புதுச்சேரி முதல்வர் ரங்கசாமி வீட்டிற்கு 2-வது முறையாக வெடிகுண்டு மிரட்டல்: பிரெஞ்சு தூதரகத்திற்கும் மிரட்டல்!

புதுச்சேரி முதலமைச்சர் ரங்கசாமி வீட்டுக்கு இன்று மீண்டும் 2-வது முறையாக வெடிகுண்டு மிரட்டல் விடுக்கப்பட்டுள்ளது. இது தொடர்பாக முதலமைச்சரின் சிறப்பு தனிப்பிரிவு அதிகாரிகள் ஜிப்மர் தன்வந்திரி போலீசில் புகார் கொடுத்துள்ளனர். புகாரின் பேரில் மோப்ப நாய் மற்றும் வெடிகுண்டு நிபுணர்களுடன் சம்பவ இடத்திற்கு விரைந்த போலீசார், முதல்வர் வீடு மற்றும் அப்பா பைத்தியசாமி கோயிலில் சோதனை செய்தனர். இதுவரை எந்த மர்ம பொருளும் கண்டுபிடிக்கவில்லை. இது வதந்தி என்று கூறப்படுகிறது. இப்பினும் போலீசார் முன்னெச்சரிக்கை நடவடிக்கையாக தீவிர சோதனையில் ஈடுபட்டு வருகின்றனர்.

நேற்று கேரள முதல் மந்திரி பினராயி விஜயன் வீட்டிற்கும் மின்னஞ்சல் மூலம் வெடிகுண்டு மிரட்டல் விடுக்கப்பட்டது. புதுச்சேரி முதல்வர் ரங்கசாமியின் வீட்டிற்கு இந்த மாதத்தில் மட்டும் 2 முறை வெடிகுண்டு மிரட்டல் விடுக்கப்பட்டுள்ளது குறிப்பிடத்தக்கது.