டெல்லி நார்த் பிளாக்கை 1931-ம் ஆண்டு பழமையுடன் மறுசீரமைத்து பாதுகாக்க திட்டம் - மத்திய பொதுப்பணித் துறை

போபாலில் உள்ள திட்டமிடல் மற்றும் கட்டிடக்கலை பள்ளி (School of Planning and Architecture) சமர்ப்பித்த அறிக்கையின் அடிப்படையில், கட்டிடத்தின் அசல் திட்டங்கள் மற்றும் ஆவணக் காப்பகப் புகைப்படங்களை அதன் வேலையின் ஒரு பகுதியாக ஆய்வு செய்ததன் அடிப்படையில், மறுசீரமைப்புத் திட்டம் மேற்கொள்ளப்படும்.

ஆங்கிலத்தில் படிக்க:CPWD to restore North Block to its original 1931 glory, removing modern additions and preserving antique pieces

தற்போது நிதி, உள்துறை மற்றும் பணியாளர்கள் உள்ளிட்ட முக்கிய மத்திய அரசின் அமைச்சகங்களைக் கொண்ட நார்த் பிளாக்கை புணரமைப்பதற்கான டெண்டரை மத்திய பொதுப்பணித் துறை விரைவில் வெளியிட வாய்ப்பு உள்ளது என்று வட்டாரங்கள் தெரிவித்தன.

ஆவணக் காப்பக புகைப்படங்கள் மற்றும் கட்டிடத் திட்டங்களைப் பயன்படுத்தி, மத்திய பொதுப்பணித் துறை (CPWD) நார்த் பிளாக்கை அதன் பழைய நிலைக்கு புணரமைக்கிறது. பல ஆண்டுகளாக தயார் செய்யப்பட்டு 1931-ம் ஆண்டில் புது டெல்லியை ஆங்கிலேயர்கள் துவக்கியதில் இருந்து தேய்ந்து போன உயர் பயன்பாட்டு பகுதிகளை சரிசெய்து வருவதாக தி இந்தியன் எக்ஸ்பிரஸ் தெரியவந்துள்ளது. 

நார்த் பிளாக்கில் தொடங்குவதற்கு சுமார் 400 அறைகள் இருந்தன, ஆனால் பல ஆண்டுகளாக அறைகள் பிரிக்கப்பட்டு கூடியதில் இந்த எண்ணிக்கை இரட்டிப்பாக்கப்பட்டது என்று இந்த திட்டம் பற்றி அறிந்த வட்டாரங்கள் கூறுகின்றனர். தற்போது நிதி, உள்துறை மற்றும் பணியாளர்கள் உள்ளிட்ட முக்கிய மத்திய அரசின் அமைச்சகங்களைக் கொண்ட நார்த் பிளாக்கை புணரமைப்பதற்கான டெண்டரை மத்திய பொதுப்பணித் துறை விரைவில் வெளியிட வாய்ப்பு உள்ளது என்று வட்டாரங்கள் தெரிவித்தன.

போபாலில் உள்ள திட்டமிடல் மற்றும் கட்டிடக்கலை பள்ளி (எஸ்.பி.ஏ - SPA) சமர்ப்பித்த அறிக்கையின் அடிப்படையில் இந்த புணரமைப்பு திட்டம் மேற்கொள்ளப்படும் என்று வட்டாரங்கள் தெரிவித்தன. எஸ்.பி.ஏ குழு அதன் வேலையின் ஒரு பகுதியாக கட்டிடத்தின் அசல் திட்டங்கள் மற்றும் காப்பக புகைப்படங்களை ஆய்வு செய்தது. இந்த கட்டடத்தில் உள்ள தளபாடங்கள் பற்றிய பட்டியல் தயாரிக்கப்பட்டுள்ளது, எனவே பழங்காலத் துண்டுகள் தேசிய அருங்காட்சியகத்தில் பாதுகாக்கப்படலாம் அல்லது பயன்படுத்தப்படலாம், இது மத்திய விஸ்டா மறுமேம்பாட்டின் ஒரு பகுதியாக வடக்கு மற்றும் தெற்கு பிளாக்குகளுக்கு மாற்றப்பட உள்ளது.

அடுத்த ஆண்டு கட்டடம் காலி செய்யப்பட்டவுடன் மைதானப் பணிகள் தொடங்கும் நிலையில், அதற்கான ஏற்பாடுகள் தொடங்கப்பட்டுள்ளதாக தகவல்கள் தெரிவிக்கின்றன. மத்திய பொதுப்பணித் துறை தேவையான அனைத்து சட்டரீதியான அனுமதிகளையும் பெறுவதற்கான செயல்பாட்டில் உள்ளது. பாரம்பரிய பாதுகாப்புக் குழுவின் அத்தகைய அனுமதி அக்டோபர் 24-ம் தேதி வழங்கப்பட்டது.

ஹெ.சி.சி கூட்டத்தின்படி, “தற்போதுள்ள பாரம்பரிய கட்டடத்தின் தன்மை, கட்டுமானம், நிறம், வடிவம், பொருட்கள் போன்றவற்றின் அசல் தன்மையை பராமரிக்கும் வகையில் பழுது மற்றும் புணரமைப்பு பணிகள்  மற்றும் மொட்டை மாடியில் வெப்ப எதிர்ப்பு வண்ணப்பூச்சு உட்பட வெளிப்புற தலையீடு அனுமதிக்கப்படவில்லை என்பது உள்ளிட்ட பணிகள் செய்யப்படுவதை உறுதிசெய்யுமாறு மத்திய பொதுப்பணித் துறையிடம் கூறியது. 

கட்டடத்தின் கட்டமைப்பு பாதுகாப்பை உறுதி செய்யுமாறு மத்திய பொதுப்பணித் துறை குழு கேட்டுக் கொண்டது. மத்திய பொதுப்பணித் துறையால் சமர்ப்பிக்கப்பட்ட திட்ட அறிக்கையின்படி, நார்த் பிளாக்கின் "மறுசீரமைப்பு மற்றும் விரிவான பழுதுபார்ப்பு" "அதன் ஆயுட்காலம் நீடிக்க எடுக்கப்பட்ட அனைத்து தேவையான நடவடிக்கை மற்றும் தலையீடுகளுக்கு பங்களிக்கும்; சேதம் மற்றும் சிதைவைத் தடுக்கவும்; கட்டடம் மற்றும் அதன் பொருள் மீதான சிதைவு மற்றும் தலையீடு வெளிப்புற முகவர்களின் தாக்கத்தை குறைக்க மற்றும் இயற்கை மற்றும் மனித பேரிடர்களைத் தாங்கும் வகையில் தயார் செய்தல். நார்த் பிளாக்கை புணரமைக்க் அனைத்து முயற்சிகளும் மேற்கொள்ளப்படும், அதன் மதிப்புகள் மற்றும் முக்கியத்துவம், நம்பகத்தன்மை மற்றும் தலையீடுகள் மற்றும் கட்டமைப்புக்கு அதன் காட்சி இணைப்பு ஆகியவற்றைத் தக்க வைத்துக் கொள்ள வேண்டும்.

நார்த் பிளாக்கில் இருந்து செயல்படும் அலுவலகங்கள் கட்டுமானத்தில் இருக்கும் புதிய பொது மத்திய செயலக (சி.எஸ்.எஸ்) கட்டடங்களுக்கு மாற்றப்பட்டால் மட்டுமே மறுசீரமைப்பு பணிகள் தொடங்கப்படும். இந்த மூன்று சி.எஸ்.எஸ் கட்டடங்களும் மார்ச் அல்லது ஏப்ரல் 2025-க்குள் கட்டி முடிக்கப்படும் என்று வட்டாரங்கள் கூறுகின்றன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“