![Congress SP seat sharing Madhya Pradesh dead end Why INDIA allies failed reach consensus Tamil News](https://img-cdn.thepublive.com/fit-in/1280x960/filters:format(webp)/indian-express-tamil/media/media_files/phNCnm51Ls5rbKbfpMSh.jpg)
சட்டப்பேரவை தேர்தல் நடைபெறவுள்ள சத்தீஸ்கரில், மாநிலத்தின் 90 தொகுதிகளில் 40 தொகுதிகளில் போட்டியிட சமாஜவாதி கட்சி பரிசீலித்து வருகிறது.
madhya-pradesh | All India Congress | Samajwadi Party: மத்தியப் பிரதேசம், ராஜஸ்தான், மிசோரம், சத்தீஸ்கர், தெலங்கானா உள்ளிட்ட 5 மாநில சட்டப்பேரவைத் தேர்தல்களும் அடுத்த மாதம் நடைபெற உள்ளது. இந்நிலையில், மத்தியப் பிரதேசம் மாநிலத்தில் அகிலேஷ் யாதவ் தலைமையிலான சமாஜ்வாதி கட்சி ஏற்கனவே வேட்பாளர்களை அறிவித்துள்ள 7 இடங்களில் 4 இடங்களுக்கு காங்கிரஸ் அதன் வேட்பாளர்களை நேற்று ஞாயிற்றுக்கிழமை அறிவித்தது இதையடுத்து, மத்தியப் பிரதேசத்தில் காங்கிரஸ் மற்றும் சமாஜ்வாதி கட்சி (எஸ்.பி) இடையே கூட்டணிக்கான நம்பிக்கைகள் மறைந்துவிட்டதாக தெரிகிறது.
கேள்விக்குரிய நான்கு இடங்களாக சித்ராங்கி, மெஹ்கான், பந்தர் மற்றும் ராஜ்நகர் ஆகிய தொகுதிகள் உள்ளன. இதில் கடந்த முறை மெஹகான், பந்தர், ராஜ்நகர் ஆகிய இடங்களில் காங்கிரஸ் வெற்றி பெற்றது. போபால் மற்றும் லக்னோவில் உள்ள சமாஜ்வாதி தலைமை, 2018ல் கட்சி வெற்றி பெற்ற சத்தர்பூர் மாவட்டத்தில் பிஜாவரில் அதன் வேட்பாளரை நிறுத்தியதற்காக காங்கிரஸிடம் மிகவும் அதிருப்தி அடைந்துள்ளது. மேலும், சமாஜ்வாதி இன்னும் அங்கு வேட்பாளரை குறிப்பிடவில்லை.
மத்தியப் பிரதேசத்திற்கான சமாஜ்வாதி கட்சி மாநிலத் தலைவர் ராமய்யன் சிங் படேல் தி இந்தியன் எக்ஸ்பிரஸ்ஸிடம் பேசுகையில், "காங்கிரஸுடன் கூட்டணிக்கான அனைத்து சாத்தியக்கூறுகளும் முடிந்துவிட்டன. நாங்கள் காங்கிரஸ் தலைமையுடன் சில பேச்சுக்களை நடத்தினோம். ஆனால் அது ஞாயிற்றுக்கிழமை தோல்வியடைந்தது. நாங்கள் தனித்து போட்டியிடுவோம், அடுத்த ஆண்டு தேர்தலில் சிறப்பாக செயல்படுவோம்,'' என்று கூறினார்.
ஆங்கிலத்தில் படிக்கவும்: Congress, SP seat-sharing talks in Madhya Pradesh hit a dead end: Why INDIA allies failed to reach consensus
அகிலேஷ் யாதவுக்கு நெருக்கமானவராக கருதப்படும் சமாஜவாதி கட்சியின் மூத்த தலைவர் ஒருவர் பேசுகையில், “காங்கிரஸுக்கு பா.ஜ.க-வை தோற்கடிப்பதில் ஆர்வம் இல்லை” என்று குற்றம் சாட்டினார். மேலும் அவர், “காங்கிரஸ் தலைமையுடன் நாங்கள் பேச்சுவார்த்தை நடத்தினோம். ஆனால் அவர்கள் பா.ஜ.க-வை தோற்கடிக்க கூட்டணி வைப்பதில் ஆர்வம் காட்டவில்லை. அவர்களின் முதன்மை நோக்கம் சமாஜவாதியை தோற்கடிப்பதே தவிர, பா.ஜ.க-வை அல்ல. மக்களவை தேர்தலில் காங்கிரஸுடன் கூட்டணி இருக்கும். ஆனால், மத்தியப் பிரதேசத்தில் தனித்து போட்டியிடுவோம். காங்கிரஸ் தலைமையுடன் பேச்சுவார்த்தை நடத்தி எங்களுக்கு 10 இடங்கள் வேண்டும். அவர்கள் குறைவான இடங்களை வழங்கி, திடீரென எங்களை வளைய வைக்காமல் பல வேட்பாளர்களை அறிவித்தனர். கூட்டணி என்பது இப்படி இருக்கக் கூடாது. மொத்தமாக 30-35 வேட்பாளர்களை கட்சி நிறுத்தும்." என்று கூறினார்.
மத்திய பிரதேச பிஜாவர் தொகுதியில் சரண் சிங் யாதவை நிறுத்தும் காங்கிரஸ் முடிவு சமாஜ்வாதி கட்சி தலைமைக்கு வேதனை அளிப்பதாகவும், அவர்களை மேலும் எரிச்சலூட்டியதாகவும் தெரிகிறது. சரண் சிங் யாதவ், வடக்கு மத்திய பிரதேச பண்டேல்கண்ட் தொகுதியைச் சேர்ந்த மூத்த சமாஜவாதி தலைவர் தீப் நாராயண் யாதவின் உறவினர் ஆவார்.
“2018-ல் நாங்கள் வெற்றி பெற்ற ஒரு தொகுதியில் அவர்கள் வேட்பாளரை அறிவித்து, போட்டியிடத் தயாராக இருப்பது வேதனை அளிக்கிறது. அவர்கள் தங்கள் வேட்பாளரை நிறுத்துவது குறித்து எங்களிடம் கலந்தாலோசிக்கவில்லை அல்லது எங்களுடன் பேசவில்லை ”என்று சமாஜவாதி தலைவர் ஒருவர் கூறினார். பிஜாவர் தொகுதியில் கணிசமான யாதவ் மற்றும் பிராமண மக்கள்தொகை உள்ளது. 2018 ஆம் ஆண்டில் அந்த தொகுதியில் சமாஜவாதி கட்சியின் ராஜேஷ் குமார் சுக்லா போட்டியிட்டு வெற்றி பெற்றார். அவர் "பப்லு பாய்யா" என்றும் பிரபலமாக அழைக்கப்படுகிறார். ராஜேஷ் குமார் சுக்லா 2020ல் கமல்நாத் தலைமையிலான மாநில அரசு சரிந்த பின்னர் பா.ஜ.க-வுக்கு மாறினார். இருப்பினும், சமாஜவாதி கட்சி அங்கு கணிசமான வாக்கு வங்கியை கொண்டுள்ளது என்றும் கட்சியைச் சேர்ந்த தலைவர்கள் கூறுகிறார்கள்.
மத்தியப் பிரதேச காங்கிரஸ் செய்தித் தொடர்பாளர் பியூஷ் பாபேலே பேசுகையில், தொகுதிப் பங்கீடு தொடர்பான இறுதி முடிவு கட்சியின் தலைமையிடம் உள்ளது. சமாஜ்வாதி கட்சி வெற்றி பெறும் அளவுக்கு அதிகமான இடங்களைப் பெற முயற்சிப்பதாக காங்கிரஸ் தலைவர் ஒருவர் கூறினார். “அவர்களுக்கு எம்.பி பதவி இல்லை. இத்தனை இடங்களை எப்படி எதிர்பார்க்கிறார்கள்? மேலும் அந்த இடத்தைப் பற்றி அவர்கள் வருத்தத்தில் உள்ளனர். அவர்களின் எம்.எல்.ஏ பா.ஜ.க-வில் இணைந்திருக்கிறார். நம்பிக்கையுடன், ஏதாவது வேலை செய்ய முடியும், ஆனால் சமாஜவாதி கட்சியினர் எந்த நிலையிலும் இல்லாத நிலையில் அடிப்படை உண்மைகளை புரிந்து கொள்ள வேண்டும்." என்று அவர் கூறினார்.
சமாஜவாதி கட்சி கடுமையாக பேரம் பேச காரணம் என்ன?
நேற்று ஞாயிற்றுக்கிழமை சமாஜவாதி கட்சி வேட்பாளர்களை அறிவித்த 9 தொகுதிகளில், சிர்மூர் தொகுதியில் முன்னாள் பா.ஜ.க எம்.எல்.ஏ லக்ஷ்மன் திவாரி அதன் வேட்பாளராக உள்ளார். நிவாரி தொகுதியில் முன்னாள் எம்.எல்.ஏ மீரா தீபக் யாதவ் உள்ளார். ராஜ்நகர் தொகுதியில் "பாப்லு படேல்" என்று அழைக்கப்படும் பிரிஜ் கோபால் படேல் வேட்பாளராக இருக்கிறார். பந்தர் (பட்டியலிடப்பட்ட சாதியினருக்காக ஒதுக்கப்பட்டது) தொகுதியில் அஹிர்வார் சமூகத்தைச் சேர்ந்த ஓய்வுபெற்ற மாவட்ட நீதிபதி டி.ஆர்.ராகுல் போட்டியிட உள்ளார். மற்றும் சித்தி தொகுதியில் (பட்டியலிடப்பட்ட பழங்குடியினருக்கு ஒதுக்கப்பட்டது) விஸ்வநாத் சிங் மார்க்கம் வேட்பாளராக உள்ளார்.
கடந்த மாதம், அகிலேஷ் தனது கட்சியின் மத்திய பிரதேச பிரச்சாரத்தை சிர்மூரில் பொதுக் கூட்டத்துடன் தொடங்கினார். அக்டோபர் 1ம் தேதி லக்னோவில் நடந்த நிகழ்ச்சியில், பா.ஜ.க-வை தோற்கடிக்க தனது கட்சியும் காங்கிரஸும் இணைந்து மாநிலத் தேர்தலில் போட்டியிட வேண்டும் என அவர் விரும்புவதாக தெரிவித்தார்.
சட்டப்பேரவை தேர்தல் நடைபெறவுள்ள சத்தீஸ்கரில், மாநிலத்தின் 90 தொகுதிகளில் 40 தொகுதிகளில் போட்டியிட சமாஜவாதி கட்சி பரிசீலித்து வருகிறது. இந்த தொகுதிகளில் போட்டியிடுவதன் நோக்கம், மக்களவை தேர்தலில் வலுவாக உள்ள உத்தரபிரதேசத்தில் கடும் பேரம் நடத்த வேண்டும் என்பது தான் என கட்சி உள்கட்சியினர் தெரிவித்தனர்.
செப்டம்பர் 14 அன்று, இந்திய கூட்டணியின் 14 பேர் கொண்ட ஒருங்கிணைப்புக் குழு, டெல்லியில் உள்ள தேசியவாத காங்கிரஸ் கட்சித் தலைவர் சரத் பவாரின் இல்லத்தில் கூடி, தொகுதிப் பங்கீடு குறித்த பேச்சுவார்த்தையை எவ்வாறு தொடங்குவது என்று விவாதித்தனர். அந்த நேரத்தில் கூட, தொகுதிப் பங்கீடு தந்திரமானதாக இருக்கும் என்பதை அவர்கள் அறிந்திருந்தனர். குறிப்பாக பஞ்சாப், டெல்லி, உத்தரபிரதேசம் மற்றும் மேற்கு வங்கம் போன்ற மாநிலங்களில் கூட்டணி கட்சிகள் கடுமையான போட்டியாளர்களாக உள்ளனர். ஒருமித்த கருத்து என்னவென்றால், ஒரே மாதிரியான சூத்திரம் இருக்காது என்பது தான்.
Stay updated with the latest news headlines and all the latest Lifestyle news. Download Indian Express Tamil App - Android or iOS.