ஆர்.எஸ்.எஸ்-ன் மகளாகத் தன்னைப் பிரகடனப்படுத்திக் கொண்ட இந்து பாரம்பரியத்தை சேர்ந்த தொழிலதிபர், மருத்துவமனை நிர்வாகி மற்றும் பரதநாட்டிய நடனக் கலைஞர், கொம்பெல்லா மாதவி லதா.
இவர், ஹைதராபாத்தில் தனது கோட்டையான ஏஐஎம்ஐஎம் தலைவர் அசாதுதீன் ஒவைசியை எதிர்த்து போட்டியிடுகிறார். 49 வயதான லதா, மூன்று குழந்தைகளின் தாய் ஆவார்.
உஸ்மானியா பல்கலைக் கழகத்தில் அரசியல் அறிவியலில் முதுகலை பட்டதாரியான லதா, ஆவேசமாக பேச்சுகளுக்கு சொந்தக்காரர் ஆவார்.
இது குறித்து பா.ஜ.க மூத்தத் தலைவர் ஒருவர், “அவரது வலுவான பேச்சுத் திறன் அவருக்கு சாதகமாக அமையும். அவரின் வெற்றிக்கு தொண்டர்கள் உறுதியாக பாடுபடுவார்கள்” என்றார்.
ஹைதராபாத் மக்களவைத் தொகுதியை நான்கு தசாப்தங்களாக ஏஐஎம்ஐஎம் கைப்பற்றியுள்ளது. இங்கு, சலாவுதீன் ஓவைசி 1984 முதல் 1999 வரை எம்.பி. ஆக இருந்தார்.
தொடர்ந்து, அவரது மகன் அசாதுதீன் வெற்றி பெற்று வருகிறார். ஹைதராபாத் தொகுதியில் கோஷாமஹாலைத் தவிர, மற்ற இடங்களில் அசாதுதீன் ஒவைசி கட்சியான ஏஐஎம்ஐஎம் வெற்றி பெற்றுள்ளது. கோஷாமஹால் தொகுதியில் பாரதிய ஜனதா கட்சியின் டி. ராஜாசிங் வெற்றி பெற்றுள்ளார்.
2014 மற்றும் 2019 மக்களவைத் தேர்தல்களில் வேட்பாளராக இருந்த, இரண்டு முறையும் அசாதுதீனிடம் பெரும் வாக்கு வித்தியாசத்தில் தோல்வியடைந்த கட்சியின் மூத்த தலைவர் பகவந்த் ராவ் பவாரை விட லதாவை பாஜக இம்முறை தேர்வு செய்துள்ளது.
இது குறித்து லதா, ““எனது கருத்துக் கணிப்புப் பிரச்சினையாக இந்து-முஸ்லிம் இருந்திருந்தால் பாஜக என்னைத் தேர்ந்தெடுத்திருக்காது. நான் பல முஸ்லீம்களுடன் இணைந்து பணியாற்றுவது கட்சிக்கு தெரியும், அவர்கள் மீது நான் பரிவு காட்டுகிறேன். முத்தலாக்கை கடுமையாக விமர்சித்தவன் நான். கோவிலுக்காக உண்ணாவிரதம் இருக்க முடிந்தால், ஒரு முஸ்லிம் பெண்ணுக்கும் அதையே செய்வேன்,'' என்கிறார்.
மேலும், ““எனக்கு வடுவை ஏற்படுத்தியது 1980 களில் நடந்த வகுப்புவாத கலவரங்கள். ஒருவரின் உயிரைப் பறிப்பதன் மூலம் மக்கள் ஏன் தங்கள் வெறுப்பை வெளிப்படுத்த விரும்புகிறார்கள் என்று அவர்கள் என்னை சிந்திக்க விட்டுவிட்டனர். இன்று, பல வருட அனுபவத்துடன், இதற்குப் பின்னால் இருப்பது சாமானியர்கள் அல்ல, மாறாக ஒரு அரசியல் விளையாட்டு என்பதை நான் உணர்கிறேன்” என்றார்.
“ஒரு சாமானிய மனிதனோ இந்துவோ அல்லது முஸ்லிமோ வன்முறையை விரும்புவதில்லை. ஒரு இந்து துன்பப்படுவது சாமானிய முஸ்லீம் மனிதனால் அல்ல, மாறாக அதிகாரத்தை வைத்திருக்கும் நபர்களால் நடக்கிறது” என வெளிப்படையாக ஓவைசியை அவர் விமர்சித்து இருந்தார்.
தொடர்ந்து, “பழைய நகரத்தின் ஒவ்வொரு பைலேன்களிலும் நான் பிரச்சாரம் செய்வேன், என் மீது ஒரு கல் வீசப்பட்டாலும், அசாதுதீன் பதில் சொல்ல வேண்டும்” என பகிரங்கமாக சவால் விடுத்தார்.
இதற்கிடையில், 2 லட்சத்துக்கும் அதிகமான இந்து வாக்காளர்கள் வாக்காளர் பட்டியலில் இருந்து சட்டவிரோதமாக நீக்கப்பட்டதாக லதா குற்றம் சாட்டியுள்ளார்.
இது குறித்து அவர், “இது நான்கு தசாப்தங்களாக நடைமுறையில் உள்ளது.
ஓல்ட் சிட்டி பகுதியில் முஸ்லீம்கள் அதிகம் இருப்பதாக நாடு நினைக்கிறது அதனால் அசாதுதீன் வெற்றி பெற்று வருகிறார். நான் மற்றொரு வேட்பாளர் அல்ல என்பதை அசாத் பாயிடம் சொல்ல விரும்புகிறேன்.
உங்களால் பாதிக்கப்பட்ட அனைத்து சமூக மக்களிடமும் வாக்குகளைப் பெறுவேன். நான் என் வாழ்க்கையின் பணியில் இருக்கிறேன்” என்றார்.
குடியுரிமை (திருத்தம்) சட்டம், ஒரே மாதிரியான சிவில் கோட் மற்றும் உடனடி முத்தலாக் ஆகியவற்றைச் சுற்றியுள்ள "தவறான கருத்துக்கள்" லதாவின் பேச்சில் அதிகம் வெளிப்படும்.
இது குறித்து அவர், “எனது முஸ்லீம் சகோதர சகோதரிகளுக்கு சிஏஏ பலனளிக்கும் என்று நான் கூற விரும்புகிறேன். ஏனெனில் வேறு எந்த நாட்டிலிருந்தும் ஒரு முஸ்லீம் நபருக்கு குடியுரிமை வழங்கப்படாது (எளிதில்), எனவே குடிமக்களுக்கு வழங்கப்படும் சலுகைகளுக்கு தகுதி பெறாது” என்றார்.
ஆங்கிலத்தில் வாசிக்க : BJP’s choice to take on Asaduddin Owaisi in Hyderabad: Long-time RSS worker, mother of three
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2FDEiGcO8MDpKYnSHXWK.jpg)