கொரோனா வைரஸ்: அமெரிக்காவை அடுத்து சீனா கண்டுபிடித்த தடுப்பூசி

அமெரிக்காவின் பயோடெக்னாலஜி நிறுவனமான மாடர்னா நிறுவனம் கோவிட்-19-க்கான தடுப்பூஉசி பரிசோதனை முடிவில் வெற்றி பெற்றதாக அறிவித்தது. அதற்கு அடுத்த நாளே சீனாவின் கேன்சினோ பயோலாஜிக்ஸ் நிறுவனம்,...

அமெரிக்காவின் பயோடெக்னாலஜி நிறுவனமான மாடர்னா நிறுவனம் கோவிட்-19-க்கான தடுப்பூஉசி பரிசோதனை முடிவில் வெற்றி பெற்றதாக அறிவித்தது. அதற்கு அடுத்த நாளே சீனாவின் கேன்சினோ பயோலாஜிக்ஸ் நிறுவனம், நாவல் கொரோனா வைரஸிடம் இருந்து மக்களைக் காப்பாற்ற பாதுகாப்பான தடுப்பூசி கண்டுபிடிக்கப்பட்டுள்ளது என்று அறிவித்துள்ளது.

உலகம் முழுவதும் கொரோனா வைரஸ் என்கிற கோவிட்-19 5.5 மில்லியன் மக்களை பாதித்துள்ளது. 3,38,249 பேர் பலியாகி உள்ளனர். இதனால், உலக நாடுகள் பலவும் தொற்று பரவாமல் இருக்க பொதுமுடக்கத்தை அறிவித்துள்ளன. பொதுமுடக்கத்தில் இருந்து வெளியேறி தங்கள் பொருளாதார நடவடிக்கைகளை மீண்டும் தொடங்குவதற்கு, கோவிட்-19-க்கு ஒரு தடுப்பூசி கண்டுபிடிப்பதுதான் தீர்வாக இருக்கும் என்று கருதப்படுகிறது.

கோவிட் -19ஐப் பொறுத்தவரை, இப்போது உலகம் முழுவதும் 100-க்கும் மேற்பட்ட தடுப்பூசிகள் உருவாக்கப்பட்டு வருகின்றன. அவற்றில் சில புதிதாக உருவாக்கப்பட்டுள்ளன. சில பிற நோய்களுக்காக உருவாக்கப்பட்ட மூலக்கூறுகளிலிருந்து உருவாக்கப்பட்டவை.

இந்தியாவில் கோவிட் -19 தடுப்பூசி குறித்த ஆராய்ச்சி இன்னும் ஆரம்ப கட்டத்தில் உள்ளது என்றும் எந்தவொரு உறுதியான முன்னேற்றமும் ஒரு வருடத்திற்குள் சாத்தியமில்லை என்றும் நிபுணர்கள் கருதுவதாக பி.டி.ஐ செய்தி நிறுவனம் தெரிவித்துள்ளது. தற்போது, சைடஸ் காடிலா 2 தடுப்பூசிகளில் பணியாற்றி வரும் வேளையில், சீரம் நிறுவனம், பயோலாஜிகல் இ, பாரத் பயோடெக், இந்திய நோய்த்தடுப்பு மருந்துகள் மற்றும் மைன்வாக்ஸ் ஆகியவை தலா ஒரு தடுப்பூசியை உருவாக்கி வருகின்றன.

கோவிட் -19 தடுப்பூசியை உருவாக்குவதில் சமீபத்திய செய்தியாக, சீன தடுப்பூசி நிறுவனமான கேன்சினோ பயோலாஜிக்ஸ் இன்க் தடுப்பூசி உருவாக்கியுள்ளது. இந்த நிறுவனம் தி லான்செட்டில் ஒரு ஆய்வறிக்கையில் தனது விண்ணப்பதாரர் வைரஸுக்கு எதிராக நோயெதிர்ப்பு சக்தியை உருவாக்கியுள்ளார் என்று கூறியுள்ளது.

ஆரம்பகட்ட சோதனை பல ஆய்வகங்களில் பல ஆராய்ச்சியாளர்களால் நடத்தப்பட்டது. இந்த ஆய்வு 18 முதல் 60 வயதுடைய 108 பங்கேற்பாளர்களுக்கு செய்யப்பட்டது. தடுப்பூசியின் ஒரு டோஸ் பெற்றவர்கள் இரண்டு வாரங்களுக்குள் டி செல்கள் எனப்படும் சில நோயெதிர்ப்பு உயிரணுக்களை உற்பத்தி செய்ததை பரிசோதனை முடிவுகள் காட்டியுள்ளன. நோய்த்தடுப்புக்குத் தேவையான ஆன்டிபாடிகள் தடுப்பூசி போடப்பட்ட 28 நாட்களில் அதிகரித்தன.

இருப்பினும், இது ஒரு ஆரம்பகட்ட சோதனைதான். அதன் செயல்திறனுக்கான உறுதியான சான்று கிடைக்க இன்னும் ஆயிரக்கணக்கான மக்களிடம் சோதனை செய்யப்பட வேண்டும்.

Ad5-nCoV என்பது மரபணு ரீதியாக வடிவமைக்கப்பட்ட தடுப்பூசி. பிரதி-குறைபாடுள்ள அடினோவைரஸ் வகை 5 உடன் SARS-CoV-2 ஸ்பைக் புரதத்தை வெளிப்படுத்துவதற்கான வழி ஆகும். இது கோவிட்-19 ஆல் ஏற்படும் நோயைத் தடுக்க பயன்படுகிறது.

ஆய்வின்படி, பங்கேற்பாளர்களில் சுமார் 81 சதவீதம் பேர் முதல் 7 நாட்களுக்குள் தடுப்பூசிக்கு குறைந்தது ஒரு பாதகமான எதிர்வினையைக் காட்டினார்கள். தடுப்பூசியின் மிகவும் பொதுவான எதிர்வினையாக சிவத்தல், வீக்கம், அரிப்பு மற்றும் தூண்டல் ஆகியவை வெளிப்பட்டன. அனைத்து நோயாளிகளிடமும் குறிப்பிடப்பட்ட சில முறையான பாதகமான எதிர்வினைகளாக காய்ச்சல், தசை வலி மற்றும் தலைவலி காணப்பட்டன.

இதனிடையே, உலகின் மிக வேகமாக நடைபெறும் சோதனைகளில் ஒன்றாக கோவிட்-19 தடுப்பூசி சோதனை கூறப்பட்டது. ஆக்ஸ்போர்டு பல்கலைக்கழகம் மற்றும் அஸ்ட்ராஜெனெகா பி.எல்.சி ஆகியவை அதன் ChAdOx1 nCoV-19 தடுப்பூசிக்கான மேம்பட்ட மனித ஆய்வுகள் அல்லது இரண்டாம் கட்ட மருத்துவ பரிசோதனைகளைத் தொடங்க உள்ளது.

ஐந்து முதல் 12 வயதுக்குட்பட்ட குழந்தைகள் மற்றும் 70 வயதுக்கு மேற்பட்ட பெரியவர்கள் உட்பட 10,200 க்கும் மேற்பட்டோர் இரண்டாம் கட்ட சோதனையில் சேர்க்கப்படுகிறார்கள். இந்த ஆய்வின் இரண்டாம் கட்டம் வெவ்வேறு வயதினருக்கு தடுப்பூசிக்கான நோய் எதிர்ப்பு சக்தியை மதிப்பிடுவதை நோக்கமாகக் கொண்டுள்ளது. மூன்றாம் கட்டமானது 18 வயதிற்கு மேற்பட்டவர்களில் தடுப்பூசியின் செயல்திறனை தீர்மானிக்கும் என்று ஆக்ஸ்போர்டு பல்கலைக்கழக ஆராய்ச்சியாளர்கள் தெரிவித்துள்ளனர்.

இந்த வார தொடக்கத்தில், தடுப்பூசியை உருவாக்குவதற்கு அமெரிக்கா 1.2 பில்லியன் டாலர் அளவுக்கு நிதி அளிப்பதை உறுதியளித்தது. மேலும், 300 மில்லியன் அளவுகளை ஆர்டர் செய்வதாகக் கூறியதையடுத்து, அஸ்ட்ராஜெனெகா தனது முயற்சிகளுக்கான ஊக்கத்தைப் பெற்றது. அஸ்ட்ராஜெனெகா ஏற்கனவே 100 மில்லியன் டோஸ் தடுப்பூசியை பிரிட்டிஷ் அரசாங்கத்திற்கு வழங்குவதற்கான ஒப்பந்தத்தில் கையெழுத்திட்டுள்ளது, மேலும் செப்டம்பர் மாதத்தில் விநியோகத்தைத் தொடங்கும் என்று அது நம்புகிறது.

சமீபத்தில், ஜென்னர் இன்ஸ்டிடியூட்டின் இயக்குநரும், தடுப்பூசி கண்டுபிடிப்பு சோதனையை வழிநடத்தும் பேராசிரியருமான அட்ரியன் ஹில், தடுப்பூசி சோதனை வெற்றிக்கு 50 சதவீத வாய்ப்பு மட்டுமே உள்ளது என்று கூறினார். மேலும், “கொரோனா வைரஸ் பிரிட்டனில் வேகமாக மறைந்து வருவதாகத் தெரிகிறது” என்று கூறினார்.

முன்மொழியப்பட்ட கோவிட்-19 தடுப்பூசி ஒரு பொதுவான குளிர் வைரஸின் பலவீனமான பதிப்பிலிருந்து தயாரிக்கப்படுகிறது. இது மனிதர்களில் வளர முடியாத வகையில் மரபணு மாற்றப்பட்டுள்ளது.

இந்தியாவில் ஐ.சி.எம்.ஆர் மற்றும் பாரத் பயோடெக் இன்டர்நேஷனல் லிமிடெட் (பிபிஐஎல்) இணைந்து கோவிட்-19 தடுப்பூசியை உருவாக்கி வருகின்றன. இதில் சமீபத்திய முன்னேற்றமாக நாவல் கொரோனா வைரஸ் திரிபு தனிமைப்படுத்தப்பட்டு, புனேவின் இந்திய மருத்துவ ஆராய்ச்சி கவுன்சிலின் தேசிய வைராலஜி நிறுவனத்தில் வகைப்படுத்தப்பட்டது. மேலும் தடுப்பூசி விண்ணப்பதாரர் பிபிஐஎல்-க்கு மாற்றப்பட்டார்.

“தடுப்பூசி தயாரானதும், அதன் பாதுகாப்பு மற்றும் செயல்திறனை மதிப்பிடுவதற்கு விலங்குகளிடம் சோதனைகள் செய்யப்பட்டு, பின்னர், மனித மருத்துவ பரிசோதனைகளுக்குச் செல்லும். இதற்கு குறைந்தது ஒரு வருடம் ஆகும்” என்று ஐ.சி.எம்.ஆர் மூத்த அதிகாரி ஒருவர் பி.டி.ஐ. செய்தி நிருவனத்திடம் கூறியுள்ளார்.

வைரஸைக் கொல்வதற்கான தடுப்பூசியை உருவாக்குவதற்கு பிபிஐஎல் செயல்பட்டு வருகிறது. இது வழக்கமாக நல்ல நோயெதிர்ப்பு சக்தியை வழங்குகிறது. உடலில் நுழைவதன் மூலம் அது நோய்த்தொற்றுக்கு எதிராக ஆன்டிபாடியை உருவாக்கும் என்று அதிகாரி கூறினார்.

கொரோனா வைரஸ் தடுப்பூசி உருவாக்கும் முயற்சிகளுக்கு ஆதரவாக ரூ.100 கோடியை ஒதுக்க பி.எம் கேர்ஸ் ஃபண்ட் டிரஸ்ட் முடிவு செய்துள்ளது. உலக சுகாதார அமைப்பு சீரம் இன்ஸ்டிடியூட் ஆப் இந்தியா, ஸைடஸ் காடிலா, இந்தியன் இம்யூனோலாஜிக்கல்ஸ் லிமிடெட் மற்றும் இந்தியாவிலிருந்து பாரத் பயோடெக் ஆகியவற்றை தடுப்பூசி உருவாக்கும் நிறுவனங்களாக பட்டியலிடப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  t.me/ietamil

Get all the Latest Tamil News and Tamil Nadu News at Indian Express Tamil. You can also catch all the latest Tamil India News by following us on Twitter and Facebook

The moderation of comments is automated and not cleared manually by tamil.indianexpress.com.
Just Now
X
×Close
×Close