'பக்கச் சார்ப்பு, தவறான புரிதல்': அமெரிக்க மனித உரிமை அறிக்கை குறித்து இந்தியா!

இந்தியா மீதான அமெரிக்க வெளியுறவுத்துறையின் ஆண்டு மனித உரிமைகள் அறிக்கை "பக்க சார்புடையது" என்றும்,  இந்திய நாட்டைப் பற்றிய "மோசமான புரிதலை" அது காட்டுகிறது என்றும் மத்திய அரசு இன்று (ஏப்.25,2024) கூறியுள்ளது.

கடந்த ஆண்டு ஒரு இன மோதல் வெடித்த வடகிழக்கு மாநிலமான மணிப்பூரில் "குறிப்பிடத்தக்க" துஷ்பிரயோகங்களை வெளியுறவுத்துறையின் வருடாந்திர மனித உரிமைகள் மதிப்பீட்டு அறிக்கை எடுத்துக்காட்டுகிறது.

நாடு முழுவதும் சிறுபான்மையினர், ஊடகவியலாளர்கள் மற்றும் எதிர்ப்புக் குரல்கள் மீது தாக்குதல் நடத்தப்பட்டதாகக் கூறப்படுவது பற்றியும் அதில் குறிப்பிடப்பட்டுள்ளது.

இது குறித்து, செய்தியாளர்களிடம் பேசிய வெளியுறவு அமைச்சக செய்தித் தொடர்பாளர் ரந்தீர் ஜெய்ஸ்வால், “இந்த அறிக்கை ஆழ்ந்த பக்கச்சார்பானது மற்றும் இந்தியாவைப் பற்றிய மோசமான புரிதலை பிரதிபலிக்கிறது.

நாங்கள் அதற்கு எந்த மதிப்பையும் இணைக்கவில்லை, அதையே செய்யும்படி உங்களை வலியுறுத்துகிறோம்” என்றார்.

இனக்கலவரத்தில் சிக்கியுள்ள மணிப்பூரில் வன்முறையை தடுக்கவும் மனிதாபிமான உதவிகளை வழங்கவும் நடவடிக்கை எடுக்காமல் உள்ள மத்திய அரசை உள்ளூர் மனித உரிமை அமைப்புகள், பாதிக்கப்பட்ட சமூகங்கள் மற்றும் சிறுபான்மை அரசியல் கட்சிகள் கண்டித்துள்ளன.

பிரிட்டிஷ் ப்ராட்காஸ்டிங் கார்ப்பரேஷன் (பிபிசி) அலுவலகத்தில் வருமான வரித் துறையினர் நடத்திய சோதனைகள் குறித்தும் அந்த அறிக்கையில் கூறப்பட்டுள்ளது.

மீடியா ஹவுஸின் வரி செலுத்துதல் மற்றும் உரிமைக் கட்டமைப்பில் உள்ள முறைகேடுகளால் உந்துதல் பெற்றதாக வரி அதிகாரிகள் விவரித்தாலும், அதிகாரிகள் நிறுவனத்தின் நிதி செயல்முறைகளில் ஈடுபடாத பத்திரிகையாளர்களிடமிருந்து உபகரணங்களையும் கைப்பற்றினர்.

2002 குஜராத் கலவரம் பற்றிய பிபிசி ஆவணப்படத்தை குறிப்பிடுகையில், அமெரிக்க வெளியுறவுத்துறை, "அரசு ஆவணப்படத்தை திரையிடுவதைத் தடைசெய்ய அவசரகால அதிகாரங்களைப் பயன்படுத்தியது, வீடியோவிற்கான இணைப்புகளை நீக்க ஊடக நிறுவனங்களை கட்டாயப்படுத்தியது, மற்றும் பார்வையாளர்களை ஏற்பாடு செய்த மாணவர் எதிர்ப்பாளர்களை தடுத்து வைத்தது, படத்துக்கு தடை விதிக்கப்பட்டது போன்ற அடக்குமுறைகள் நடந்தன எனத் தெரிவித்துள்ளது.

ஆங்கிலத்தில் வாசிக்க : ‘Deeply biased, shows poor understanding’: India on US human rights report

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“