ஜனவரி 22-ம் தேதி அயோத்தியில் ராமர் கோயில் கும்பாபிஷேகத்திற்கு பாஜக மூத்த தலைவர்களான எல் கே அத்வானி மற்றும் முரளி மனோகர் ஜோஷி வராமல் இருந்தால் நல்லது என்று விஎச்பி தலைவரும் ராமஜென்மபூமி தீர்த்தக்ஷேத்ரா அறக்கட்டளையின் பொதுச் செயலாளருமான சம்பத் ராய் கூறியதற்கு அடுத்த நாள், விஎச்பி தலைவர் அலோக் குமார் ஆர்எஸ்எஸ் மூத்த தலைவர்களான ராம்லால் மற்றும் கிருஷ்ண கோபால் ஆகியோருடன், அத்வானியை அவரது டெல்லி இல்லத்தில் செவ்வாய்கிழமை சென்று கோயில் கும்பாபிஷேக விழாவிற்கு முறைப்படி அழைத்தனர்.
ஒரு அறிக்கையில், அத்வானி, 96, மற்றும் ஜோஷி, 89, ஆகிய இருவரும் கோவில் நிகழ்ச்சிக்கு அழைக்கப்பட்டதாகவும், இருவரும் அதில் கலந்து கொள்ள முயற்சிப்பதாக கூறியதாகவும் விஎச்பி தெரிவித்துள்ளது.
ராமர் கோயில் இயக்கத்தின் முன்னோடிகளான அத்வானி மற்றும் முரளி மனோகர் ஜோஷி ஆகியோரிடம் ஜனவரி 22-ஆம் தேதி ராமர் கோயிலின் பிரான் பிரதிஷ்டா (கும்பாபிஷேகம்) நிகழ்ச்சியில் கலந்து கொள்வதற்கான அழைப்பிதழ் வழங்கப்பட்டது. இயக்கம் குறித்து விவாதித்தோம். இந்த நிகழ்ச்சியில் கலந்து கொள்ள முயற்சிப்பதாக இரு சீனியர்களும் தெரிவித்தனர்” என்று அலோக் குமார் சார்பில் விஎச்பி வெளியிட்டுள்ள அறிக்கையில் தெரிவிக்கப்பட்டுள்ளது.
தி இந்தியன் எக்ஸ்பிரஸ்ஸிடம் பேசிய குமார், ஜோஷிக்கான அழைப்பிதழ் திங்களன்று அவரிடம் ஒப்படைக்கப்பட்டதாகக் கூறினார்.
இது குறித்து அவர், நாங்கள் இரு தலைவர்களையும் அழைத்தது மட்டுமல்லாமல், அவர்கள் கட்டாயம் கலந்து கொள்ள வேண்டும் என்று கேட்டுக் கொண்டோம்” என்றார்.
விஹெச்பி வட்டாரங்கள் கூறுகையில், “சம்பத் ராய் நன்றாகவே சொன்னாலும், அத்வானி மற்றும் ஜோஷி பற்றிய அவரது அறிக்கையானது விகிதாச்சாரத்திற்கு புறம்பானது மற்றும் சர்ச்சையானது.
ராமர் கோவில் பிரான் பிரதிஷ்டா விழாவில் அத்வானியும் ஜோஷியும் கலந்து கொள்வது அவசியம் என்றாலும், அவர்களின் வயது மற்றும் உடல்நிலையைக் கருத்தில் கொண்டு அவர்கள் நிகழ்ச்சிக்கு வரவேண்டாம் என்று கேட்டுக் கொள்ளப்பட்டதாக ராய் திங்களன்று கூறினார்.
கும்பாபிஷேக விழாவில் அத்வானியும் ஜோஷியும் கலந்து கொள்வார்களா என்று கேட்கப்பட்டதற்கு, ராய், “அத்வானி ஜி கா ஹோனா அனிவர்யா ஹை, அவுர் ஹம் யே பி கஹேங்கே கி ஹூ கிரிப்யா நா அயன். (அத்வானி ஜியின் இருப்பு இன்றியமையாதது என்றாலும், அவர் வரக்கூடாது என்றும் நாங்கள் கூற விரும்புகிறோம்.) என்றார்.
பிரதமர் நரேந்திர மோடி பங்கேற்கும் கும்பாபிஷேக நிகழ்ச்சிக்கான ஏற்பாடுகள் முழுவீச்சில் நடைபெற்று வருவதாக ராமர் கோயில் அறக்கட்டளையின் பொதுச் செயலர் தெரிவித்தார்.
ஆங்கிலத்தில் வாசிக்க : Day after Advani asked to skip Ram Temple event, RSS, VHP leaders meet him with invite
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“