கோவின் தரவுகள் ‘கசிவு’: நீதிமன்ற விசாரணை கோரும் எதிர்க்கட்சிகள்

கோவின் (CoWIN) தளத்தில் பதிவு செய்யப்பட்ட பயனாளிகளின் தரவுகள் கசிந்ததாகக் கூறப்படும் அறிக்கைகள் வெளிவந்த சில மணிநேரங்களுக்குப் பிறகு, எதிர்க்கட்சிகள் முழுமையான விசாரணையைக் கோரின, அதேநேரம் அரசாங்கத்தின் முழு தரவு மேலாண்மை எந்திரத்தின் மீதும் நீதிமன்ற விசாரணையை காங்கிரஸ் கோரியது. தனிப்பட்ட தகவல்கள் தொடர்பாக குடிமக்கள் இனி அரசாங்கத்தை நம்ப முடியாது என்று பிரதான எதிர்க்கட்சியான காங்கிரஸ் கூறியது.

தரவுகள் கசிந்ததாகக் கூறும் அறிக்கைகள் "விஷமத்தனமானது" மற்றும் "எந்த அடிப்படையும் இல்லாமல்" கூறப்படுகிறது என்று அரசாங்கம் பதில் கூறிய நிலையிலும், காங்கிரஸின் நீதிமன்ற விசாரணைக் கோரிக்கை வந்துள்ளது.

இதையும் படியுங்கள்: பீட்சா பாய், செக்யூரிட்டி வேடத்தில் போலீஸ்: ஐ.பி.எல் சூதாட்ட கும்பலை வளைத்தது எப்படி?

மத்திய தகவல் தொழில்நுட்பத் துறை இணையமைச்சர் ராஜீவ் சந்திரசேகர், CoWIN செயலியோ அல்லது தரவுத்தளமோ நேரடியாக மீறப்பட்டதாகத் தெரியவில்லை என்றும், இந்திய கணினி அவசரநிலைப் பதிலளிப்புக் குழு (CERT-In) உடனடியாகப் பதிலளித்து இந்த விஷயத்தை மதிப்பாய்வு செய்ததாகவும் சுட்டிக்காட்டினார்.

காங்கிரஸ் பொதுச் செயலாளர் (அமைப்பு) கே.சி.வேணுகோபால் கூறியதாவது: எந்தவொரு நிறுவனத்தின், குறிப்பாக அரசாங்கத்தின் கடமை, எல்லாவற்றிற்கும் மேலாக தனிப்பட்ட தனியுரிமையைப் பாதுகாப்பதாகும். இந்த பொறுப்பு தரவுகளை அழிப்பது வரை நீட்டிக்கப்பட்டுள்ளது, அதாவது இனி இந்த தரவுகள் தேவைப்படாது என்ற நிலையில் அவற்றை அழித்து விட வேண்டும், இதனால் அந்த தரவுகள் அத்தகைய மீறல்களுக்கு பாதிக்கப்படாது. இல்லையெனில், நிறுவனம் அதன் காவலில் உள்ள தரவைப் பாதுகாக்க நீர்ப்புகா வழிமுறைகளைக் கொண்டிருக்க வேண்டும்.

திரிணாமுல் காங்கிரஸ், அறிக்கைகள் தவறானது மற்றும் அடிப்படையற்றதாக இருந்தால், விசாரணைக்கு அரசு ஏன் உத்தரவிட்டது என்று கேள்வி எழுப்பியது. அக்கட்சியின் தேசிய செய்தித் தொடர்பாளர் சாகேத் கோகலே கூறுகையில், “கோவின் தரவுத்தளத்தில் இருந்து 1.5 பில்லியனுக்கும் அதிகமான தனிநபர் தரவு, ஆதார், பாஸ்போர்ட் விவரங்கள், வாக்காளர் அடையாள விவரங்கள் திருடப்பட்டதை இப்போது கண்டுபிடிப்பது அதிர்ச்சியளிக்கிறது,” என்றார்.

"CoWIN செயலியோ அல்லது தரவுத்தளமோ நேரடியாக மீறப்பட்டதாகத் தெரியவில்லை" என்று அமைச்சர் சந்திரசேகர் கூறியதற்கு, ​​அமைச்சரின் பதில் "சாதாரணமானது" என்று பதிலளித்த வேணுகோபால், "இந்த மீறல் CoWIN தளம் தரவு குறியாக்கம் செய்யப்படவில்லை என்பதை தெளிவாகக் காட்டுகிறது. அது இருந்தால், தேவையான அங்கீகாரம் உள்ளவர்கள் மட்டுமே அத்தகைய தரவை அணுக முடியும், மேலும் சீரற்ற டெலிகிராம் போட்ஸ் அத்தகைய தனிப்பட்ட தரவை டிக்ரிப்ட் செய்ய முடியாது.” என்று கூறினார்.

"முன்னர் மீறப்பட்ட/திருடப்பட்ட தரவு' என்று நீங்கள் குறிப்பிடுவதால், CoWIN தரவு ஏற்கனவே மீறப்பட்டதை நீங்கள் தெளிவாக ஒப்புக்கொள்கிறீர்கள்..." என்று வேணுகோபால் கூறினார்.

காங்கிரஸ் கட்சியின் தகவல் தொடர்புத் தலைவர் ஜெய்ராம் ரமேஷ் ட்விட்டரில் கூறியிருப்பதாவது:

“தனிப்பட்ட தரவு மீறல் என்பது மிகவும் பெரிய விஷயம்... தொழில்நுட்ப ஆர்வலரான அமைச்சர், சாதாரண வாட்ஸ்அப் ஃபார்வேர்ட் ஸ்டைல் ​​ட்வீட்களை வெளியிடுவதற்குப் பதிலாக, விரைவில் ஒரு பத்திரிகையாளர் சந்திப்பை நடத்தி, குறைந்தபட்சம் ”முன்பு திருடப்பட்ட தரவு” என்பதன் அர்த்தம் என்ன? எந்த தரவுத்தளத்திலிருந்து திருடப்பட்டது, எப்போது, ​​என்ன நடவடிக்கை எடுக்கப்பட்டது? CoWIN தரவுத்தளமானது "நேரடியாக மீறப்படவில்லை" என்றால், அது மறைமுக மீறல் என்பதை அமைச்சர் ஏற்றுக்கொள்கிறாரா? CoWIN தரவுத்தளத்துடன் வேறு என்ன தரவுத்தளங்கள் இணைக்கப்பட்டுள்ளன..." ஆகியவற்றை தெளிவுபடுத்த வேண்டும் என்று கூறினார்.

திரிணாமுல் காங்கிரஸ் கட்சியின் கோகலே இதே பாணியில் கேள்வி எழுப்பினார்: "மத்திய அமைச்சர் "கோவின் தளம் பாதுகாப்பாக இருக்கிறது மற்றும் எந்த மீறலும் இல்லை" என்று கூறுகிறார். "இந்த தரவு கடந்த காலத்தில் திருடப்பட்ட தரவுகளாக இருக்கலாம்" என்றும் அவர் கூறுகிறார். எனவே அவர் கடந்த காலத்தில் CoWIN இல் ஒரு மீறல் இருந்தது & தரவு திருடப்பட்டது என்பதை ஒப்புக்கொள்கிறார்? இதுபற்றி இந்தியர்களுக்கு ஏன் தெரிவிக்கவில்லை? அப்படியானால், CoWIN எப்படி "பாதுகாப்பானது"?"

தரவு மீறல் என்பது அதிர்ச்சிகரமானது மற்றும் "தீவிரமான கவலை" என்ற அறிக்கை வெளியிட்ட CPI(M), "ஜூன் 2021 இல் சுகாதார அமைச்சகம் இதேபோன்ற குற்றச்சாட்டை மறுத்துவிட்டது, ஆயினும்கூட, கணினி அவசரநிலைப் பதிலளிப்புக் குழுவால் CoWin அமைப்பிலிருந்து கசிந்ததாகக் கூறப்படும் விசாரணைக்கு அது உத்தரவிட்டது... இந்த விசாரணையின் விவரங்கள் இன்னும் பொது களத்தில் இல்லை,” என்று கூறியது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil