ஹைதராபாத் பேரிடர் நிவாரணம் மற்றும் சொத்து பாதுகாப்பு முகமை (HYDRAA) சனிக்கிழமையன்று, நகரின் மாதாப்பூர் பகுதியில் உள்ள ஃபுல் டேங்க் லெவல் (FTL) பகுதியில் சட்டவிரோதமாக அத்துமீறல் செய்ததாக எழுந்த குற்றச்சாட்டைத் தொடர்ந்து, தெலுங்கு நடிகர் நாகார்ஜுனா அக்கினேனிக்குச் சொந்தமான மாநாட்டு மண்டபத்தை (Convention Hall) இடிக்கும் பணியைத் தொடங்கியது.
ஆங்கிலத்தில் படிக்க: Bulldozers demolish Telugu actor Nagarjuna’s convention hall in Hyderabad, he calls it ‘unlawful’
இதனிடையே நாகார்ஜூனா தனது எக்ஸ் பக்கத்தில் ஒரு அறிக்கையை வெளியிட்டார், கன்வென்சன் ஹால் இடிப்பு நடவடிக்கையை "சட்டவிரோதம்" என்று அழைத்தார், மேலும் கட்டடத்தில் எந்த விதிமீறலும் இல்லை என்று மறுத்த நாகார்ஜூனா, இந்த வழக்கு தற்போது நீதிமன்றத்தில் நிலுவையில் உள்ளதாகவும் தெரிவித்தார்.
இடிப்பு நடவடிக்கையின் போது ஹைதராபாத் போலீசாரும் சம்பவ இடத்தில் இருந்தனர். "ஹைட்ரா அதிகாரிகள் இன்று காலை ’N’ மாநாட்டு மண்டபத்தை இடிக்கத் தொடங்கினர், மேலும் அந்த நிலம் ஃபுல் டேங்க் லெவல் மண்டலத்தின் கீழ் வருவதால், இடிப்பு சுமூகமாக நடைபெறுவதை உறுதி செய்வதற்காக நாங்கள் போலீஸ் படையை அனுப்பியுள்ளோம்," என்று மாதபூரின் காவல்துறை துணை ஆணையர் கூறியதாக செய்தி நிறுவனமான ஏ.என்.ஐ தெரிவித்துள்ளது.
"தவறான தகவலின் அடிப்படையில்" இடிப்பு தவறாக நடத்தப்பட்டது என்று எக்ஸ் தளத்தில் பதிவிட்டுள்ள நாகார்ஜுனா, நீதிமன்றம் தனக்கு எதிராக தீர்ப்பளித்திருந்தால், இடிப்பை தானே மேற்கொண்டிருப்பேன் என்று கூறினார். “நிலம் பட்டா நிலம், குளத்தின் ஒரு அங்குலம் கூட ஆக்கிரமிக்கப்படவில்லை. தனியார் நிலத்தின் உள்ளே கட்டப்பட்ட கட்டிடம் தொடர்பாக, இடிப்புக்கான முந்தைய சட்டவிரோத நோட்டீசுக்கு எதிராக தடை உத்தரவு வழங்கப்பட்டுள்ளது. இன்று தெளிவாக, தவறான தகவலின் அடிப்படையில் இடிப்பு தவறாக நடத்தப்பட்டது,” என்று நாகார்ஜூனா பதிவிட்டுள்ளார்.
சனிக்கிழமை காலை தொடங்கிய இடிப்பு நடவடிக்கை குறித்து எந்த முன் அறிவிப்பும் வெளியிடப்படவில்லை என்றும் நாகார்ஜுனா கூறினார். "தவறான கட்டுமானங்கள் அல்லது ஆக்கிரமிப்புகளைப் பற்றிய எந்தவொரு தவறான எண்ணத்தையும் சரிசெய்யும்" நோக்கத்திற்காக தான் இந்த அறிக்கையை வெளியிடுவதாக நாகார்ஜூனா தெளிவுபடுத்தினார்.
"அதிகாரிகளால் மேற்கொள்ளப்பட்ட தவறான நடவடிக்கைகள் தொடர்பாக நாங்கள் நீதிமன்றத்திடம் தகுந்த நிவாரணம் பெறுவோம்," என்றும் நாகார்ஜூனா கூறினார்.
தெலுங்கானா அரசாங்கத்தின் அதிகாரப்பூர்வ இணையதளத்தின்படி, புதிதாக உருவாக்கப்பட்ட ஹைட்ரா, கிரேட்டர் ஹைதராபாத் முனிசிபல் கார்ப்பரேஷன் வரம்புகளுக்குள்ளும், ரங்காரெட்டி, சங்கரெட்டி மற்றும் மேட்ச்சல் மாவட்டங்களுக்குள்ளும், பேரிடர் பதில் நடவடிக்கையை மேம்படுத்தவும், சட்டவிரோத கட்டுமானங்களை விசாரிப்பது உள்ளிட்ட சொத்துக்களைப் பாதுகாப்பதற்காகவும் செயல்படுகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/ArAjQ595gfzKzDlchp40.jpg)