காங்கிரஸ் மத்திய தேர்தல் குழு மறுசீரமைப்பு: மூத்த தலைவர்கள் விடுவிப்பு; மாநில முகங்களுக்கு வாய்ப்பு

சத்தீஸ்கர், தெலங்கானா உள்பட சில மாநிலங்களுக்கு சட்டப்பேரவைத் தேர்தல் நடைபெற உள்ள நிலையில் காங்கிரஸ் தனது மத்திய தேர்தல் குழுவை மறுசீரமைப்பு செய்து மூத்த தலைவர்கள் விடுவித்து மாநில தலைவர்களுக்கு வாய்ப்பளித்துள்ளது. 

மறுசீரமைக்கப்பட்ட காங்கிரஸ் காரியக் கமிட்டியின் (CWC) முதல் கூட்டம்  இம்மாத இறுதியில் சட்டமன்றத் தேர்தல் நடைபெறவுள்ள தெலுங்கானாவின் ஹைதராபாத்தில் நடைபெறும் என்று அகில இந்திய காங்கிரஸ் கமிட்டி (AICC)  அறிவித்த நாளில், காங்கிரஸ் தலைவர் மல்லிகார்ஜுன் கார்கே, கட்சியின் மத்திய தேர்தல் குழுவை (CEC) மறுசீரமைப்பு செய்தார். 

90 வயதான முன்னாள் பிரதமர் மன்மோகன் சிங், AK ஆண்டனி, ஜனார்தன் திவேதி மற்றும் எம். வீரப்ப மொய்லி போன்ற மூத்த தலைவர்களை நீக்கி, மாநில அளவிலான பல தலைவர்களுக்கு வாய்ப்பு அளித்தார். 

காங்கிரஸ் தலைவர் தலைமையிலான இந்த மத்திய தேர்தல் குழு லோக்சபா மற்றும் சட்டசபை தேர்தல்களில் கட்சியின் வேட்பாளர்களை தேர்ந்தெடுக்கும். 

காங்கிரஸ் முன்னாள் தலைவர் சோனியா காந்தி, மன்மோகன் சிங், ராகுல் காந்தி, ஆண்டனி, அம்பிகா சோனி, கிரிஜா வியாஸ், துவிவேதி, மொய்லி, முகுல் வாஸ்னிக் மற்றும் மொஹ்சினா கித்வாய், பொதுச் செயலாளர் (அமைப்பு) கே.சி.வேணுகோபால் ஆகியோர் முந்தைய மத்திய தேர்தல் குழுவின் உறுப்பினர்களாக இருந்தனர்.

இந்த நிலையில் தற்போது மறுசீரமைக்கப்பட்ட குழுவில் காந்திகள், சோனி மற்றும் வேணுகோபால் தவிர அனைவரும் நீக்கப்பட்டுள்ளனர்.  

புதிய குழு

16 உறுப்பினர்களைக் கொண்ட தேர்தல் குழுவின் புதிய உறுப்பினர்களில் மக்களவை காங்கிரஸ் தலைவர் ஆதிர் ரஞ்சன் சவுத்ரி, சல்மான் குர்ஷித், மதுசூதன் மிஸ்திரி, என் உத்தம் குமார் ரெட்டி, சத்தீஸ்கர் துணை முதல்வர் டிஎஸ் சிங் தியோ, கர்நாடக அமைச்சர் கேஜே ஜார்ஜ், உத்தரகாண்ட் காங்கிரஸ் முன்னாள் முதல்வர் பிரீதம் சிங் கிஷன்கஞ்ச் எம்பி முகமது ஜாவேத், ராஜ்யசபா எம்பி அமீ யாஜ்னிக், பிஎல் புனியா மற்றும் மத்தியப் பிரதேச எம்எல்ஏ ஓம்கார் மார்க்கம் ஆகியோர் இடம்பெற்றுள்ளனர். 

காங்கிரஸ் தலைவர்களான ரெட்டி, தியோ, ஜார்ஜ், சிங், ஜாவேத், யாஜ்னிக் மற்றும் மார்க்கம் போன்றோருக்கு அவர்களின் சேர்க்கை ஒரு பெரிய உயர்வாகும், அவர்கள் இப்போது உயர் அதிகாரக் குழுவின் உறுப்பினர்களாக கட்சியின் உயர் மேசையில் இருப்பார்கள். கடந்த ஆண்டு கட்சியின் ஜனாதிபதி தேர்தலை நடத்திய காங்கிரஸ் மத்திய தேர்தல் ஆணையத்தின் தலைவராக மிஸ்திரி இருந்தார். சத்தீஸ்கரின் ஏஐசிசி பொறுப்பாளராக சமீப காலம் வரை புனியா இருந்தார். 

முன்னதாக திங்களன்று, காங்கிரஸ் தலைமை தெலங்கானா சட்டமன்றத் தேர்தலுக்கு தீவிர பிரச்சாரத்தை மேற்கொள்ளத் தயாராகி வருவதாக கட்சி வட்டாரங்கள் தெரிவித்தன. செப்டம்பர் 16-17 தேதிகளில் மறுசீரமைக்கப்பட்ட காங்கிரஸ் செயற்குழுவின் முதல் கூட்டம் ஹைதராபாத்தில் நடக்கும் என  அறிவித்தது. 

இதைத் தொடர்ந்து ஒரு பேரணி நடைபெறும் பின்னர் பொதுக் கூட்டத்தில் கட்சியின் ஐந்து பெரிய தேர்தல் வாக்குறுதிகளை அறிவித்து பிரச்சாரத்தை கிக்ஸ்டார்ட் செய்யும் என்றும் அது வாக்குறுதி அல்ல "உத்தரவாதம்" என்றும் காங்கிரஸ் கூறியது.