மத்திய அரசு ஊழியர்களுக்கு 4 சதவீதம் அகவிலைப்படி உயர்வு - அமைச்சரவை ஒப்புதல்

பணவீக்கத்தால் செலவுகள் அதிகரிக்கும் போது அதனைக் கட்டுப்படுத்த அகவிலைப்படியை உயர்த்தி அளிக்கப்படுவதே அகவிலைப்படியாகும். பொதுவாக, மத்திய அரசு ஊழியர்களுக்கு ஆண்டுக்கு 2 முறை அகவிலைப்படி அதிகரித்து வழங்கப்படுகிறது.

அந்த வகையில், மத்திய அரசு ஊழியர்களுக்கான அகவிலைப்படியை 12 சதவீதத்திலிருந்து மேலும் 5 சதவீதம் அதிகரித்து கடந்த ஆண்டு அக்டோபர் மாதம் 9ஆம் தேதி மத்திய அரசு அறிவித்தது.

’பீதிக்கு நோ, முன்னெச்சரிக்கைக்கு யெஸ்’ : கொரொனா குறித்து பிரதமர் மோடி

தற்போதைய நடப்பு பருவத்துக்கு அகவிலைப்படியை எத்தனை சதவீதம் உயர்த்துவது என்பதுபற்றி மத்திய அரசு ஆய்வு செய்து வந்தது.

இந்நிலையில், டெல்லியில் இன்று மத்திய அமைச்சரவை கூட்டத்தில் அகவிலைப்படி உயர்வை 4 சதவீதம் அதிகரிக்க ஒப்புதல் அளிக்கப்பட்டது.

48 லட்சம் அரசு ஊழியர்களுக்கும், 65 லட்சம் ஓய்வூதியதாரர்களுக்கும், அகவிலைப்படி 4 சதவிகிதம் உயர்த்தப்படுவதாக மத்திய அரசு அறிவித்துள்ளது, இதனால், மொத்த அகவிலைப்படி 21 சதவீதமாக உயர்த்தப்படுவதாக மத்திய அமைச்சர் பிரகாஷ் ஜவடேகர் தெரிவித்துள்ளார். இந்த உயர்வு காரணமாக அரசுக்கு ரூ .14,595 கோடி கூடுதல் செலவு ஏற்படும் என்றும் ஜவடேகர் கூறியுள்ளார்.