அருணாச்சலில் அசராமல் அடித்த பா.ஜ.க; சிக்கிம் நிலவரம் தெரியுமா?

அருணாச்சலப் பிரதேசத்தில் ஏற்கனவே 10 சட்டப்பேரவை தொகுதிகளில் போட்டியின்றி வெற்றி பெற்ற ஆளும் பாஜக, அமோக பெரும்பான்மையுடன் மாநிலத்தில் மீண்டும் ஆட்சிக்கு வருகிறது.
மொத்தமுள்ள 60 இடங்களில் 46 இடங்களைப் பெற்று பெமா காண்டு தலைமையிலான பாஜக தொடர்ந்து மூன்றாவது முறையாக ஆட்சி அமைக்க உள்ளது. இதற்கிடையில், பாமெங்கில் காங்கிரஸ் ஒரு இடத்தையும், தேசிய மக்கள் கட்சி (NPEP) இதுவரை ஐந்து இடங்களையும், மூன்று சுயேச்சை வேட்பாளர்களும் வெற்றி பெற்றுள்ளனர்.

மாநிலத்தில் உள்ள 50 சட்டசபை தொகுதிகளுக்கு நடந்த தேர்தலில் 133 வேட்பாளர்களுக்கு பதிவான வாக்குகள் சுமார் 24 மையங்களில் எண்ணப்பட்டன. அருணாச்சல மற்றும் சிக்கிம் மாநில சட்டசபைகளின் பதவிக்காலம் ஜூன் 2-ம் தேதியுடன் முடிவடைவதால், அன்றைய தினம் புதிய சட்டசபை அமைக்கப்பட உள்ளதால், ஜூன் 4-ம் தேதி முதல் ஞாயிற்றுக்கிழமை வரை வாக்கு எண்ணும் நாள் நீட்டிக்கப்பட்டது.

ஏப்ரல் 19 ஆம் தேதி முதல் மற்றும் மிகப்பெரிய கட்டமாக மக்களவைத் தேர்தலுடன் மாநிலத்தில் சட்டமன்றத் தேர்தலும் ஒரே நேரத்தில் நடைபெற்றது. ஒட்டுமொத்த வாக்குப்பதிவு 82.95 சதவீதமாக பதிவாகியுள்ளது, இது 2019 சட்டமன்றத் தேர்தலை விட அதிகமாகும்.

கடந்த ஏப்ரல் 2019 தேர்தலில் பெமா காண்டு முதலமைச்சராக பாஜக ஆட்சிக்கு வந்தது. சிஎம் காண்டு தனது குடும்பத்தின் கோட்டையான முக்டோவில் இருந்து போட்டியின்றி வெற்றி பெற்றார், அவர் தனது தந்தையும் முன்னாள் முதல்வருமான டோர்ஜி காண்டுவின் மரணத்திற்குப் பிறகு 2011 இடைத்தேர்தலில் போட்டியின்றி வென்றார்.

2014ல் அவர் மீண்டும் போட்டியின்றி வெற்றி பெற்றார். 2019 தேர்தலில் ஆளும் கட்சி லோக்சபா தொகுதிகள் மற்றும் 41 சட்டசபை தொகுதிகளில் வெற்றி பெற்றது. JD (U) 7 சட்டமன்ற இடங்களிலும், NPP 5 இடங்களிலும், காங்கிரஸ் 4 இடங்களிலும், PPA ஒரு தொகுதியிலும் வெற்றி பெற்றன. இரண்டு சுயேச்சை வேட்பாளர்களும் வெற்றி பெற்றனர்.

ஆங்கிலத்தில் வாசிக்க : Arunachal Pradesh Election Results 2024 Live Updates: BJP returns to power in state, outperforms 2019 polls

சிக்கிம் தேர்தல் முடிவுகள்

மாநிலத்தில் ஆளும் சிக்கிம் கிராந்திகாரி மோர்ச்சா (SKM) அமோக வெற்றியுடன் மீண்டும் ஆட்சியைப் பிடித்தது, சட்டமன்றத் தேர்தலில் 32 இடங்களில் 31 இடங்களைக் கைப்பற்றி அபார வெற்றியைப் பெற்றது.

சிக்கிம் முதலமைச்சரும், எஸ்.கே.எம் கட்சியின் தலைவருமான பிரேம் சிங் தமாங், ரினொக் (Rhenock) தொகுதியில் வெற்றி பெற்றுள்ளார். சிக்கிம் ஜனநாயக முன்னணி (SDF) போட்டியாளரான சோம் நாத் பௌடியாலை 7,044 வாக்குகள் வித்தியாசத்தில் வெற்றி பெற்றார்.

காங்டாக்கில் உள்ள கட்சி அலுவலகத்தில் நடந்த கொண்டாட்டத்தின் போது செய்தியாளர்களிடம் பேசிய தமாங், சிக்கிம் மக்களுக்கு நன்றி தெரிவித்தார்.
இதற்கிடையில், எஸ்.டி.எஃப் ஷியாரி தொகுதியில் மட்டுமே வெற்றி பெற முடிந்தது.
முன்னாள் முதலமைச்சரும், எஸ்.டி.எஃப் தலைவருமான பவன் குமார் சாம்லிங், போக்லோக் சட்டமன்றத் தொகுதியில் எஸ்கேஎம் வேட்பாளர் போஜ் ராஜ் ராயிடம் 3,063 வாக்குகள் வித்தியாசத்தில் தோல்வியை எதிர்கொண்டார் என்பது குறிப்பிடத்தக்கது.

ஆங்கிலத்தில் வாசிக்க : Election Results 2024 Sikkim Live Updates: Prem Singh Tamang-led SKM cruises to emphatic victory in Sikkim

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“