Coromandel Express Accident Live: ஒடிசா ரயில் விபத்து; 51 மணி நேரத்தில் ரயில் சேவை தொடக்கம்

Chennai Coromandel Express accident Live Updates, June 3, 2023: ஒடிசா மாநிலத்தில் 3 ரயில்கள் அடுத்தடுத்து ஒன்றுடன் ஒன்று மோதி விபத்துக்குள்ளானது. ஹவுரா-சென்னை கோரமண்டல் எக்ஸ்பிரஸ், சரக்கு ரயில் ஒன்றின் மீது மோதியது. அதன் பெட்டிகள் தடம் புரண்டு அருகேயுள்ள தண்டவாளத்தில் விழுந்தன. அவற்றில் மறுபுறம் வந்த யஸ்வந்த்பூர்-ஹவுரா சூப்பர் பாஸ்ட் ரயிலும் மோதியது. பாலசோர் அருகே உள்ள பஹானாகா பஜார் ஸ்டேஷன் அருகே வெள்ளிக்கிழமை (ஜூன் 2) இரவு 7.20 மணிக்கு இந்த விபத்து நடந்தது.

Odisha Train Accident Live Updates, 3 June 2023

விபத்துக்குள்ளான 2 பயணிகள் ரயில்களும் தமிழகத்தின் ரயில் நிலையங்கள் வழியாகச் செல்வதால், அதில் தமிழகத்தைச் சேர்ந்தவர்கள் பலர் பயணித்திருக்கலாம் என அஞ்சப்படுகிறது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

• 22:54 (IST) 04 Jun 2023
  அரசியல் செய்ய இது நேரமில்லை - அமைச்சர் தர்மேந்திர பிரதான்

  ஒடிசா ரயில் விபத்து தொடர்பாக ரயில்வே அமைச்சர் சிபிஐ விசாரணைக்கு உத்தரவிட்டுள்ளார். அரசியல் செய்ய இது நேரமில்லை. அரசியல்வாதிகள் தங்களது பொறுப்பை உணர்ந்து செயல்பட வேண்டும் என மத்திய அமைச்சர் தர்மேந்திர பிரதான் கூறியுள்ளார்




• 22:26 (IST) 04 Jun 2023
  ஒடிசா ரயில் விபத்தால் பெற்றோரை இழந்த குழந்தைகளின் கல்வி செலவை ஏற்பதாக சேவாக் அறிவிப்பு

  ஒடிசா ரயில் விபத்தால் பெற்றோரை இழந்த குழந்தைகளின் கல்வி செலவை ஏற்பதாக கிரிக்கெட் வீரர் வீரேந்திர சேவாக் அறிவித்துள்ளார். தனது சேவாக் சர்வதேச பள்ளியில் இலவச கல்வியை வழங்க உள்ளதாக ட்வீட் செய்துள்ளார்




• 21:12 (IST) 04 Jun 2023
  ரயில் விபத்தில் உயிர் பிழைத்தவர்கள் தமிழகம் வருகை

  ஒடிசாவில் நடந்த ரயில் விபத்தில் உயிர் பிழைத்த 137 பேர் பத்ராக்கில் இருந்து சிறப்பு ரயில் மூலம் ஞாயிற்றுக்கிழமை சென்னை வந்தடைந்ததாக அதிகாரிகள் தெரிவித்தனர்.

  ஸ்கிரீனிங் நடைமுறையைத் தொடர்ந்து, 36 பயணிகளுக்கு மருத்துவப் பரிசோதனை நடத்தப்பட்டது மற்றும் ஒருவர் ராஜீவ் காந்தி அரசு பொது மருத்துவமனையில் உள்நோயாளியாக அனுமதிக்கப்பட்டுள்ளார்.

  மற்ற அனைவரும் பரிசோதனைக்கு பின் வீட்டிற்கு அனுப்பப்பட்டனர். சிலருக்கு சிறு காயங்களுக்கு சிகிச்சை அளிக்கப்பட்டதாக அதிகாரப்பூர்வ அறிக்கை தெரிவிக்கிறது.

  ரயில் விபத்தில் சிக்கிய பயணிகளை டாக்டர் எம்.ஜி.ஆர் சென்னை சென்ட்ரல் ரயில் நிலையத்தில் வருவாய்த்துறை அமைச்சர் கே.கே.எஸ்.எஸ்.ஆர் ராமச்சந்திரன், சுகாதாரத்துறை அமைச்சர் மா.சுப்பிரமணியன் மற்றும் மாநில உயர் அதிகாரிகள் வரவேற்றனர். (பிடிஐ)




• 20:34 (IST) 04 Jun 2023
  காயமடைந்த, இறந்தவர்களின் குடும்பங்களுக்கு ரயில்வே உதவி எண் 139

  ரயில்வே வாரிய உறுப்பினர் 139 ஹெல்ப்லைன் எண் உள்ளது, அதில் மூத்த ரயில்வே அதிகாரிகள் அழைப்புகளுக்கு பதிலளித்து முடிந்தவரை பலருடன் தொடர்பு கொள்ள முயற்சிக்கின்றனர்.

  "காயமடைந்த அல்லது இறந்தவர்களின் குடும்ப உறுப்பினர்கள் எங்களை அழைக்கலாம், உறவினர்கள் அவர்களை சந்திக்க முடியுமா என்பதை நாங்கள் உறுதி செய்வோம். அவர்களின் பயணம் மற்றும் பிற செலவுகளை நாங்கள் கவனித்துக்கொள்வோம்," என்று அவர் கூறினார்.

  139 சேவை தடையின்றி தொடரும் என்றும் ரயில்வே அமைச்சர் அறிவித்துள்ள கருணைத்தொகையை உடனடியாக வழங்குவதை உறுதி செய்யும் என்றும் ரயில்வே கூறியுள்ளது. இறப்பு ஏற்பட்டால் ரூ.10 லட்சம், பலத்த காயங்களுக்கு ரூ.2 லட்சம் மற்றும் சிறிய காயங்களுக்கு ரூ.50,000. (பிடிஐ)




• 20:03 (IST) 04 Jun 2023
  ஒடிசா ரயில் விபத்து: டிக்கெட் இல்லாத பயணிகளுக்கும் இழப்பீடு

  ஒடிசா விபத்தில் சிக்கிய பயணிகள் ரயில்களில் டிக்கெட் இல்லாமல் பயணிப்பவர்களுக்கும் இழப்பீடு வழங்கப்படும் என்று ரயில்வே ஞாயிற்றுக்கிழமை தெரிவித்துள்ளது. இது சுப்ரீம் கோர்ட் உத்தரவுக்கு உட்பட்டது என அதிகாரிகள் தெரிவித்தனர்.

  "பயணிகள் டிக்கெட் இல்லாமல் இருந்தாலும் (அல்லது இல்லாவிட்டாலும்), அவர்களுக்கு இழப்பீடு வழங்கப்படும்" என்று ரயில்வே செய்தித் தொடர்பாளர் அமிதாப் சர்மா கூறினார். (பிடிஐ)




• 19:33 (IST) 04 Jun 2023
  வந்தே பாரத் இன்ஜின்கள், ரயில் விபத்தில் இறந்தவர்களின் எண்ணிக்கை குறித்து மம்தா கேள்வி

  ஒடிசாவின் பாலசோரில் நடந்த ரயில் விபத்துக்குப் பிறகு, மேற்கு வங்காள மம்தா பானர்ஜி (மத்திய அரசிடம்) 'பாலசோர் ரயில் விபத்துக்குப் பிறகு வந்தே பாரத் எக்ஸ்பிரஸ் ரயில்களுக்குப் பொருத்தமாக இருக்கிறதா' என்று கேட்டார்.

  பாலசோர் ரயில் விபத்தில் இறந்தவர்களின் எண்ணிக்கை குறித்தும் அவர் கேள்வி எழுப்பினார், வங்காளத்தைச் சேர்ந்த 61 பேர் இறந்துள்ளதாகவும், 182 பேர் காணவில்லை என்றும் அவர் கூறினார்.




• 19:15 (IST) 04 Jun 2023
  ஒடிசாவில் ரயில் விபத்துக்குள்ளான இடத்தில் பாதைகள் சரிசெய்யப்பட்டுள்ளன - ரயில்வே அமைச்சர்

  ரயில் விபத்து நடந்த இடமான பஹானாகா பஜாரில் உள்ள அப் மெயின் லைன் (சென்னையை நோக்கி), டவுன் மெயின் லைன் (ஹவுராவை நோக்கி) தற்போது சரிசெய்யப்பட்டுவிட்டதாக ரயில்வே அமைச்சர் அஷ்வினி வைஷ்ணவ் ஞாயிற்றுக்கிழமை தெரிவித்தார்.




• 18:50 (IST) 04 Jun 2023
  ஒடிசா ரயில் விபத்து; சி.பி.ஐ விசாரணைக்கு பரிந்துரை - ரயில்வே அமைச்சர்

  ஒடிசா ரயில் விபத்து தொடர்பான விசாரணையை சிபிஐக்கு ரயில்வே வாரியம் பரிந்துரைத்துள்ளதாக ரயில்வே அமைச்சர் வைஷ்ணவ் அறிவித்துள்ளார்.




• 18:27 (IST) 04 Jun 2023
  ரயில் விபத்தில் தமிழகத்தை சேர்ந்த யாரும் உயிரிழக்கவில்லை - உதயநிதி

  ரயில் விபத்தில் தமிழகத்தை சேர்ந்த யாரும் உயிரிழக்கவில்லை. 8 பேரின் தகவல் இல்லாமல் இருந்த நிலையில், 3 பேரின் தகவல் கிடைத்துள்ளது. மற்ற 5 பேரும் நலமுடன் உள்ளதாக, அவர்களுடன் உடன் பயணித்த நபர்கள் தகவல் கொடுத்துள்ளனர் என ஒடிசாவில் இருந்து சென்னை திரும்பிய அமைச்சர் உதயநிதி ஸ்டாலின் தெரிவித்துள்ளார்




• 17:58 (IST) 04 Jun 2023
  ரயில்வே அமைச்சர் பதவியை ராஜினாமா செய்ய CAG 2022 அறிக்கையை கடைபிடிக்காத காரணம் போதாதா? என்.சி.பி கேள்வி

  ரயில் பேரழிவுகளைத் தடுக்க 2022 ஆம் ஆண்டுக்கான கன்ட்ரோலர் மற்றும் ஆடிட்டர் ஜெனரல் (சி.ஏ.ஜி) அறிக்கையில் பரிந்துரைக்கப்பட்ட நடவடிக்கைகள் ஏன் மத்திய அரசால் செயல்படுத்தப்படவில்லை என்பதை அறிய என்.சி.பி ஞாயிற்றுக்கிழமை முயன்றது, மேலும் ஒடிசா ரயில் சோகத்தை அடுத்து, ரயில்வே அமைச்சர் அஷ்வினி வைஷ்ணவ் ராஜினாமா செய்ய இது போதாதா என்று கேட்டது.

  சி.ஏ.ஜி அறிக்கையின்படி, பல குறைபாடுகள் காரணமாக ரயில் விபத்துகள் நடக்க காத்திருக்கின்றன, ஆனால் ரயில்வே அமைச்சகமும் அமைச்சரும் இந்த எச்சரிக்கையை தீவிரமாக எடுத்துக் கொள்ளவில்லை என்றும் என்.சி.பி கட்சி குற்றம் சாட்டியுள்ளது.

  சி.ஏ.ஜி அறிக்கையை அமைச்சர் வைஷ்ணவ் படித்தாரா என்று என்.சி.பி செய்தித் தொடர்பாளர் கேட்டார். 'அவர் படித்திருந்தால், அதை ஏன் பெரிதாக எடுத்துக் கொள்ளவில்லை, சி.ஏ.ஜியின் பரிந்துரைகளை ஏன் உடனடியாக அமல்படுத்தவில்லை?' என்று அவர் கேள்வி எழுப்பினார். (பிடிஐ)




• 17:26 (IST) 04 Jun 2023
  ஒடிசா ரயில் விபத்து; 3 தமிழர்கள் பாதுகாப்பாக உள்ளதாக தமிழக அரசு தகவல்

  ஒடிசாவில் விபத்துக்குள்ளான ரயிலில் பயணித்த தமிழர்களில், 8 பேரின் நிலை தெரியாமல் இருந்த நிலையில், அதில் 3 பேர் பாதுகாப்பாக உள்ளதாக தமிழ்நாடு அரசு தெரிவித்துள்ளது




• 17:10 (IST) 04 Jun 2023
  ஒடிசா ரயில் விபத்திற்கு காரணம் என்ன? ரயில்வே வாரியம் விளக்கம்

  ஒடிசாவின் பாலசோர் மாவட்டத்தில் ரயில் சோகத்திற்கு வழிவகுத்த நிகழ்வுகளின் வரிசையை ரயில்வே வாரியம் விவரிக்கும் போது, ​​கோரமண்டல் எக்ஸ்பிரஸ் "அதிக வேகத்தில் இல்லை" என்றும், சரக்கு ரயில் நின்று கொண்டிருந்த ஒரு லூப் லைனுக்குள் நுழைவதற்கு கிரீன் சிக்னல் கிடைத்தது என்றும் கூறியது.

  ரயில்வே வாரியத்தின் இரண்டு முக்கிய அதிகாரிகளான சிக்னலிங் முதன்மை செயல் இயக்குனர் சந்தீப் மாத்தூர் மற்றும் செயல்பாடு மற்றும் வணிக மேம்பாட்டு உறுப்பினர் ஜெய வர்மா சின்ஹா ஞாயிற்றுக்கிழமை ஊடகங்களில் உரையாற்றும் போது விபத்து எவ்வாறு நிகழ்ந்திருக்கலாம் என்பதை விளக்கினர்.




• 17:10 (IST) 04 Jun 2023
  ஒடிசா ரயில் விபத்து: புவனேஸ்வரில் சிறப்பு கட்டுப்பாட்டு அறை

  “ஒடிசா ரயில் விபத்தில் சிக்கியோர் - அவர்களது குடும்பத்தாருக்கு உரிய தகவல்களை வழங்கி, உதவி செய்யும் விதமாக புவனேஸ்வர் மாநகராட்சி அலுவலகத்தில் சிறப்பு கட்டுப்பாட்டு அறை அமைக்கப்பட்டுள்ளது.

  ஒடிசா ரயில் விபத்தில் சிக்கியோர் - அவர்களது குடும்பத்தாருக்கு உரிய தகவல்களை வழங்கி, உதவி செய்யும் விதமாக புவனேஸ்வர் மாநகராட்சி அலுவலகத்தில் சிறப்பு கட்டுப்பாட்டு அறை அமைக்கப்பட்டுள்ளது.
  
  
  
  அங்கு, இந்தியாவின் வெவ்வேறு ஊர்களில் இருந்து தவிப்போடும் - ஏக்கத்துடனும் ஏராளமான அழைப்புகள்… pic.twitter.com/mQAB3b7cyQ

  — Udhay (@Udhaystalin) June 4, 2023

  அங்கு, இந்தியாவின் வெவ்வேறு ஊர்களில் இருந்து தவிப்போடும் - ஏக்கத்துடனும் ஏராளமான அழைப்புகள் வந்த வண்ணம் இருந்ததை காண முடிந்தது. அங்குள்ள அலுவலர்கள் இரவு - பகல் பாராமல் அர்ப்பணிப்புடன் மேற்கொண்டு வரும் பணி, விபத்தில் சிக்கியோரை அடையாளம் கண்டறிவதில் முக்கிய பங்காற்றி வருகிறது” என உதயநிதி ட்விட்டரில் தெரிவித்துள்ளார்.




• 16:54 (IST) 04 Jun 2023
  சென்னை மெரினா கடற்கரையில் காதல் ஜோடிகள் மீது தாக்குதல்

  சென்னை மெரினா கடற்கரை சாலையில், மதுபோதையில் காதல் ஜோடியை தாக்கி வழிப்பறி செய்ய முயன்ற ரவுடி கும்பல் கைது செய்யப்பட்டது.

  இந்த நிலையில் காதல் ஜோடியை காப்பாற்றி ரவுடிகளை பிடிக்க உதவிய பெண் காவலர் கலாவிற்கு உயர் அதிகாரிகள் பாராட்டு தெரிவித்தனர்.




• 16:30 (IST) 04 Jun 2023
  ஒடிசா ரயில் விபத்து: உச்சநீதிமன்றத்தில் வழக்கு

  ஒடிசா ரயில் விபத்து தொடர்பாக ஓய்வு பெற்ற நீதிபதி தலைமையில் உயர்மட்ட குழு அமைக்கக் கோரி வழக்கு தொடரப்பட்டுள்ளது.

  அந்த மனுவில், அனைத்து ரயில்களிலும் கவாச் பாதுகாப்பு அம்சம் பொருத்த வேண்டும் எனவும் தெரிவிக்கப்பட்டுள்ளது.




• 16:27 (IST) 04 Jun 2023
  ஒடிசாவுக்கு விமான கட்டணம் 20 சதவீதம் உயர்வு: சு. வெங்கடேசன்

  ஒடிசாவுக்கு விமான கட்டணம் 20 சதவீதம் வரை உயர்ந்துள்ளது. இதற்கு யார் பொறுப்பு என எம்.பி. சு. வெங்கடேசன் கேள்வியெழுப்பி உள்ளார்.




• 16:20 (IST) 04 Jun 2023
  ஜூலை மாதம் முதல் மீண்டும் மின் உயர்வு?

  பாமக இளைஞரணி தலைவர் அன்புமணி ராமதாஸ் எம்.பி, “தமிழநாடு அரசு ஜூலை மாதம் முதல் மீண்டும் மின் கட்டணத்தை உயர்த்தும் முடிவை கைவிட வேண்டும் எனத் தெரிவித்துள்ளார்.




• 16:03 (IST) 04 Jun 2023
  முதல்வர் ஆகாதது ஏன்? டி.கே. சிவக்குமார் ஓபன் டாக்

  கர்நாடக துணை முதல்வர் டி.கே. சிவக்குமார் ராமநகர் மாவட்டத்தில் நடந்த கட்சி நிகழ்ச்சியொன்றில், “சோனியா, ராகுல் ஆகியோரின் ஆலோசனையின் பேரில் முதல்வர் கனவை துறந்தேன்” எனத் தெரிவித்துள்ளார்.

  தனது ஆதரவாளர்கள் மத்தியில் தாம் மிகப்பெரிய பொறுப்பை ஏற்க எனக்கு நீங்கள் வாக்களித்தீர்கள். ஆனால் கட்சி மேலிடம் ஒரு முடிவு எடுத்திருந்தது” எனத் தெரிவித்துள்ளார்.




• 15:53 (IST) 04 Jun 2023
  மதுவுக்கு அடிமையான தந்தை: தற்கொலை செய்த 16 வயது மாணவி

  தனது தந்தை மதுவில் இருந்து விடுபட்டு தனது குடும்பம் நிம்மதியாக வாழ வேண்டும் என கடிதம் எழுதி வைத்துவிட்டு 16 வயது மாணவி விஷ்ணு பிரியா தற்கொலை செய்துகொண்ட சம்பவம் வேலூரில் சோகத்தை ஏற்படுத்தி உள்ளது.




• 15:40 (IST) 04 Jun 2023
  ரயில்வே அமைச்சர் பதவி விலக வேண்டும்: திருமாவளவன்

  ஒடிசா ரயில் விபத்துக்கு பொறுப்பு ஏற்று ரயில்வே அமைச்சர் அஸ்வினி வைஸ்னவ் பதவி விலக வேண்டும் என விடுதலை சிறுத்தைகள் கட்சித் தலைவர் தொல். திருமாவளவன் எம்.பி. தெரிவித்துள்ளார்.




• 15:38 (IST) 04 Jun 2023
  புதுச்சேரியில் காவலர் பணி எழுத்துத் தேர்வு

  புதுச்சேரி காவல்துறையில் காலியாக உள்ள 253 காவலர் பணியிடங்களுக்கான எழுத்து தேர்வு இன்று நடைபெற்றது.

  அப்போது, தேர்வு மையங்களுக்குள் தேர்வர்கள் தீவிர சோதனைக்கு பிறகே அனுமதிக்கப்பட்டனர்.




• 15:26 (IST) 04 Jun 2023
  ரயில்வே அமைச்சர் பதவி விலக வேண்டும்: திருமாவளவன்

  ஒடிசா ரயில் விபத்துக்கு பொறுப்பு ஏற்று ரயில்வே அமைச்சர் அஸ்வினி வைஸ்னவ் பதவி விலக வேண்டும் என விடுதலை சிறுத்தைகள் கட்சித் தலைவர் தொல். திருமாவளவன் எம்.பி. தெரிவித்துள்ளார்.




• 15:03 (IST) 04 Jun 2023
  சென்னை வியாசர்பாடியில் 2 கிலோ தங்கம் பறிமுதல்

  சென்னை வியாசர்பாடியில் உரிய ஆவணமின்றி கொண்டு வரப்பட்ட 2 கிலோ தங்கம் பறிமுதல் செய்யப்பட்டது.

  இந்தத் தங்கத்தை இடுப்பில் கட்டிய படி கொண்டு வந்த ராஜஸ்தானை சேர்ந்த ராஜூ ராமிடம் எம்கேபி நகர் போலீசார் தொடர் விசாரணை நடத்திவருகின்றனர்.




• 14:51 (IST) 04 Jun 2023
  விமானத்தில் இயந்திர கோளாறு

  அஸ்ஸாம் மாநிலம் திப்ரூகர் சென்ற விமானத்தில் இயந்திர கோளாறு ஏற்பட்டது. விமானி துரிதமாக தரையிறக்கியதால் பயணிகள் உயிர் தப்பினர்.




• 14:27 (IST) 04 Jun 2023
  ஒடிசா ரயில் விபத்து: அடையாளம் காணப்பட்ட 88 உடல்கள்

  ரயில் விபத்தில் பலியான 88 பேரின் உடல்கள் அடையாளம் காணப்பட்டுள்ளன என ஒடிசா தலைமை செயலர் தெரிவித்துள்ளார்.




• 14:02 (IST) 04 Jun 2023
  ஒடிசா ரயில் விபத்து: உதயநிதி தகவல்

  ஒடிசா ரயில் விபத்தில் சிக்கி சிகிச்சையில் உள்ளோரின் விவரங்களை கேட்டறிந்தேன் என தமிழக விளையாட்டுத் துறை அமைச்சர் உதயநிதி ஸ்டாலின் தெரிவித்துள்ளார்.




• 13:53 (IST) 04 Jun 2023
  தமிழக குழு 2-வது நாளாக ஆய்வு

  ஒடிசா தலைமை செயலாளர் உள்ளிட்ட அதிகாரிகளுடன் உயர்நிலை ஆலோசனை

  ஒடிசா அரசு மேற்கொண்டுவரும் மீட்பு பணி, நம்பிக்கை தருவதாக அமைந்துள்ளது - உதயநிதி

  சிகிச்சையில் உள்ளவர்கள், வீடு திரும்பியோரின் விவரங்களை கேட்டறிந்தோம்- அமைச்சர் உதயநிதி




• 13:49 (IST) 04 Jun 2023
  ரயில் விபத்தில் 275 பேர் பலி - அதிகாரப்பூர்வ அறிவிப்பு

  ஒடிசா ரயில் விபத்தில் 275 பேர் உயிரிழந்துள்ளதாக அதிகாரப்பூர்வ அறிவிப்பு

  சில உடல்கள் இரண்டு முறை எண்ணப்பட்டதால் 288 என்று கூறப்பட்டதாக தகவல்

  உயிரிழப்பு 288 அல்ல, 275 என ஒடிசா தலைமை செயலாளர் பிரதீப் ஜேனா தகவல்




• 13:36 (IST) 04 Jun 2023
  உயிரிழந்தவர்களின் புகைப்படங்கள் வெளியீடு

  ஒடிசா ரயில் விபத்தில் உயிரிழந்தவர்களின் புகைப்படங்கள் வெளியீடு

  பிணவறைகளில் உரிமை கோரப்படாமல் உள்ள 167 உடல்களின் புகைப்படங்களை வெளியிட்டது ஒடிசா அரசு

  http://srcodisha.nic.in என்ற இணையதளத்தில் விவரங்களைப் பார்க்கலாம்

  உடல்களை அடையாளம் கண்டு உரிமை கோருமாறு ஒடிசா அரசு வேண்டுகோள்




• 12:50 (IST) 04 Jun 2023
  8 பேரை தொடர்புகொள்ள முடியவில்லை

  விபத்துக்குள்ளான கோரமண்டல் ரயிலில் பயணித்த தமிழகத்தை சேர்ந்த 8 பேரை தொடர்புகொள்ள முடியவில்லை என தமிழக அரசு தகவல்

  கோரமண்டல் ரயிலில் தமிழர்கள் 30 பேர் முன்பதிவு செய்த நிலையில், 8 பேரை தொடர்பு கொள்ள முடியவில்லை

  நாரகணிகோபி, கார்த்திக், ரகுநாத், மீனா, ஜெகதீசன், கமல், கல்பனா, அருண் ஆகியோரை தொடர்பு கொள்ள இயலவில்லை

  தகவல் தெரிந்த உறவினர்கள், மாநில அவசர கால கட்டுப்பாட்டு மையத்தை தொடர்பு கொள்ள தமிழக அரசு வேண்டுகோள்

  1070, 044-2859 3990, 94458 69843 ஆகிய எண்களில் தொடர்பு கொண்டு தகவல் அளிக்கலாம் - தமிழக அரசு




• 12:37 (IST) 04 Jun 2023
  187 உடல்கள் அடையாளம் காணப்படவில்லை

  ஒடிசாவின் பாலாசோர் மாவட்டத்தில் வெள்ளிக் கிழமை நடந்த ரயில் விபத்தில் இரண்டு ரயில்கள் தடம் புரண்டதில் இறந்தவர்களின் எண்ணிக்கை 275 ஆக உயர்ந்துள்ளது என்று மாநில அரசு அலுவலகத்தின் திருத்தப்பட்ட புள்ளிவிவரங்கள் தெரிவிக்கின்றன.

  இதுவரை, 88 உடல்கள் அடையாளம் காணப்பட்டுள்ளன, இன்னும் 187 உடல்கள் அடையாளம் காணப்படவில்லை.




• 12:18 (IST) 04 Jun 2023
  ரயில் விபத்து: உச்ச நீதிமன்றத்தில் பொதுநல மனு

  ஒடிசா ரயில் விபத்து தொடர்பாக உச்ச நீதிமன்றத்தில் பொதுநல மனு

  உயர்நிலை விசாரணைக்கு உத்தரவிட கோரி உச்சநீதிமன்றத்தில் மனு தாக்கல்

  உச்சநீதிமன்ற ஓய்வு பெற்ற நீதிபதி தலைமையில் நிபுணர் குழு அமைத்து விசாரணைக்கு உத்தரவிட வேண்டும் என கோரிக்கை

  விசாரணையை இரு மாதங்களுக்குள் நிறைவு செய்து அறிக்கை தாக்கல் செய்ய உத்தரவிட வேண்டும் - மனு

  கவாச் பாதுகாப்பு முறையை அமல்படுத்த கோரியும் பொதுநல மனுவில் கோரிக்கை




• 12:17 (IST) 04 Jun 2023
  137 பேர் சிறப்பு ரயிலில் சென்னை வருகை

  ஒடிசாவில் இருந்து இன்று அதிகாலையில் 137 பேர் சிறப்பு ரயிலில் சென்னை வந்தனர்.

  சென்னை வந்தவர்களில் ஒருவர் மட்டுமே ராஜீவ் காந்தி மருத்துவமனையில் உள்நோயாளியாக அனுமதி.

  உயிரிழந்த 294 பேரில், 70 பேரின் அடையாளம் காணப்பட்டதில் தமிழர்கள் எவரும் இல்லை.

  ரயிலில் பயணம் செய்து காணாமல் போனதாக இதுவரை தகவல்கள் எதுவும் வரவில்லை - அமைச்சர் கே.கே.எஸ்.எஸ்.ஆர் ராமச்சந்திரன்




• 12:16 (IST) 04 Jun 2023
  ஒடிசா முதல்வர் உடன் மோடி பேச்சு

  ஒடிசா முதல்வர் நவீன் பட்நாயக் உடன் பிரதமர் மோடி தொலைபேசியில் பேச்சு

  சீரமைப்பு பணிகள் குறித்து கேட்டறிந்தார் பிரதமர் மோடி




• 11:28 (IST) 04 Jun 2023
  தமிழக குழு ஆலோசனை

  கோரமண்டல் ரயிலில் முன்பதிவு செய்யாத பெட்டியில் பயணம் செய்தவர்களின் நிலை குறித்து தமிழக குழு ஆலோசனை

  அமைச்சர்கள் உதயநிதி, சிவசங்கர் மற்றும் அதிகாரிகள் கொண்ட குழு தற்போது ஆலோசனை




• 11:27 (IST) 04 Jun 2023
  விபத்துக்கு காரணமானவர்கள் கண்டுபிடிப்பு

  ஒடிசா பயங்கர ரயில் விபத்து காரணம் குறித்து ரயில்வே அமைச்சர் அஸ்வினி வைஷ்ணவ் விளக்கம்

  விபத்துக்கான காரணம் மற்றும் காரணமானவர்களை கண்டுபிடித்துள்ளோம்

  எலக்ட்ரானிக் இன்டர்லாக் மாற்றத்தால் விபத்து நடந்துள்ளது

  ரயில்வே பாதுகாப்பு ஆணையர் ஆய்வு செய்து அறிக்கை சமர்ப்பிப்பார்

  தற்போது மீட்பு பணிகளில் கவனம் செலுத்தி வருகிறோம் - ரயில்வே அமைச்சர் அஸ்வினி வைஷ்ணவ் பேட்டி




• 10:37 (IST) 04 Jun 2023
  கோரமண்டல் ரயில் விபத்தில் அனைத்து சடலங்களும் அகற்றம்

  "கோரமண்டல் ரயில் விபத்தில் அனைத்து சடலங்களும் அகற்றம். ரயில் பாதையை சீரமைக்கும் பணிகள் தொடர்ந்து நடைபெற்று வருகிறது. வரும் புதன் கிழமைக்குள் சீரமைப்பு பணிகளை முடித்து ரயில் சேவையை மீண்டும் துவக்க திட்டம். சீரமைப்பு பணிகளை பார்வையிட்ட ரயில்வே அமைச்சர் அஸ்வினி வைஷ்ணவ் பேட்டி
  
  




• 10:36 (IST) 04 Jun 2023
  சீரமைக்கும் பணியில் ஆயிரத்திற்கும் மேற்பட்ட ஊழியர்கள் ஈடுபட்டுள்ளனர்

  ஒடிசா மாநிலம் பாலசோரில் ரயில் விபத்து நடைபெற்ற இடத்தில் சீரமைப்பு பணிகள் தீவிரம் தண்டவாளங்களை சீரமைக்கும் பணியில் ஆயிரத்திற்கும் மேற்பட்ட ஊழியர்கள் ஈடுபட்டுள்ளனர்




• 09:43 (IST) 04 Jun 2023
  ஒடிசாவில் இருந்து சென்னைக்கு இன்று மேலும் ஒரு சிறப்பு ரயில் இயக்கம்

  ஒடிசாவில் இருந்து சென்னைக்கு இன்று மேலும் ஒரு சிறப்பு ரயில் இயக்கம் இன்று அதிகாலையில், ஒடிசாவில் இருந்து ஒரு சிறப்பு ரயில் சென்னை வந்த நிலையில், மதியம் 1 மணிக்கு மேலும் ஒரு சிறப்பு ரயில் புறப்படுகிறது




• 09:42 (IST) 04 Jun 2023
  ஒடிசா ரயில் விபத்தில் பலி எண்ணிக்கை 294ஆக அதிகரிப்பு

  ஒடிசா ரயில் விபத்தில் பலி எண்ணிக்கை 294ஆக அதிகரிப்பு கோரமண்டல் ரயில் விபத்தில் காயமடைந்த ஆயிரத்திற்கும் மேற்பட்டவர்களுக்கு சிகிச்சை .




• 08:40 (IST) 04 Jun 2023
  ரயில் விபத்து - சீரமைப்பு பணிகள் தீவிரம்

  ஒடிசா மாநிலம் பாலசோரில் தண்டவாளங்களை சீரமைக்கும் பணியில் ஆயிரத்திற்கும் மேற்பட்ட ஊழியர்கள் ஈடுபட்டுள்ளனர் சீரமைப்பு பணியில் 7 பொக்லைன் இயந்திரங்கள், 4 கிரேன்கள் ஈடுபட்டுள்ளன துரிதமாக நடைபெறும் சீரமைப்பு பணிகள்




• 08:22 (IST) 04 Jun 2023
  8 பேருக்கும் முதலுதவி செய்யப்பட்டு மருத்துவமனைக்கு அழைத்துச் செல்லப்பட்டுள்ளனர்

  "6 மருத்துவமனைகள் தயார் நிலையில் உள்ளனர். 305 மருத்துவர்கள் சிகிச்சை அளிக்க தயார் நிலையில் உள்ளனர். இதுவரை தமிழகத்தைச் சேர்ந்த யாரும் உயிரிழந்ததாக தகவல்கள் இல்லை. 8 பேருக்கும் முதலுதவி செய்யப்பட்டு மருத்துவமனைக்கு அழைத்துச் செல்லப்பட்டுள்ளனர் - அமைச்சர் மா.சுப்பிரமணியன்




• 22:26 (IST) 03 Jun 2023
  ஒடிசா ரயில் விபத்து : மீட்பு பணிகளுக்கு தெலுங்கான அரசு ஆதரவு

  ஒடிசாவின் பாலசோர் மாவட்டத்தில் நடந்த பயங்கர ரயில் விபத்து தொடர்பான மீட்பு மற்றும் நிவாரண நடவடிக்கைகளில் ஒடிசா அரசு மற்றும் ரயில்வே அதிகாரிகளுக்கு தெலுங்கானா அரசு தனது ஆதரவை தெரிவித்துள்ளது.

  தெலுங்கானா முதல்வர் கே.சந்திரசேகர் ராவின் உத்தரவுப்படி, ஒடிசா அரசு மற்றும் ரயில்வே அதிகாரிகளை அரசு தொடர்பு கொண்டு, அனைத்து ஆதரவையும் வழங்க தயாராக இருப்பதாக, அதிகாரப்பூர்வ வெளியீடு தெரிவித்துள்ளது.

  இது குறித்து தெற்கு மத்திய ரயில்வேயின் செகந்திராபாத் பொது மேலாளர் கூறுகையில், ஒடிசா ரயில் விபத்தில் காயம் அடைந்தவர்களில் அல்லது உயிரிழந்தவர்களில் தெலுங்கானாவைச் சேர்ந்த பயணிகள் யாரும் இல்லை. என்று தெரிவிக்கப்பட்டுள்ளது.

  இதற்கிடையில், ஒடிசாவில் நடந்த சோகமான ரயில் விபத்தில் பலர் இறந்ததற்கு தெலுங்கான முதல்வர் சந்திரசேகரராவ் இரங்கல் தெரிவித்துள்ளார். இது மிகவும் துரதிர்ஷ்டவசமான சம்பவம் என்று வருத்தம் தெரிவித்த அவர், உறவினர்களை இழந்து வாடும் குடும்பத்தினருக்கு ஆழ்ந்த இரங்கலைத் தெரிவித்தார்.




• 22:22 (IST) 03 Jun 2023
  ஒடிசா ரயில் விபத்து குறித்து ரயில்வே அமைச்சர் அஸ்வினி வைஷ்ணவ் விளக்கம்

  "விபத்தினால் பாதிக்கப்பட்ட ரயில்களில் பயணம் செய்த ஏராளமான பயணிகள், இழப்பீட்டுத் தொகையை பெற்றுக் கொண்டு ஏற்கனவே தங்கள் வீடுகளுக்கு வந்துவிட்டனர். தற்போது மீட்பு பணிகள் தீவிரமாக நடைபெற்று வரும் நிலையில், புதன்கிழமை காலைக்குள் ரயில்கள் வழக்கமான வழியில் இயக்கப்பட வேண்டும் என்பதே எங்கள் நோக்கம்" என்று மத்திய ரயில்வே அமைச்சர் அஸ்வினி வைஷ்ணவ் தெரிவித்துள்ளார்.




• 22:20 (IST) 03 Jun 2023
  உயிரிழந்தவர்களின் எண்ணிக்கை 288ஆக உயர்வு

  ஒடிசாவில் நடந்த கோர ரயில் விபத்தில் உயிரிழந்தவர்களின் எண்ணிக்கை 288ஆக உயர்ந்துள்ளதாக தகவல் வெளியாகியுள்ளது.
  
  




• 21:55 (IST) 03 Jun 2023
  பிரதமர் மோடி இதில் ஏன் கவனம் செலுத்தவில்லை - ஆ.ராசா

  ஒடிசா ரயில் விபத்து குறித்து கேள்வி எழுப்பியுள்ள திமுக எம்பி ஆ.ராசா அனைத்து இடங்களுக்கும் சென்று வந்தே பாரத் ரயிலை தொடங்கிவைத்து விளம்பரம் தேடிக்கொள்ளும் பிரதமர் மோடி இதில் ஏன் கவனம் செலுத்தவில்லை என்று கேட்டுள்ளார்.




• 20:58 (IST) 03 Jun 2023
  இந்தியாவில் இதுவரை 90 ரயில்கள் முழுவதுமாக ரத்து

  ஒடிசா ரயில் விபத்து காரணமாக இந்தியாவில் இதுவரை 90 ரயில்கள் முழுவதுமாக ரத்து செய்யப்பட்டுள்ள நிலையில், 46 ரயில்கள் மாற்றுப்பாதையில் இயக்கக்கப்பட்டுள்ளது. 11 ரயில்கள் பகுதியளவு ரத்து செய்யப்பட்டுள்ளது.




• 20:39 (IST) 03 Jun 2023
  அடையாளம் காணப்பட்ட 70 உடல்களில் தமிழர்கள் யாரும் இல்லை என தகவல்

  ஒடிசா ரயில் விபத்தில் உயிரிழந்தவர்களில் இதுவரை 70 உடல்கள் அடையாளம் காணப்பட்டுள்ள நிலையில், இதில் தமிழகத்தை சேர்ந்தவர்கள் யாரும் இல்லை என்று அங்குள்ள மாவட்ட ஆட்சியர் தெரிவித்துள்ளதாக ஒடிசா சென்ற தமிழக குழு தெரிவித்துள்ளது.




• 20:37 (IST) 03 Jun 2023
  சுகாதாரத்துறை அமைச்சர் மன்சுக் மாண்டவியா புவனேஸ்வர் பயணம்

  ரயில் விபத்தில் காயமடைந்தவர்களுக்கு வழங்கப்பட்டு வரும் சிகிச்சை குறித்து ஆய்வு செய்வதற்காக,ஒன்றிய சுகாதாரத்துறை அமைச்சர் மன்சுக் மாண்டவியா புவனேஸ்வர் எய்ம்ஸ் மற்றும் கட்டக் மருத்துவமனைக்கு நாளை செல்கிறார்




• 20:36 (IST) 03 Jun 2023
  இந்த விபத்துக்கு பொறுப்பேற்கப்போவது யார்? - திமுக எம்.பி. ஆ.ராசா கேள்வி!

  ஒடிசா ரயில் விபத்தில் திமுக அரசியல் செய்ய விரும்பவில்லை. ஆனால் விபத்துக்கு காரணம் தனி மனித தவறா அல்லது தொழில்நுட்ப கோளாறா என இதுவரை யாரும் வாய் திறக்கவில்லை. இவ்வளவு தொழில்நுட்பங்கள் இருக்கும்போது நடந்த சம்பவத்திற்கு யார் பொறுப்பேற்பது என்று திமுக எம்பி. ஆ.ராசா கேள்வி எழுப்பியுள்ளார்.




• 20:08 (IST) 03 Jun 2023
  சென்னை சென்ட்ரலில் இருந்து ஒடிசா நோக்கி சிறப்பு ரயில் இயக்கம்

  ரயில் விபத்தில் பாதிக்கப்பட்டவர்களின் உறவினர்கள் ஒடிசா செல்ல சிறப்பு ரயில் சென்னையில் இருந்து ஒடிசா நோக்கி புறப்பட்டது. சென்னை சென்ட்ரலில் இருந்து புறப்பட்ட சிறப்பு ரயில் 24 மணி நேரத்தில் ஒடிசா செல்லும் என தகவல். நாளை இரவு பத்ராக் சென்றடையும் என்று தெரிவிக்கப்பட்டுள்ளது




• 19:32 (IST) 03 Jun 2023
  முதலமைச்சர் மு.க.ஸ்டாலின் உத்தரவு

  ஒடிசாவில் தங்கியிருந்து காணாமல் போனவர்களை கண்டுபிடிக்க வேண்டும்" ஒடிசா சென்றுள்ள தமிழக குழுவுக்கு, முதலமைச்சர் மு.க.ஸ்டாலின் உத்தரவு




• 18:54 (IST) 03 Jun 2023
  ஒடிசாவில் ரயில் விபத்தில் உயிரிழந்தோர் எண்ணிக்கை 288 ஆக உயர்வு

  ஒடிசாவின் பாலசோரில் வெள்ளிக்கிழமை நடந்த ரயில் விபத்தில் உயிரிழந்தவர்களின் எண்ணிக்கை 288 ஆக உயர்ந்துள்ளது. இந்த விபத்தில் மொத்தம் 803 பேர் காயமடைந்துள்ளனர். அவர்களில் 56 பேர் பலத்த காயம் அடைந்தனர்.




• 18:50 (IST) 03 Jun 2023
  ஒடிசா மாநில முதலமைச்சரை சந்திக்கும் தமிழக அமைச்சர்கள் குழு

  ஒடிசா சென்றுள்ள அமைச்சர்கள் மற்றும் அதிகாரிகள் குழு, ஒடிசா மாநில முதலமைச்சரை சந்திக்கிறது. ரயில் விபத்து நடந்த ஒடிசாவின் பாலசோர் பகுதியில் ஆய்வு செய்ய சென்றுள்ள தமிழக அமைச்சர்கள் குழு ஒடிசா மாநில முதலமைச்சர் நவீன் பட்நாயக்கை சந்தித்து ஆலோசிக்க உள்ளது.




• 18:44 (IST) 03 Jun 2023
  ரயில் விபத்தால் விமானக் கட்டணம் உயர்வா? விமான நிறுவனங்களுக்கு அமைச்சகம் ஆலோசனை

  ஒடிசா ரயில் விபத்தை கருத்தில் கொண்டு, புவனேஸ்வர் மற்றும் ஒடிசாவின் பிற விமான நிலையங்களுக்குச் செல்லும் மற்றும் புறப்படும் விமானக் கட்டணங்களில் ஏதேனும் அசாதாரணமான அதிகரிப்பைக் கண்காணிக்க விமானப் போக்குவரத்து அமைச்சகம் விமான நிறுவனங்களுக்கு ஒரு ஆலோசனையை அனுப்பியுள்ளது. மேலும், இந்த சம்பவத்தின் காரணமாக விமானங்களை ரத்து செய்தல் மற்றும் மாற்றியமைத்தல் ஆகியவை அபராதம் இன்றி மேற்கொள்ளப்படலாம் என சிவில் விமான போக்குவரத்து அமைச்சகம் வெளியிட்டுள்ள ஆலோசனையில் தெரிவிக்கப்பட்டுள்ளது. (ANI)




• 18:33 (IST) 03 Jun 2023
  ஒடிசா ரயில் சோகம்: ஒழுக்கம் பற்றி பா.ஜ.க பேசுகிறது, எனவே அமைச்சர் பதவி விலக வேண்டும் - சத்தீஸ்கர் முதல்வர்

  'இந்த விபத்தால் ஒட்டுமொத்த தேசமும் சோகத்தில் ஆழ்ந்துள்ளது. பாரதிய ஜனதா கட்சி தார்மீகம் மற்றும் ஒழுக்கம் பற்றி பேசுகிறது. எனவே அவர் (ரயில்வே அமைச்சர் அஸ்வினி வைஷ்ணவ்) உடனடியாக ராஜினாமா செய்ய வேண்டும்' என சத்தீஸ்கர் முதல்வர் பூபேஷ் பாகேல் ராய்பூரில் உள்ள சத்தீஸ்கர் காங்கிரஸ் தலைமையகமான ராஜீவ் பவனில் செய்தியாளர்களிடம் கூறினார்.

  'இது நிச்சயமாக அவரது பொறுப்பு, அவர் தனது பொறுப்பை நிறைவேற்றுகிறாரா இல்லையா என்பதை நாங்கள் பார்ப்போம்,' என்று இறந்தவர்களுக்கும் காயமடைந்தவர்களுக்கும் அஞ்சலி செலுத்திய பாகேல், ஒடிசா முதல்வர் நவீன் பட்நாயக்கிடம் பேசி மாநிலத்தின் உதவியை வழங்குவதாக தெரிவித்தார். (பிடிஐ)




• 18:21 (IST) 03 Jun 2023
  ரயில் விபத்தில் உயிரிழந்தவர்களில் அடையாளம் தெரியாதவர்களின் புகைப்படங்கள் வெளியீடு

  ஒடிசா ரயில் விபத்தில் உயிரிழந்தவர்களில் அடையாளம் தெரியாதவர்களின் புகைப்படங்கள் https://ser.indianrailways.gov.in/ என்ற ரயில்வே இணையதளத்தில் வெளியிடப்பட்டுள்ளது




• 18:02 (IST) 03 Jun 2023
  காயமடைந்தவர்களுக்கு சிகிச்சை அளிக்க அரசு தவறக் கூடாது - மோடி

  "இது ஒரு வேதனையான சம்பவம். காயமடைந்தவர்களுக்கு சிகிச்சை அளிக்க அரசு தவறக் கூடாது. இது ஒரு தீவிரமான சம்பவம், ஒவ்வொரு கோணத்திலும் விசாரணைக்கு உத்தரவு பிறப்பிக்கப்பட்டுள்ளது. குற்றவாளிகள் கடுமையாக தண்டிக்கப்படுவார்கள். தண்டவாளத்தை சீரமைக்கும் பணியில் ரயில்வே ஈடுபட்டுள்ளது. காயமடைந்தவர்கள் பாதிக்கப்பட்டவர்களை நான் சந்தித்தேன், " என்று ஒடிசா ரயில் விபத்தில் காயமடைந்தவர்களை பாலசோரில் சந்தித்த பின்னர் பிரதமர் மோடி கூறினார்.




• 17:30 (IST) 03 Jun 2023
  ஒடிசா ரயில் விபத்து நடந்த இடத்தில் பிரதமர் ஆய்வு

  ஒடிசாவின் பாலசோர் மாவட்டத்தில் உள்ள பஹானாகாவில் மூன்று ரயில் விபத்து நடந்த இடத்தில் நிவாரணம் மற்றும் மறுசீரமைப்பு நடவடிக்கைகளை பிரதமர் நரேந்திர மோடி சனிக்கிழமை ஆய்வு செய்தார்.

  அவருடன் ரயில்வே அமைச்சர் அஷ்வினி வைஷ்ணவ் மற்றும் மத்திய அமைச்சர் தர்மேந்திர பிரதான் ஆகியோர் உடன் சென்றனர், மேலும் அஸ்வினி வைஷ்ணவ் மற்றும் பேரிடர் தளத்தில் மக்களைக் காப்பாற்றுவதற்காக இரவோடு இரவாகப் பணியாற்றிய பேரிடர் முகாமைத்துவக் குழுவின் அதிகாரிகள் இருவரும் நிலைமையை விளக்கினர்.

  ரயில் சேவையை இயல்பு நிலைக்கு கொண்டு வர, விபத்து நடந்த இடத்தில் தொடங்கப்பட்ட சீரமைப்பு பணிகளின் முன்னேற்றம் குறித்தும் மோடி கேட்டறிந்தார். பஹானாகா பஜாரில் விபத்து நடந்த இடத்தை அடைவதற்கு முன், ரயில் விபத்து குறித்து புதுதில்லியில் உயர்மட்டக் கூட்டத்திற்கு பிரதமர் தலைமை தாங்கினார்.




• 17:13 (IST) 03 Jun 2023
  ஒடிசா ரயில் விபத்துக்கு தார்மீக பொறுப்பேற்று ரயில்வே அமைச்சர் பதவி விலக வேண்டும் - அஜித் பவார்

  தேசியவாத காங்கிரஸ் கட்சியின் மூத்த தலைவர் அஜித் பவார் சனிக்கிழமையன்று, ஒடிசா ரயில் விபத்து அரசாங்கத்தின் தோல்வி என்றும், சோகத்திற்கு தார்மீக பொறுப்பேற்று ரயில்வே அமைச்சர் அஸ்வினி வைஷ்ணவ் பதவி விலக வேண்டும் என்றும் கூறினார்.

  "கடந்த காலத்தில், ஐந்து ரயில்வே அமைச்சர்கள் பெரும் விபத்துக்களுக்கு (தங்கள் பதவிக் காலத்தில்) தார்மீக பொறுப்பேற்று ராஜினாமா செய்தனர். அதேபோல், தற்போதைய ரயில்வே அமைச்சரும் (அஸ்வினி வைஷ்ணவ்) தார்மீக பொறுப்பேற்று ராஜினாமா செய்ய வேண்டும்" என்று பவார் கூறினார்.

  "போக்குவரத்து தொழில்நுட்பத்தில் ஒரு புரட்சி நடந்து கொண்டிருக்கும்போது கூட பல அப்பாவி உயிர்கள் பலியாகின்றன. இது ரயில்வே துறை மற்றும் அரசாங்கத்தின் தோல்வி" என்று மகாராஷ்டிர முன்னாள் துணை முதல்வர் கூறினார்.

  "முன்பு, இதுபோன்ற விபத்துகள் ஏற்படும் போதெல்லாம் ரயில்வே அமைச்சர்கள் ராஜினாமா செய்தார்கள். இது வரலாறு. ஆனால் இப்போது யாரும் அதைப் பற்றி பேசத் தயாராக இல்லை," என்று அவர் கூறினார். "அவரது ராஜினாமா பிரச்சினையை தீர்க்காது, ஆனால் அது அதிகாரிகளுக்கு ஒரு செய்தியை அனுப்பும்" என்று மகாராஷ்டிர சட்டமன்ற எதிர்க்கட்சித் தலைவர் கூறினார். (பிடிஐ)




• 17:01 (IST) 03 Jun 2023
  சென்னையில் இருந்து பத்ராக் செல்லும் சிறப்பு ரயில்

  இன்று இரவு 7.20 மணிக்கு சென்னையில் இருந்து சிறப்பு ரயில் பத்ராக் செல்கிறது. ரயில் விபத்தில் சிக்கியவர்களின் குடும்பத்தினரை இந்த ரயில் அழைத்துச் செல்கிறது




• 16:42 (IST) 03 Jun 2023
  ஒடிசாவின் ரயில் விபத்து மீட்புப் பணிகளில் திரளாக வந்து உதவிய மக்களுக்கு நன்றி - நடிகர் யஷ் ட்வீட்

  ஒடிசாவின் ரயில் விபத்தில் உயிரிழந்தவர்களின் குடும்பத்தினருக்கு எனது ஆழ்ந்த இரங்கலையும், காயமடைந்தவர்கள் விரைவில் குணமடைய பிரார்த்திக்கிறேன். மீட்புப் பணிகளில் திரளாக வந்து உதவிய மக்களுக்கு நன்றி என நடிகர் யஷ் ட்வீட் செய்துள்ளார்




• 16:27 (IST) 03 Jun 2023
  ரயில் விபத்து: பிரதமர் மோடி நேரில் வருகை!

  பிரதமர் மோடி ரயில் விபத்து நடந்த இடத்தை பார்வையிட ஒடிசா வந்தடைந்தார். புவனேஸ்வர் விமானநிலையத்தில் இருந்து விபத்து பகுதிக்கு ஹெலிகாப்டரில் வந்தார்.

  ரயில் விபத்து நடந்த இடத்தை பார்வையிடும் பிரதமர் மோடி, அதிகாரிகளிடம் ஆலோசனையில் ஈடுபட உள்ளார். படுகாயம் அடைந்து சிகிச்சை பெற்று வருபவர்களையும் பிரதமர் சந்திக்க உள்ளார்.




• 16:24 (IST) 03 Jun 2023
  ஒடிசா ரயில் விபத்து: பிரதமர் மோடி வருகை!

  ரயில் விபத்து நடந்த இடத்தை மத்திய அமைச்சர்கள் அஸ்வினி வைஷ்ணவ், தர்மேந்திர பிரதான் ஆகியோருடன் பிரதமர் மோடி ஆய்வு செய்தார்

  Odisha train mishap: PM Modi arrives at crash site in Balasore; to meet survivors in hospital
  
  
  
  Read @ANI Story | https://t.co/JtnKVMVvXOnarendramodi primeminister odishatraincrash odishatrainaccident odishatrain trainaccident trainaccidentinodisha pic.twitter.com/7UGZwiGekU

  — ANI Digital (@ani_digital) June 3, 2023




• 15:42 (IST) 03 Jun 2023
  ஐரோப்பிய ஆணைய தலைவர் இரங்கல்!

  "ஒடிசா ரயில் விபத்தில் சிக்கி உயிரிழ்ந்தோரின் குடும்பத்தினருக்கு ஆழ்ந்த இரங்கல்கள். விபத்தில் காயமடைந்தவர்கள் விரைவில் குணமடைய பிரார்த்திக்கிறேன்" என்று ஐரோப்பிய ஆணையத்தின் தலைவர் உர்சுலா வான் டெர் லேயன் இரங்கல் தெரிவித்துள்ளார்.




• 15:41 (IST) 03 Jun 2023
  கோரமண்டல் ரயில் விபத்து - அரசு தரப்பில் தகவல்

  விபத்துக்குள்ளான ஷாலிமர் - சென்னை சென்ட்ரல் கோரமண்டல் எக்ஸ்பிரஸ், யஷ்வந்த்பூர் - ஹவுரா அதிவிரைவு ரயில் ஆகிய இரு ரயில்களிலும் 2296 பேர் முன் பதிவு செய்து பயணம் செய்துள்ளதாக தகவல் வெளியாகியுள்ளது. கோரமண்டல் எக்ஸ்பிரஸ் ரயிலில் 1,257 பேரும், யஸ்வந்த்பூர் எக்ஸ்பிரஸ் ரயிலில் 1,039 பயணிகளும் முன்பதிவு செய்து பயணம் செய்து இருந்ததாக தகவல்கள் வெளியாகியுள்ளன.




• 15:02 (IST) 03 Jun 2023
  5 லட்சம் இழப்பீடு: மம்தா அறிவிப்பு!

  ஒடிசா ரயில் விபத்தில் சிக்கிய மேற்கு வங்க மாநிலத்தைச் சேர்ந்தவர்களுக்கு ரூ.5 லட்சம் இழப்பீடாக வழங்கப்படும். பணிகள் முடியும் வரை ரயில்வே துறை மற்றும் ஒடிசா அரசுடன் ஒத்துழைத்து பணியாற்றுவோம் என்று மேற்கு வங்க முதல்வர் மம்தா பானர்ஜி கூறியுள்ளார்.




• 14:59 (IST) 03 Jun 2023
  ஒடிசா ரயில்கள் விபத்து: உடல்கள் அடையாளம்; இதுவரை தமிழர் இல்லை

  ஒடிசா ரயில் விபத்தில் இறந்த 237 பேரில் 70 பேரின் உடல்கள் அடையாளம் காணப்பட்டுள்ளன. அடையாளம் காணப்பட்ட 70 பேரில் யாரும் தமிழகத்தை சேர்ந்தவர்கள் இல்லை என தகவல் வெளியாகியுள்ளது.




• 14:48 (IST) 03 Jun 2023
  சோனியா காந்தி இரங்கல்!

  "ஒடிசா, பாலசோரில் ரயில் விபத்து ஏற்பட்ட செய்தியறிந்து அதிர்ச்சியும், வேதனையும் அடைந்தேன். விபத்தில் உயிரிழந்தவர்களின் குடும்பத்தினருக்கு எனது ஆழ்ந்த இரங்கல்" என்று காங்கிரஸ் முன்னாள் தலைவர் சோனியா காந்தி கூறியுள்ளார்.




• 14:46 (IST) 03 Jun 2023
  முதல்வர் ஸ்டாலின் இன்று ஆலோசனை!

  ஒடிசா ரயில் விபத்து தொடர்பாக முதலமைச்சர் மு.க.ஸ்டாலின் தலைமையில் இன்று மாலை ஆலோசனை கூட்டம் நடக்கிறது. தலைமைச் செயலாளர் இறையன்பு உள்ளிட்ட அரசுத்துறை உயர் அதிகாரிகள் ஆலோசனையில் பங்கேற்க உள்ளனர்.

  ரயில் விபத்தில் சிக்கிய தமிழர்களை மீட்பது, விபத்தில் காயமடைந்தவர்களுக்கு நிவாரணம் மற்றும் மருத்துவ உதவிகள் உள்ளிட்ட ஏற்பாடுகள் தொடர்பாக ஆலோசனை நடத்த உள்ளதாக தெரிவிக்கப்பட்டுள்ளது.




• 14:45 (IST) 03 Jun 2023
  ரஷ்ய அதிபர் புதின் இரங்கல்!

  "இந்திய மாநிலம் ஒடிசாவில் ஏற்பட்டுள்ள ரயில் விபத்து வேதனையளிக்கிறது. உயிரிழந்தவர்களின் குடும்பத்தினருக்கு எனது ஆழ்ந்த இரங்கல்; காயமடைந்தவர்கள் விரைவில் குணமடைய பிரார்த்திக்கிறேன்" என்று ரஷ்ய அதிபர் விளாடிமிர் புதின் கூறியுள்ளார்.




• 14:13 (IST) 03 Jun 2023
  ஒடிசா ரயில் விபத்து: ஒடிசாவிற்கு புறப்படும் பிரதமர் மோடி

  ஒடிசாவிற்கு புறப்படுகிறார் பிரதமர் மோடி. ரயில் விபத்து நடந்த பகுதியை நேரில் ஆய்வு செய்யவுள்ளார்




• 13:52 (IST) 03 Jun 2023
  சென்ட்ரல் ரயில் நிலையத்தில் கட்டுப்பாட்டு மையம்: ரயில்வே எஸ்.பி., பொன்ராம்

  "இதுவரை பாதிக்கப்பட்டவர்களின் உறவினர்கள் 4 பேர் நேரில் வந்து தகவல் கேட்டுள்ளனர். மொத்தம் 132 பேர் தமிழகத்தை பூர்வீகமாக கொண்டவர்கள் முன்பதிவு செய்து பயணித்துள்ளனர்.

  132 பேரில், 101 பேர் பத்திரமாக மீட்கப்பட்டுள்ளனர். மீதமுள்ள 31 பேரின் நிலை என்னவென்று தெரியவில்லை" - எஸ்.பி., பொன்ராம்




• 13:26 (IST) 03 Jun 2023
  ஒடிசா ரயில் விபத்தில் 261 பேர் பலி: தென்கிழக்கு ரயில்வே அறிவிப்பு

  ஒடிசா ரயில் விபத்தில் 261 பேர் உயிரிழந்தனர் என்று தென்கிழக்கு ரயில்வே அதிகாரபூர்வ அறிவிப்பு வெளியிட்டுள்ளது.




• 13:25 (IST) 03 Jun 2023
  ஒடிசா ரயில் விபத்தில் 261 பேர் பலி: தென்கிழக்கு ரயில்வே அறிவிப்பு

  ஒடிசா ரயில் விபத்தில் 261 பேர் உயிரிழந்தனர் என்று தென்கிழக்கு ரயில்வே அதிகாரபூர்வ அறிவிப்பு வெளியிட்டுள்ளது.




• 13:12 (IST) 03 Jun 2023
  ரயில் சேவைகளை மீண்டும் தொடங்க நடவடிக்கை

  மீட்பு பணிகள் நிறைவடைந்து ரயில் சேவைகளை மீண்டும் இயக்குவதற்கான பணிகள் தொடங்கி உள்ளது

  இந்த விவகாரத்தை விரிவாக விசாரித்து, எதிர்காலத்தில் இது போன்ற சம்பவங்கள் நடைபெறாமல் இருப்பதை உறுதி செய்வோம்- மத்திய ரயில்வே அமைச்சர் அஸ்வினி வைஷ்ணவ் பேட்டி




• 12:57 (IST) 03 Jun 2023
  70 ஐசியு படுக்கைகள் தயார்

  சென்னை: ராஜீவ்காந்தி அரசு மருத்துவமனையில் 70 ஐசியு படுக்கைகள் தயார் நிலையில் உள்ளன

  விபத்தில் சிக்கியவர்களுக்கு சிகிக்சை அளிக்க தேவையான வசதிகள் செய்யப்பட்டுள்ளன

  அறுவை சிகிச்சை மேற்கொள்ளவும் 50 பேர் கொண்ட மருத்துவ குழு தயார் நிலையில் உள்ளது




• 12:55 (IST) 03 Jun 2023
  ஒடிசா ரயில் விபத்து - சித்தராமையா குழு அமைப்பு

  கர்நாடக முதல்வர் சித்தராமையா ஒடிசா ரயில் விபத்தில் சிக்கிய உள்ள கன்னடர்களுக்கு உதவ குழுவை அமைத்துள்ளார்.

  ஒடிசாவின் பாலாசோர் ரயில் விபத்தில் உயிர் பிழைத்த கன்னடர்களின் பாதுகாப்பை உறுதி செய்ய அமைச்சர் சந்தோஷ் லாட் தலைமையில் தனி குழுவை கர்நாடக முதல்வர் சித்தராமையா அமைத்துள்ளார். 238 பேர் உயிரிழந்துள்ளனர், 900 பேர் காயமடைந்துள்ளனர்.




• 12:36 (IST) 03 Jun 2023
  அமைச்சர்கள் குழு ஒடிசா சென்றனர்

  ரயில் விபத்து நடந்த ஒடிசா மாநிலத்திற்கு சென்றடைந்தது அமைச்சர்கள் உதயநிதி, சிவசங்கர் தலைமையிலான குழு

  விபத்தில் பாதிக்கப்பட்டவர்களை நேரில் சந்திக்க உள்ளனர் தமிழக அமைச்சர்கள், அதிகாரிகள் அடங்கிய குழுவினர்

  ஒடிசா தலைநகர் புவனேஸ்வரில் இருந்து விபத்து நடந்த இடத்திற்கு செல்லும் தமிழக அமைச்சர்கள் குழுவினர்




• 12:25 (IST) 03 Jun 2023
  விபத்து நடந்த இடத்திற்கு விரைந்தார் மம்தா பானர்ஜி

  ஒடிசா: ரயில் விபத்து நடந்த இடத்திற்கு மேற்கு வங்க முதல்வர் மம்தா பானர்ஜி ஹெலிகாப்டரில் விரைந்தார்




• 12:24 (IST) 03 Jun 2023
  இன்று மாலை ஒடிசாவிற்கு சிறப்பு ரயில்

  சென்னை, சென்ட்ரலில் இருந்து இன்று மாலை ஒடிசாவிற்கு சிறப்பு ரயில் இயக்க ஏற்பாடு

  ரயிலில் பயணிக்க விரும்பும், பாதிக்கப்பட்டவர்களின் உறவினர்கள் தொடர்பு கொள்ள தொலைபேசி எண் வெளியீடு 044-2533 0952, 044-2533 0953, 044-2535 4771 ஆகிய எண்களில் தொடர்பு கொள்ளலாம் - தென்னக ரயில்வே




• 12:23 (IST) 03 Jun 2023
  இதுவரை 8 பேர் தொடர்பு கொண்டுள்ளனர்

  எழிலகத்தில் உள்ள மாநில கட்டுப்பாட்டு மையத்தில் அமைச்சர் கே.கே.எஸ்.எஸ்.ஆர்.ராமச்சந்திரன் ஆய்வு செய்தார்

  ஒடிசா ரயில் விபத்து தொடர்பான முழு விவரங்களை இன்னும் கிடைக்கவில்லை

  ரயில் விபத்தில் சிக்கிய தமிழர்களின் விவரங்கள் சேகரிக்கப்பட்டு வருகிறது

  மாநில கட்டுப்பாட்டு அறைக்கு இதுவரை 8 பேர் தொடர்பு கொண்டுள்ளனர்

  விபத்தில் பாதிக்கப்பட்டவர்களுக்கு உதவி செய்ய அதிகாரிகள் குழு ஒடிசா சென்றுள்ளது




• 11:40 (IST) 03 Jun 2023
  மீட்பு பணிகள் நிறைவு - அதிகாரப்பூர்வ அறிவிப்பு

  ஒடிசா ரயில் விபத்து நடைபெற்ற பகுதியில் மீட்பு பணிகள் நிறைவடைந்ததாக அதிகாரப்பூர்வமாக அறிவிப்பு

  ரயில் பாதையை சீரமைக்கும் பணி தொடங்கியுள்ளதாக ரயில்வே செய்தி தொடர்பாளர் அமிதாப் சர்மா தெரிவித்துள்ளார்




• 11:39 (IST) 03 Jun 2023
  உடல்கள் உறவினர்களிடம் ஒப்படைப்பு

  ஒடிசா ரயில் விபத்து - அடையாளம் காணப்பட்ட உடல்கள் உறவினர்களிடம் ஒப்படைப்பு.

  அடையாளம் தெரியாத உடல்கள் உடற்கூறாய்வுக்கு அனுப்பி வைக்கப்பட்டது - ஒடிசா தலைமைச் செயலாளர் பிரதீப்ஜேனா




• 11:29 (IST) 03 Jun 2023
  ஒடிசா விரையும் மோடி

  ரயில் விபத்து நடந்த இடத்தை பார்வையிட இன்று ஒடிசா செல்கிறார் பிரதமர் மோடி

  கட்டாக் மருத்துவமனையில் காயமடைந்தவர்களை சந்தித்து ஆறுதல் கூறுகிறார்.




• 10:59 (IST) 03 Jun 2023
  கனடா பிரதமர்ஜஸ்டின் ட்ரூடோ இரங்கல்

  ஒடிசாவில் ரயில் விபத்தில் உயிரிழந்தவர்களின் குடும்பத்தினருக்கு கனடா பிரதமர் ஜஸ்டின் ட்ரூடோ இரங்கல் தெரிவித்துள்ளார். "இந்தியாவின் ஒடிசாவில் நடந்த ரயில் விபத்தின் படங்கள் மற்றும் அறிக்கைகள் என் இதயத்தை உடைக்கிறது. அன்புக்குரியவர்களை இழந்தவர்களுக்கு எனது ஆழ்ந்த இரங்கலை அனுப்புகிறேன், இந்த கடினமான நேரத்தில், கனடியர்கள் இந்திய மக்களுடன் நிற்கிறார்கள். என்று அவர் ட்வீட் செய்துள்ளார்.

  The images and reports of the train crash in Odisha, India break my heart. I’m sending my deepest condolences to those who lost loved ones, and I’m keeping the injured in my thoughts. At this difficult time, Canadians are standing with the people of India.

  — Justin Trudeau (@JustinTrudeau) June 3, 2023




• 10:56 (IST) 03 Jun 2023
  ஒடிசாவில் நடந்த ரயில் விபத்துக்கு ஐநா தலைவர் இரங்கல்

  ஒடிசா ரயில் விபத்தில் உயிரிழந்தவர்களின் குடும்பங்களுக்கு ஐநா பொதுச் சபைத் தலைவர் Csaba Korosi இரங்கல் தெரிவித்துள்ளார்.

  இந்தியாவின் ஒடிசாவில் நடந்த ரயில் விபத்து பற்றிய செய்தியைக் கேட்டு நான் மிகவும் வருத்தமடைந்தேன். எனது எண்ணங்களும் பிரார்த்தனைகளும் பாதிக்கப்பட்டவர்கள், அவர்களது குடும்பத்தினருடன் உள்ளன, மக்களுக்கும் இந்திய அரசாங்கத்திற்கும் இதயப்பூர்வமான இரங்கல்கள், என்று பொதுச் சபையின் கோரோசி ட்வீட் செய்துள்ளார்.




• 10:50 (IST) 03 Jun 2023
  ராகுல் காந்தி இரங்கல்

  மீட்புப் பணிகளுக்கு தேவையான அனைத்து ஆதரவையும் அளிக்குமாறு கட்சித் தொண்டர்கள் மற்றும் தலைவர்களை காங்கிரஸ் தலைவர் ராகுல் காந்தி கேட்டுக் கொண்டார். காயமடைந்தவர்கள் விரைவில் குணமடைய பிரார்த்திருக்கிறேன் என்று காந்தி கூறினார்.




• 10:47 (IST) 03 Jun 2023
  Mi-17 ஹெலிகாப்டர்களை அனுப்பும் இந்திய விமானப் படை

  ஒடிசாவின் பாலசோரில் ரயில்கள் தடம் புரண்டதில் பாதிக்கப்பட்டவர்களை வெளியேற்றுவதற்காக இந்திய விமானப்படை (IAF) Mi-17 ஹெலிகாப்டர்களை அனுப்பியுள்ளது. மீட்புப் பணிகளை மேற்கொள்வதற்காக IAF சிவில் நிர்வாகம் மற்றும் இந்திய ரயில்வேயுடன் ஒருங்கிணைந்துள்ளது.




• 10:43 (IST) 03 Jun 2023
  பிரதமர் நரேந்திர மோடி ஆலோசனை

  ஷாலிமார்-சென்னை கோரமண்டல் எக்ஸ்பிரஸ் மற்றும் பெங்களூரு-ஹவுரா சூப்பர்பாஸ்ட் எக்ஸ்பிரஸ் ஆகிய இரண்டு பயணிகள் ரயில்கள் பாலசோர் அருகே தடம் புரண்டதை அடுத்து, ஒடிசாவில் நிலைமையை ஆய்வு செய்ய பிரதமர் நரேந்திர மோடி கூட்டத்தை கூட்டியுள்ளார் என்று ANI தெரிவித்துள்ளது.




• 10:30 (IST) 03 Jun 2023
  பாலசோரில் விபத்து நடந்த இடத்தின் ஏரியல் வியூ

  ANI இன் ட்ரோன் கேமராவில் இருந்து வான்வழி காட்சிகள் ஒடிசாவில் ரயில் விபத்து நடந்த இடத்தில் சேதத்தின் அளவைக் காட்டுகின்றன.

  watch | Aerial visuals from ANI’s drone camera show the extent of damage at the spot of the balasoretrainaccident in Odisha. pic.twitter.com/YSflSpuF9d

  — ANI (@ANI) June 3, 2023




• 10:28 (IST) 03 Jun 2023
  35 பேர் தமிழகத்தைச் சேர்ந்தவர்கள்

  ஒடிசா ரயில் விபத்தில் உயிரிழந்த 233 பேரில், கிட்டத்தட்ட 35 பேர் தமிழகத்தைச் சேர்ந்தவர்கள் என்றும், மாநிலத்தில் இருந்து 85 பேர் காயமடைந்ததாக இந்தியன் எக்ஸ்பிரஸ் செய்தி வெளியிட்டுள்ளது.




• 10:26 (IST) 03 Jun 2023
  மீட்பு நடவடிக்கைகளில் இந்திய ராணுவம்

  ஒடிசாவில் பலி எண்ணிக்கை தொடர்ந்து அதிகரித்து வருவதால், காயமடைந்தவர்களை மீட்கவும், சிகிச்சை அளிக்கவும் இந்திய ராணுவம் ஈடுபடுத்தப்பட்டுள்ளது.

  ஈஸ்டர்ன் கமெண்டிலிருந்துஆம்புலன்ஸ்கள் மற்றும் ஆதரவு சேவைகளுடன் இராணுவத்தின் மருத்துவ மற்றும் இன்ஞ்சினியரிங் குழுக்கள் அனுப்பப்பட்டுள்ளன.




• 09:59 (IST) 03 Jun 2023
  உறவினர்கள் ஒடிசா செல்ல சிறப்பு ரயில்

  ரயில் விபத்தில் பாதிக்கப்பட்டவர்களின் உறவினர்கள் ஒடிசா செல்லும் வகையில், சென்னை, சென்ட்ரல் ரயில் நிலையத்தில் இருந்து இன்று மாலை 6.30 மணியளவில் சிறப்பு ரயில் இயக்கப்படும், உறவினர்கள் திரும்பி சென்னை வருவதற்கும் சிறப்பு ரயில் ஏற்பாடு செய்யப்பட்டுள்ளது.

  உதவி சேவை மையத்தை தொடர்பு கொண்டு சிறப்பு ரயிலுக்கான டிக்கெட் முன்பதிவு செய்து கொள்ளலாம் என்று ஸ்டாலின் அறிவித்துள்ளார்.




• 09:58 (IST) 03 Jun 2023
  உயிரிழந்த தமிழர்கள் குடும்பத்தினருக்கு ரூ. 5 லட்சம் இழப்பீடு

  ரயில் விபத்து தொடர்பாக முதல்வர் மு.க.ஸ்டாலின் சனிக்கிழமை காலை செய்தியாளர்களை சந்தித்தார்.

  அப்போது ரயில் விபத்தில் உயிரிழந்த தமிழர்கள் குடும்பத்தினருக்கு ரூ. 5 லட்சம் இழப்பீடு, காயம் அடைந்த தமிழர்களுக்கு ரூ.1 லட்சம் நிவாரணம் வழங்கப்படும் என்று அறிவித்தார்.




• 09:49 (IST) 03 Jun 2023
  43 ரயில்கள் ரத்து

  ஒடிசா ரயில் விபத்து எதிரொலி காரணமாக இதுவரை 43 ரயில்கள் ரத்து செய்யப்பட்டன; 38 ரயில்கள் திருப்பி விடப்பட்டன.

  முன்பதிவு செய்த பயணிகளுக்கு சிறப்பு கவுண்டர்கள் அமைத்து கட்டணத்தை திருப்பி வழங்க நடவடிக்கை எடுக்கப்பட்டுள்ளது, ஆன்லைன் மூலமாக முன்பதிவு செய்து இருப்பதால் நேரடியாக வங்கி கணக்கிற்கு கட்டண தொகை திரும்ப வழங்கப்படும் என ரயில்வே அறிவித்துள்ளது.




• 09:26 (IST) 03 Jun 2023
  அஸ்வினி வைஷ்ணவ் பேட்டி

  பாலசோரில் விபத்து நடந்த இடத்தை ஆய்வு செய்த பிறகு, ரயில்வே அமைச்சர் அஸ்வினி வைஷ்ணவ், நிவாரணம் மற்றும் மீட்பு நடவடிக்கைகளில் கவனம் செலுத்தப்படுகிறது. மாவட்ட நிர்வாகத்தின் அனுமதிக்குப் பிறகு மறுசீரமைப்பு தொடங்கும், என்று கூறினார்




• 09:21 (IST) 03 Jun 2023
  ஜேபி நட்டா ஆறுதல்

  பாஜக தேசியத் தலைவர் ஜேபி நட்டா, ஒடிசாவின் பாலசோரில் 233 பேர் உயிரிழந்தது மற்றும் 900 க்கும் மேற்பட்டோர் காயமடைந்துள்ள ரயில் விபத்து குறித்து கேள்விப்பட்டு மிகவும் வருத்தமடைந்ததாகக் கூறினார்.

  பாதிக்கப்பட்ட மக்களுக்கு NDRF குழு அனைத்து உதவிகளையும் செய்து வருகிறது. மீட்புப் பணிகளில் தேவையான ஆதரவை வழங்க உள்ளூர் பாஜக காரியகர்த்தாக்களை நான் கேட்டுக்கொள்கிறேன். காயமடைந்தவர்கள் விரைவில் குணமடைய பிரார்த்திக்கிறேன். என்று அவர் ட்வீட்டரில் தெரிவித்தார்.

  Deeply saddened to hear about the tragic train accident in Odisha's Balasore.
  
  
  
  Rescue ops are underway and the NDRF team is providing all the possible assistance to the affected people.
  
  
  
  I appeal the local BJP karyakartas to provide the necessary support in the rescue efforts.…

  — Jagat Prakash Nadda (@JPNadda) June 2, 2023




• 09:16 (IST) 03 Jun 2023
  ஒரு நாள் அரசு துக்கம் அறிவித்த முதல்வர் மு.க.ஸ்டாலின்

  ஒடிசாவில் 233 பேர் உயிரிழந்த ரயில் விபத்தில் 900க்கும் மேற்பட்டோர் படுகாயம் அடைந்ததையடுத்து, தமிழக முதல்வர் மு.க.ஸ்டாலின் ஒருநாள் அரசு துக்கம் அனுசரிப்பதாக அறிவித்துள்ளார்.




• 09:15 (IST) 03 Jun 2023
  விபத்து நடந்த பகுதியில் ஒடிசா முதல்வர் நவீன் பட்நாயக் ஆய்வு

  ஒடிசா முதல்வர் நவீன் பட்நாயக் பாலசோரில் விபத்து நடந்த இடத்தில் நேரில் வந்து ஆய்வு செய்தார்.

  watch | Odisha CM Naveen Patnaik arrives at the accident spot in balasore where a collision between three trains left 233 dead & around 900 injured. pic.twitter.com/yW5FqhkhA3

  — ANI (@ANI) June 3, 2023




• 09:05 (IST) 03 Jun 2023
  நிகழ்ச்சிகளை ஒத்திவைத்த பாஜக

  பாலசோரில் இரண்டு பயணிகள் ரயில்கள் தடம் புரண்டதில் 233 பேர் உயிரிழந்தனர், 900க்கும் மேற்பட்டோர் காயமடைந்தனர், இந்நிலையில், மோடி அரசின் ஒன்பதாம் ஆண்டு நிறைவு விழாவையொட்டி, சனிக்கிழமை நடைபெறவிருந்த அனைத்து நிகழ்ச்சிகளையும் பாஜக ஒத்திவைத்தது.




• 09:02 (IST) 03 Jun 2023
  ரயில் விபத்தில் உயிரிழந்தவர்களுக்கு ரூ.10 லட்சம் கருணைத் தொகை

  ரயில் விபத்து குறித்து உயர்மட்ட விசாரணைக்கு உத்தரவிட்டுள்ள ரயில்வே அமைச்சர் அஸ்வினி வைஷ்ணவ், உயிரிழந்தவர்களுக்கு ரூ.10 லட்சமும், பலத்த காயம் அடைந்தவர்களுக்கு ரூ.2 லட்சமும், லேசான காயம் அடைந்தவர்களுக்கு ரூ.50,000ம் கருணைத் தொகையாக வழங்கப்படும் என அறிவித்தார்.




• 08:41 (IST) 03 Jun 2023
  ரயில் விபத்து காட்சிகள்

  ஒடிசாவின் பாலாசோரில் ரயில் விபத்து நடந்த இடத்திலிருந்து சமீபத்திய காட்சிகள்

  watch | Latest visuals from the site of the deadly train accident in Odisha's Balasore. Rescue operations underway
  
  
  
  The current death toll stands at 233 pic.twitter.com/H1aMrr3zxR

  — ANI (@ANI) June 3, 2023




• 08:40 (IST) 03 Jun 2023
  ரத்த தானம் செய்ய குவிந்த மக்கள்

  காயமடைந்தவர்களுக்கு ரத்த தானம் செய்ய பாலசோரில் மக்கள் வரிசையில் நிற்கின்றனர்

  Odisha | People queue up in balasore to donate blood after the horrific train accident in Balasore yesterday.
  
  
  
  As per officials, as of now 233 people have died and around 900 are injured. pic.twitter.com/3o9mGU0xov

  — ANI (@ANI) June 3, 2023




• 08:38 (IST) 03 Jun 2023
  இதுவரை 233 பேர் இறந்திருக்கலாம்

  ஒடிசா ரயில் விபத்தில் இதுவரை 233 பேர் இறந்திருக்கலாம் என்ற தகவல் வெளியாகி உள்ளது, மேலும் 900 க்கும் மேற்பட்டோர் காயங்களுடன் அருகிலுள்ள மருத்துவமனைகளில் சிகிச்சை பெற்று வருகின்றனர்.




• 08:38 (IST) 03 Jun 2023
  பிரதமர் நரேந்திர மோடி இரங்கல்

  ஒடிசாவில் நடந்த ரயில் விபத்தில் உயிரிழந்தவர்களுக்கு பிரதமர் நரேந்திர மோடி இரங்கல் தெரிவித்துள்ளார்.

  காயமடைந்தவர்கள் விரைவில் குணமடைய தான் பிரார்த்திப்பதாக குறிப்பிட்டுள்ள பிரதமர், “இந்த விபத்து குறித்து ரயில்வே துறை அமைச்சர் அஸ்வினி வைஷ்ணவ் உடன் பேசினேன். விபத்து நடந்த இடத்தில் மீட்புப் பணிகள் நடைபெற்று வருகின்றன. பாதிக்கப்பட்ட மக்களுக்கு அனைத்து உதவிகளும் செய்யப்பட்டு வருகின்றன, என்று தெரிவித்துள்ளார்.




• 08:37 (IST) 03 Jun 2023
  உயர்மட்ட குழு விசாரணை

  ஒடிசா ரயில் விபத்து தொடர்பாக தென்கிழக்கு சர்க்கிள் ரயில்வே பாதுகாப்பு ஆணையர் தலைமையில் உயர்மட்ட குழு விசாரணை நடைபெறும் என்று ரயில்வே அமைச்சகம் தெரிவித்துள்ளது.




• 08:37 (IST) 03 Jun 2023
  ஒடிசாவில் ஒரு நாள் துக்கதினம் அனுசரிப்பு

  ரயில் விபத்தை தொடர்ந்து ஒடிசாவில் ஒரு நாள் துக்கதினம் அனுசரிக்கப்படும் எனவும், மாநிலத்தில் அனைத்து அரசு நிகழ்ச்சிகள் ரத்து செய்யப்படும் எனவும், ஒடிசா முதல்வர் நவீன் பட்நாயக் அறிவித்துள்ளார்,




• 08:36 (IST) 03 Jun 2023
  869 பேர் முன்பதிவு

  விபத்துக்குள்ளான கோரமண்டல் எக்ஸ்பிரசில், மொத்தம் 23 பெட்டிகள் இருந்தன. அவற்றில், ஐந்து பெட்டிகள் துாங்கும் வசதியுடைய முன் பதிவு செய்யப்பட்ட பெட்டிகள். 12 பெட்டிகள், 'ஏசி' வசதியுடையவை. இதுதவிர, முன் பதிவு செய்யப்படாத ஆறு பெட்டிகளும் இருந்தன. இந்த ரயிலில் பயணிக்க 869 பேர் முன்பதிவு செய்திருந்தனர். இந்த ரயில், இன்று மாலை 4:50 மணிக்கு சென்னை வந்தடைய இருந்தது.




• 08:36 (IST) 03 Jun 2023
  கருணைத் தொகை

  ஒடிசா ரயில் விபத்தில் உயிரிழந்தவர்களுக்கு கருணைத் தொகை வழங்கப்படும் என பிரதமர் மோடியும், மத்திய ரயில்வே அமைச்சரும் அறிவித்துள்ளனர்.

  ஒடிசாவில் நடந்த ரயில் விபத்தில் இறந்த ஒவ்வொருவரின் உறவினர்களுக்கும் பிரதமர் நிவாரண நிதிலிருந்து ரூபாய் 2 லட்சம் இழப்பீடு வழங்கப்படும். காயமடைந்தவர்களுக்கு 50,000 ரூபாய் வழங்கப்படும், என்று பிரதமர் அலுவலகம் தெரிவித்துள்ளது.




• 08:35 (IST) 03 Jun 2023
  ஒடிசா அரசு அவசர எண்கள் அறிவிப்பு

  ஒடிசா அரசு அவசர தொடர்பு எண்ணை வெளியிட்டுள்ளது - 06782-262286. அருகிலுள்ள மாவட்டங்களில் இருந்து கூடுதல் தீயணைப்பு சேவை குழுக்கள், மருத்துவர்கள் மற்றும் ஆம்புலன்ஸ்களும் விரைந்துள்ளன.




• 08:35 (IST) 03 Jun 2023
  ஒடிசா விரையும் உதயநிதி

  அமைச்சர் உதயநிதி ஸ்டாலின், போக்குவரத்துத் துறை அமைச்சர் எஸ்.எஸ். சிவசங்கர் ஆகியோர் விபத்து நடைபெற்ற இடத்துக்கு இன்று (ஜூன் 3) விரைகின்றனர். அவர்களுடன் ஐஏஎஸ் அதிகாரிகள் குழுவும் ஒடிசா விரைகிறது.




• 08:34 (IST) 03 Jun 2023
  உதவி எண்கள் அறிவிப்பு

  விபத்து குறித்து பயணிகளின் குடும்பத்தினா், உறவினா்கள் தகவல் அறிய அவசர கட்டுப்பட்டு அறை அமைக்கப்பட்டு உதவி எண்கள் அறிவிக்கப்பட்டுள்ளன.

  சென்னை சென்ட்ரலுக்கு தொடர்புகொள்ள: 044-25330952, 044-25330953, 044-25354771.

  மக்களுக்கு உதவுவதற்காக டிஜிபி அலுவலகத்தில் கட்டுப்பாட்டு அறை திறக்கப்பட்டுள்ளது. அதற்கான தொடர்பு எண்கள்: 1070, 044-28593990, 9445869848.

  அவசர கட்டுப்பாட்டு அறை பாலசோர் (ஒடிசா): 91 6782262286 என்ற எண்ணில் தொடர்பு கொள்ளலாம்.




• 08:34 (IST) 03 Jun 2023
  மீட்பு பணிகள் தீவிரம்

  விபத்து நடந்த இடத்தில் தேசிய, மாநில பேரிடா் மீட்புப் படையைச் சோ்ந்த வீரர்கள் உள்பட உள்ளூர் மக்களும் இணைந்து மீட்புப் பணியில் ஈடுபட்டுள்ளனர்.

  மீட்கப்பட்ட பயணிகள் பாலசோர் மாவட்ட மருத்துவக் கல்லூரி மருத்துவமனையிலும், சோரோ, கோபால்பூா் மற்றும் காந்தாபடா பகுதிகளில் அமைந்துள்ள மருத்துவமனைகளிலும் அனுமதிக்கப்பட்டு சிகிச்சை பெற்று வருகின்றனா்.