/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/04/b614.jpg)
Covid-19 Cases Update: தமிழகத்தில், கொரோனாவை விரட்ட, அரசின் அதிரடி நடவடிக்கைகள், வேகமெடுக்க துவங்கி உள்ளன. பாரம்பரிய இயற்கை மருத்துவமான, நிலவேம்பு மற்றும் கபசுர குடிநீரை, மக்களுக்கு வழங்க, அனுமதி அளிக்கப்பட்டுள்ளது. தொற்று பரவலை தடுக்க, கட்டுப்பாட்டு பகுதிகளில், போக்குவரத்து அடியோடு துண்டிக்கப்பட்டுள்ளது. மற்ற பகுதிகளில், சில தொழில்களை துவங்க, அரசு அனுமதி அளித்துள்ளது.
தமிழகத்தில், கொரோனாவை கட்டுப்படுத்த, அரசு பல்வேறு நடவடிக்கை எடுத்தாலும், நோய் தொற்று ஏற்பட்டவர்கள் எண்ணிக்கை, அதிகரித்து வருவது, மக்களிடம் கவலையை ஏற்படுத்தியது. அதைத் தொடர்ந்து, அரசு தன் நடைமுறையில் மாற்றம் செய்ததுடன், பல அதிரடி நடவடிக்கைகளை துவக்கி உள்ளது.
தி இந்தியன் எக்ஸ்பிரஸ் வீடியோ
ஊரடங்கை மீறி, வாகனங்களில் செல்வோரை கட்டுப்படுத்தும் வகையில், சென்னை அண்ணாசாலை, முற்றிலும் மூடப்பட்டு, போக்குவரத்துக்கு கட்டுப்பாடு விதிக்கப்பட்டுள்ளது. மக்கள் தேவையின்றி வீடுகளை விட்டு வெளியே வர வேண்டாம்; அத்தியாவசிய பொருட்களை, அரசு அனுமதித்துள்ள, காலை, 6:00 மணியில் இருந்து, மதியம், 1:00க்குள் வாங்கிக் கொள்ள வேண்டும் என, போலீசார் எச்சரித்துஉள்ளனர்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil
Live Blog
Coronavirus Latest Updates: தமிழகத்தில் கொரோனா வைரஸ் பாதிப்பு, அதன் தாக்கம் உள்ளிட்ட தகவல்களை உடனுக்குடன் தெரிந்துகொள்ள இந்த பக்கத்தில் இணைந்திருங்கள்
ஊரடங்கு காலத்தில் மக்கள் வெளியே தேவையின்றி சுற்றுகிறார்களா என்பதை கண்டறிய ட்ரோன் மூலம் போலீசார் கண்காணித்து வருகின்றனர். அதன் ஒரு பகுதியாக, இன்று சிக்கிய காதல் ஜோடி,
காதல் ஜோடிகளை விரட்டிய ட்ரோன் கேமரா
Click > https://t.co/BHPKpDPIbu#SunNews #Corona #CoronaVirus #Covid19 #IndiafightsCorona #TN_Together_AgainstCorona #CoronaAlert #LockDown2 #DroneCamera #Gummidipoondi #Lovers #Drone #PlayingCricket— Sun News (@sunnewstamil) April 24, 2020
செங்கல்பட்டு மாவட்டத்தில் தாம்பரம், பல்லாவரம் நகராட்சிகள், 5 பேரூராட்சிகளில் முழு ஊரடங்கு உத்தரவு
* ஏப்ரல் 26 காலை 6 மணி முதல் ஏப்ரல் 29 இரவு 9 மணி வரை முழு ஊரடங்கு
புனிததோமையார் மலை ஊராட்சி ஒன்றியம், கோவிலம்பாக்கம் உட்பட 15 கிராம ஊராட்சிகளிலும் முழு ஊரடங்கு உத்தரவு - செங்கல்பட்டு மாவட்ட ஆட்சியர் உத்தரவு
* காஞ்சிபுரம் மாவட்டத்தில், சென்னை மாநகர எல்லைக்குள் வரும் பகுதிகளில் முழு ஊரடங்கு
அமைச்சர் நிலோபர் கஃபில் வெளியிட்டுள்ள அறிக்கையில், “உலகம் முழுவதும் கொரானா வைரஸ் தொற்று நோய் காரணமாக பல்லாயிரக்கணக்கான மக்கள் பாதிக்கப்பட்டு சிகிச்சை பெற்று வருகின்றனர். ஆயிரக்கணக்கான மக்கள் இறந்துள்ளனர். இத்தகைய சூழ்நிலையில் இந்த ஆண்டு ரம்ஜான் மாதம் வந்துள்ளது.
இந்த நிலையில் நோய்த்தொற்று பரவாமல் இருக்க சமூக இடைவெளியை அனைவரும் கடைபிடிக்க வேண்டிய இக்கட்டான சூழ்நிலையில் நாம் இருக்கிறோம். மற்ற மாநிலங்களில் உள்ளது போல் நாமும் பள்ளிவாசல்களுக்கு செல்லாமல் வீட்டிலேயே தொழுது வருகின்றோம்.
ஒவ்வொரு ஆண்டும் தமிழக அரசு சார்பில் இஃப்தார் விருந்து அளித்து வந்தது. தற்போது இந்த ஆண்டு அதனை நடத்த முடியாத ஒரு சூழ்நிலையையும் ஏற்பட்டு இருப்பதால், இவை அனைத்தையும் கருத்தில் கொண்டு இஸ்லாமிய மக்கள் அனைவரும் ஒரே குறிக்கோளுடன் இருந்து தொழுகைகளை வீட்டிலேயே நடத்தி சமூக இடைவெளியை கடைபிடிக்க வேண்டும்’ என்று குறிப்பிட்டுள்ளார்.
பெரம்பலூரில் ஏப்.27 வரை 3 நாட்களுக்கு முழு ஊரடங்கு
காய்கறி உட்பட எந்த கடைகளும் திறக்கத் தடை
பொதுமக்கள் 3 நாட்களுக்கு வீட்டைவிட்டு வெளியே வர வேண்டாம் என வலியுறுத்தல்
- மாவட்ட நிர்வாகம்
* பெரம்பலூர் பகுதியில் புதிதாக 2 பேருக்கு கொரோனா தொற்று ஏற்பட்டதால் நடவடிக்கை
ஊரடங்கு நேரத்தில் பார்சல் உணவுகளை குறைந்த விலையில் விற்பனை செய்ய உணவகங்களுக்கு உத்தரவிடக்கோரிய வழக்கில் தமிழக அரசு பதிலளிக்க சென்னை உயர்நீதிமன்றம் உத்தரவு.
ரம்ஜான் நோன்புக்காக பள்ளிவாசல்களுக்கு இலவசமாக அரிசி வழங்கும் தமிழக அரசின் உத்தரவை எதிர்த்த வழக்கில் தமிழக அரசு பதிலளிக்க சென்னை உயர்நீதிமன்றம் உத்தரவு.
புதுச்சேரி முதலமைச்சர் நாராயணசாமி அமைச்சர்கள் மற்றும் சட்டமன்ற உறுப்பினர்கள் உள்ளிட்ட 21 பேருக்கு கொரோனா பாதிப்பு இல்லை என பரிசோதனை முடிவு வந்துள்ளதாக சுகாதாரத்துறை இயக்குநர் மோகன்குமார் தெரிவித்துள்ளார். புதுச்சேரியில் கடைசியாக கடந்த 9 ஆம் தேதி ஒருவருக்கு கொரோனா இருப்பது உறுதி செய்யப்பட்டிருந்த நிலையில், இதுவரை யாருக்கும் கொரோனா பாதிப்பு இல்லை. தமிழகத்தை சேர்ந்த கடலூர், விழுப்புரம் ஆகிய மாவட்டங்களில் இருந்து மட்டும் நேற்று 700க்கும் மேற்பட்ட வாகனங்கள் புதுச்சேரிக்குள் நுழைந்ததாகவும், இதனால் மாநில எல்லைகளை தீவிரமாக கண்காணிக்குமாறு முதலமைச்சரிடம் வலியுறுத்தியதாகவும் மோகன்குமார் தெரிவித்தார்.
நாடு முழுவதும் கடந்த 24 மணி நேரத்தில் 1,684 பேருக்கு கொரோனா தொற்று
மொத்தம் 23,077 பேருக்கு கொரோனா பாதிப்பு.
இந்தியாவில் கொரோனா பாதிப்பிலிருந்து குணமடைவோர் விகிதம் 20.57% ஆக அதிகரிப்பு
இந்தியாவில் கொரோனா பரவல் 3ம் நிலைக்கு செல்வது தடுக்கப்பட்டுள்ளது
- மத்திய சுகாதாரத்துறை
144 தடை உத்தரவை மீறியதாக தமிழகம் முழுவதும் 2 லட்சத்து 81 ஆயிரத்து 975 வழக்குகள் பதிவு செய்யப்பட்டுள்ளன. மேலும் தமிழகத்தில் இதுவரை சுமார் 2 லட்சத்து 99 ஆயிரத்து 108 பேர் கைது செய்யப்பட்டுள்ளனர். ஊரடங்கை மீறி வாகனங்களில் சுற்றித் திரிந்த 2 லட்சத்து 52 ஆயிரத்து 943 வாகனங்கள் பறிமுதல் செய்யப்பட்டுள்ளன.
கோவையில் 6 காவலர்களுக்கு கொரோனா பாதிப்பு உறுதி செய்யப்பட்டுள்ளதாக, மாநகர காவல் ஆணையர் சுமித் சரண் தெரிவித்திருக்கிறார். ஏற்கனவே 3 காவலர்களுக்கு தொற்று உறுதி செய்யப்பட்ட நிலையில் மேலும் 3 காவலர்களுக்கு கொரோனா பாதிப்பு ஏற்பட்டுள்ளது. பொள்ளாச்சியை சேர்ந்த ஒரு பெண்ணிற்கும் தொற்று உறுதி செய்யப்பட்டு, ஒரே நாளில் 7 பேருக்கு பாதிப்பு ஏற்பட்டுள்ளது.
‘பத்திரிக்கை துறையை முடக்காதீர்கள். கைது செய்தவரை விடுதலை செய்யுங்கள்...’ என நடிகரும், மநீம தலைவருமான கமல் ட்வீட் செய்துள்ளார்.
கோவையில் மருத்துவர்களுக்கு உணவில்லை, மக்களுக்கு உதவிகள் போய் சேரவில்லை என உண்மையை சுட்டிக்காட்டினால் சிறையா? தவறுகளை சரி செய்யாமல், உண்மையை சொன்னதற்கு சிறையில் அடைப்பது சர்வாதிகாரம். ஜனநாயகத்தின் நான்காவது தூணான பத்திரிக்கை துறையை முடக்காதீர்கள். கைது செய்தவரை விடுதலை செய்யுங்கள்
— Kamal Haasan (@ikamalhaasan) April 24, 2020
”முழு ஊரடங்கு காலத்தில் ஐடி நிறுவன பணியாளர்கள் வீட்டில் இருந்து பணியாற்றலாம். நோய்த்தடுப்பு பகுதிகள் கடுமையான கட்டுப்பாட்டுக்குள் கொண்டுவரப்படும். முழு ஊரடங்கை மீறி வெளியே வருவோர் மீது கடுமையான நடவடிக்கை எடுக்கப்படும்” எனவும் முதல்வர் எடப்பாடி பழனிச்சாமி தெரிவித்துள்ளார்.
முழு ஊரடங்கு காலத்தில் அந்தந்த மாநகராட்சிகளில் காய்கறி, பழங்கள் போன்றவற்றை விற்பனை செய்ய நடமாடும் கடைகளுக்கு மட்டுமே அனுமதி அளிக்கப்படும் என்றும், தொலைபேசி மூலம் ஆர்டர் செய்து வீடுகளுக்கு சென்று வழங்கப்படும் உணவுக்கு அனுமதி வழங்கப்படும் எனவும் முதல்வர் எடப்பாடி பழனிச்சாமி தெரிவித்துள்ளார்.
"சென்னை, கோவை, மதுரை, சேலம், திருப்பூர் மாநகராட்களில் முழு ஊரடங்கு" கடைப்பிடிக்கப்பட முதலமைச்சர் எடப்பாடி பழனிசாமி உத்தரவிட்டுள்ளார். சென்னை, கோவை, மதுரையில் 26-ம் தேதி காலை முதல் 29-ம் தேதி இரவு வரை முழு ஊரடங்கு. சேலம், திருப்பூரில் 26ம் தேதி காலை முதல் 28ம் தேதி இரவு வரை முழு ஊரடங்கு கடைப்பிடிக்கப்பட உத்தரவு. தனிமைப்படுத்தப்பட்ட பகுதிகள் கடுமையான கட்டுப்பாட்டிற்குள் கொண்டு வரப்படும் என தெரிவிக்கப்பட்டுள்ளது.
ரிபப்ளிக் டிவி தலைமை செய்தி ஆசிரியர் அர்னாப் கோஸ்வாமியை, 3 வாரங்களுக்கு கைது செய்ய தடை விதித்தும், 3 வார காலத்தில் அர்னாப், முன்ஜாமீன் பெற்றுக்கொள்ள உச்ச நீதிமன்றம் அவகாசம் வழங்கியுள்ளது. FIR தொடர்பான அனைத்து விசாரணைகளுக்கும் அர்னாப் ஒத்துழைக்க வேண்டும் என்று உ்ததரவிட்டுள்ளது.
கோவையில் கொரோனா தடுப்பு நடவடிக்கைகள் சரிவர நடைபெறவில்லை என திமுக MLA கார்த்திக் சுட்டிக்காட்டியதை வெளியிட்ட 'சிம்ப்ளிசிட்டி' இணைய இதழின் பதிப்பாளர் ஆண்ட்ரூ சாம் ராஜபாண்டியனை கைது செய்திருப்பது கண்டனத்திற்குரியது. அவரை விடுவித்து, ஊடகத்தினர் சுதந்திரமாகச் செயல்பட அனுமதித்திடுக என்று திமுக தலைவர் ஸ்டாலின் குறிப்பிட்டுள்ளார்.
/tamil-ie/media/media_files/uploads/2020/04/28423template-2020-04-24T122414.739.jpg "publive-image")
கொரோனா பீதி நிலவும் இந்த இக்கட்டான சூழ்நிலையில் கிராமங்கள் தற்சார்புடன் இருக்க வேண்டும் என்று கிராம பஞ்சாயத்து தலைவர்களிடம் பிரதமர் மோடி வேண்டுகோள் விடுத்துள்ளார். பஞ்சாயத்துராஜ் தினத்தையொட்டி, கிராம பஞ்சாயத்து தலைவர்களிடம் வீடியோ கான்பரன்சிங்கில் ஆலோசனை நடத்தியது குறிப்பிடத்தக்கது.
மதுரையில் ஊரடங்கு நேரத்தின்போது அத்தியாவசிய பொருட்களை கொண்டு செல்ல கலெக்டர் அலுவலகத்ல் இ-பாஸ் வழங்கப்படும் என்று அறிவிப்பு செய்யப்பட்டிருந்தது. இதனை பெற ஏராளமானோர் ஒரே நேரத்தில் குவிந்தனர். அவர்கள் தனிமனித இடைவெளி உள்ளிட்ட ஊரடங்கு விதிகளை பின்பற்றாத நிகழ்வு பெரும் அதிர்ச்சியை ஏற்படுத்தியுள்ளது. அதிகமானோர் குவிந்ததால், மேலும் பலர் நுழையாமல் இருக்கும் பொருட்டு, வாயிற்கதவு அடைக்கப்பட்டது.
/tamil-ie/media/media_files/uploads/2020/04/69091template-2020-04-24T112015.542.jpg "publive-image")
கொரோனா வைரஸ் தொற்று உள்ளதா என்பதைக் கண்டறிவதற்கான நடமாடும் ஆய்வகத்தை மத்திய பாதுகாப்புத்துறை அமைச்சர் ராஜ்நாத் சிங் காணொலி காட்சி மூலம் தொடங்கி வைத்தார்.
நாடு முழுவதும் கொரோனா வைரஸ் வேகமாக பரவி வரு கிறது. இந்நிலையில், நோயாளி களுக்கு சிகிச்சை அளிக்க உத வும் செயற்கை சுவாசக் கருவிகள், தனிநபர் பாதுகாப்பு கவச உடை கள், கிருமி நாசினிகள், வைரஸ் நோயாளிகளிடமிருந்து மாதிரி களைப் பெறுவதற்கான கருவி களை மத்திய பாதுகாப்பு ஆராய்ச்சி மற்றும் மேம்பாட்டு அமைப்பு (டிஆர்டிஓ) ஏற் கெனவே தயாரித்து வழங்கி யுள்ளது.
முககவசத்தின் அவசியத்தை வலியுறுத்தும் வண்ணம், விழிப்புணர்வு புகைப்படத்தை மே3ம் தேதி வரை அவரவர்கள் மொபைலில் டிபியாக(DP)வைத்து தொடர்ந்து விழிப்புணர்வை ஏற்படுத்திட வேண்டும் என்று தேமுதிக தலைவர் விஜயகாந்த் கோரிக்கை விடுத்துள்ளார்.
முககவசத்தின் அவசியத்தை வலியுறுத்தும் வண்ணம் விழிப்புணர்வு பிரச்சாரத்தை,நாம் அனைவரும் ஒன்றிணைந்து ஏற்படுத்தவேண்டும் என கேட்டுக்கொள்கிறேன். மேலும் இந்த விழிப்புணர்வு புகைப்படத்தை மே3ம் தேதி வரை அவரவர்கள் மொபைலில் டிபியாக(DP)வைத்து தொடர்ந்து விழிப்புணர்வை ஏற்படுத்திட வேண்டும்.(2-2) pic.twitter.com/6WZPT3C8x1
— Vijayakant (@iVijayakant) April 24, 2020
/tamil-ie/media/media_files/uploads/2020/04/42017template-2020-04-24T101417.267.jpg "publive-image")
கேரளாவில், கொரோனா பாதிப்பிற்கு 4 மாத குழந்தை பலியாகியுள்ள சம்பவம் பெரும் அதிர்ச்சியை ஏற்படுத்தியுள்ளது. குழந்தையின் பெற்றோருக்கு கொரோனா தொற்று இல்லாத நிலையில், உறவினர் ஒருவரிடமிருந்து இந்த தொற்று குழந்தைக்கு பரவியுள்ளதாக தெரிவிக்கப்பட்டுள்ளது.
மதுரை ராஜாஜி மருத்துவமனையின் கொரோனா வார்டில் மூதாட்டி ஒருவர் உயிரிழந்துள்ளார். உயிரிழந்தவர், மதுரை மீனாட்சி அம்மன் கோயில் அர்ச்சகரின் தாயார் என்பது குறிப்பிடத்தக்கது. கோயில் அர்ச்சகர்கள் 250 பேருக்கு கொரோனா சோதனை மேற்கொள்ளப்பட்டுள்ளது குறிப்பிடத்தக்கது.
கொரோனா பாதிப்பு சர்வதேச அளவில் பெருமளவில் உயிர்ச்சேதத்தை ஏற்படுத்தி வருகிறது. இந்த பட்டியலில் அமெரிக்கா தொடர்ந்து முதலிடத்தில் உள்ளது.
அமெரிக்கா - 50,243
இத்தாலி -25,549
ஸ்பெயின் - 22,157
பிரான்ஸ் - 21,856
பிரிட்டன் - 18,738
ஜெர்மனி -5,575
ஈரான் -5,481
சீனா - 4,632
இந்தியாவில், கொரோனா பரவலை கட்டுப்படுத்த எடுத்த ஊரடங்கு நடவடிக்கையால், நான்கு கோடி வெளி மாநில தொழிலாளர்கள் பாதிக்கப்பட்டு உள்ளதாக, உலக வங்கி தெரிவித்துள்ளது.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights