், ஹமீத் அன்சாரியும் இந்த சம்பவங்கள் நடந்ததா என்பதை நாட்டுக்கு தெரிவிக்க வேண்டும் என்று பா.ஜ.க செய்தித் தொடர்பாளர் கூறினார். "பயங்கரவாதத்தை ஆதரிப்பதாக அறியப்பட்ட நாட்டிலிருந்து" ஒரு நபரை ஹமீத் அன்சாரி பயங்கரவாத எதிர்ப்பு பற்றி பேச அழைத்ததாக கௌரவ் பாட்டியா குற்றம் சாட்டினார்.

"பயங்கரவாதத்தை எதிர்த்துப் போராடுவதில் இதுதான் அவர்களின் கொள்கை" என்று பாட்டியா கூறினார். "பயங்கரவாதத்திற்கு எதிரான பிரச்சாரத்தை இந்தியா முன்னெடுத்து வருகிறது, நமது நாட்டிற்கும் அதன் மக்களுக்கும் எதிராகப் பயன்படுத்தப்படும் தகவல்களை வழங்கிய ஒருவரை காங்கிரஸ் அரசாங்கம் மாநாட்டுக்கு அழைத்துள்ளது," என்று பாட்டியா கூறினார்.

“இந்த (தகவல்) ஒருமுறை பகிரப்படவில்லை, ஐந்து முறை பகிரப்பட்டது. இந்தியாவைப் பலவீனப்படுத்த ஐ.எஸ்.ஐ இந்தியாவுக்கு எதிராக இந்தத் தகவலைப் பயன்படுத்தியதாக அவர் கூறுகிறார்,” என்று பாட்டியா குற்றம் சாட்டினார்.

பாட்டியா முன்னாள் துணை ஜனாதிபதியிடமும் பதில் கோரினார். “எந்தவொரு அரசாங்கமோ அல்லது நிறுவனமோ தேசத்தின் நலன்களுக்கு எதிராகவோ அல்லது தேசத்தின் பாதுகாப்பைக் காயப்படுத்தவோ கூடாது என்ற விதியை நீங்கள் அவரை அழைத்து, மீறியது உண்மையா? நீங்கள் இந்த நபரை அழைத்து, அதிகாரப்பூர்வமாக அல்லது அதிகாரப்பூர்வமற்ற முறையில் ரகசிய மற்றும் முக்கியமான விஷயங்களைப் பகிர்ந்து கொண்டீர்களா?" என்று பாட்டியா கேட்டார். முன்னாள் குடியரசுத் துணைத் தலைவர் அன்சாரி அவ்வாறு செய்திருந்தால், "இந்த தேசத்தின் மீது நீங்கள் உறுதியாக இருக்கிறீர்கள் என்பதைக் காட்ட தற்போதைய ஆட்சியுடன் பகிர்ந்து கொள்ள வேண்டும்" என்று பாட்டியா கூறினார்.

பத்திரிக்கையாளர் தனது தகவல்களை ஐ.எஸ்.ஐ-யுடன் பகிர்ந்து கொள்கிறார் என்று அன்சாரிக்கு உளவுத்துறை எச்சரித்ததா என்றும் பாட்டியா கேட்டார்.

சோனியா மற்றும் ராகுல் காந்தி என்று பெயர் குறிப்பிட்டு காங்கிரஸைத் தாக்கிய பாட்டியா, "தேசத்திற்காக அல்ல குடும்பத்திற்காக" நிற்கும் வரலாறு எதிர்க்கட்சிக்கு உள்ளது என்று கூறினார். பத்திரிக்கையாளரை அழைக்க சோனியா குடும்பத்தின் அறிவுறுத்தல்களை நீங்கள் பெற்றீர்களா என்றும் பாட்டியா அன்சாரியிடம் கேள்வி எழுப்பியுள்ளார்.

சக பத்திரிக்கையாளரும் யூடியூபருமான ஷகில் சௌத்ரி உடனான சமீபத்திய உரையாடலில் நுஸ்ரத் மிர்சா கூறியதாக ஊடக அறிக்கைகள் கூறுகின்றன.

அன்சாரி அந்த அறிக்கைகளை நிராகரித்தார். “நேற்றும் இன்றும் தனிப்பட்ட முறையில் ஊடகப் பிரிவுகளிலும், பா.ஜ.க.,வின் அதிகாரபூர்வ செய்தித் தொடர்பாளராலும் என்மீது ஒரு பொய்யான பொய் கட்டவிழ்த்து விடப்பட்டுள்ளது. இந்திய துணை ஜனாதிபதி என்ற முறையில் பாகிஸ்தான் பத்திரிக்கையாளர் நுஸ்ரத் மிர்சாவை அழைத்திருந்தேன். "பயங்கரவாதம்" என்ற தலைப்பில் புதுடெல்லியில் நடந்த மாநாட்டில் நான் அவரைச் சந்தித்தேன் என்றும், ஈரானுக்கான தூதராக இருந்தபோது, ​​அரசாங்க அமைப்பின் முன்னாள் அதிகாரி ஒருவர் குற்றம் சாட்டிய விவகாரத்தில் தேசிய நலனுக்கு துரோகம் இழைத்துவிட்டேன் என்றும் அறிக்கைகள் வெளிவந்துள்ளன” என்று ஹமீத் அன்சாரி கூறினார்.

“வெளிநாட்டுப் பிரமுகர்களுக்கு இந்தியத் துணைக் குடியரசுத் தலைவர் அழைப்பிதழ்கள் பொதுவாக வெளியுறவுத்துறை அமைச்சகம் மூலம் அரசாங்கத்தின் ஆலோசனையின் பேரில் இருக்கும் என்பது அனைவரும் அறிந்ததே. டிசம்பர் 11, 2010 அன்று "சர்வதேச பயங்கரவாதம் மற்றும் மனித உரிமைகள் பற்றிய சர்வதேச நீதிபதிகளின் மாநாடு" என்ற பயங்கரவாத மாநாட்டை நான் துவக்கி வைத்தேன். வழக்கமான நடைமுறையில் இந்த அழைப்பாளர்களின் பட்டியல் அமைப்பாளர்களால் வரையப்பட்டிருக்கும். நான் அவரை அழைக்கவில்லை அல்லது சந்தித்ததில்லை, ”என்று ஹமீத் அன்சாரி கூறினார்.

அன்சாரி கூறுகையில், "ஈரானுக்கான தூதராக அவர் பணியாற்றுவது அன்றைய அரசாங்கத்திற்கு தெரிந்த விஷயம்” என்று கூறினார்.

“இதுபோன்ற விஷயங்களில் தேசிய பாதுகாப்புக்கான அர்ப்பணிப்புக்கு நான் கட்டுப்பட்டிருக்கிறேன், அவை குறித்து கருத்து தெரிவிப்பதைத் தவிர்க்கிறேன். இந்திய அரசிடம் அனைத்துத் தகவல்களும் உள்ளன, உண்மையைச் சொல்லும் ஒரே அதிகாரம் இந்திய அரசிடம் உள்ளது. டெஹ்ரானில் நான் பணியாற்றிய பிறகு, நியூயார்க்கில் உள்ள ஐக்கிய நாடுகள் சபைக்கான இந்தியாவின் நிரந்தரப் பிரதிநிதியாக நான் நியமிக்கப்பட்டேன் என்பது பதிவு செய்யப்பட்ட விஷயம். அங்கு எனது பணி உள்நாட்டிலும் வெளிநாட்டிலும் அங்கீகரிக்கப்பட்டுள்ளது,” என்று ஹமீத் அன்சாரி கூறினார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil