இந்தியாவில் நாடாளுமன்றத் தேர்தல் விரைவில் நடைபெற உள்ளது. இதற்கு அரசியல் கட்சிகள் முழுவீச்சில் தயாராகி வருகின்றன. இந்நிலையில், பா.ஜ.க தேர்தல் ஆணையத்திடம் நேற்று (பிப்.28) கோரிக்கை ஒன்றை வைத்துள்ளது. அதில், லோக்சபா தேர்தலில் வாக்களிக்க வரும் வாக்காளர்கள் மோசடி செய்வதை தடுக்கும் வகையில் 2 ஸ்டெப் வெரிஃபிகேஷன் நடைமுறையை மேற்கொள்ள வலியுறுத்தி உள்ளது.
அதாவது, வாக்காளர்கள் வாக்குப் பதிவு அறைக்குள் வருவதற்கு முன் அவர்களுக்கு 2 ஸ்டெப் வெரிஃபிகேஷன் நடைமுறை சோதனையைப் பின்பற்ற வேண்டும் என தேர்தல் ஆணையத்திடம் பா.ஜக வலியுறுத்தியது.
மத்திய அமைச்சர் அஷ்வினி வைஷ்ணவ், அருண் சிங் மற்றும் ஓம் பதக் உள்ளிட்ட பா.ஜ.க தலைவர்கள் குழு நேற்று தேர்தல் ஆணையத்திடம் “two-step identification of voters” குறித்தான கோரிக்கை மனுவை வழங்கினர்.
பா.ஜ.க அளித்த மனுவில், வாக்குச் சாவடிகளில் முறைகேடுகள் தொடர்பான பிரச்சினை மற்றும் புகார்களைத் தடுக்க, வாக்காளர் வாக்குச் சாவடி மையத்திற்குள் நுழையும் முன் ‘2 ஸ்டெப் வெரிஃபிகேஷன்’ செய்வது குறித்து ஆராய வேண்டும். இதுபோன்ற நடைமுறையை செய்யும் போது அரசியல் கட்சிகளுக்கு நியாயமான தேர்தல் உறுதிபடுத்தப்படும் எனக் கூறியிருந்தது.
50% வாக்குச் சாவடிகளில் வீடியோகிராஃபி மற்றும் நேரடி இணையதளம் மூலம் ஒளிபரப்பப்படும் தற்போதைய நடைமுறைக்குப் பதிலாக, அனைத்து மாநிலங்களிலும் உள்ள அனைத்து வாக்குச் சாவடிகளிலும் இதைப் பின்பற்ற வேண்டும் என்றும் கட்சி கூறியது.
குறிப்பாணை விரிவாகக் கூறப்படவில்லை என்றாலும், ஓம் பதக் தி இந்தியன் எக்ஸ்பிரஸிடம் கூறுகையில், போலி வாக்காளர்கள் பற்றிய புகார்கள் தேர்தல்களின் போது வெவ்வேறு கட்சிகளால் கூறப்படுகின்றன.
வாக்குச்சாவடிக்குள் நுழையும் முன் வாக்காளரின் புகைப்படத்தை எடுத்து புகைப்பட அடையாள அட்டையுடன் ஒப்பிட்டு பார்க்குமாறு கட்சி பரிந்துரைத்தது.
பின்னர், வாக்குச் சாவடிக்கான வாக்காளர் பட்டியலில் பெயர் மற்றும் அடையாள அட்டையை வாக்குச் சாவடி ஊழியர்கள் சரிபார்க்கின்றனர். "இது தேர்தலில் அதிக வெளிப்படைத் தன்மையை உருவாக்கும்" என்று கூறினார்.
கடந்த ஆண்டு செப்டம்பரில் தேர்தல் ஆணையம் தலைமை நிர்வாக அதிகாரிகளுக்கு அறிவுறுத்தியபடி, உயரமான குடியிருப்புகளில் வாக்குச் சாவடிகள் அமைக்கப்படுவதை உறுதி செய்யுமாறு பாஜக தேர்தல் ஆணையத்திடம் கேட்டுக் கொண்டது. இது தொடர்பாக ஆணையத்தின் முன்முயற்சியை நாங்கள் வரவேற்கிறோம் என்றாலும், ஆணையத்தின் வழிகாட்டுதலின்படி புதிய வாக்குச் சாவடிகளை அமைப்பது குறித்து எங்களுக்கு இன்னும் தெரியவில்லை,” என்று பா.ஜ.க தரப்பில் கூறப்பட்டுள்ளது.
ஆங்கிலத்தில் படிக்க: https://indianexpress.com/article/india/bjp-urges-election-commission-to-follow-two-step-voter-verification-9187100/
உயரமான குடியிருப்பு சங்கங்களில் புதிய வாக்குச் சாவடிகளை அமைப்பது வாக்காளர்களின் எண்ணிக்கையை மேம்படுத்தும் என்று பாஜக கூறியது. “பொதுத் தேர்தல்கள் அறிவிக்கப்படுவதற்கு முன்னதாகவே இதுபோன்ற வாக்குச் சாவடிகளை அமைப்பதை ஆணையம் உறுதி செய்யும் என்று நாங்கள் உண்மையிலேயே நம்புகிறோம்,” என்றும் அவர் கூறினார்.
தேர்தல்களின் போது ஊடக சான்றளிப்பு மற்றும் கண்காணிப்பு குழுக்களின் விளம்பரங்கள் மற்றும் விளம்பரங்களுக்கு அனுமதி வழங்குவதில் தாமதம் ஏற்படுவதையும் கட்சி எழுப்பியது.
“இந்தக் குழுக்களின் செயல்பாடுகள் ஒழுங்கற்றதாகவும், விசித்திரமாகவும் சில சமயங்களில் புறம்பான கருத்துக்களால் தாக்கம் செலுத்துவதாகவும் கவனிக்கப்படுகிறது. ஊடகப் படைப்பாளிகளை தவறான மற்றும் நியாயமற்ற முறையில் நிராகரித்த வழக்குகள் மற்றும் தேவையற்ற தாமதங்கள் எங்களிடம் உள்ளன… பிரச்சார நேரம் மிகக் குறைவு, இந்த தாமதங்கள் தேர்தல் பிரச்சாரங்களை பாதிக்கலாம்,” என்றும் பா.ஜ.க நிர்வாகிகள் கூறினர்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/fDXL3tN2vPbAJlCkCLJU.jpg)