நிர்பயா கூட்டு பாலியல் வழக்கு: 8 வருடம் கடந்து வந்த பாதை

Nirbhaya Case : முகேஷ் (31), பவன் குப்தா (24), வினய் சர்மா (25) மற்றும் அக்‌ஷய் குமார் சிங் (33) ஆகிய நான்கு பேரும் 2012 டிசம்பர் 16 ஆம் தேதி டெல்லியில் கூட்டு பாலியல் வன்கொடுமையில் ஈடுபட்டனர். இவர்கள் 4 பேரும் திஹார் சிறையில் வெள்ளிக்கிழமை அதிகாலை 5.30 மணிக்கு தூக்கிலிடப்பட்டனர். உச்சநீதிமன்றம், டெல்லி உயர்நீதிமன்றம் மற்றும் கீழ் நீதிமன்றம் மரணதண்டனை நிறுத்தி வைக்க மறுத்த சில மணிநேரங்களுக்குப் பிறகு, இந்த தண்டனை விடியற்காலையில் நிறைவேற்றப்பட்டது.

நிர்பயா வழக்கு Live: பிரேத பரிசோதனைக்கு அனுப்பப்படும் உடல்கள்

கொலை, இயற்கைக்கு மாறான பாலியல் வன்கொடுமை, பெண்ணைக் கொலை செய்தல், மற்றும் அவரது நண்பரைக் கொலை செய்ய முயன்றது உள்ளிட்ட 13 பிரிவுகளில் அவர்கள் 4 பேரையும் செப்டம்பர் 2013-ல் குற்றவாளிகளாக அறிவித்தது வெகுஜன நீதிமன்றம். இந்த முடிவை தில்லி உயர் நீதிமன்றமும், மார்ச் 2017-ல் உச்சநீதிமன்றமும் உறுதி செய்தது.

‘மார்ச் 31 வரை கோயில், மசூதி, சர்ச்களில் வழிபாட்டுக்கு அனுமதி இல்லை’ – முதல்வர் அறிக்கையின் முழு விவரம்

டிசம்பர் 2012 கூட்டு பாலியல் வழக்கு : கடந்து வந்த பாதை

டிசம்பர் 16, 2012: டெல்லியில் ஓடும் பேருந்துக்குள் வைத்து மருத்துவ மாணவியை 6 பேர் கொண்ட கும்பல் பாலியல் வன்கொடுமை செய்து, கொடூரமாக தாக்குகிறார்கள். அந்தப் பெண் தனது நண்பருடன் வாகனத்திலிருந்து வெளியேற்றப்படுகிறார். பாதிக்கப்பட்டவர்கள் சப்தர்ஜங் மருத்துவமனையில் அனுமதிக்கப்பட்டனர்.

டிசம்பர் 17: குற்றம் சாட்டப்பட்டவர்கள் மீது கடுமையான நடவடிக்கை எடுக்கக் கோரி பரவலான போராட்டங்கள் வெடித்தன. இதைத் தொடர்ந்து, குற்றம் சாட்டப்பட்ட - பஸ் டிரைவர் ராம் சிங், அவரது சகோதரர் முகேஷ் குமார், வினய் சர்மா மற்றும் பவன் குப்தா ஆகியோரை போலீசார் அடையாளம் காண்கின்றனர்.

டிசம்பர் 18: ராம் சிங் மற்றும் மூன்று பேரை போலீசார் கைது செய்தனர்.

டிசம்பர் 20: பாதிக்கப்பட்டவரின் நண்பர் சாட்சியளிக்கிறார்.

டிசம்பர் 21: டெல்லியின் ஆனந்த் விஹார் பஸ் நிலையத்திலிருந்து, சிறுவன் கைது செய்யப்பட்டான். பாதிக்கப்பட்ட பெண்ணின் நண்பர் முகேஷை குற்றவாளிகளில் ஒருவராக அடையாளம் காட்டுகிறார். ஆறாவது நபரான அக்‌ஷய் தாக்கூரை கைது செய்யும் முயற்சியில், ஹரியானா மற்றும் பீகார் காவல்துறையினர் தீவிர தேடுதல் வேட்டையில் இறங்குகின்றனர்.

டிசம்பர் 21-22: பீகார் அவுரங்காபாத் மாவட்டத்தில் தாக்கூர் கைது செய்யப்பட்டு டெல்லிக்கு அழைத்து வரப்பட்டார். பாதிக்கப்பட்ட பெண் மருத்துவமனையில் எஸ்.டி.எம் முன் தனது அறிக்கையை பதிவு செய்கிறார்.

டிசம்பர் 23: எதிர்ப்பாளர்கள் தடை உத்தரவுகளை மீறி, வீதிகளில் இறங்கி போராடுகிறார்கள். போராட்டங்களுக்கு பொறுப்பான டெல்லி போலீஸ் கான்ஸ்டபிள் சுபாஷ் தோமர் பலத்த காயங்களுடன் மருத்துவமனைக்கு விரைந்தார்.

டிசம்பர் 25: பெண்ணின் நிலை மிகவும் மோசமாகிறது. கான்ஸ்டபிள் தோமர் காயங்களுக்கு உள்ளாகிறார்.

டிசம்பர் 26: கார்டியாக் அரெஸ்டை தொடர்ந்து பாதிக்கப்பட்டவர் சிங்கப்பூரின் மவுண்ட் எலிசபெத் மருத்துவமனைக்கு அரசாங்கத்தால் அனுப்பி வைக்கப்படுகிறார்.

டிசம்பர் 29: பெண் காயங்கள் மற்றும் பிற மருத்துவ நிலைமைகளுக்கு ஆளாகிறார். குற்றம் சாட்டப்பட்டவர்கள் மீது எஃப்.ஐ.ஆரில் கொலைக் குற்றச்சாட்டுகளை காவல்துறை சேர்க்கிறது.

ஜனவரி 2, 2013: இந்திய தலைமை நீதிபதி அல்தாமாஸ் கபீர் பாலியல் குற்ற வழக்குகளின் விரைவான விசாரணைக்கு விரைவான நீதிமன்றத்தை (எஃப்.டி.சி) அமைத்தார்.

ஜனவரி 3: கொலை, கும்பல், கொலை முயற்சி, கடத்தல், இயற்கைக்கு மாறான குற்றங்கள் என ஐந்து பெரியவர்கள் மீது காவல்துறை குற்றப்பத்திரிகையை தாக்கல் செய்கிறது.

ஜனவரி 5: குற்றப்பத்திரிகையை நீதிமன்றம் ஏற்றுக் கொள்கிறது.

ஜனவரி 7: கேமரா நடவடிக்கைகளுக்கு நீதிமன்றம் உத்தரவு.

ஜனவரி 17: குற்றம் சாட்டப்பட்ட ஐந்து பெரியவர்களுக்கு எதிராக எஃப்.டி.சி நடவடிக்கைகளைத் தொடங்குகிறது.

ஜனவரி 28: குற்றம் சாட்டப்பட்டவர்களில் சிறுவனின் குற்றம் நிரூபிக்கப்பட்டுள்ளதாக சிறார் நீதி வாரியம் (ஜே.ஜே.பி) தெரிவித்தது.

பிப்ரவரி 2: குற்றம் சாட்டப்பட்ட ஐந்து பேர் மீது எஃப்.டி.சி குற்றச்சாட்டுகளை சுமத்துகிறது.

பிப்ரவரி 28: சிறுவனுக்கு எதிராக ஜே.ஜே.பி. ஆக்‌ஷன் எடுக்கிறது.

மார்ச் 11: திகார் சிறையில் ராம் சிங் தற்கொலை செய்து கொண்டதாக கூறப்படுகிறது.

மார்ச் 22: விசாரணை நீதிமன்றத்தின் நடவடிக்கைகளை தெரிவிக்க தேசிய ஊடகங்களை டெல்லி உயர் நீதிமன்றம் அனுமதிக்கிறது.

ஜூலை 5: ஜே.ஜே.பியில் சிறுவனுக்கு எதிரான விசாரணை முடிந்தது. தீர்ப்பு ஜூலை 11-க்கு ஒத்தி வைக்கப்படுகிறது.

ஜூலை 8: அரசு தரப்பு சாட்சிகளின் சாட்சியங்களை பதிவு செய்வதை FTC நிறைவு செய்கிறது.

ஜூலை 11: சிறுவன் குற்றம் நடந்த நாளுக்கு, முந்தைய நாள் டிசம்பர்-16 ஆம் தேதி  கொள்ளையடித்ததாக ஜே.ஜே.பி. உறுதிப்படுத்துகிறது. இந்த வழக்கின் விசாரணையை கவர் செய்ய, மூன்று சர்வதேச செய்தி நிறுவனங்களை டெல்லி உயர் நீதிமன்றம் அனுமதிக்கிறது.

ஆகஸ்ட் 22: குற்றம் சாட்டப்பட்ட நான்கு பெரியவர்களுக்கு எதிரான விசாரணையில் இறுதி வாதங்களை எஃப்.டி.சி கேட்கத் தொடங்குகிறது.

ஆகஸ்ட் 31: ஜே.ஜே.பி சிறுவனை சிறுவர் சீர்திருத்த பள்ளியில் 3 வருடம் இருக்கும்படி உத்தரவிடுகிறது.

செப் 3: எஃப்.டி.சி விசாரணையை முடித்து, தீர்ப்பு ஒத்தி வைக்கப்பட்டுகிறது.

செப் 10: முகேஷ், வினய், அக்‌ஷய், பவன் ஆகியோர் இயற்கைக்கு மாறான குற்றம் மற்றும் பெண்ணைக் கொலை செய்தல் மற்றும் ஆண் நண்பனைக் கொலை செய்ய முயன்றது உள்ளிட்ட 13 பிரிவுகளில் குற்றவாளிகளாக அறிவிக்கிறது.

செப் 13: நான்கு குற்றவாளிகளுக்கும் நீதிமன்றம் மரண தண்டனை அளிக்கிறது.

செப்டம்பர் 23: டெல்லி உயர்நீதிமன்றம் விசாரணை நீதிமன்றத்தால் அனுப்பப்பட்ட குற்றவாளிகளின் மரண தண்டனை குறிப்பை விசாரிக்கத் தொடங்குகிறது.

ஜனவரி 3, 2014: குற்றவாளிகளின் மேல்முறையீடுகள் மீதான தீர்ப்பை உயர் நீதிமன்றம் ஒத்திவைக்கிறது.

மார்ச் 13: குற்றவாளிகளுக்கு வழங்கப்படும் மரண தண்டனையை உயர்நீதிமன்றம் உறுதி செய்கிறது.

மார்ச் 15: முகேஷ் மற்றும் பவன் ஆகிய இருவரும் மேல் முறையீட்டு மனுவை தாக்கல் செய்த பின்னர் தான் தூக்கிலிட வேண்டும் எனவும், மற்ற குற்றவாளிகளையும் தூக்கிலிட வேண்டும் எனவும் உச்சநீதிமன்றம் தெரிவிக்கிறது.

ஏப்ரல் 15: பாதிக்கப்பட்டவரின் மரண வாக்கு மூலத்தை தயாரிக்குமாறு காவல்துறைக்கு உச்ச நீதிமன்றம் உத்தரவு பிறப்பிக்கிறது.

பிப்ரவரி 3, 2017: குற்றவாளிகளுக்கு மரண தண்டனை வழங்குவதற்கான அம்சத்தை புதிதாகக் கேட்பதாக உச்ச நீதிமன்றம் தெரிவிக்கிறது.

மார்ச் 27: உச்ச நீதிமன்றம் அவர்களின் மேல்முறையீடுகள் மீதான தீர்ப்பை ஒத்தி வைக்கிறது.

மே 5: நான்கு குற்றவாளிகளுக்கு மரண தண்டனையை உறுதியாகிறது. இந்த வழக்கு ‘அரிதான அபூர்வமான’ பிரிவின் கீழ் வருவதாகவும், இந்த குற்றம் “அதிர்ச்சியின் சுனாமி” எனவும் குறிப்பிடப்படுகிறது.

நவம்பர் 8: நான்கு குற்றவாளிகளில் ஒருவரான முகேஷ், தனக்கு விதிக்கப்பட்ட மரண தண்டனையை மறுபரிசீலனை செய்யச் சொல்லி உச்ச நீதிமன்றத்தை அணுகுகிறான்.

டிசம்பர் 12: முகேஷின் வேண்டுகோளை டெல்லி காவல்துறை எதிர்க்கிறது.

டிசம்பர் 15: குற்றவாளிகள் வினய் சர்மா மற்றும் பவன் குமார் குப்தா  தீர்ப்பை மறுஆய்வு செய்ய உச்ச நீதிமன்றத்தை நாடுகிறார்கள்.

மே 4, 2018: இரண்டு குற்றவாளிகளான வினய் சர்மா மற்றும் பவன் குப்தா ஆகியோரால் மறுஆய்வு மனு மீது உச்சநீதிமன்றம் கண்டனம் தெரிவிக்கிறது.

ஜூலை 9: மூன்று குற்றவாளிகளின் மறுஆய்வு மனுவை எஸ்சி தள்ளுபடி செய்தது.

பிப்ரவரி, 2019: நான்கு குற்றவாளிகளுக்கு மரண உத்தரவு பிறப்பிக்குமாறு, பாதிக்கப்பட்டவரின் பெற்றோர் டெல்லி நீதிமன்றத்தை நாடினர்.

டிசம்பர் 10, 2019: அக்‌ஷய் தனது மரண தண்டனையை மறுபரிசீலனை செய்யக் கோரி உச்சநீதிமன்றத்தை நாடினான்.

டிசம்பர் 13: மறுஆய்வு மனுவை எதிர்த்து உச்ச நீதிமன்றத்தை நாடுகிறார்கள் குற்றவாளிகள்.

டிசம்பர் 18: அக்‌ஷயின் மறுஆய்வு மனுவை உச்ச நீதிமன்றம் தள்ளுபடி செய்தது. 4 குற்றவாளிகளுக்கு மரண தண்டனை நிறைவேற்ற டெல்லி அரசு மரண உத்தரவு கோருகிறது. மீதமுள்ள சட்ட தீர்வுகளைப் பெற நோட்டீஸ் அனுப்ப டெல்லி, அதிகாரிகளுக்கு டெல்லி நீதிமன்றம் அறிவுறுத்துகிறது.

ஜனவரி 6, 2020: சாட்சிக்கு எதிராக பவனின் தந்தை எஃப்.ஐ.ஆர் கோரிய புகாரை டெல்லி நீதிமன்றம் தள்ளுபடி செய்தது.

ஜனவரி 7: 4 குற்றவாளிகளை ஜனவரி 22-ஆம் தேதி காலை 7 மணிக்கு திகார் சிறையில் தூக்கிலிட டெல்லி நீதிமன்றம் உத்தரவிட்டது.

மார்ச் 19: உச்சநீதிமன்றம், டெல்லி உயர் நீதிமன்றம் மற்றும் கீழ் நீதிமன்றம் மூன்று குற்றவாளிகளின் மனுவை நிராகரித்தன.

மார்ச் 20: குற்றவாளிகள் டெல்லியின் திஹார் சிறையில் அதிகாலை 5.30 மணிக்கு தூக்கிலிடப்பட்டனர்.

இந்தக் கட்டுரையை ஆங்கிலத்தில் படிக்க - Delhi Gang Rape Case Timeline

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்"