மத்திய ஆயுத படைகளில் 83,000 காலியிடங்கள்; விரைவில் நிரப்ப அரசு நடவடிக்கை

Mahender Singh Manral

உள்துறை அமைச்சகம் (MHA) மத்திய ஆயுதக் காவல் படைகள் (CAPF) மற்றும் அசாம் ரைபிள்ஸின் அனைத்து இயக்குநர் ஜெனரல்களையும் (D-Gs) தங்கள் படைகளில் உள்ள பணியாளர்கள் பற்றாக்குறை குறித்த விவரங்களையும், மேலும் இந்த பணியிடங்களை நிரப்ப எடுக்கப்பட்ட நடவடிக்கைகள் குறித்த விவரங்களையும் வழங்குமாறு உத்தரவிட்டது.

தற்போது, ​​துணை ராணுவப் படைகள் 83,000 க்கும் மேற்பட்ட அரசிதழ் அதிகாரிகள் (GOs) மற்றும் பணியாளர்கள் பற்றாக்குறையை எதிர்கொள்கின்றன.

இதையும் படியுங்கள்: பினராயி விஜயனுக்கு ’கருப்பு’ அலர்ஜி; நிறத்திற்கு எதிராக போராட்டம் நடத்தும் கேரள இடதுசாரி அரசு

மத்திய ரிசர்வ் போலீஸ் படை (CRPF), எல்லைப் பாதுகாப்புப் படை (BSF), மத்திய தொழில் பாதுகாப்புப் படை (CISF), இந்தோ-திபெத்திய எல்லைக் காவல் (ITBP), சாஸஸ்த்ரா சீமா பால் (SSB), மற்றும் அசாம் ரைபிள்ஸ் (AR) ஆகியவற்றின் இயக்குனர் ஜெனரல்களுக்கு வெளியுறவுத்துறை அமைச்சகத்திடமிருந்து கடந்த வாரம் கடிதம் அனுப்பப்பட்டதாக வட்டாரங்கள் தெரிவித்தன.

83,127 காலியிடங்களில், நாட்டின் மிகப்பெரிய துணை ராணுவப் படையான CRPF, 29,283 காலியிடங்களைக் கொண்டுள்ளது, அதைத் தொடர்ந்து BSF (19,987), மற்றும் CISF (19,475) ஆகியவை உள்ளன.

இந்த மாத தொடக்கத்தில், மத்திய உள்துறை இணை அமைச்சர் நித்யானந்த் ராய் மாநிலங்களவையில், காலியிடங்களை நிரப்புவதற்காக CAPF களில் ஆட்சேர்ப்பு பணி விரைவான முறையில் மேற்கொள்ளப்படுகிறது என்றும், அரசாங்கம், 2023 இல் செயல்முறையை முடிக்க திட்டமிட்டுள்ளதாகவும் தெரிவித்தார்.

2023 ஆம் ஆண்டுக்கான காலியிடத்திற்கான BSF இன் கேடர் அதிகாரிகளுக்கு IPS ஒதுக்கீட்டில் இருந்து 15 DIG-ரேங்க் அதிகாரிகளின் பதவிகளை தற்காலிகமாக மாற்றுவதற்கு வெளியுறவுத்துறை அமைச்சகம் BSF க்கு கடிதம் அனுப்பியுள்ளது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil