கேரளாவில் போட்டியிடுவதால் ராகுல், காங்கிரஸுக்கு என்ன லாபம்?: சி.பி.ஐ வயநாடு வேட்பாளர் உடன் சிறப்பு பேட்டி

இந்திய கம்யூனிஸ்ட் கட்சி (சி.பி.ஐ)  அன்னி ராஜாவை கேரளாவின் வயநாடு மக்களவைத் தொகுதியின் வேட்பாளராக நேற்று ( திங்கள்கிழமை) அறிவித்தது. இந்த தொகுதியில் தற்போது காங்கிரஸ் மூத்த தலைவர் ராகுல் காந்தி எம்.பியாக உள்ளார். 

தனது முதல் தேர்தலில் போட்டியிடும் அன்னி, சிபிஐயின் தேசிய செயற்குழு உறுப்பினர் மற்றும் கட்சியின் பொதுச் செயலாளர் டி.ராஜாவின் மனைவி ஆவார். இந்தியப் பெண்கள் தேசியக் கூட்டமைப்பின் பொதுச் செயலாளராகவும் உள்ள இவர், பள்ளிப் பருவத்திலிருந்தே அரசியலில் ஈடுபட்டு வருகிறார்.

2019 தேர்தலில் வயநாடு தொகுதியில் ராகுல் 4.3 லட்சம் வாக்குகள் வித்தியாசத்தில் வெற்றி பெற்றார். சி.பி.ஐ காங்கிரஸ் தலைமையிலான எதிர்க்கட்சியின் இந்தியா கூட்டணியில் இருந்தாலும், இடதுசாரி கட்சி ராகுலை வரும் தேர்தலில் வேறொரு தொகுதியில் போட்டியிடுமாறு வெளிப்படையாக கேட்டுக் கொண்டது.

தி இந்தியன் எக்ஸ்பிரஸ்ஸுக்கு அன்னி அளித்த பேட்டியில், அவர் தனது தேர்தல் அறிமுகம் மற்றும் காங்கிரஸில் கூட்டணிக்கு எதிராக போட்டியிடும் வாய்ப்பு பற்றி பேசுகிறார். 

அரசியலில் பல தசாப்தங்களுக்குப் பிறகு, தேர்தல் களத்தில் அறிமுகமாகி உள்ளீர்கள். உங்கள் முதல் ரியாக்ஷன் ?

கடந்த 40-45 ஆண்டுகளில் கட்சி எனக்கு பல அமைப்புப் பொறுப்புகளை வழங்கியுள்ளது. பெண்களை ஒன்று திரட்டி, அவர்களின் பிரச்னைகளை எடுத்துரைத்து, மத்தியிலும் பணியாற்றி வருகிறேன். தற்போது கட்சி எனக்கு புதிய பொறுப்பை வழங்கியுள்ளது. 

இந்தியா கூட்டணியில் உறுப்பினர்- வயநாட்டில் போட்டி இதுபற்றி? 

கேரளாவில் எப்போதும் இடது ஜனநாயக முன்னணி (LDF) மற்றும் ஐக்கிய ஜனநாயக முன்னணி (UDF) இடையே தான் போட்டி. 2019-ம் ஆண்டிலும் இந்திய கம்யூனிஸ்ட் கட்சி வயநாடு தொகுதியில் போட்டியிட்டது. எல்.டி.எஃப் கூட்டணியில் சி.பி.ஐ.க்கு 4 இடங்கள் வழங்கப்பட்டது அதில் வயநாடும் ஒன்று. மற்ற இடங்கள் திருவனந்தபுரம், திருச்சூர் மற்றும் மாவேலிக்கரா. சி.பி.ஐ கடந்த முறையும் இந்தத் தொகுதிகளில் போட்டியிட்டது. கேரளாவில், அது எல்.டி.எஃப் வெர்சஸ் யு.டி.எஃப் தான். மாநிலத்தில் இந்தியா கூட்டணி இல்லை.

இந்தியக் கூட்டணிக் கட்சிகள்... கூட்டங்களை நடத்தியபோது... அந்த நேரத்திலேயே... இடது மற்றும் மதச்சார்பற்ற, ஜனநாயகக் கட்சிகள் ஒன்றிணைய வேண்டும் என்று தங்கள் நிலைப்பாட்டை மிகத் தெளிவாக எடுத்துரைத்தனர். அப்போதும் கேரளா விதிவிலக்காக இருந்தது.

காங்கிரஸ் எம்.பி ராகுல் காந்திக்கு எதிராக நீங்கள் போட்டியிடுவீர்களா? 

நல்ல அறிவு மேலோங்கும் என்று நினைக்கிறேன். நாங்கள் வேட்பாளர்களை அறிவித்துவிட்டதால்... கேரளாவில் போட்டியிடுவதால் காங்கிரஸுக்கோ அல்லது ராகுல் காந்திக்கோ என்ன லாபம்?

தேசிய அளவில் காங்கிரஸும் இடதுசாரிக் கட்சிகளும் பாசிச சக்திகளான ஆர்.எஸ்.எஸ் மற்றும் பா.ஜ.கவுக்கு எதிராகப் போராடி வருகின்றன. எனவே காங்கிரஸுக்கு அதன் தலைமைக்கு பாதுகாப்பான இடம் கிடைக்க பல வாய்ப்புகள் உள்ளன. தமிழ்நாடு, தெலங்கானா, கர்நாடகா... என பல இடங்களில் இருக்கலாம். பெரிய படத்தைப் பொறுத்தவரை காங்கிரஸின் அரசியல் என்ன? இந்த பாசிச சக்திகளுக்கு எதிராக அவர்கள் உண்மையிலேயே, உண்மையாகப் போராடுகிறார்கள் என்றால்... அவர்கள் சிந்திக்க வேண்டும். அது அவர்களின் உரிமை.

சி.பி.ஐ-யை கேள்வி கேட்கும் போது... கடந்த முறையும் சி.பி.ஐ போட்டியிட்டது நினைவுக்கு வருகிறது. (காங்கிரஸுக்கு) பல ஆப்ஷன்கள் உள்ளன. நாங்கள் நூற்றுக்கணக்கான தொகுதிகளில் போட்டியிடவில்லை. ஒரு சில இடங்களில் மட்டுமே போட்டியிடுகிறோம்.

எனவே ராகுல் காந்தி வயநாட்டில் போட்டியிடக் கூடாதா?

நான் அப்படிச் சொல்லவில்லை. நான் என்ன சொல்கிறேன் என்றால்... ராகுல் அல்லது காங்கிரஸை... நான் தனிப்பட்ட பெயர்களை எடுக்க மாட்டேன். அதன் அரசியல் என்ன என்பதை காங்கிரஸ் தெளிவுபடுத்த வேண்டும். ஆர்.எஸ்.எஸ்-பா.ஜ.க தோற்கடிக்கப்படுவதை அவர்கள் பார்க்க விரும்புகிறார்களா அல்லது இடதுசாரிகளை மூலையில் வைத்து தோற்கடிக்க விரும்புகிறார்களா? அது தான் கேள்வி. 

இது சி.பி.ஐயின் பொறுப்பு மட்டுமல்ல. தெலங்கானா சட்டசபை தேர்தலில் கூட எங்களுக்கு இரண்டு தொகுதிகள் தருவதாக வாக்குறுதி அளித்தனர். ஆனால் கடைசி நிமிடத்தில், பாரத ராஷ்டிர சமிதி (பி.ஆர்.எஸ்) அல்லது பா.ஜ.கவில் இருந்து ஒருவர் இணைந்ததாகவும், அதில் ஒரு இடத்தைப் பறித்ததாகவும் அவர்கள் கூறினர்.

உங்கள் கணவரும் சி.பி.ஐ பொதுச் செயலாளருமான டி.ராஜா ராகுல் காந்தியுடன் நல்ல நட்பில் உள்ளனர். உங்கள் போட்டியால் இந்த உறவை சிக்கலாக்குகிறதா?

சி.பி.ஐயும் இடதுசாரி முன்னணியும் தேர்தலில் தங்கள் வேட்பாளர்களை அறிவிக்கும் போது... எங்கள் போராட்டம் தொகுதியை வெல்வதும் ஆர்.எஸ்.எஸ்-பா.ஜ.கவை தோற்கடிப்பதும் தான். நட்பு அல்லது நட்பற்ற அம்சம் இல்லை. சோனியா (காந்தி) ஜி எனக்கு நெருக்கமானவர்; அவருடன் எனக்கு நல்ல, நட்பான உறவு இருப்பதாக என்னால் சொல்ல முடியும். 

ராகுலுடன் கூட... நல்ல நட்புறவு இருக்கிறது. கேள்வி நட்பைப் பற்றியது அல்ல... கேள்வி அரசியலைப் பற்றியது. இன்று இந்த நாட்டிற்கு முக்கிய அச்சுறுத்தலாக இருப்பது ஆர்.எஸ்.எஸ்-பா.ஜ.க பாசிச சக்திகள் தான். அரசியலமைப்பையும் அதன் மதிப்புகளையும் அழித்துவிட்டனர். அவர்கள் … கிட்டத்தட்ட மக்களை அவர்களின் மதத்தின் அடிப்படையில் பிரித்துள்ளனர். எனவே இந்த நாட்டை காப்பாற்ற வேண்டும்.

ஆரம்பத்தில், உங்கள் வேட்புமனு குறித்து கேரளாவில் உள்ள சிபிஐயின் ஒரு பிரிவினருக்கு சற்று சலசலப்பு இருந்தது. பொதுச் செயலாளரின் மனைவியாகப் பார்க்கப்படுகிறீர்களே தவிர, உங்களைத் தலைவராகப் பார்க்காமல் இருக்கிறார்கள் என்பது பற்றி நீங்கள் கூறுவது? 

நான் எனது 8 வயதில் அரசியல் பணியை ஒரு மாணவியாகத் தொடங்கினேன், பழங்குடியினப் பெற்றோரைத் திரட்டி, அவர்களின் குழந்தைகளை பள்ளிக்கு அனுப்ப அவர்களை ஊக்குவித்தேன்… ஏனென்றால் அவர்கள் அனைவரும் எனது நண்பர்கள்.  

ஆங்கிலத்தில் படிக்க: https://indianexpress.com/article/political-pulse/kerala-cpi-annie-raja-interview-9182476/

எனது வேட்பு மனுத் தேர்வு ஒருமனதாக எடுக்கப்பட்டது. ஒரு கம்யூனிஸ்ட் கட்சியில்... நாம் எதையாவது விவாதிக்கும் போது, ​​அது ஒருவரின் கருத்தை மற்றவர் மீது திணிப்பதில்லை. ஒவ்வொருவருக்கும் தங்கள் கருத்துக்களை சுதந்திரமாகவும் வெளிப்படையாகவும் தெரிவிக்க வாய்ப்பு உள்ளது. ஆனால் இறுதியாக, கட்சி ஒரு முடிவை எடுக்கும்போது ... அது கட்சியின் நலனுக்கானது மற்றும் அனைவரும் ஏற்றுக்கொண்டு ஒப்புக்கொள்கிறார்கள். விவாதங்களின் போது, ​​பல விஷயங்கள் வெளிவந்திருக்க வேண்டும், ஆனால் இறுதி முடிவு என்ன? வேட்பாளர்கள் குறித்து ஒருமனதாக எடுக்கும் முடிவு தான். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“