பிரபல பாலிவுட் நடிகை ஸ்ரீதேவி நேற்றிரவு (சனிக்கிழமை) துபாயில் மாரடைப்பால் காலமானார். அவருக்கு வயது 54.
துபாய்க்கு திருமணத்துக்கு குடும்பத்துடன் சென்றிருந்தபோது மாரடைப்பு ஏற்பட்டதாக தெரிவிக்கப்பட்டது. அவருடன் கணவர் போனி கபூர், மகள் குஷி ஆகியோர் இருந்தனர். இந்தியன் எக்ஸ்பிரஸ்க்கு இந்த செய்தியை போனி கபூரின் சகோதரர், சஞ்சய் கபூர் உறுதி செய்தார்.
ஸ்ரீ அம்மா யாங்கர் எனும் இயற்பெயருடன் பிறந்த ஸ்ரீதேவி, தமிழ், தெலுங்கு, மலையாளம், கன்னடம் ஆகிய தென்னிந்திய மொழி திரைப்படங்களில் நடித்து புகழ் பெற்றார். அதன்பிறகு பாலிவுட்டில் ஜூலி (1975) என்ற திரைப்படம் மூலம் அறிமுகமானார். கதாநாயகியாக தமிழிலில் நடித்த முதல் திரைப்படம் மூன்று முடிச்சு (1976). அப்போது அவருக்கு வயது 13. ஸ்ரீதேவிக்கு கடந்த 2013-ஆம் ஆண்டு பத்மஸ்ரீ விருதை வழங்கியது.
இந்திய திரையுலகின் 'லேடி சூப்பர்ஸ்டார்' ஸ்ரீதேவியின் திடீர் மரணம் அதிர்ச்சி அளிக்கிறது. தமிழகத்தை சேர்ந்த ஸ்ரீதேவி, ஒரு குழந்தை நட்சத்திரமாக அறிமுகமாகி தனது அபரிதமான திறமையால் தென்னிந்திய மொழிகளில் மட்டுமின்றி இந்தி திரைப்படத் துறையிலும் முடி சூடா ராணியாக வெற்றிக் கொடி நாட்டியவர்
— TTV Dhinakaran (@TTVDhinakaran) February 25, 2018
15 ஆண்டுகளுக்கு முன்பு ஜூசாய் என்ற திரைப்படத்தில் நடித்த ஸ்ரீதேவி அதன்பின், சினிமாவிலிருந்து விலகினார். அதன்பின், 2012-ஆம் ஆண்டு ‘இங்கிலீஷ் விங்லீஷ்’ என்ற திரைப்படத்தின் மூலம் மீண்டும் நடிக்க வந்தார். கடைசியாக 2017-ஆம் ஆண்டு மாம் எனும் திரைப்படத்தில் நடித்தார்.
ஸ்ரீதேவி அவர்கள் இழப்பு திரையுலகிற்கு மிகப்பெரிய ஈடுசெய்யமுடியாத ஒரு இழப்பாகும். அவரை இழந்துவாடும் அவரது குடும்பத்தினருக்கும், உறவினர்களுக்கும், நண்பர்களுக்கும், ரசிகர்களுக்கும் எனது ஆழ்ந்த இரங்கலை தெரிவித்துக்கொள்கிறேன். அவரது ஆன்மா சாந்தியடைய எல்லாம் வல்ல இறைவனை வேண்டுகிறேன். pic.twitter.com/RGkfstwS6E
— Vijayakant (@iVijayakant) February 25, 2018
ஸ்ரீதேவியின் கணவர் போனி கபூர். இத்தம்பதிக்கு ஜானவி, குஷி என்ற இரு மகள்கள் உள்ளனர். போனி கபூரின் சகோதரர் அனில் கபூருடன் இணைந்து நடித்த திரைப்படங்கள் பெரும் புகழை பெற்றன.
Stay updated with the latest news headlines and all the latest Lifestyle news. Download Indian Express Tamil App - Android or iOS.