சாதிவாரி கணக்கெடுப்பு, எஸ்.சி, எஸ்.டி உள்ஒதுக்கீடு விவகாரம்; நீதிபதி ரோகிணி ஆணைய உறுப்பினர் ஆதரவு

ஓ.பி.சி உள்ஒதுக்கீடு தொடர்பாக ஆய்வு செய்ய நரேந்திர மோடி அரசாங்கத்தின் முதல் ஆட்சியில் அமைக்கப்பட்ட நீதிபதி ரோகிணி ஆணையத்தின் உறுப்பினர் ஜே.கே பஜாஜ்,  

சாதிவாரி கணக்கெடுப்பு மற்றும் உச்ச நீதிமன்றத்தின் சமீபத்திய தீர்ப்புக்கு ஆதரவு தெரிவித்துள்ளார். 

இடஒதுக்கீட்டின் நோக்கத்திற்காக எஸ்.சி, எஸ்.டி உள்ஒதுக்கீடு செல்லும் என்றும் மாநிலங்களுக்கு அதிகாரம் உள்ளது என்றும் உச்ச நீதிமன்றம் தீர்ப்பளித்தது. 

முந்தைய மோடி அரசாங்கத்தின் கீழ், ஏப்ரல் 2022 மற்றும் ஆகஸ்ட் 2023 க்கு இடையில் இந்திய சமூக அறிவியல் ஆராய்ச்சி கவுன்சிலின் (ICSSR) தலைவராகப் பணியாற்றிய ஜே.கே.பஜாஜ், 'Making of a Hindu Patriot: Background of Gandhiji's Hind Swaraj'  என்ற புத்தகத்தை இணைந்து எழுதியுள்ளார்.  ஆர்எஸ்எஸ் தலைவர் மோகன் பகவத் அவர்களால் புத்தகம் வெளியிட்டப்பட்டது.

சாதிவாரி கணக்கெடுப்பு என்பது எதிர்க்கட்சிகளின், குறிப்பாக காங்கிரஸ் தலைவர் ராகுல் காந்தியின் முதன்மைக் கோரிக்கையாக இருந்தாலும், எஸ்.சி, எஸ்.டிகளில் உள்ஒதுக்கீடு தொடர்பான உச்ச நீதிமன்ற உத்தரவில் மோடி அரசு கவனமாக மவுனம் காக்கிறது. தலித் தலைவர்கள், பா.ஜ.க மற்றும் அதன் கூட்டணிக் கட்சிகளைச் சேர்ந்தவர்கள், இத்தகைய துணைப்பிரிவுக்கு எதிராகப் பேசினர்.

தி இந்தியன் எக்ஸ்பிரஸ்ஸிடம் பேசிய பஜாஜ், இந்த பிரச்சினையில் தனது கருத்துக்களைப் பகிர்ந்து கொள்ளத் தயாராக இருப்பதாகக் கூறினார், ஆனால் இது குறித்து அரசாங்கத்திற்கு கடிதம் எழுத விரும்பவில்லை என்று கூறினார்.

பஜாஜ் கூறுகையில்,  “ஒரு மக்கள் தொகை கணக்கெடுப்பின் அழகு என்னவென்றால், சாதியை ஆய்வு செய்வதில், பிற தரவுத்தொகுப்புகள் அதனுடன் தொடர்புடையவை. எத்தனை பேர் எம்ஏ படித்திருக்கிறார்கள், எத்தனை பேர் பிஏ முடித்திருக்கிறார்கள் என்பது உங்களுக்குத் தெரியும். அவர்களின் வீடுகள் பற்றிய விவரங்கள் - கிராமம் அல்லது நகர்ப்புறம், புக்கா வீடு அல்லது மற்றவை - தெளிவாகிறது. சாதி எண்ணிக்கை என்பது ஒரு எண்ணிக்கை மட்டுமே, அதே சமயம் மக்கள்தொகை கணக்கெடுப்பு சமூக-பொருளாதாரத் தரவை அளிக்கிறது” என்றார்.

யு.பி.ஏ அரசாங்கத்தால் மேற்கொள்ளப்பட்ட 2011 சமூக-பொருளாதார சாதிக் கணக்கெடுப்பு (SECC) பற்றிப் பேசிய பஜாஜ், சாதிகளின் சரியான பட்டியல் கணக்கெடுப்பாளர்களுக்கு வழங்கப்படாததால் முழுத் தரவையும் கைப்பற்ற முடியவில்லை என்று கூறினார். “கணக்கெடுப்பு அர்த்தமுள்ளதாக இருக்க, கணக்கெடுப்பாளர்கள் முழுமையான பட்டியலை எடுத்துச் செல்வது முக்கியம். பட்டியலைத் தொகுக்கப் பல மாதங்கள் ஆகும், கர்நாடகாவில் நடந்ததைப் போல (இது SECC-ன் வழியே தனது சொந்த மக்கள்தொகைக் கணக்கெடுப்பை மேற்கொண்டது). மேலும், இடஒதுக்கீட்டை அனுபவிக்காத சாதிகளின் தரவுகள் கைப்பற்றப்பட வேண்டும்,” என்று அவர் மேலும் கூறினார்.

அரசு வேலைகள் மற்றும் பொது உயர் கல்வி நிறுவனங்களில் சமூகம் வாரியாக பிரதிநிதித்துவம் செய்யப்பட வேண்டியதன் அவசியத்தையும் பஜாஜ் அடிக்கோடிட்டுக் காட்டினார். 

ஆங்கிலத்தில் படிக்க:    Member of Modi govt-appointed panel on OBC quota backs caste census, SC/ST sub-classification

தற்போதைய முறையின் வரம்புகளை விவரித்த பஜாஜ், அரசாங்கம் தற்போது அரசு வேலைகள் மற்றும் பொது நிறுவனங்களில் எஸ்சி மற்றும் எஸ்டிகளை மட்டுமே பதிவு செய்கிறது என்றார். "தனிப்பட்ட சாதி அல்லது பழங்குடியின் அடிப்படையில் ஒரு அறிக்கையை தொகுக்க வேண்டும், அதற்கு சில டிஜிட்டல் உள்கட்டமைப்பு தேவைப்படும்," என்று அவர் கூறினார்.

சில காலமாக, பிற்படுத்தப்பட்ட பிரிவினருக்கு பொது நிறுவனங்களில் போதுமான பிரதிநிதித்துவம் இல்லை என்று காந்தி தனது சாதிவாரி கணக்கெடுப்பு கோரிக்கையை வகுத்து வருகிறார்.

“ஜித்னி ஆபாடி, உத்னா ஹக்”  (எண்ணிக்கையின்படி பிரதிநிதித்துவம்)” என்ற காங்கிரஸின் முழக்கத்தைப் பற்றி கேட்டதற்கு, பஜாஜ் அதற்கு தமது ஆதரவு இல்லை என்றும், உறுதியான நடவடிக்கை இருக்க வேண்டும் என்றும் என்றார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“