நகர்ப்புற ஏழைத் தொழிலாளர்களுக்கு சமூக உள்கட்டமைப்பு, நுண்கடன் வழங்க மத்திய அரசு திட்டம்; 25 நகரங்கள் தேர்வு

Damini Nath

சுயஉதவி குழுக்கள், சமூக உள்கட்டமைப்பு திட்டங்கள் மற்றும் நுண்கடன் அணுகல் போன்ற பொதுவான ஆர்வமுள்ள குழுக்களுடன், வீட்டுப் பணியாளர்கள், கட்டுமானத் தொழிலாளர்கள் மற்றும் முறைசாரா தொழிலாளர்கள் உட்பட பின்தங்கிய குழுக்களுக்கான புதிய நகர்ப்புற வாழ்வாதார பணியை மத்திய அரசு செயல்படுத்தி வருகிறதாக தி இந்தியன் எக்ஸ்பிரஸ்ஸூக்கு தெரிய வந்துள்ளது.

ஆங்கிலத்தில் படிக்க: Centre plans common interest groups, social infra, micro-credit for urban poor workers across 25 cities

தீன்தயாள் அந்த்யோதயா யோஜனா- தேசிய நகர்ப்புற வாழ்வாதார இயக்கத்தின் (DAY-NULM) இரண்டாவது பதிப்பு அடுத்த ஆண்டு வெளியிட திட்டமிடப்பட்டுள்ளதாக வட்டாரங்கள் தெரிவித்தன. அதற்கு முன், வீட்டுவசதி மற்றும் நகர்ப்புற விவகார அமைச்சகம் 25 நகரங்களில் கட்டுமானத் தொழிலாளர்கள், முறைசாரா தொழிலாளர்கள், கழிவு மேலாண்மைத் தொழிலாளர்கள், பராமரிப்புத் தொழிலாளர்கள், வீட்டுப் பணியாளர்கள் மற்றும் போக்குவரத்துத் தொழிலாளர்கள் ஆகியோரைக் குறிவைத்து ஒரு முன்னோடித் திட்டத்தை அறிமுகப்படுத்த உள்ளது.

முன்னோடித் திட்டத்திற்கான ஏற்பாடுகள் இந்த வாரம் தொடங்கியது, பின்தங்கிய குடும்பங்களின் கணக்கெடுப்பு அடுத்த மாதம் தீபாவளிக்குப் பிறகு தொடங்கும் என்று எதிர்பார்க்கப்படுகிறது என தெரியவந்துள்ளது.

அதிகாரிகளின் கூற்றுப்படி, தேசிய உணவுப் பாதுகாப்புச் சட்டத்தின் பயனாளிகளின் தரவு, தொழிலாளர் அமைச்சகத்தின் அமைப்புசாராத் தொழிலாளர்களின் இ-ஷ்ரம் போர்டல் மற்றும் மாநிலங்களின் கட்டிடம் மற்றும் இதர கட்டுமானத் தொழிலாளர் வாரியத் தரவுத்தளங்கள் தொடக்கப் புள்ளியாகப் பயன்படுத்தப்படும். நகரங்களில் பின்னர் சமூக-பொருளாதார விவரக்குறிப்பு மற்றும் கணக்கெடுப்பை மேற்கொள்ளப்படும்.

தேசிய உணவுப் பாதுகாப்புச் சட்டத்தின் பயனாளிகளில் நகர்ப்புற ஏழைகளின் எண்ணிக்கை சுமார் 18 கோடியாக இருக்கும் என மதிப்பிடப்பட்டாலும், முன்னோடி திட்டத்தின் மதிப்பிடப்பட்ட பயனாளிகள் மற்றும் புதிய பணிகளின் தரவுகள் நகரங்களின் அடிப்படையில் சரிபார்க்கப்பட்ட பின்னரே தெரியவரும் என்று வட்டாரங்கள் தெரிவித்தன. முன்னோடித் திட்டம் மூன்று மாதங்களில் 50,000 குடும்பங்களைச் சேர்ப்பதை நோக்கமாகக் கொண்டுள்ளது.

குடும்ப உறுப்பினர்கள், இடம்பெயர்வு விவரங்கள், வேலைவாய்ப்பு போன்ற தகவல்களை சேகரிப்பதற்கான கேள்வித்தாள் அடுத்த மாதத்தில் உருவாக்கப்படும்.

கவுஹாத்தி, விஜயவாடா, விசாகப்பட்டினம், புவனேஸ்வர், பூரி, ரூர்கேலா, கொல்கத்தா, துர்காபூர், சூரத், அகமதாபாத், தாஹோத், லக்னோ, ஆக்ரா, வாரணாசி, திருவனந்தபுரம், கொச்சி, போபால், உஜ்ஜைன், இந்தூர், சென்னை, திருப்பூர், அகர்தலா, சம்பா, ஐஸ்வால் மற்றும் பாட்னா ஆகிய நகரங்கள் முன்னோடித் திட்டத்திற்குத் தேர்ந்தெடுக்கப்பட்டுள்ளன.

முன்னோடி திட்டத்தின் கீழ், பல்வேறு வகை தொழிலாளர்களின் பொதுவான நலத்திட்ட குழுக்கள் திட்டமிடப்படுகின்றன. உறுப்பினர்களுக்கு உள் கடன் வழங்குவதற்கு இந்தக் குழுக்களுக்கு முதன்மை மூலதனம் வழங்கப்படும். கட்டுமானத் தொழிலாளர்களுக்கு தொழிலாளர் சௌக் உள்ளிட்ட சமூக உள்கட்டமைப்பை உருவாக்குதல், பயனாளிகளுக்கு தனிநபர்களுக்கு ரூ.4 லட்சமும், குழுக்களுக்கு ரூ.20 லட்சமும் மைக்ரோ கிரெடிட் வழங்கவும் திட்டமிடப்பட்டுள்ளது என்று வட்டாரங்கள் தெரிவித்தன. கணக்கெடுக்கப்பட்ட தொழிலாளர்கள் தகுதியுடையவர்களாக இருந்தால், தற்போதுள்ள மத்திய நலத்திட்டங்களில் சேர்த்துக் கொள்ளப்படுவார்கள்.

180 கோடி பட்ஜெட்டில் அங்கீகரிக்கப்பட்ட இந்த முன்னோடித் திட்டம் ஜனவரிக்குள் முடிக்கப்படும் என்று எதிர்பார்க்கப்படுகிறது.

திட்டம் குறித்து மாநிலங்கள் மற்றும் நகர்ப்புற உள்ளாட்சி அமைப்புகளுக்கு விழிப்புணர்வு ஏற்படுத்த ஒரு பயிற்சி பட்டறைக்குப் பிறகு, “முன்னோடித் திட்டம், நிதி உதவி, சமூகப் பாதுகாப்பு, குறு நிறுவனங்களுக்கான கடன் அணுகல் மற்றும் புதுமை மற்றும் ஒத்துழைப்பை வளர்ப்பதன் மூலம் வறுமையின் சுழற்சியை உடைப்பதை நோக்கமாகக் கொண்டுள்ளது," என்று வீட்டுவசதி மற்றும் நகர்ப்புற விவகார அமைச்சகம் செப்டம்பர் 24 அன்று ஒரு அறிக்கையில் கூறியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“