'இனி ஊழல் தடுப்பு வழக்குகள் மட்டுமே டார்கெட்': புதிய விசாரணை வழிகாட்டியை வெளியிட்ட சி.பி.ஐ இயக்குனர்

மத்திய விஜிலென்ஸ் கமிஷன் (Central Vigilance Commission) 2022-ம் ஆண்டுக்கான ஆண்டறிக்கையை சமீபத்தில் வெளியிட்டது. அதில், மத்திய அரசின் துறைகள் மற்றும் அவற்றின் அமைப்புகளில் பணியாற்றும் அலுவலர்கள் மற்றும் ஊழியர்கள் மீது கடந்த ஆண்டில் மட்டும் 1,15,203 ஊழல் புகார்கள் பெறப்பட்டதாகவும், 85,437 புகார்கள் தள்ளுபடி செய்யப்பட்டிருக்கும் நிலையில், 29,766 புகார்கள் நிலுவையிலேயே இருக்கின்றன என்று தெரிவித்தது.

இந்த புகார்களில் பொதுவாக வழக்குகளாக பதிவு செய்யப்பட்டவற்றை ஒரு வருடத்திற்குள் விசாரணையை முடிக்க வேண்டும் என மத்திய புலனாய்வு அமைப்பான சி.பி.ஐ-யிடம் என்று மத்திய விஜிலென்ஸ் கமிஷன் கூறியது. மேலும், சில வழக்குகளில் விசாரணையை முடிப்பதில் அதிக தாமதம் ஏற்படுவதாகவும் தெரிவித்தது.

இது தொடர்பாக மத்திய விஜிலென்ஸ் கமிஷன் வெளியிட்ட அறிக்கையில், "அதிக வேலை, ஆள் பற்றாக்குறை, சாட்சிகளை விசாரிக்க கடிதம் எழுதி பதில்களைப் பெறுவதில் தாமதம், விகிதாசார சொத்து வழக்குகளில் ஆவணங்கள் / உரிமைப் பத்திரங்களைச் சரிபார்ப்பதற்குத் தேவைப்படும் நேரம், ஆய்வகங்களிலிருந்து தடயவியல் அறிக்கைகள் மற்றும் பிற நிபுணர்களிடமிருந்து அறிக்கைகளைப் பெறுவதில் தாமதம் ஆகியவை இது போன்ற தாமதங்களுக்கான சில காரணங்கள்.

தகுதிவாய்ந்த அதிகாரிகளிடமிருந்து வழக்குத் தொடர அனுமதி பெறுவதில் தாமதம், சம்பந்தப்பட்ட துறைகளின் பதிவேடுகளை வழங்குவதில் தாமதம், மிகப்பெரிய பதிவுகள், குறிப்பாக பொருளாதாரக் குற்றங்கள் மற்றும் வங்கி மோசடி வழக்குகள், மற்றும் தொலைதூர இடங்களில் வசிக்கும் சாட்சிகளைக் கண்டுபிடித்து விசாரிக்க எடுக்கும் நேரம் ” என்று அந்த அறிக்கை கூறுகிறது.

இந்நிலையில், சி.பி.ஐ இயக்குனரான பிரவீன் சூட் சில அதிரடி உத்தரவுகளை பிறப்பித்துள்ளார். ஆகஸ்ட் 18 ஆம் தேதி வெளியிடப்பட்ட உத்தரவில், விசாரணையின் தரத்தை மேம்படுத்த, ஊழல் தடுப்பு மற்றும் சிறப்பு குற்றங்கள், வங்கி மோசடிகள் தொடர்பான வழக்குகளை பதிவு செய்வதற்கு மட்டுமே இலக்குகளை வழங்குமாறு அனைத்து கிளைகளின் தலைவர்களுக்கும் (HoBs) சி.பி.ஐ இயக்குனர் பிரவீன் சூட் உத்தரவு பிறப்பித்துள்ளார். மேலும், பொருளாதார குற்றங்கள், அவை இருக்கும் பின்னணி மற்றும் பிற காரணிகளை மனதில் கொண்டு செய்யப்பட வேண்டும் என்றும் அவர் குறிப்பிட்டுள்ளார்.

தலைமை அலுவலகம் மூலம் தனிப்பட்ட கிளைகளுக்கான வருடாந்திர இலக்குகளை நிர்ணயிப்பது குறித்த தலைப்பில் “வழக்கமாக, வழக்குகளை பதிவு செய்தல் மற்றும் விசாரணையின் கீழ் உள்ள/மேலும் விசாரணையில் உள்ள/ நிலுவையில் உள்ள வழக்குகளை தீர்ப்பது தொடர்பாக தனிப்பட்ட கிளைகளுக்கு தலைமை அலுவலகத்தால் வருடாந்திர இலக்குகள் வழங்கப்படுகின்றன.

ஊழல் தடுப்பு தொடர்பான வழக்குகளை பதிவு செய்வதற்கு மட்டுமே இலக்குகள் கொடுக்கப்பட வேண்டும். சிறப்பு குற்றங்கள், வங்கி மோசடிகள் மற்றும் பொருளாதார குற்றங்களுக்கு, சி.பி.ஐ இயக்குனருடன் கலந்தாலோசித்து, ஆதாரங்கள் மற்றும் பிற காரணிகளுக்கு ஏற்ப, பாலிசி பிரிவில் இருந்து வழக்குகளை ஒதுக்கீடு செய்ய வேண்டும்.

விசாரணையின் கீழ் உள்ள/மேலும் விசாரணையில் உள்ள / நிலுவையில் உள்ள வழக்குகளை தீர்ப்பதற்கு, ஒவ்வொரு கிளைகளின் தலைவர்களுக்கும், ஒவ்வொரு ஆண்டும் நவம்பர் 30க்குள், கூட்டு இயக்குனரிடம் (JD), பாலிசிக்கு அடுத்த காலண்டர் ஆண்டிற்கான ஒட்டுமொத்த நிலுவைத் தொகை மற்றும் தங்களின் சொந்த இலக்குகளை சமர்ப்பிக்க வேண்டும். அதன்பிறகு, சிபிஐ இயக்குனருடன் கலந்தாலோசித்து, ஜே.டி., பாலிசி, டிசம்பர் 15-க்குள் அடுத்த ஆண்டுக்கான இலக்குகளை வெளியிடும். கிளைகளின் தலைவர்களுக்கும், தங்களுடைய நிலுவைத் தன்மை, ஆதாரங்கள் மற்றும் திறனுடன் ஒத்திசைந்து தங்களுக்கான இலக்குகளைத் தயார் செய்துகொள்ளும் என்று எதிர்பார்க்கப்படுகிறது,” என்று பிரவீன் சூட் தனது உத்தரவில் கூறினார். .

"கடந்த ஆண்டு, 946 வழக்கமான வழக்குகள்/முதற்கட்ட விசாரணைகள் உள்ளனர். 829 ஆர்.சி-க்கள் மற்றும் 117 பி.இ-க்கள் ஆகும். சி.பி.ஐ-யால் பதிவு செய்யப்பட்டு, 1,025 வழக்குகள் 2022 வரை நிலுவையில் உள்ளன. கடந்த ஆண்டு டிசம்பர் 31 ஆம் தேதி வரை பல்வேறு நீதிமன்றங்களில் 10,732 வழக்குகள் விசாரணை நிலுவையில் உள்ளன.

2022 ஆம் ஆண்டில் லஞ்ச வழக்குகளைக் கண்டறிவதற்காக 163 பொறிகளும், வரம்பு மீறிய சொத்துக்களை வைத்திருப்பதற்காக 46 வழக்குகளும் பதிவு செய்யப்பட்டன. 946 வழக்குகளில், 107 அரசியலமைப்பு நீதிமன்றங்களின் உத்தரவின் பேரில் எடுக்கப்பட்டன. அதே நேரத்தில் 30 வழக்குகள் மாநில மற்றும் யூனியன் பிரதேச அரசாங்கங்களிடமிருந்து பெறப்பட்ட குறிப்புகளின் பேரில் தொடங்கப்பட்டன.

ஊழல் தடுப்புச் சட்ட வழக்குகள் உட்பட 557 நீதிமன்ற வழக்குகளில் தீர்ப்புகள் பெறப்பட்டன, அவற்றில் 364 வழக்குகளில் தண்டனைகள் வழங்கப்பட்டன. 111 வழக்குகளில் விடுதலை, 13 வழக்குகளில் விடுதலை, 69 பிற காரணங்களுக்காக தீர்ப்பளிக்கப்பட்டன, தண்டனை விகிதம் 2021 இல் 67.56% உடன் ஒப்பிடும்போது 74.59% ஆகும்.”என்று அதிகாரி ஒருவர் கூறினார்.

தமிழ்  இந்தியன்  எக்ஸ்பிரஸின்  அனைத்து செய்திகளையும் உடனுக்குடன்  டெலிகிராம்  ஆப்பில்  பெற https://t.me/ietamil