ஜே.எம்.எம். நெருக்கடி: 'என் பிரச்சனைகளை சொல்ல கட்சியில் எனக்கு யாரும் இல்லை' - சம்பை சோரன்

ஜேஎம்எம் மூத்த தலைவரும், முன்னாள் முதல்வருமான சம்பாய் சோரன், பாஜகவில் சேரத் தயாராக இருப்பதாக கூறப்படும் ஊகங்களுக்கு மத்தியில் டெல்லி சென்றடைந்த பிறகு, ஜார்க்கண்டில் ஜேஎம்எம் தலைமையிலான ஆளும் கூட்டணி ஞாயிற்றுக்கிழமை நெருக்கடியில் சிக்கித் தவித்தது. 
ஜேஎம்எம் ஆல் தான் அவமானப்படுத்தப்பட்டதாக கூறிய சோரன், இப்போது  ஓய்வு பெறுவது, புதிய கட்சியைத் தொடங்குவது அல்லது வேறு கட்சியில் சேருவது என தனக்கு மூன்று விருப்பங்கள் உள்ளதாக கூறினார். 
அவரது கருத்துக்கு கடும் பதிலடி கொடுத்த முதல்வர் ஹேமந்த் சோரன், பாஜக எம்எல்ஏக்களை வேட்டையாடுகிறது, சமூகத்தை பிளவுபடுத்துகிறது என்று குற்றம் சாட்டினார்.
பணமோசடி வழக்கில் ஜாமீன் பெற்று ஜூலை மாதம் பதவிக்கு திரும்பிய ஹேமந்த் சோரன், பழங்குடியினர், தலித்துகள், பிற்படுத்தப்பட்டோர் மற்றும் சிறுபான்மையினர் மத்தியில் விஷத்தைப் பரப்பி, அவர்களை ஒருவரோடு ஒருவர் சண்டையிடச் செய்ய, குஜராத், அஸ்ஸாம் மற்றும் மகாராஷ்டிராவில் இருந்து பாஜக மக்களை அழைத்து வந்துள்ளது. சமூகத்தை மறந்து, இவர்கள் குடும்பங்களையும் கட்சிகளையும் உடைக்க வேலை செய்கிறார்கள். அவர்கள் எம்எல்ஏக்களை வேட்டையாடுகிறார்கள், என்று கூறினார். 
ஜூலை 3 அன்று சம்பை சோரன் தன் X பக்கத்தில் ஒரு பதிவில், ‘திட்டமிடப்பட்ட அனைத்து நிகழ்ச்சிகளும் ரத்து செய்யப்பட்டதாக எனக்கு தெரிவிக்கப்பட்டது. ஜேஎம்எம்மின் மத்திய செயற்குழு கூட்டம் பல ஆண்டுகளாக நடைபெறாததால், என்னுடைய பிரச்சனைகளை சொல்ல கட்சியில் எனக்கு யாரும் இல்லை. 
இந்தக் கட்சியில் நான் மூத்த உறுப்பினர்களில் ஒருவராகக் கருதப்படுகிறேன், மற்றவர்கள் இளையவர்கள், என்னைவிட மூத்த தலைவர் ஷிபு சோரன் உடல்நிலை காரணமாக அரசியலில் ஈடுபடவில்லை, அவர் சுறுசுறுப்பாக இருந்திருந்தால், ஒருவேளை நிலைமை வேறுவிதமாக இருந்திருக்கும், என்றார். 
இதற்கு மீண்டும் பதிலடி கொடுத்த ஹேமந்த், ’இந்த ஆண்டு இறுதிக்குள் மாநில சட்டமன்றத் தேர்தல்கள் வரவுள்ளன, ஆனால் தேர்தல் அட்டவணை மாநிலத்தில் உள்ள எதிர்க்கட்சியால் தீர்மானிக்கப்படும், தேர்தல் ஆணையத்தால் அல்ல.
தேர்தல் ஆணையம் பாஜகவினரால் ஆக்கிரமிக்கப்பட்டுள்ளதால், அது அரசியல் சாசன அமைப்பு அல்ல என்று தெரிகிறது. இன்று சட்டசபை தேர்தல் நடந்தால், நாளை ஜார்க்கண்டில் இருந்து பாஜக துடைத்தெறியப்படுவார்கள் என்று நான் அவர்களுக்கு சவால் விடுகிறேன் என்று கூறினார்.
எவ்வாறாயினும் "சம்பையின் எதிர்காலம் தொடர்பான பேச்சுவார்த்தைகள்" கட்சியில் இன்னும் நடந்து வருவதாக பாஜக வட்டாரங்கள் தெரிவித்தன.
பாஜகவில் ஏற்கனவே முன்னாள் மத்திய அமைச்சர் அர்ஜுன் முண்டா, ஜார்க்கண்ட் பாஜக தலைவர் பாபுலால் மராண்டி மற்றும் ஒடிசா ஆளுநர் ரகுபர் தாஸ் ஆகிய மூன்று முன்னாள் முதல்வர்கள் உள்ளனர். மேலும், முன்னாள் முதல்வர் மதுகோடாவின் மனைவி கீதாவும், ஷிபு சோரனின் மருமகள் சீதாவும் உள்ளனர். இந்த தலைவர்கள் அனைவரும் அதிகார மையங்கள். அவரை அழைத்து வர சம்பாக்கு என்ன சலுகை வழங்கப்படும்? ஒரு ஆதாரம் கூறியது.
முந்தைய நாளில், கொல்கத்தாவுக்குப் பயணம் செய்து ஒரு நாள் கழித்து டெல்லிக்கு சென்றது சம்பாய் பாஜகவுக்குச் செல்வது குறித்த ஊகங்களை அதிகரித்தது. 
வங்காள பிஜேபி தலைவர் சுவேந்து அதிகாரியை சந்திப்பதை மறுத்த அவர், தான் கொல்கத்தாவில் இருப்பதாகக் கூறிவிட்டு, "தனிப்பட்ட வேலைக்காக" டெல்லிக்குச் சென்றார்.
சம்பாய், பெரும்பாலும் பாஜகவில் இணைவார். ஆனால் டெல்லியில் உள்ள ஹேமந்த் சோரன் குழு இந்த சூழ்நிலையைத் தவிர்க்க தன்னால் முடிந்த அனைத்தையும் செய்யும். அதனால் வேறு முடிவுகளும் இருக்கலாம், என்று பாஜக வட்டாரம் தெரிவித்தது.
வரவிருக்கும் சட்டமன்றத் தேர்தலில் காட்ஷிலா தொகுதியில் இருந்து தனது மகனை வேட்பாளராக நிறுத்த சம்பையின் கோரிக்கையை மறுத்ததால் கட்சிக்குள் கருத்து வேறுபாடுகள் தோன்றியதாக ஜேஎம்எம் வட்டாரங்கள் தெரிவித்தன.
சம்பை கொல்கத்தா சென்று பாஜக தலைவர்களை சந்தித்தார் என்பது தெளிவாகிறது. அவர் பாஜகவில் எப்போது இணைந்தால், எல்லாம் தெளிவாகும்,  என்று ஜேஎம்எம் தலைவர் ஒருவர் கூறினார்.
ஜூலை தொடக்கத்தில் இருந்தே அதிகார மாற்றம் தொடர்பாக ஹேமந்த் மற்றும் சம்பை முகாம்கள் இரண்டிலும் பதற்றம் நிலவி வருகிறது. இறுதியில் சம்பாய் முதல்வர் நாற்காலியை விட்டுக்கொடுத்தாலும், அது பூசல் இல்லாமல் நடக்கவில்லை, சம்பை ஒரு வெகுஜனத் தலைவர், கைவிடப்பட்ட அரசியல்வாதி அல்ல. முதல்வர் நாற்காலியை விட்டுக்கொடுக்கும்படி கேட்கப்பட்டதால் அவர் மனமுடைந்து போனார் ஜேஎம்எம்-காங்கிரஸ் கூட்டணியின் வட்டாரங்கள் இந்தியன் எக்ஸ்பிரஸிடம் தெரிவித்தன..
81 உறுப்பினர்களைக் கொண்ட ஜார்க்கண்ட் சட்டமன்றத்தில் தற்போது ஜேஎம்எம்-லிருந்து 30, காங்கிரஸிலிருந்து 16 மற்றும் ஆர்ஜேடி-யின் ஒருவர் உட்பட 47 இந்தியா கூட்டணி எம்எல்ஏக்கள் உள்ளனர். பாஜக மற்றும் அதன் கூட்டணிக் கட்சிகளுக்கு 30 சட்டமன்ற உறுப்பினர்கள் உள்ளனர். 
இதுதவிர இரண்டு சுயேச்சை எம்.எல்.ஏக்கள், சிபிஐ (எம்-எல்) மற்றும் தேசியவாத காங்கிரஸூக்கு தலா ஒரு சட்டமன்ற உறுப்பினர் உள்ளனர்.
இதற்கிடையில், சம்பாயுடன் சேர்ந்து பாஜகவில் இணைவதாக ஊகிக்கப்படும் ஜேஎம்எம் எம்எல்ஏக்களில் ஒருவராகக் கூறப்படும் கர்சவான் எம்எல்ஏ தஸ்ரத் காக்ராய், பாஜகவில் இணையும் செய்தியை நான் மறுக்கிறேன்... சம்பை சோரனுடன் டெல்லி சென்றதால் என்னைப் பற்றி தவறான செய்திகள் ஊடகங்களில் பரப்பப்படுகின்றன. 
நான் தற்போது எனது தொகுதியில் அடிக்கல் நாட்டும்/ திறப்பு விழா நிகழ்ச்சிகளில் ஈடுபட்டுள்ளேன். கர்சவான் மக்கள் என்னை தேர்தலில் வெற்றி பெற வைத்துள்ளனர்...வாக்காளர்களுக்கு நான் பெரும் கடன்பட்டிருக்கிறேன்...பாஜகவுடன் இணைந்து எனது வாக்காளர்களுக்கு துரோகம் இழைக்க முடியாது. ஷிபு சோரன் இந்த மாநிலத்தில் பரவலாக அங்கீகரிக்கப்பட்ட தலைவர், அவருடைய ஆதரவில் நான் அரசியலில் இருக்கிறேன். குருஜியின் கெளரவத்தைக் குறைக்க விடமாட்டோம். ஜே.எம்.எம் இந்த மாநிலத்தின் மண்ணின் கட்சி, நான் இந்த கட்சியின் சிப்பாய் என்பதில் பெருமை கொள்கிறேன், என்றார். 
Read in English: Crisis in JMM: Champai Soren says humiliated, weighing options; Hemant hits out at BJP
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“