ஏ.சி. பெட்டிகளில் ஆர்.ஏ.சி பயணிகளுக்கு போர்வை, படுக்கை விரிப்புகள்: புதிய உத்தரவு

indian-railways | இந்திய ரயில்வே வாரியம் சமீபத்தில் RAC பயணிகளின் தேவைகளை நிவர்த்தி செய்துள்ளது. அதன்படி, ஆர்ஏசி பயணிகளுக்கு இப்போது போர்வை, பெட்ஷீட் மற்றும் தலையணையுடன் கூடிய முழுமையான பெட் ரோல் கிட் வழங்கப்படும்” என அறிவிக்கப்பட்டுள்ளது.
ஏசி கிளாஸ் பயணத்திற்கான நிலையான தேவைகளுக்கு ஏற்ப, RAC பயணிகளிடமிருந்து வசூலிக்கப்படும் கட்டணத்தில் படுக்கைக் கட்டணங்கள் ஏற்கனவே சேர்க்கப்பட்டுள்ளதால் இந்த முடிவு எடுக்கப்பட்டுள்ளது.

இது தொடர்பாக, ரயில்வே வாரிய முதன்மை செயல் இயக்குனர் சைலேந்திர சிங், டிச., 18ல், மண்டல ரயில்வேயில் உள்ள அனைத்து பொது மேலாளர்களுக்கும், லினன் உள்ளிட்ட முழுமையான பெட்ரோல் கிட் வழங்குவதை உறுதி செய்யுமாறு கடிதம் எழுதியுள்ளார்.
ஏசி வகுப்புகளில் (ஏசி நாற்காலி கார் தவிர) RAC பயணிகளுக்குப் பொருந்தும் கட்டணக் கட்டமைப்பிற்கு ஏற்ப படுக்கைக் கிட்கள் வழங்கப்படுவதை ரயில்வே வாரியத்தின் தகவல்தொடர்பு அடிக்கோடிட்டுக் காட்டுகிறது.

இது குறித்து, “இந்த நடவடிக்கை RAC பயணிகளை மற்ற உறுதிப்படுத்தப்பட்ட பயணிகளுக்கு இணையாக நடத்துவதை நோக்கமாகக் கொண்டுள்ளது, இது நிலையான மற்றும் வசதியான பயண அனுபவத்தை உறுதி செய்கிறது” என்றார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“