/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/04/salem.jpg)
Covid-19 Cases Update: தமிழகத்தில் ஊரடங்கு உத்தரவு கடுமையாக்கப்படுகிறது. அதன்படி மக்கள் வெளியில் நடமாடுவதை தடுக்க, ஒவ்வொரு மாவட்ட நிர்வாகமும், தீவிர நடவடிக்கைகள் எடுத்து வருகின்றன. இந்நிலையில் சேலத்தில் 5 நாட்களுக்கு ஒருமுறை மட்டுமே காய்கறி வாங்க அனுமதிக்கப்படும் என அறிவிக்கப்பட்டிருக்கிறது. கொரோனா பாதிப்புக்கு வேலூரில் 45 வயது நபர் உயிரிழந்ததாக அம்மாவட்ட நிர்வாகம் அறிவித்துள்ளது. ஆகையால் தமிழகத்தில் கொரோனாவால் உயிரிழந்தவர்களின் எண்ணிக்கை 8 ஆக உயர்ந்துள்ளது. இதற்கிடையே இதுவரை 19 பேர் குணமடைந்து வீடு திரும்பியுள்ளதாக சுகாதாரத்துறை தெரிவித்துள்ளது. ஊரடங்கு உத்தரவை நீட்டிப்பது குறித்து மத்திய அரசு ஆலோசனை நடத்துகிறது. பல்வேறு மாநில அரசுகள், வல்லுணர்களின் கோரிக்கையை ஏற்க திட்டமிடப்பட்டுள்ளது.
குஜராத்தில் 14 மாத குழந்தை கொரோனா வைரஸால் உயிரிழந்துள்ளது. அதோடு இந்தியாவில் கொரோனா வைரஸால் இறந்தவர்களின் எண்ணிக்கை 124-ஆக உயர்ந்துள்ளது. அத்தியாவசிய பொருட்களை கடத்தினால், தேசிய பாதுகாப்பு சட்டத்தின் கீழ் கைது செய்யப்படுவார்கள் என மத்திய அரசு எச்சரிக்கை. கொரோனா தடுப்பு நிவாரணத்திற்கு தமிழக மக்கள் தாராளமாக நிதி வழங்க வேண்டுமென, தமிழக முதல்வர் எடப்பாடி பழனிச்சாமி மீண்டும் கோரிக்கை விடுத்துள்ளார். அமெரிக்காவில் ஒரே நாளில் 1900-க்கும் அதிகமானவர்கள் கொரோனாவால் உயிரிழந்தனர். நியூயார்க்கில் இரட்டை கோபுர தாக்குதலில் உயிரிழந்தவர்களை விட, கொரோனா உயிரிழப்பு அதிகமானது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”.
Live Blog
Coronavirus Latest Updates : உலகையே அச்சுறுத்தி வரும் கொரோனா வைரஸ் பாதிப்பு, தமிழகத்தில் அதன் தாக்கம் உள்ளிட்ட தகவல்களை உடனுக்குடன் தெரிந்துகொள்ள இந்த பக்கத்தில் இணைந்திருங்கள்.
மும்பையில் பொது இடங்களில் மக்கள் கட்டாயம் முக கவசம் அணிய வேண்டும் என அறிவிக்கப்பட்டுள்ளது.
டெல்லியில் பொது இடங்களில் மக்கள் கட்டாயமாக முக கவசம் அணிய வேண்டும் என்று முதல்வர் அரவிந்த் கெஜ்ரிவால் அறிவித்துள்ளார்.
சேலத்தில் நாளை முதல் 144 தடை உத்தரவு கடுமையாக அமல்படுத்தப்படும் என்று அறிவிக்கப்பட்டுள்ளது.
இரு சக்கரவாகனங்களை வண்ணங்கள் மூலம் அடையாளப்படுத்த திட்டமிட்டுள்ளதாக தகவல்
சேலத்தில் நாளைமுதல் 5 நாட்களுக்கு ஒருமுறை மட்டுமே காய்கறி, மளிகைக் கடைகளில் வாங்க அனுமதிக்கப்படுவார்கள் என்று மாவட்ட நிர்வாகம் அறிவித்துள்ளது.
முன்னாள் மத்திய அமைச்சர் தனது டுவிட்டர் பக்கத்தில், “ஊரடங்கு உத்தரவின் காரணமாக ஏழைகளின் வாழ்வாதாரம் முடங்கிவிட்டது. அவர்களுக்கு நாள் ஊதியமோ வருமானமோ கிடையாது. அரசின் முதல் கடமை ஏழைக் குடும்பங்களின் கைகளில் பணத்தைச் சேர்ப்பது. இதைச் செய்ய முடியும், செய்ய வேண்டும். எத்தனை முறை இதனை நாங்கள் வலியுறுத்தினாலும் அரசு எங்கள் கருத்தை ஏற்க மறுக்கிறது.” என்று குறிப்பிட்டுள்ளார்.
சென்னையில் நடமாடும் மளிகைக்கடை, காய்கறிகடை நடத்த ஆர்வமுள்ளோர்கள் நேரில் அனுமதி சீட்டு பெற்றுக்கொள்ளலாம் - சென்னை மாநகராட்சி
144 தடை உத்தரவு திரும்பப் பெறும்வரை இந்த அனுமதிச் சீட்டு செல்லும் - சென்னை மாநகராட்சி
விழுப்புரத்தில் கொரோனா பாதிக்கப்பட்ட இளைஞர் காணவில்லை என காவல்துறையில் புகார் அளிக்கப்பட்டுள்ளது.
டெல்லியில் இருந்து நேர்காணலுக்காக வந்த இளைஞருக்கு கொரோனா பாதிப்பு உறுதி செய்யப்பட்ட பிறகு, விழுப்புரம், முண்டியம்பாக்கம் அரசு மருத்துவக் கல்லூரி மருத்துவமனையில் அனுமதிக்கப்பட்டிருந்த அவர் காணவில்லை என்று மருத்துவர்கள் தரப்பில் புகார் அளிக்கப்பட்டுள்ளது.
கொரோனா பரிசோதனையை இலவசமாக செய்ய மத்திய அரசுக்கு உச்ச நீதிமன்றம் உத்தரவிட்டுள்ளது
கொரோனா பரிசோதனையை இலவசமாக மேற்கொள்ள உடனடியாக அரசாணை வெளியிட வேண்டும் - உச்ச நீதிமன்றம் உத்தரவு
அரசு மற்றும் தனியா பரிசோதனை மையங்களில் கொரோனா பரிசோதனையை கட்டணமின்றி செய்ய வேண்டும் - உச்ச நீதிமன்றம்
வருமானவரியில் திருப்பி அளிக்க வேண்டிய தொகை ரூ.5 லட்சத்திற்கு குறைவாக இருந்தால் அதைஹ் உடனடியாக அளிக்க மத்திய நிதிஅமைச்சகம் உத்தரவிட்டுள்ளது.
பிடித்தம் செய்யப்பட்ட சுமார் ரூ.18 ஆயிரம் கோடியை விடுவிக்க மத்திய நிதி அமைச்சகம் உத்தரவு
மத்திய அரசின் இந்த உத்தரவால் வருமானவரி செலுத்தும் 14 லட்சம் பேர், 1 லட்சம் நிறுவனங்கள் பயனடைவார்கள்
சுகாதாரத்துறை செயலாளர் பீலா ராஜேஷ்:
தமிழகத்தில் இன்று மேலும் 48 பேருக்கு கொரோனா பாதிப்பு உறுதி செய்யப்பட்டுள்ளது.
இன்று கொரோனா உறுதி செய்யப்பட்ட 48 பேர்களில் 42 பேர் ஒரே தொற்று மூலம் பாதிக்கப்பட்டவர்கள்.
வெளிநாட்டினர் 7 பேருக்கு கொரோனா பாதிப்பு உறுதி செய்யப்பட்டுள்ளது.
தமிழகத்தில் கொரோனா வைரஸ் பாதிப்பு மொத்த எண்ணிக்கை 738 ஆக அதிகரித்துள்ளது.
கொரோனா பாதிப்பால் தழிகத்தில் இதுவரை 8 பேர் உயிரிழந்துள்ளனர் - பீலா ராஜேஷ்
தமிழகத்தில் கொரோனா பாதிப்பில் இருந்து இதுவரை 21 பேர் குணமடைந்துள்ளனர் - சுகாதாரத்துறை செயலர் பீலா ராஜேஷ்
தமிழகத்தில் வீட்டுக் கண்காணிப்பில் 60,739 பேர் உள்ளனர்.
கொரோனா வார்டுகளில் 230 பேர் கண்காணிப்பில் உள்ளனர்.
32,075 பேருக்கு 28 நாட்கள் கண்காணிப்பு நிறைவடைந்துள்ளது.
தமிழகத்தில் இதுவரை 6,095 பேருக்கு கொரோனா வைரஸ் பரிசோதனை செய்யப்பட்டுள்ளது.
சுகாதாரத்துறை செயலாளர் பீலா ராஜேஷ்: தமிழகத்தில் மேலும் 48 பேருக்கு கொரோனா பாதிப்பு உறுதி செய்யப்பட்டுள்ளது. இதன் முலம் தமிழகத்தில் கொரோனா வைரஸ் பாதிப்பு மொத்த எண்ணிக்கை 738 ஆனது என்று தெரிவித்துள்ளார்.
பிரதமர் மோடியை கௌரவிக்க அனைவரும் 5 நிமிடங்கள் எழுது நில்லுங்கள் என்று போலி தகவல் பரவியதால், அதனை மறுத்து பிரதமர் மோடி டுவிட் செய்துள்ளார். அதில், “தன்னையாரும் சிக்கலி மாட்டிவிட வேண்டாம். என்னை கௌரவிக்க விரும்பினால் ஒரு ஏழை குடும்பத்திற்கு உதவுவதைப் பொறுப்பேற்றுக்கொள்ளுங்கள். ஒரு ஏழைக் குடும்பத்துக்கு உதவுவதைவிட எனக்கு சிறந்த மரியாதையை அளிக்க முடியாது.” என்று பிரதமர் மோடி டுவிட்டரில் பதிவிட்டுள்ளார்.
பிரதமர் மோடி அனைத்து மாநில முதல்வர்களுடன் ஏப்ரல் 11-ம் தேதி காணொலி மூலம் ஆலோசனை நடத்த உள்ளதாக தகவல் வெளியாகி உள்லது. 11-ம் தேதி ஆலோசனைக் கூட்டத்துக்குப் பிறகு ஊரடங்கு நீட்டிப்பது குறித்து முடிவு எடுக்கப்படும் என்று தகவல் வெளியாகி உள்ளது.
இன்று காணொலியில் நடைபெற்ற ஆலோசனைக் கூட்டத்தில் மாநிலங்கள் ஊரடங்கை நீட்டிக்க வேண்டும் என்று வேண்டுகோள் விடுத்தன. அப்போது, பிரதமர் மோடி, நாட்டில் தற்போது இருக்கும் சூழல் சமூக அவசர நிலையைப் போன்றது. ஒவ்வொரு உயிரையும் காப்பாற்ற வேண்டியது முக்கியம் என அரசு செயல்படுகிறது. இந்த இக்கட்டான சூழலில் கடினமான முடிவுகளை எடுக்க வேண்டியுள்ளது என்று கூறினார்.
பேரிடர் மேலாண்மை தடுப்புத் திட்டத்தின் கீழ்,கொரோனா பாதிப்பையடைந்த மாநிலங்களுக்கு. ரூ.11,092 கோடியை மத்திய அரசு ஒதுக்கியது இதில், உத்திர பிரேதேசம், ஓடிஸா, மகாராஷ்டிரா போன்ற மாநிலங்களுக்கு அதிகமான நிதி ஒதுக்கப்பட்டது. ஆனால் , கேரளா, தமிழ்நாடு போன்ற தென் மாவட்டங்களுக்கு மிகவும் கம்மியான நிதியே ஒதுக்கப்பட்டன.
இந்நிலையில், இது தொடர்பான வழக்கை விசாரித்த சென்னை உயர்நீதிமன்றம், தமிழகத்திற்கு குறைவான நிதி ஒதுக்கீடு ஏன் ? என்ற கேள்வியை எழுப்பியுள்ளது. மேலும், இந்த கேள்விக்கான பதிலை மத்திய அரசு சமர்பிக்க சமர்பிக்க வேண்டும் என்று உத்தரவிட்டுள்ளது.
வீட்டில் தங்கும்போது மக்கள் பல்வேறு வகையான பிரச்சினைகளை எதிர்கொள்கிறார்கள் என்பதை நான் புரிந்துகொள்கிறேன். மக்களுக்கு சலிப்பு ஏற்படுவது குறித்து நான் வருந்துகிறேன். ஆனால், கோவிட் -19ஐ வெல்ல வீட்டில் தங்குவதைத் தவிர வேறு வழியில்லை என்று மகாராஷ்டிரா முதல்வர் உத்தவ் தாக்கரே தெரிவித்துள்ளார்.
”விலையேற்றத்தைத் தடுத்து, உரிய நிவாரணம் வழங்கி மக்கள் உயிரைக் காத்திடுக. அத்தியாவசியப் பொருள்களின் தடையில்லாத போக்குவரத்தை உறுதி செய்து, விலையேற்றத்தையும் பதுக்கலையும் கட்டுப்படுத்த வேண்டும்” என திமுக தலைவர் மு.க.ஸ்டாலின் தமிழக அரசுக்கு கோரிக்கை வைத்துள்ளார்.
அனுமன் சஞ்சீவி மூலிகையை கொண்டுவந்து லக்ஷ்மன் உயிரை காப்பாற்றியது போல இந்தியா ஹைட்ராக்சி குளோரோகுயின் மருந்தை வழங்கி பிரேசில் மக்களை காக்க வேண்டுமென, ராமாயணத்தை மேற்கோள்காட்டி பிரேசில் அதிபர் ஜேர் போல்செனாரோ பிரதமர் மோடிக்கு கடிதம் எழுதியுள்ளார்
டெல்லியிலிருந்து அத்தியாவசிய மருந்து பொருட்கள் விமானம் மூலம் சென்னை வந்தடைந்தன. நாடு முழுவதும் ஊரடங்கு உத்தரவு உள்ள நிலையில் விமானங்கள் இயக்கப்படவில்லை. இந்நிலையில் ஸ்பைஸ் ஜெட் பயணிகள் விமானத்தில் சரக்குகள் அனுப்பும் விதமாக மாற்றி சென்னைக்கு மருந்து பொருட்கள் அனுப்பி வைக்கப்பட்டன. சென்னை வந்த மருந்து பொருட்கள் மாநிலம் முழுவதும் தேவைக்கேற்ப அனுப்பி வைக்கப்பட உள்ளன.
நேற்று இரவு முழு உலகமும் சூப்பர் பிங்க் நிலாவை கண்டது. இந்தியாவில் இன்று ஏப்ரல் 8, காலை 8 மணியளவில் இது தென்பட்டது. கொரோனா வைரஸ் தொற்றுநோய் பரவாமல் தடுப்பதற்காக 21 நாட்கள் லாக் டவுனில் இந்தியா இருப்பதால், மக்கள் வீட்டில் இருக்கிறார்கள். பால்கனி மற்றும் மாடியில் நின்று இந்த பிங்க் மூனைப் பார்த்தார்கள்.
சைதாப்பேட்டை பகுதியில் #Corona ஊரடங்கால் பாதிக்கப்பட்ட 500 மாற்றுத் திறனாளிகளுக்கான உணவுப் பொருட்களை, டிசம்பர் 3 இயக்கத்தின் மாநிலத் தலைவர் @Deepak_TMN அவர்களிடம் ஒப்படைத்தேன்.
அனைத்து மாற்றுத் திறனாளிகளுக்கும் அவரவர் வீடுகளுக்கே உணவுப் பொருட்கள் சென்றடைய ஏற்பாடு செய்துள்ளோம். pic.twitter.com/NYHyTWuFKi
— M.K.Stalin (@mkstalin) April 8, 2020
இந்தியாவில் கொரோனாவால் பாதிக்கப்பட்டோர் எண்ணிக்கை 5 ஆயிரத்தை கடந்தது. அதன்படி இந்தியாவில் மொத்தம் 5,194 பேருக்கு கொரோனா பாதிப்பு ஏற்பட்டுள்ளது கண்டறியப்பட்டுள்ளது. அதிகபட்சமாக, மகாராஷ்டிராவில் 1,018 பேருக்கு கொரோனா உறுதி செய்யப்பட்டுள்ளது. கொரோனாவால் பலியானோர் எண்ணிக்கை 149-ஆக உயர்ந்துள்ளதாக மத்திய சுகாதாரத் துறை அமைச்சகம் தெரிவித்துள்ளது.
முஸ்லீம் தலைவர்கள் ஷாப்-இ-பராத்தில் சமூக விலகலுக்கு அழைப்பு விடுக்கின்றனர். கடந்த மாதம் டெல்லியில் நடந்த தப்லிகி ஜமாஅத் கூட்டம் கோவிட் -19-க்கு ஹாட்ஸ்பாட்டாக அமைந்த நிலையில், பல முஸ்லீம் தலைவர்கள், முஸ்லிம் பிரிவுகளைச் சேர்ந்தவர்கள், ஏப்ரல் 8- 9 தேதிகளில் சமூக விலகல் குறித்த விழிப்புனர்வை முன்னெடுக்கிறார்கள்.
சென்னை பெரியமேட்டில் கொரோனாவை பரப்பியதாக வங்கதேசத்தை சேர்ந்த 3 பேர் மீது வழக்குப்பதிவு செய்து போலீசார் கைது செய்தனர். பெரியமேட்டில் ரகசியமாக தங்கியிருந்த 3 பேருக்கும் கொரோனா இருப்பது உறுதி செய்யப்பட்டு, ஸ்டான்லி அரசு மருத்துவமனையில் சிகிச்சைக்கு அனுமதிக்கப்பட்டுள்ளனர்.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights