/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/04/Edappadi-Palaniswamy.jpg)
கொரோனா தடுப்பு நடவடிக்கையாக, மாற்று இடத்தில் தற்காலிக மார்க்கெட் அமைத்து கொள்ளுங்கள் என்று மார்ச் மாத நடுப்பகுதியிலே கோயம்பேடு வியாபாரிகள் சங்க நிர்வாகிகளோடு பேச்சுவார்த்தை நடத்தியதாகவும், ஆனால் வியாபாரிகள் சங்கம் தமிழக அரசுக்கு முழு ஒத்துழைப்பு அளிக்கவில்லை என்று முதல்வர் எடப்பாடி பழனிசாமி தெரிவித்தார். மேலும், இனி வரும் காலங்களில் தனிமனித இடைவெளி, முகக் கவசம் அணிதல் போன்ற விதிமுறைகளை கடைப்பிடித்தால் மட்டுமே கொரோனா வைரஸ் பரவலை தடுக்க முடியும் என்றும் கேட்டுக் கொண்டார்.
உலகளவில் கொரோனாவால் பாதிக்கப்பட்டோரின் எண்ணிக்கை 43.39 லட்சமாக உயர்ந்துள்ளது. வைரஸில் இருந்து குணமடைந்தோர் எண்ணிக்கை 16,00,728-ஆகவும், வைரஸால் உயிரிழந்தோர் எண்ணிக்கை 2,92,804 ஆகவும் உயர்ந்துள்ளது. அமெரிக்காவில் கொரோனா வைரஸ் உறுதி செய்யப்பட்டோர் எண்ணிக்கை 14,08,636 ஆக உயர்ந்துள்ளது. வைரஸால் உயிரிழந்தோர் எண்ணிக்கை 83,425 ஆக அதிகரித்துள்ளது. இந்தியாவில் கொரோனாவால் பாதிக்கப்பட்டோரின் எண்ணிக்கை 70,756-லிருந்து 74,281 ஆக உயர்ந்துள்ளது. கொரோனாவிலிருந்து குணமடைந்தோர் எண்ணிக்கை 22,455-லிருந்து 24,386 ஆக அதிகரித்துள்ள நிலையில், கொரோனாவால் உயிரிழந்தோர் எண்ணிக்கை 2,293-லிருந்து 2,415-ஆக உயர்ந்துள்ளது.
பிரதமர் நரேந்திர மோடி அறிவித்துள்ள 20 லட்சம் கோடி ரூபாய்க்கான திட்டங்கள் யாருக்கு சென்றடையும் என்பது குறித்த அறிவிப்பை நிதிமைச்சர் நிர்மலா சீதாராமன் இன்று வெளியிட உள்ளார். சிறுகுறு தொழில் நிறுவனங்களுக்கு பெருமளவில் கடன் அறிவிப்புகள் இதில் இடம்பெறும் என எதிர்பார்க்கப்படுகிறது. முத்ரா திட்டத்தின் கீழும் கூடுதல் கடன் திட்டங்கள் இந்த அறிவிப்பின் கீழ் இடம்பெறும் எனவும் தகவல் வெளியாகியுள்ளது. அனைத்து மாவட்ட ஆட்சியர்களுடன் முதல்வர் எடப்பாடி பழனிச்சாமி இன்று ஆலோசனை நடத்துகிறார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”
Live Blog
Tamil nadu news today updates : சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய செய்திகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.
‘நிதியமைச்சரின் அறிவிப்பில் ஏழை, எளிய மக்கள் கைவிடப்பட்டுவிட்டார்களே என்ற ஏமாற்றத்தை தருகிறது’
பெரிய மீட்பு திட்டம் என பிரதமர் முழங்கியதற்கும்,நிதியமைச்சரின் அறிவிப்புக்கும் எந்த தொடர்பும் இல்லை;கூட்டாட்சித் தத்துவத்தின் கடமை, பொறுப்பை நிறைவேற்ற மத்திய அரசு எண்ணவில்லை
- ஸ்டாலின்
சிவகங்கை மாவட்டத்தில் கடந்த எப்ரல் 21ஆம் தேதி முதல் 22 நாட்களாக கொரோனாவால் யாரும் பாதிக்கப்படவில்லை
* எப்ரல் 20 ஆம் தேதி கடைசியாக பாதிக்கப்பட்ட நபருடன் சேர்த்து மொத்தம் 12 பேர் கொரோனாவால் பாதிக்கப்பட்டிருந்தனர்
* 12 பேரும் பூரண குணமடைந்து வீடுகளுக்கு சென்று உள்ளனர்
“பிரதமரின் வழக்கமான வெற்று உரைக்கு விளக்க உரையாக அமைந்துள்ளதே தவிர வேறேதும் இல்லை என்பதை வேதனையோடு தெரிவித்துக் கொள்கிறோம். பிரதமர் நேற்று தனது உரையில் 20 இலட்சம் கோடி ரூபாய் மதிப்பிலான நிவாரணத் திட்டங்களை அறிவிப்பதாகவும் அதன் விவரங்களை நிதியமைச்சர் வெளியிடுவார் என்றும் கூறியிருந்தார்.
இந்த அறிவிப்புகள் எவையும் உடனடியாக மக்களுக்குப் பயன் அளிக்கக் கூடியவையாக இல்லை. பிரதமரின் வழக்கமான வெற்று உரைக்கு விளக்க உரையாக அமைந்துள்ளதே தவிர வேறேதும் இல்லை என்பதை வேதனையோடு தெரிவித்துக் கொள்கிறோம்.
பிரதமரின் அறிவிப்பு ஏற்படுத்திய நம்பிக்கையை நிதியமைச்சர் அறிவிப்பு தகர்த்துவிட்டது என்று இந்தியக் கம்யூனிஸ்ட் கட்சியின் மாநிலச் செயலாளர் இரா.முத்தரசன் விமர்சித்துள்ளார்.
'கடைத் தேங்காயை எடுத்து வழிப் பிள்ளையாருக்கு உடைத்தது' போல் வங்கி உத்தரவாதத்தை நீட்டிப்பது, கடன் வழங்குவது என்ற அறிவிப்புகள் மட்டுமே இருக்கின்றன. இவை நடைமுறையில் பெரும் பயனளிக்காது என்பதே கடந்த கால அனுபவமாகும்.
'கன்னித் தீவு' கதை போல் அறிவிப்புகள் தொடரும் என்ற மற்றொரு அறிவிப்பு தவிர நிதியமைச்சரின் அறிவிப்புகளில் வேறு எதுவும் இல்லை. நிதியமைச்சர் ஊக்குவிப்பு ஊறுகாய் அளவுக்கும் உதவாத ஏமாற்றம், பெருத்த ஏமாற்றம் அளிக்கிறது" என முத்தரசன் தெரிவித்துள்ளார்.
#BREAKING | 9000ஐ கடந்த கொரோனா பாதிப்பு!
தமிழகத்தில் மாவட்டவாரியாக கொரோனா பாதிப்பு விவரம்!
ஒரு வயது குழந்தை உட்பட 42 குழந்தைகளுக்கு இன்று பாதிப்பு!https://t.co/5wMBD3XmPb | #CoronaUpdate | #CoronaStatewiseTally | #StayHomeStaySafe pic.twitter.com/6uLsP6O53M
— News7 Tamil (@news7tamil) May 13, 2020
முதல்வர் பழனிசாமி: சிறப்பு அதிகாரிகளை நியமித்து நோய் பரவலை கட்டுப்படுத்தி உள்ளோம். இந்தியாவிலேயே அதிக பேருக்கு பரிசோதனை செய்யப்பட்டுள்ளது. தொழிலாளர்களுக்கு தேவையான ஏற்பாடுகள் செய்யப்பட்டுள்ளது என்று கூறினார்.
குற்றால அருவியில் வெள்ளம் பெருகெடுத்து ஒடுகிறது. கொரோனா பொது முடக்கத்தால் அனைவரும் வீடுகளில் முடங்கி இருப்பதால் குற்றால அருவி வெறிச்சோடி காணப்படுகிறது.
#Tenkasi
Missing it badly... 😒😔🚶#nellai #tenkasi #Tirunelveli #Tirunelveli#TenkasiDistrict #Courtallam #MainFallspic.twitter.com/tqekDvTqD9— ❤️Dora VeniVijay 2❤️//ADVHBDMyDearVijayAnna 🎂🍫🎈 (@VeniVijay2226) May 13, 2020
பிரதமர் மோடி நேற்று ரூ.20 லட்சம் கோடிக்கு பொருளாதார திட்டங்கள் அறிவிக்கப்படும் என்று கூறிய நிலையில், இன்று செய்தியாளர்களை சந்தித்த மத்திய நிதியமைச்சர் நிர்மலா சீதாராமன், 5 அம்ச நோக்கங்களுடன் ரூ.20 லட்சம் கோடி மதிப்பில் தன்னிறைவு இந்தியா திட்டம் உருவாக்கப்பட்டுள்ளதாக தெரிவித்துள்ளார்.
பத்தாம் வகுப்பு தேர்வுகள் முடிந்து விடுமுறை எடுக்க வேண்டும் என்ற மனநிலையில் மாணவர்கள் உள்ளனர். ஆனால், பத்தாம் வகுப்பு தேர்வை ரத்து செய்ய வேண்டும் என்று கோரி மு.க.ஸ்டாலின் மாணவர்கள் மத்தியில் தேவையற்ற குழப்பத்தை ஏற்படுத்துகிறார் என்று அமைச்சர் பாண்டியராஜன் தெரிவித்துள்ளார்.
கடந்த மாதம் கொரோனாவால் இறந்த மருத்துவர் சைமன் உடலை, சிலரின் எதிர்ப்பால் வானகரம் பகுதியில் அடக்கம் செய்யப்பட்டது. இதையடுத்து அடக்கம் செய்யப்பட்ட மருத்துவர் சைமன் உடலை அந்த இடத்தில் இருந்து எடுத்து கீழ்ப்பாக்கம் கல்லறையில் அடக்கம் செய்யக்கோரி சென்னை உயர் நீதிமன்றத்தில் மனுதாக்கல் செய்யப்பட்டுள்ளது. இந்த மனுவை விசாரித்த உயர் நீதிமன்றம், தமிழக அரசு, காவல்துறை, மாநகராட்சி 4 வாரங்களில் பதிலளிக்க உத்தரவிட்டுள்ளது.
தமிழக அரசின் டாஸ்மாக் மதுபானங்களை ஆன்லைன் மூலம் விற்பனை செய்ய உத்தரவிட கோரிய வழக்க்கை சென்னை உயர் நீதிமன்றம் அதிரடியாக தள்ளுபடி செய்து உத்தரவிட்டது. மேலும், மனுதாரருக்கு 20 ஆயிரம் ரூபாய் அபராதம் விதித்த உயர் நீதிமன்றம், அபராதத் தொகையை முதலமைச்சர் நிவாரண நிதியில் ஒரு வாரத்தில் செலுத்த உத்தரவிட்டது.
வாணியம்பாடியில் வியாபாரிகளின் பழங்களைக் கீழே கொட்டி சேதப்படுத்திய வாணியம்பாடி நகராட்சி ஆணையர் சிசில் தாமஸுக்கு மாநில மனித உரிமைகள் ஆணையம் விளக்கமளிக்க வேண்டும் என நோட்டீஸ் அனுப்பியுள்ளது. மேலும், 2 வாரத்தில் மாநில நகராட்சி நிர்வாக ஆணையரும் பதிலளிக்க வேண்டும் என்று மனித உரிமைகள் ஆணையம் நோட்டீஸ் அனுப்பியுள்ளது.
பள்ளிக்கல்வித் துறை அமைச்சர் செங்கோட்டையன்: மாணவர்கள் சமூக இடைவெளியை கடைபிடிக்கும் வகையில், அதற்கான ஏற்பாடுகள் வகுப்பறைகளில் செய்யபட்டிருக்கிறது. மாணவர்கள் அனைவரும் முகக்கவசம் அணிந்து கொண்டு தேர்வுக்கு வர வேண்டுமென கேட்டுக்கொள்கிறேன் என்று தெரிவித்துள்ளார்.
தெற்கு வங்கக்கடல் மற்றும் அதனை ஒட்டியுள்ள அந்தமான் கடல் பகுதியில் புதிய காற்றழுத்த தாழ்வுப் பகுதி உருவாகியுள்ளது. 15ம் தேதி காற்றழுத்த தாழ்வுப் பகுதி காற்றழுத்த தாழ்வு மண்டலமாக வலுப்பெற்று 16-ம் தேதி காற்றழுத்த தாழ்வுமண்டலம் புயலாக மாறி மையம் கொள்ளும் என்று வானிலை ஆய்வு மையம் தெரிவித்துள்ளது. மேலும், மே 15-ம் தேதி 45 - 55 கி.மீ வேகத்தில் காற்று வீசக்கூடும் என்றும் மே 16-ம் தேதி 55 -65 கி.மீ வேகத்தில் காற்று வீசக்கூடும், மே 17-ம் தேதி 65 - 75 கி.மீ வேகத்தில் காற்று வீசக்கூடும் என்று தெரிவிக்கப்பட்டுள்ளது.
இதனால், மே 15,16,17 தேதிகளில் அந்தமான் அதையொட்டிய கடல் பகுதிக்கு மீனவர்கள் கடலுக்கு செல்ல வேண்டாம் என்று வானிலை ஆய்வு மைய அதிகாரிகள் தெரிவித்துள்ளனர்.
ஒரே நாளில் 10 ஆயிரத்துக்கும் மேற்பட்டோர் பாதிக்கப்பட்டதால் கொரோனா வைரசால் அதிகம் பாதிப்பு அடைந்த நாடுகள் பட்டியலில் ரஷ்யா மூன்றாம் இடத்தில் உள்ளது. ரஷ்யாவில் கடந்த 24 மணி நேரத்தில் 10 ஆயிரத்து 899 பேருக்கு கொரோனா தொற்று இருப்பது உறுதியாகி உள்ளது. இதனால் கொரோனா தொற்றால் பாதிக்கப்பட்டோர் எண்ணிக்கை 2 லட்சத்து 32 ஆயிரத்து 243 ஆக அதிகரித்துள்ளது. மேலும் கொரோனா தொற்றால் நேற்று 107 பேர் உயிரிழந்த நிலையில் அங்கு மொத்த உயிரிழப்புகள் 2 ஆயிரத்து 116 ஆக அதிகரித்துள்ளது
Here's the zone wise breakup of Covid-19 positive cases in #Chennai.#Covid19Chennai#GCC #ChennaiCorporation pic.twitter.com/RiCblazl17
— Greater Chennai Corporation (@chennaicorp) May 13, 2020
கொரோனா பாதிப்பு முதலில் உயர்ந்து பின்னர் குறையும் என கண்டறியப்பட்டுள்ளது. தமிழகம், இந்தியாவிலும் தற்போது உயர்ந்துள்ள கொரோனா பாதிப்பு பின்னர் குறைய வாய்ப்புள்ளது என அனைத்து மாவட்ட ஆட்சியர்களுடன் முதல்வர் பழனிசாமி காணொலியில் பேச்சு.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights